صفحة 1 من 4 123 ... الأخيرةالأخيرة
النتائج 1 إلى 10 من 32

الموضوع: البيتزا بالصور .. من مطبخ أنفـــال

  1. #1

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178

    Icon19 البيتزا بالصور .. من مطبخ أنفـــال

    بسم الله الرحمن الرحيم ..
    أحبائي زبائن قاعة المطبخ ..
    قامت الغالية أم أحمد قبل ذلك بطرح فكرة الطبخ بالخطوات و الصور ..
    و هذه محاولة مني لتطبيق البيتزا بالسوسيس .. من مطبخي بالصور ..
    إليكم المقادير :

    العجينة :
    3 كوب دقيق و ربع
    ربع كوب زيت نباتي ( قمت باستعمال زيت الذرة )
    4 ملاعق كبيرة حليب بودرة
    ملعقة صغيرة و نصف خميرة جافة نشطة
    ملعقة صغيرة ملح
    ملعقة كبيرة سكر
    حوالي كوب و ربع ماء دافيء للعجن ( ماء دافيء حوالي 45 درجة )

    الطريقة :
    تذاب الخميرة مع السكر في ربع كوب ماء دافي مع التغطية بورق الفويل لمدة عشر دقائق
    ثم تخلط المكونات الجافة و تضاف الخميرة و الزيت و الماء تدريجياً حسب حاجة العجينة ..
    نقوم بالعجن لمدة عشرة دقائق تقريباً ثم توضع العجينة في قدر مدهون بالزيت و تغطى بإحكام ثم توضع في مكان دافيء لتختمر لمدة ساعة واحدة فقط لازيادة و لا نقصان حتى لا يظهر طعم الخميرة في البيتزا .
    هذه صورة العجينة بعد تضاعف حجمها



    في خلال الساعة اللي بتخمر فيها العجينة .. نعمل الصلصة ..
    مقادير الصلصة :
    ملعقة زيت
    علبة صلصة
    2 ملعقة كبيرة خل
    ملعقة كبيرة سكر
    2 ملعقة كاتشاب
    ربع ملعقة صغيرة فلفل احمر ( شطة )
    نصف ملعقة ملح صغيرة
    ملعقة صغيرة اوريجانو ( زعتر أخضر مجفف )
    نصف ملعقة صغيرة صلصة صويا

    توضع المقادير كلها على النار و تقلب مع التخفيف بالماء .. و بس آدي الصلصة



    و في خلال الساعة برضه نكون جهزنا التوبنج بتاع البيتزا .. و هو كالتالي :
    مشروم ( فطر مقطع ) - بصل مقطع قطع صغيرة - فلفل أخضر مقطع - زيتون مقطع - سوسيس مطهي مسبقاً - جبنة موتزاريلا - طماطم
    و دي صورة جماعية للأخوة اللي فوق




    بعد ما الساعة تخلص ..
    نعجن العجينة بايدينا كدة و نقسمها لعدد الصواني اللي هنعمل عليها البيتزا .. العجينة دي هتكفي صينيتين كبار و صينية متوسطة ..
    نفرد العجينة على سطح مرشوش بالدقيق و نضبط السمك بتاعها .. انا مش باحب العجينة تبقى سميكة عموماً ..
    و بعدين هنا .. قطعتها عشان تيجي مقاس الصينية و ظبطت السمك بتاعها حوالي 3 مل ..



    و هنا ..دهنت الصينية زيت .. حطيت العجينة .. و حطيت الصلصة و التوبنج .. و دة كان شكلها قبل ماتدخل الفرن ..


    الفرن يكون متسخن قبلها بحوالي عشر دقايق على درجة حرارة عالية شوية .. 220 ..
    بتاخد تقريبا ثلث ساعة ف يالفرن .. و بتتحمر من فوق لمدة 5 دقايق ..
    و دة شكلها بعد ماطلعت و اتقطعت .. و بالهنا يا حبايب قلبي






  2. #2

    تاريخ التسجيل
    Feb 2007
    الدولة
    مصر
    العمر
    36
    المشاركات
    5,783

    الله الله الله عليكِ يا أنفال..

    بجد تجنني

    الصور و الطريقة كله على بعضه موضوع محصلش بجد بجد...

    أنا بحب البيتزا جداً جداً و بحب أعملها قوي...و أفتكس فيها بردو
    عارفة كمان لو عاوزاها تطلع عالية كده و تملى الصينية...كمية زيت زيتون صغيرة تفي بالغرض...أو تخلي الزيت اللي بتستعمليه كله زيت زيتون نقي بجد بيفرق قوي...أنا جربت القصة دي...

    أنفااااال تسلم ايدك حقيقي يا قمر...

    إحترامي و تقديري...




    و من يتهيب صعود الجبال..يعِش أبد الدهر بين الحفر

    "Sarah"


  3. #3

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178
    أهلا أهلا أهلا شعاع من نور الحبيبة
    منورة جداً ..
    أنا بحب أعمل البيتزا أيوة .. بس ساعات مش باكلها ..
    و في حاجات كتير ممكن أعملها و ابقى مش باكلها او ماليش تقل عليها يعني ..
    زيت الزيتون عمري ماجربته في عجن البيتزا .. مع ان واحدة قالت لي قبل كدة ..
    بس خفت اجازف ..
    عموما مادام كدة انا هجرب اعملها بزيت الزيتون ان شاء الله المرة الجاية ..
    بس مش فاهمة ..
    ايه علاقة زيت الزيتون بحجم العجينة ؟؟؟
    يعني لو عجنت بزيت زيتون العجينة هتبقى سميكة عن كدة ؟؟ و لا هيفرق في الطعم ؟؟
    اصلا البيتزا في رأيي المتواضع مش المفروض انها تكون سميكة .. و عشان كدة باحاول ارققها جدا ..
    ياريت بس تفسري لي زيت الزيتون عشان لما اجرب ابقى فاهمة هيحصل ايه
    حبي و احترامي و تقديري ..



  4. #4

    تاريخ التسجيل
    Sep 2005
    الدولة
    محافظة البحيرة
    العمر
    42
    المشاركات
    1,456
    أنفال الجميلة .. ازيك يا قمر؟؟
    انا عزماكي النهاردة علي بيتزا عندكم .
    اصل البيتزا طالعة تجنن
    شوفي يا ستي البيتزا من الحاجات المحببة اوي بالنسبة ليا و اتعودت اعملها لان اخواتي بيحبوها بس طريقتي مختلفة عن طريقتك شوية يعني باستخدم لبن سايب بدل اللبن البودرة و المية و بضطر استخدم جبنة رومي لان الموتزاريلا مش متوفرة اوي هنا و كمان بحط للعجينة بيضة او 2 , و مش بستخدم صلصة لان الصلصة متعبة و علي قد ما بقدر بتجنب استخدامها كمان يا سلام لو الفلفل حراق بتبقي تجنن. و فعلا زي مقولتي كل ما البيتزا كانت رقيقة كل مكان افضل بكتير.
    و بعدين بقي جريتو ريقي ..
    اشكرك علي البيتزا و الصور و الموضوع كله علي بعضه.
    خالص ودي
    فيها حاجة حلوة ... حاجة حلوة بينا
    حاجة كل مادا تزيد زيادة فيها إنة
    فيها نية صافية ... فيها حاجة دافية
    حاجة بتخليك تثبت فيها سنة سنة
    ام محمد

  5. #5

    تاريخ التسجيل
    Feb 2007
    الدولة
    Gأ®za, Al Jizah, Egypt, Egypt
    العمر
    35
    المشاركات
    14,105

    مصري هممممممممممم




    أنفال

    لالالالا

    لازم تعزمينى عندك انا ضعيفه جدا ادام البيتزا

    دى اكلتى المفضله

    لازم اجى عندك وتأكلهالى زى دى مليش دعوه


    هنام طول اليل احلم بيها ذنبى فى رقبتك



    انا عايزه اقلك انى انا كمان بعملها بنفس الطريقه


    وبتطلع خطيره جدا

    بس بعد الصوره الى شفتها

    اكتشفت انى الى كنت بعملها دى مش بيتزا

    ممكن تسميها (سد الحنك) دى اكله فى مصر بس مش عارفه عباره عن ايه

    بس سمعتها كده

    المهم والخلاصه

    لازم تعزمينى عليه

    لانى هتجنن على الصوره وممكن اعملك سوبر مان وطير من الشاشه

    هههههههههههههههههه

    الف هنا وشفا حبيبتى وبجد عرض جميل

    تقبلى تحياتى

    مملكه الحب


    وقعت في خلق شيكا بيكا

    يشوفو الصح دايماً عيب

    لا يمكن أبقى أنتيكا !!!

    وأبيع أفكاري في الكراكيب .

    هايدى دياب



  6. #6

    تاريخ التسجيل
    Mar 2007
    الدولة
    في ارض الله
    المشاركات
    3,637
    حررررررررررررررررررررام علكي جوعتيني جدااااااااااااااااااااااااااااا
    تسلم ايدك وصورك
    بس انا عايزها في بوق
    هههههههههههههههههههههه
    شكرا بالف هنا
    ليس سرابا!!!!!!!!!!

  7. #7

    تاريخ التسجيل
    Jan 2008
    الدولة
    مصر
    المشاركات
    41
    لأ إنتي هايلة بجد ياأنفال
    جميـــــــــــــــــــــــــلة جدا ..تسلـم إيدك
    وياريت لو في طرق تانية غير بالسويس تقوليلنا عليها برده

  8. #8

    تاريخ التسجيل
    Aug 2005
    الدولة
    مصــر
    العمر
    36
    المشاركات
    7,421
    الغاليه انفال
    ايه الحاجات الحلوه دى

    تسلم الأيادى

    وَلـَنْ ينجبَ الزَّيفُ إلا الدَّجَلْ !

  9. #9

    تاريخ التسجيل
    Apr 2008
    الدولة
    مكه
    العمر
    34
    المشاركات
    7
    واااااااااااااااااااااااااااااااااااو


    مرسي الله يعطيك العافيه حبيبتي وتسلم ايدينك والله لايحرمنا منا جديد
    بحبك يامصر برغم اللى بيقولوه عنك

    بحبك يامصر مع انهم عاوزين يبعدونى عنك

    بحبك يامصر وبحب كل اللى يحبك

    بحب هرمك وبحب نيلك ، بحب قمرك وبسهر احكى ويا ليلك

    بحب شعبك وبدوب فى ارضك ، بموت فى جوك اللى ملوش مثيل فى

  10. #10

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178
    اقتباس المشاركة الأصلية كتبت بواسطة أم الشهيد مشاهدة المشاركة
    أنفال الجميلة .. ازيك يا قمر؟؟
    انا عزماكي النهاردة علي بيتزا عندكم .
    اصل البيتزا طالعة تجنن
    شوفي يا ستي البيتزا من الحاجات المحببة اوي بالنسبة ليا و اتعودت اعملها لان اخواتي بيحبوها بس طريقتي مختلفة عن طريقتك شوية يعني باستخدم لبن سايب بدل اللبن البودرة و المية و بضطر استخدم جبنة رومي لان الموتزاريلا مش متوفرة اوي هنا و كمان بحط للعجينة بيضة او 2 , و مش بستخدم صلصة لان الصلصة متعبة و علي قد ما بقدر بتجنب استخدامها كمان يا سلام لو الفلفل حراق بتبقي تجنن. و فعلا زي مقولتي كل ما البيتزا كانت رقيقة كل مكان افضل بكتير.
    و بعدين بقي جريتو ريقي ..
    اشكرك علي البيتزا و الصور و الموضوع كله علي بعضه.
    خالص ودي
    أم الشهيد الغالية ..
    طبعاً تشرفي و تنوري و معزومة و تؤمريني و الله
    يتزا من غير صلصة .. عمري ما جربت أعملها كدة ..
    و فعلا البيتزا الرقيقة بتبقى ألذ و أطعم ..
    نورتيني بجد ..




    اقتباس المشاركة الأصلية كتبت بواسطة مملكه الحب مشاهدة المشاركة



    أنفال

    لالالالا

    لازم تعزمينى عندك انا ضعيفه جدا ادام البيتزا

    دى اكلتى المفضله

    لازم اجى عندك وتأكلهالى زى دى مليش دعوه


    هنام طول اليل احلم بيها ذنبى فى رقبتك



    انا عايزه اقلك انى انا كمان بعملها بنفس الطريقه


    وبتطلع خطيره جدا

    بس بعد الصوره الى شفتها

    اكتشفت انى الى كنت بعملها دى مش بيتزا

    ممكن تسميها (سد الحنك) دى اكله فى مصر بس مش عارفه عباره عن ايه

    بس سمعتها كده

    المهم والخلاصه

    لازم تعزمينى عليه

    لانى هتجنن على الصوره وممكن اعملك سوبر مان وطير من الشاشه

    هههههههههههههههههه

    الف هنا وشفا حبيبتى وبجد عرض جميل

    تقبلى تحياتى

    مملكه الحب


    تعالي بس و اعملك أحلى منها ..
    البيتزا عشان تطلع بيتزا على فكرة بتبقى محتاجة وقت و تجارب
    فأكيد أكيد مادام بتعرفي تعمليها هتوصلي لمرحلة الاحتراف قريباً ..
    بس بلاش تطيري من الشاشة عشان اشاشة بفلوس ..
    نورتي يا حبيبتي ..


    اقتباس المشاركة الأصلية كتبت بواسطة زهره مشاهدة المشاركة
    حررررررررررررررررررررام علكي جوعتيني جدااااااااااااااااااااااااااااا
    تسلم ايدك وصورك
    بس انا عايزها في بوق
    هههههههههههههههههههههه
    شكرا بالف هنا
    الله يخليكي يا زهره ..
    شكراً يا ستي على الرد اللذيذ دة ..
    تعالي خدي حتة



    اقتباس المشاركة الأصلية كتبت بواسطة نووونا مشاهدة المشاركة
    لأ إنتي هايلة بجد ياأنفال
    جميـــــــــــــــــــــــــلة جدا ..تسلـم إيدك
    وياريت لو في طرق تانية غير بالسويس تقوليلنا عليها برده
    نووونا ..
    البيتزا مشكلتها في العجينة بس
    لكن التوبنج بقى ممكن تنوعي فيه ..
    يعني ممكن مرة سوسيس .. ممكن مرة لحمة مفرومة و خضار مشكل ..
    ممكن تحطي سلامي و جبنة تشيدر و انواع جبن تانية ..
    ممكن تعملي شاورما فراخ بدل السوسيس ..
    ممكن أنشوجة .. و تونة .. بس عندنا في البيت محدش بيرضى ياكلها كدة ..
    ممكن جمبري .. تسويه الأول جوة الصلصة بتاعت البيتزا ..و بعدين تحطيه و تحطي الجبنة و البصل و كدة ..
    يعني أفكارها كتير ..
    نورتي يا حبيبتي ..


    اقتباس المشاركة الأصلية كتبت بواسطة nariman3230 مشاهدة المشاركة
    الغاليه انفال
    ايه الحاجات الحلوه دى

    تسلم الأيادى
    ناريمان
    بجب اسمك جدا جدا ..
    مانتي بتيجي المطبخ أهو ..
    شكرا على الزيارة .. و ربنا يخليكي يا رب
    و تسلم ايديكي انتي كمان ..



    اقتباس المشاركة الأصلية كتبت بواسطة ابوي عزي بالدني مشاهدة المشاركة
    واااااااااااااااااااااااااااااااااااو


    مرسي الله يعطيك العافيه حبيبتي وتسلم ايدينك والله لايحرمنا منا جديد
    مرحباً بك يا حبيبتي ..
    و شكرا على ردك الحلو جدا دة ..
    مرحبا بك في المنتدى ..
    و باذن الله سأضع لكم صور طبخات أخرى كلما سنحت الفرصة ..

صفحة 1 من 4 123 ... الأخيرةالأخيرة

المواضيع المتشابهه

  1. لازانيا .. من مطبخ أنفــــال .. بالصور
    بواسطة أنفـــــال في المنتدى المطبخ
    مشاركات: 12
    آخر مشاركة: 13-08-2010, 11:38 AM
  2. تشيز كيك بالصور .. من مطبخ أنفــــال
    بواسطة أنفـــــال في المنتدى المطبخ
    مشاركات: 21
    آخر مشاركة: 25-09-2008, 11:00 PM
  3. أم علي بالصور .. من مطبخ أنفــــال
    بواسطة أنفـــــال في المنتدى المطبخ
    مشاركات: 15
    آخر مشاركة: 06-09-2008, 10:20 PM
  4. البيتزا الملفوفة
    بواسطة aynad في المنتدى المطبخ
    مشاركات: 24
    آخر مشاركة: 26-04-2007, 04:44 PM
  5. البيتزا السريعة قوي
    بواسطة te3mah في المنتدى المطبخ
    مشاركات: 11
    آخر مشاركة: 01-08-2005, 10:07 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •