يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 2 12 الأخيرةالأخيرة
النتائج 1 إلى 10 من 20

الموضوع: اتبرع بالرز - Free Rice

  1. #1

    تاريخ التسجيل
    Jan 2005
    الدولة
    الاسكندرية
    المشاركات
    6,559

    اتبرع بالرز - Free Rice

    النهاردة لاقيت موقع جميل جدا
    تقدر فيه تتعلم... وكمان تساهم في اطعام الجوعى

    الموقع اسمه



    الموقع فكرته بسيطة جدا
    حيدي لك كلمة بالانجليزي... وعليك تختار مرادف لها من ضمن أربع مرادفات... كده مثلا:



    لو أول مرة تشوف الكلمة ممكن تدوس على السماعة اللي بجانبها عشان تسمعها

    الموقوع الأول بيحط لك كلمات سهلة على صعبة لحدد ما يحدد مستواك في الانجليزي... بعدها يحط لك كلمات تتناسب مع مستواك
    في 55 مستوى

    لو جاوبت مرة على كلمة غلط ماتقلقش... اللعبة حتستمر
    والكلمة اللي جاوبت عليها غلط مصيرها تتعاد ت تاني وتقدر تجاوب عليها صح
    طبعا بالشكل ده الواحد بيزود المفردات اللي عارفها بالانجليزي ويعلي مستواه
    يعني الموقع تعليمي جميل وبسيط جدا
    غير ان فيه آلاف المفردات الانجليزية... وكل يوم عددها بيزيد

    نيجي بقى لجزء التبرع
    ببساطة... كل ما تجاوب على سؤال اجابة صحيحة
    الموقع حيتبرع بعشرين حبة رز الى

    برنامج الأغذية العالمي التابع للأمم المتحدة

    United Nations World Food Programme

    وحيوريك انت اتبرعت بقد ايه طول مانت بتلعب







    على فكرة... ماتستقللش عشرين حبة رز للكلمة الواحدة
    معنى كده انك لو عرفت خمس كلمات صح... حيبقوا 100
    ولو عرفت عشرة... حيبقوا 200

    ولو انت وأنا وكل واحد فينا شارك... تخيل حيوصلوا لكام

    امبارح بس وصل عدد حبات الرز المتبرع بها ل 87 مليون تقريبا
    شوف دول يعملوا كام كيلو



    جدير بالذكر ان في أكتر من راعي للموقع وهم دول اللي بيدفعوا ثمن الرز


    اتفضلوا...
    اتسلوا
    واتعلموا
    وساهموا
    من هنا

    http://www.freerice.com/

    أنا امبارح اتبرعت ب 600 حباية رز
    ورينا حتتبرع بكام

    على فكرة... اجابة المثال اللي فوق...

    insomnia

    مرادفها

    sleeplessness

    يلا واحدة ببلاش أهوه ان شاء الله ما حد حوش

    "Be the change that you wish to see in the world"
    Mahatma Gandhi —

  2. #2

    تاريخ التسجيل
    Feb 2004
    الدولة
    على سطح الأرض
    العمر
    38
    المشاركات
    6,178
    شكرا على الموقع دة يا حنان
    شكرا جدا ..
    انا بحب الحاجات دي اوي

  3. #3

    تاريخ التسجيل
    Dec 2004
    الدولة
    USA
    المشاركات
    5,090
    وسعوا للمتبرعة الكبرى
    انا اتبرعت ب800 حباية رز في وقت قياسي هههههه

    شكرا ياحنان على الموضوع

    من أمن العقوبة أساء الأدب ...


  4. #4

    تاريخ التسجيل
    Feb 2007
    الدولة
    SomeWhereNtheAiR
    المشاركات
    1,753
    انا اتبرعت ب 1960 حباية


    شكرا يا حنان على الموقع
    تسلم ايدك
    X

  5. #5

    تاريخ التسجيل
    Jan 2005
    الدولة
    الاسكندرية
    المشاركات
    6,559
    أنفال... أنا كمان بعشق النوعية دي من المواقع.
    العفو وتسلمي لي على المرور

    أوشا... مش عارفه 800 ايه اللي انتي فرحانة بيهم دول
    أنا عارفه اني مش حخلص عشان جبتي أكتر مني بس يلا مرة من نفسك تغلبيني في حاجة
    منورة الموضوع يا أم محمد... قولي لمحمد ونهال عليه

    مصراوية... 1960 مرة واحدة! ما شاء الله
    قولي لرشا والنبي عشان فرحانة بال 800 بتاعتها... تعالي شوفي يا رشا
    متشكرة قوي على المرور يا مصراوية

    "Be the change that you wish to see in the world"
    Mahatma Gandhi —

  6. #6

    تاريخ التسجيل
    May 2005
    الدولة
    الجسد فى الكويت و الروح فى مصر
    المشاركات
    7,931
    انا بقى اتبرعت ب 740 حبة رز و بصراحة بعد كده زهقت
    مع انى كنت ناوى اتبرع بحلة كشرى بالصلصة بتاعتها..هههههههه

    شكرا يا د. حنان على الموقع الجميل





  7. #7

    تاريخ التسجيل
    Jan 2005
    الدولة
    الاسكندرية
    المشاركات
    6,559
    أهلا يا دكتور عصام...
    حلة كشري مرة واحدة؟
    بس والله فكرة المفروض يضيفوا كمان قسم للتبرع بالعدس أبو جبة... عشان يبقى على الأقل موفرين الكربوهيدرات والبروتين في وقت واحد... أنا شايفه انك تقترح عليهم الاقتراح ده!
    شكرا على المرور يا دكتور عصام

    "Be the change that you wish to see in the world"
    Mahatma Gandhi —

  8. #8

    تاريخ التسجيل
    Feb 2007
    الدولة
    مصر
    العمر
    27
    المشاركات
    2,411
    حنان
    موضوع جميل اوي ..
    و افتكرت به موضوع كان عمله حمادو قبل كده انه في طفل بيموت كل 3 ثواني من الفقر..
    ففكرة جميلة اوي اوي ..
    اتبرعت بـ 1500 حباية رز ..
    مع خالص حبي و تقديري ..
    مدونتي: ريميات

  9. #9

    تاريخ التسجيل
    Jan 2005
    الدولة
    الاسكندرية
    المشاركات
    6,559
    ريم...
    1500 حبة أول مرة دي حاجة كويسة قوي
    الفكرة فعلا عشان من ناحية بتخليكي تتسلي وتتعلمي ومن ناحية بتعملي حاجة كويسة... يعني
    its a win - win situation
    نورتي الموضوع يا ريم

    "Be the change that you wish to see in the world"
    Mahatma Gandhi —

  10. #10

    تاريخ التسجيل
    Apr 2002
    الدولة
    القاهرة
    العمر
    40
    المشاركات
    25,547
    للآسف حنان أنا متبرعتش بأي حبايه

    تقريبا مصر وقفت تصدير الرز

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

صفحة 1 من 2 12 الأخيرةالأخيرة

المواضيع المتشابهه

  1. [موبيل] C-sms free
    بواسطة حور العيين في المنتدى قاعة الموبايل والستالايت
    مشاركات: 0
    آخر مشاركة: 19-04-2011, 06:48 AM
  2. C-sms free
    بواسطة سهالوسى في المنتدى قاعة الكمبيوتر والبرامج
    مشاركات: 0
    آخر مشاركة: 22-03-2011, 08:22 AM
  3. [موبيل] C-sms free
    بواسطة نونااالدلوعة في المنتدى قاعة الموبايل والستالايت
    مشاركات: 0
    آخر مشاركة: 02-03-2011, 07:13 AM
  4. اتبرع لا لا انا خايف
    بواسطة Dr_pharma في المنتدى قاعة الصحة
    مشاركات: 2
    آخر مشاركة: 04-03-2007, 12:42 PM
  5. دجاج بالرز وصوص الكاري
    بواسطة osha في المنتدى المطبخ
    مشاركات: 6
    آخر مشاركة: 04-01-2005, 09:40 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك