صفحة 1 من 3 123 الأخيرةالأخيرة
النتائج 1 إلى 10 من 28

الموضوع: طبق الاسبوع ...مين هيشارك معانا مين

  1. #1

    تاريخ التسجيل
    Apr 2005
    الدولة
    -------
    المشاركات
    8,676

    Icon23 طبق الاسبوع ...مين هيشارك معانا مين

    بسم الله الرحمن الرحيم


    للطبخ فنون واصول
    وفي اللي هيطبخ بط
    وفي اللي هيطبخ لنا لحوم
    وفي كمان بامية
    ورز بالشعرية
    مع احلي طبق ملوخية
    وطبقنا اليوم من ايدين الاعضاء
    وشيفنا ممكن يكون نون
    وممكن يكون راء
    فالكل في الطبخ سواء
    اوعي حد يعترض ويقول لاء
    يلا يا جماعة الكل يقف في الدور
    وما تستعجلوش كله هيجي عليه الدور
    عشان يقدم لنا اشهي الاطباق
    في مطبخ ابناء مصر الذواق
    وتملأ رائحة الطبيخ جميع الاجواء






    وعودة مرة اخري الي فكرة
    مشاركة الاعضاء
    في المطبخ من جديد
    بتقديم وجبات او اطباق جديدة
    مدعمة بالصور والخطوات



    الفكرة ببساطة للي مش معانا من زمان
    اننا نقدم كل اسبوع طبق جديد
    وما شاء الله المنتدي فيه جنسيات مختلفة
    اكيد هيكون في تنوع في تقديم اطباق مختفلة
    و ان شاء الله سوف نستمتع بكل ما هو جميل وجديد




    ويلا بسرعة عاوزين نشوف اول شيف معانا
    ويا سلام بقي لو تفنن الجميع في اختيار اشهي والذ الاطباق
    و تقديم وجبات من دول مختلفة
    يلا مين هيشارك معانا مين
    يجي ويقول لنا انه ناوي يعزمنا
    علي اشهي طبق من ايده



    لكم مني جميعا كل التحية والتقدير
    التعديل الأخير تم بواسطة أم أحمد ; 26-03-2008 الساعة 10:55 PM

  2. #2

    تاريخ التسجيل
    Aug 2006
    الدولة
    Iraq
    العمر
    32
    المشاركات
    7,354
    السلام عليكم...
    هلا هلا بالافكار الجميلة ياقمر ...
    تسجيل حضوووووووووووووور بالملعقة وجاية تاني آآآآآآكل
    فكرة جميلة ياسمسمة راجعلك تاني ..

  3. #3
    Tournaments Won: 1

    تاريخ التسجيل
    Oct 2007
    الدولة
    مصــ أم الدنيا ـــر
    المشاركات
    3,270

    واثق

    لو عايزين اى حد ذواقة عشان يختبر الأكل أنا موجود


    وشكرا يا ام احمد على الفكرة ..

    يلا اطبخوا بسرعة عشان انا جعان >>>> ما اعرفش اى حاجة فى الطبيخ صراحة

    يلا عايزين نشوف اطباق اشكال وألوان بقى
    التعديل الأخير تم بواسطة أهلاوى شديد ; 27-03-2008 الساعة 01:02 AM

  4. #4

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178
    كنت بفكر في موضوع الطبخ بالخطوات دة
    اصل انا باكسل اوي
    تسلم ايديكي يا غاليتي .

  5. #5

    تاريخ التسجيل
    Feb 2007
    الدولة
    داخل قلب أحبتــي
    المشاركات
    2,643

    دجاج سريع بطريقة كنتاكي

    اختي الغاليه اوي ام احمد
    فكره جميله وظريفه واكيد الكل هيستفيد
    منها ياغالية
    سلمتي ياحبيبتي عليها

    واسمحيلي ياغاليه ابتدي بطبق الاسبوع
    هو كان ابتكاري ومعرفش مين غشه ونشره عالنت
    هههههههههه
    هو عباره عن دجاج على طريقة كنتاكي بس
    طريقة مبتكره وسريعه وممكن اي حد يعملها
    وعماله احاول احط الصوره الخاصه بالاكله بصراحه
    باءت كل محاولاتي بالفشل ما عرفش العيب في جهازي ولا منين بالظبط
    عموما هقول الطريقه كده وعوضي على الله
    دجاج على طريقة كنتاكي السريعه
    المقادير:
    دجاجه تزن كيلو ونصف
    منظفه بالطريقة المعتاده
    منزوعة الجلد ومقطعه لى 8 قطع
    ربع ملعقة فلفل اسود
    ربع ملعقة بهارات مشكله
    بصله مفريه
    2 فص ثوم كبير انا بستخدم الصيني الكبير الحجم
    حبة فلفل رومي
    حبةفلفل حامي حسب الرغبه
    ملح
    خلطة اسبايسي اوفيجيتار البارده او الحاره حسب الرغبه
    بيضه زائد ربع كوب حليب
    2 ملعقه كبيره دقيق
    زيت للتحمير
    الطريقة:
    1- توضع الدجاجه المقطعه في وعاء
    2- يضاف اليها البصل والثوم والفلفل الاسود والبهار والملح والفلفل الرومي
    3- يضاف اليها كوبان من الماء
    4- ترفع على نار متوسطة لمدة نصف ساعه
    5- ترفع الدجاجه من النار وتنشل من الماء الذي نضجت به
    ثم تترك على جنب حتى تبرد
    6- نضيف البيضه الى فنجان الحليب ونقلبهم جيدا
    مع رشة خفيفه من الفلفل الاسود
    7- نضيف البيضه المضروبه مع الحليب الى الدجاجه
    ثم تقلب بهم جيدا
    8- نخلط ملعقتي الدقبق مع باكو خلطة الاسبايسي اة الفيجيتار
    ثم نغطي بها قطع الدجاج
    9- يسخن الزيت جيدا ونقوم بتحمير قطع الدجاج حتى يصبح
    لونها ذهبي فاتح ثم نقوم باءنتشالها
    على الورق الخاص باءمتصاص الزيت
    وتقدم ساخنه مع البطاطس المقلية واو المعكرونه
    وطبعا طبق السلطه حسب الرغبه
    وعلى فكره ممكن نجهز الدجاج بنفس الطريقه
    وبكميه كبيره ونقوم بتغليفه بالدقيق والخلطة السابقه
    ووضعه بالفريرز لحين الاستعمال مثلا يوم مش قادرين نطبخ
    اوراجعين من الخارج تعبانين او جالنا ضيف فجأه على العشاء
    يادوب هنطلعه من الفريزر ونحمره مش هياخد مننا
    وقت اكتر من 10 دقائق الى ربع ساعه
    ارجو الطبق يحوز اعجابكم جميعا
    وشكرا ليكي ياغاليه
    التعديل الأخير تم بواسطة عزة نفس ; 27-03-2008 الساعة 08:47 AM

  6. #6

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة زهراااااء مشاهدة المشاركة
    السلام عليكم...
    هلا هلا بالافكار الجميلة ياقمر ...
    تسجيل حضوووووووووووووور بالملعقة وجاية تاني آآآآآآكل
    فكرة جميلة ياسمسمة راجعلك تاني ..
    صباح الفل يا قمراية
    منورة يا زوزو
    مستنية ترجعي يا حبيبة قلبي
    وعارفة انك هتقدمي لنا وصفات تجنن من ايديكي الحلوة

  7. #7

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة أهلاوى شديد مشاهدة المشاركة
    لو عايزين اى حد ذواقة عشان يختبر الأكل أنا موجود



    وشكرا يا ام احمد على الفكرة ..

    يلا اطبخوا بسرعة عشان انا جعان >>>> ما اعرفش اى حاجة فى الطبيخ صراحة


    يلا عايزين نشوف اطباق اشكال وألوان بقى
    الاخ الفاضل اهلاوي
    ايه ده بقي انت جاي ذواق بس
    لا لا يا فندم الكلام ده ما ينفعناش
    لازم وحتما ولابد تشارك معانا باي طريقة اكل
    حتي لو كوباية شاي
    مستنية مشاركاتك ان شاء الله قريب
    تحياتي

  8. #8
    Tournaments Won: 1

    تاريخ التسجيل
    Oct 2007
    الدولة
    مصــ أم الدنيا ـــر
    المشاركات
    3,270

    أوكي طباخ بريمو

    اقتباس المشاركة الأصلية كتبت بواسطة أم أحمد مشاهدة المشاركة
    الاخ الفاضل اهلاوي
    ايه ده بقي انت جاي ذواق بس
    لا لا يا فندم الكلام ده ما ينفعناش
    لازم وحتما ولابد تشارك معانا باي طريقة اكل
    حتي لو كوباية شاي
    مستنية مشاركاتك ان شاء الله قريب
    تحياتي

    ياسلااااااااااااااام


    بس كده ..


    من عنيا ...



    طريقة عمل كوباية شاى معتبرة بطريقة جهنمية مية مية ...



    أولاً : أحضر باكو شاى العروسة فتلة أو من غير المهم أن يكون لونه بنى داكن وليس بنفسى أورانج ..

    ثانى شىء : نحضر براد شاى سعة كوباية أو اثنين ( خطوة إختيارية وحسب الطلب )

    3- إحضار عود كبريت أو ولاعة .. على حسب المتوافر فى وقت الإعداد ( ولابد أن تحفظ بعيداً عن متناول أيدى الأطفال )

    4- كيس سكر أو شوية عسل أو حتى عود قصب المهم شىء سكرى عشان نحلى بيها الشاى (ويفضل إهمال هذه الخطوة لمن يشعرون بتسوس )

    5- معلقة صغيرة أو كبيرة أو حتى مغرفة للتقليب .. وتفضل أن تكون من النوع الجميل لان ذلك يفتح النفس على شرب الشاى ...

    6- إحضار ماء سواء فى إزازة أو كوباية او حتى سلطانية ... الأهم أن تكون مرت على 20 فلتر على الأقل لكى نضمن أن تلوثها على الحد المصرح به بوازرة الصحة


    طريقة العمل ...

    هناك طريقتين ..

    إما كشرى (وليس الكشرى ابو دقة وشطة !!!)

    وإما مغلى ..


    عن الكشرى ... نضع البراد على النار وبداخله الماء ثم نشعل البوتاجاز أو الباجور بعود الثقاب وإن طفىء عود الثقاب فلنعاود المحاولة مرة أخرى !! وعندما ننجح فى إشعال الموقد المستخدم فى هذه العملية الحساسة نترك البراد من 3 الى 5 دقائق على النار حتى تغلى المياه ونسمع صوت (بقللة) وغليان للمياه ... عندما سنكون قمنا بتحضير الشاى والسكر فى كوباية منفضلة ونضع الماء المغلى على هذا المزيج الغريب وإن شاء الله تطلع معاك كوباية شاى زى الفل ومش تطلع سحلب او كاكاو ..

    وألف هنا وشفا

    وادعولى ..

    وإن شاء الله فى الحلقات القادمة ... إنتظروا خطط عمل الشاى المغلى ..

    ومفاجأة الموسم ..

    مع أهلاوى فقط ..

    طريقة تحضير الشاى المقلى بدون إستخدام الزيت !!!! نعم بدون إستخدام الزيت ...

    معانا مش هتقدروا تغمضوا عنيكم ...



    لأنكم هتكونوا فى المستشفى


    >>>> أنا قولت ما اعرفش اعمل حاجة محدش مصدقنى


    شوفتى يا أم أحمد ...

    عشان تصدقينى بس ..

    أنا والدتى زى حضرتك تمام هى المصدر الرئيسى ليا فى حكاية الاكل والشرب ديه من غيرها أموت من الجوع والله


    والف شكر على الموضوع الجميل ده .. وتسلم ايدك


    ومتابع بشغف ..

    بس مش شوفت وصفات كتير ؟؟

    هو أنتوا هتموتونا من الجوع ولا ايه

    على العموم أنا هستلف من أختنا عزة نفس طبق لو ماكنش عندها اى مانع عقبال ما نشوف الأطباق الجديدة <<<< دبستها


    يلا يا أهل المنتدى ... يا محترفى الطبخ ... نحتاج مشاركتكم قبل تعاطفكم

    منتظر الوصفات من الجميع إن شاء الله

    وشكراً


  9. #9

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة أنفـــــال مشاهدة المشاركة
    كنت بفكر في موضوع الطبخ بالخطوات دة
    اصل انا باكسل اوي
    تسلم ايديكي يا غاليتي .
    اهلا بيكي حبيبة قلبي
    كلنا بنكسل اوي ودي المشكلة
    بس لازم نطبخ في الاخر
    هنعمل ايه يا قمر بس
    كلنا لها
    هههههه

  10. #10

    تاريخ التسجيل
    Feb 2007
    الدولة
    الدقهلية
    المشاركات
    974
    الغالية ** ام احمد

    سلمتى وسلمت افكارك

    كان عندى مشاكل فى النت والجهاز خلصت وان شاء الله لى عودة لفكرتك الجميلة

    بورك لك وفيكى

صفحة 1 من 3 123 الأخيرةالأخيرة

المواضيع المتشابهه

  1. بنك دم ابناء مصر ....... شارك معانا
    بواسطة عمرو صالح في المنتدى قاعة المناقشات
    مشاركات: 122
    آخر مشاركة: 21-11-2011, 10:52 AM
  2. مين هيشارك معانا في دورة تحفيظ القران؟؟...............
    بواسطة Shorok ElfaGr في المنتدى لقاءات في حب الله
    مشاركات: 15
    آخر مشاركة: 04-07-2009, 12:56 AM
  3. حاجات بتحصل معانا
    بواسطة khaled4 في المنتدى قاعة فك التكشيرة
    مشاركات: 3
    آخر مشاركة: 29-08-2006, 10:20 PM
  4. هوت دوج .........إتفضل معانا .........
    بواسطة سي صابر في المنتدى قاعة الصور والأعمال الفنية التصويرية
    مشاركات: 2
    آخر مشاركة: 20-06-2003, 05:49 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •