يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

النتائج 1 إلى 10 من 10

الموضوع: اخر قصة لرجل المستحيل اوعى تفوتكوااااااااااااااا (مين الي خطف محسن)

  1. #1

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318

    اخر قصة لرجل المستحيل اوعى تفوتكوااااااااااااااا (مين الي خطف محسن)

    رجل المستحيل
    أدهم صبرى ضابط مخابرات مصرى جامد، داخل ع الستين من عمره، يرمز له بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
    لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل

    المغامرة رقم 65468
    اختطاف محسن
    ازاى الكلام ده؟؟

    جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم ( لمزيد من التفاصيل راجع العدد السابق65467 الجزء التاسع من المغامرة بعنوان'قال عايزين يخطفوا محسن ') وبعد قليل طرق أدهم الباب فأذن له بالدخول واستنشق بعض الأكسجين من الهواء فالإنسان لابد أن يستنشق الأكسجين حقيقة علميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
    يغضب أدهم ويقول يبقى جه الوقت اللى هاقدر آخد ابنى الرضيع منها ، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديد ا .. يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات .. يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة .. أخذ أدهم التذاكر وهو ينظر إليه جامد
    جامد
    جامد
    جامد
    ************
    !! ينفع كده؟
    هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
    وفقد أدهم الوعى أمام عدوه اللدود
    الفظيع
    الشنيع
    المريع
    ************
    والله ما يحصل
    أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا !! يتمتم أدهم ياللنسااااء
    ويسألها : ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
    تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
    أدهم بفضول :يعنى بجد والله الحكومة مالهاش ذنب؟
    ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب
    غلباوى
    غلباوى
    غلباوى
    ************
    ما تلمى نفسك بقى
    قطع أدهم قيوده فجأة وماتسألش ازاى ( آه نسينا نقول فى المقدمة انه يجيد التخلص من كل القيود فى الدنيا )وصفع سونيا جامد يعنى ولكن الحارس جه من وراه وضربه ولكن منى (اللى أصلا عندها كام وخمسين سنة ) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال لها تتجوزينى؟؟ ترد منى فى حياء : ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى
    وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ : زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد الكلب
    ..
    الكلب
    .. الكلب
    .. الكلب

    انتهى الجزء التاسع
    العدد القادم
    ( لسة خاطفين محسن)

    كيف يخرج أدهم ورفاقه من بيت الحاج بيومى؟
    كيف يستطيع أدهم بعد كل هذه الصعاب أن يحصل على كوز مية عشان يشرب ؟
    هل يستطيع أدهم أن يحرر محسن ابن الحاج بيومى وللا هيسيبه يتحرق؟

    هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟
    سيب اللى ف إيدك .. وقاتل بإيدك ورجلك وكبدك مع رجل المستحيل

  2. #2

    تاريخ التسجيل
    Sep 2007
    الدولة
    ياريتنى في ميدان الشهداء
    العمر
    55
    المشاركات
    4,760
    يااااااااااااااااااااااااه

    لسه هنستنى القرن اللى جاى

    هههههههههههههههههههههههه

    حلوووووووووووووووووووووة

    بس مين المخرج

    فكرتنى بالمغامرين التسعة

    صباحوا فل

    و قالت جدتي



    مصر أمى التى أغار عليها

  3. #3

    تاريخ التسجيل
    Mar 2008
    الدولة
    اسكندريه عروسة البحر
    العمر
    31
    المشاركات
    2
    اسلوبك حلو ومضحك

  4. #4

    تاريخ التسجيل
    Feb 2008
    الدولة
    cairo
    المشاركات
    862
    ايه الحلاوه دى

    لا ثااااااااااطر

  5. #5

    تاريخ التسجيل
    Oct 2007
    الدولة
    مصــ أم الدنيا ـــر
    المشاركات
    3,270

    إبتسامة عريضة

    هههههههههههههههههههههههههههههههههههههههههههههههه

    منتظرين محسن وابن الحاج محسن واخو عم محسن

    خيالك واسع اوى ياعمونا ههههههههههههههههههههه

    بس انت حشيت القصة كلمتين تمام ششششششششششششششش محدش يقول


    شكرا يا غالى ومنتظرين الاجزاء الجاية

  6. #6

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318
    السلام عليكم
    انا اسف يا جماعة
    نسيت اقول انه منقووووووووووووول

  7. #7

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318
    اقتباس المشاركة الأصلية كتبت بواسطة the_chemist مشاهدة المشاركة
    يااااااااااااااااااااااااه

    لسه هنستنى القرن اللى جاى

    هههههههههههههههههههههههه

    حلوووووووووووووووووووووة

    بس مين المخرج

    فكرتنى بالمغامرين التسعة

    صباحوا فل

    شكرا ليك يا كيميائي يا جميل واستني يا بني هو عيب هتلاقي احفادي ان شاء الله بيكملوا المسيرة من ورايا

  8. #8

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318
    اقتباس المشاركة الأصلية كتبت بواسطة حنين مصر مشاهدة المشاركة
    ايه الحلاوه دى

    لا ثااااااااااطر
    الله يكرمك يا حنين
    الثطارة ثطارتك و ثطارة الي الفها

  9. #9

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318
    اقتباس المشاركة الأصلية كتبت بواسطة الحب للبيع مشاهدة المشاركة
    اسلوبك حلو ومضحك
    شكرا ليكي عى الاطراء الجميل بس انا نسيت اكتب اني ناقلها من الميل
    شكرا لردك واتمني انك تسعدي بينا و وسطنا و عايزين نشوف مشاركاتك

  10. #10

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318
    اقتباس المشاركة الأصلية كتبت بواسطة أهلاوى شديد مشاهدة المشاركة
    هههههههههههههههههههههههههههههههههههههههههههههههه

    منتظرين محسن وابن الحاج محسن واخو عم محسن

    خيالك واسع اوى ياعمونا ههههههههههههههههههههه

    بس انت حشيت القصة كلمتين تمام ششششششششششششششش محدش يقول


    شكرا يا غالى ومنتظرين الاجزاء الجاية
    السلام عليكم يعم الاهلاوي
    مبروك للاهلي
    وشكرا ليك يا باشا اي خدمة

    و يخرب بيت نحيت و عيلته دي الي عاملة قلق
    شكرا ليك

المواضيع المتشابهه

  1. اوعى تبلغ الشرطة + اوعى تعمل شهم
    بواسطة فراشة في المنتدى القاعة العامة
    مشاركات: 12
    آخر مشاركة: 20-06-2009, 01:05 AM
  2. اختطاف محسن ............... اخر اعداد سلسلة روايات رجل المستحيل
    بواسطة محمد رفعت في المنتدى قاعة فك التكشيرة
    مشاركات: 7
    آخر مشاركة: 02-11-2008, 05:59 PM
  3. المستحيل هو لا شيء ....
    بواسطة hollowdream في المنتدى القاعة العامة
    مشاركات: 2
    آخر مشاركة: 01-09-2007, 01:44 PM
  4. المستحيل
    بواسطة احمد عطوة في المنتدى قاعة الخواطر والقصة القصيرة
    مشاركات: 5
    آخر مشاركة: 31-12-2005, 02:55 AM
  5. الحب المستحيل
    بواسطة اسامة يس في المنتدى قاعة الخواطر والقصة القصيرة
    مشاركات: 5
    آخر مشاركة: 17-11-2005, 12:21 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك