يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 34 12311 ... الأخيرةالأخيرة
النتائج 1 إلى 10 من 339

الموضوع: ما تقرونيش

  1. #1

    تاريخ التسجيل
    Dec 2007
    الدولة
    Egypt
    العمر
    64
    المشاركات
    3,890

    مصري ما تقرونيش

    كل ثانية يولد الآلاف...

    ولكن قلما يجود الدهر بواحد مثل...

    غتوت



    هو (البارد بن أم تِلْمَة) المعروف عند عامة الناس باسم (غتوت بن نطع الغِلِساني).

    ميلاده: ولد في فجر الثلاثاء الخامس من فقراير (مش فبراير بتاعكوا) عام ألفين وثمانية إلا تلتاشر من ميه. وجاء ميلاده (على عكس ما تظنون... وعليكوا واحد) في قاعة المناقشات، حارة (من خلال نظارات العواجيز) في ساعة ضلمة لا فيها قمر ولا شمس ولا كهرباء حتى بطارية اللابتوب خلصت ساعتها... ثم فر هاربا إلى قاعة فك التكشيرة، حيث اقتفل (وليس افتتح... ما كل الناس بيفتتحوا، عايز غتوت يبقى زي كل الناس؟) دكانة ما بيبيعش فيها أي حاجة.

    أصل مذهبه: يمتد أصل مذهب الغتاتة دهورا طويلة حتى الإنسان الأول (ألم يكن إخراج الشيطان لسيدنا آدم من الجنة نوعا من الغتاتة؟).

    حياته: مهددة وعليه 1117 حكم إعدام طازة (دول اللي صدروا امبارح فقط)، ولو الزملاء ما عبّروهوش حيموت من الجوع.

    منهجه: رغم أن معظم البشر يمارسون الغتاتة بشكل أو بآخر، لكن (غتوت) صاحب خطة، موجزها الدعبسة وراء الزملاء في كافة القاعات وحدف بلاويه عليهم، هذا بالإضافة إلى ما يجود به المشاركون من تعليقات يقتات بها في ساعة الزنقة... واهه تعليق قَصيِر يمنع بلاوي كتير، وهنيا لك يا فاعل التعليق والثواب... (كما ترون فالشحاذة مهنة مشتقة من الفكر السنكوحي وهو الاسم التيني -مش اللاتيني- للغتاتة).

    إنجازاته:
    1- رفض أن يولد يوم 4 فقراير لأنه يوم مشمس، وفضّل يوم 5 لأن الأرصاد تنبأت فيه بزعابيب.
    2- كفاية إنه منقي أمشير علشان يتولد فيه.
    3- هو الوليد الوحيد الذي رقع بالموال لحظة ميلاده فقال:
    [poem font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
    المنشد: اللي وصل خمسين، حتما بسـره يبـوح =الـــــــــكــــــــــورس: آآآه
    المنشد: واللي حيستجدع حيتعب، وحتلاقيه ملووح =الـــــــــكــــــــــورس: آآآه
    المنشد: خد يا بن آدم دي النصيحة مني...
    كحكـح وبرطـم دا العَـجَـز سلبـطـة
    دا اللـي فـي قلـبـه خـشـا يتـعـب
    واللـي مـا عنـدوش دم... عـاش سنـكـوح =الـــــــــكــــــــــورس: آآآه[/poem]4- كفاية كدا... مش قايل لكوا الباقي.

    مواقفه: هو كان بيقف في (أحمد حلمي) زمان، لما الموقف اتنقل إلى (عبود) استبعد المسافة، وجالكوا هنا... وجاي مستعد من مجاميعه ، تعليقات ،حوارات،نكش، مناغشات... جاهزين؟

    كلمة بجد: دعونا –دائما- نضحك (مع) بعض ولا نحاول إضحاك غيرنا (على) بعض... لكن يمكنم دائما التخبيط في (غتوت) فهذه وظيفته... وهو ليس أنا بالطبع.
    مع أرق تحياتي،
    ايمن رشدي

  2. #2

    تاريخ التسجيل
    May 2007
    الدولة
    any where
    المشاركات
    398
    هههههههههههههههههههههههههههه

    حلوه اوي تسلم ايدك
    I want to make you happy because seeing you happy make me happy


    الدنيا مسألة ...... حسابية


    خذ من اليوم......... عبرة


    ومن الامس ..........خبرة


    اطرح منها التعب والشقاء


    واجمع لهن الحب والوفاء


    واترك الباقى لرب السماء

  3. #3

    تاريخ التسجيل
    Dec 2007
    الدولة
    Egypt
    العمر
    64
    المشاركات
    3,890

    مصري لو كان

    لو كان أيمن رشدي هو اللي حيرد، كان قال (تسلمي، وشكرا...) وحاجات من دي...
    لكن (غتوت) يقول:
    خدنا إيه، شوفي لنا شقة طعمية، ولا ربع جنيه... طب تعليقين فكة ندش على حسهم شوية.
    طب باقول لك إيه، ما تعرفيش حد مكسور ومالهوش في اللماضة ننق عليه شوية... أظن حتقولي لي ما يصحش... أهه انتي كدا... مش فالحة إلا في الأصول.
    يا ساتر على الناس لما يكون عندها ذوق!
    وجع في شباشبك،
    غتوت

  4. #4

    تاريخ التسجيل
    Sep 2007
    الدولة
    ياريتنى في ميدان الشهداء
    العمر
    56
    المشاركات
    4,760

    عندى

    أنى أنفع يا غتوت

    أصل أنا عاوز أتعلم منك شوية لماضة

    هتعلمنى

    و شوية لماضة قليلة تفك بلاوى كتيرة
    التعديل الأخير تم بواسطة the_chemist ; 05-02-2008 الساعة 02:45 PM

    و قالت جدتي



    مصر أمى التى أغار عليها

  5. #5

    تاريخ التسجيل
    Dec 2007
    الدولة
    Egypt
    العمر
    64
    المشاركات
    3,890

    الاحتمال الوحيد


    كيماوي يا بني،

    إملا الاستمارات (229 استمارة)،
    والطلبات (706 طلب)،
    والمذكرات (112 مذكرة)،

    وهات باقي مسوغات النظر في قبولك وهي كلآتي:
    110001 شهادة ميلاد،
    و77 مؤهل علمي مختلف،
    وشجرة العيلة حتى الأسرة الرابعة معتمدة من سجل مدني حلايب،
    ومدونة بوزنك مثبت في جميع مكاتب الصحة كل أسبوع لمدة ثلاث أعوام متعاقبة... أي ثلاث أعوام للتخفيف).


    وبعدين تعال لي علشان أقول لك...


    لأ


    طبعا ما تنفعش... إنت بصراحة تكوينك كغتت معيوب... مش موهوب يعني... عايز أمارة... بص على كلامك... عمرك شفت واحد غتت بيستأذن؟


    روح يا شيخ... دا انتوا تفرسوا... إللي ما فيكوا واحد طبيعته رذيلة كدا أعرف آخد وادي معاه، ولا واحدة تنحة تلد على قلبي وتحسسني بسواد العيشة.


    إسمع... أملك الوحيد تسلك الطريق المباشر اللي بينفع الايام دي... الكوسة... خللي الست أمنية تبعت لي بوسة كمان وانا علشان خاطرها (يمكن) أنظر في أمرك... و(جايز)... (أفكر) في (احتمال) إني آخدك غتت تحت التمرين...

    وإلى ذلك الحين وريني شطارتك يا معلم كيماوي في نشر الإعلان التالي على كل من تسول له نفسه أن ينتمي للمنتدى... وما تفرقش... كبير، صغير... دوس ... عايزهم يستووا.

    هذا مع العلم إننا ما بنعلمش ببلاش... تجيب معاك المرة الجاية كوزين عصير قصب في كل واحد بصلة مخللة أو حتتين تورتة بدنجان.

    وجع في شباشبك... (لحين ترقيتك)
    غتوت الأفخم



    يا أهل المنتدى
    سيفتتح باب الاستشارات الساقعة والتشخيصات التلمه يوم الثلاثاء 5 فقراير الساعة 4 م ويغلق 5 م في نفس اليوم وقد كتب هذا الإعلان الساعة 6 م... يعني بعدها بساعة، هو كدا.
    قصر الكلام... اللي عايز حاجة يقول... خلليها تبشبش شوية.
    وجع في شباشبكم الفردة الشمال فقط (يلزم الترقي لوجع الفردتين معا)

  6. #6

    تاريخ التسجيل
    Jan 2008
    الدولة
    مصر
    المشاركات
    57
    thankssssssssssssssssssssssssss




    جرح السنين

  7. #7

    تاريخ التسجيل
    Dec 2007
    الدولة
    Egypt
    العمر
    64
    المشاركات
    3,890

    مصري التسعيرة

    لا بقى...

    من هنا ورايح كل واحد معدي يدفع رسم دخول قرطاس لب اسمر... وكوز درة نَي بقلاحته رسم ... قعاد... ونص كباية حمص الشام رسم خروج...

    عايزين ناآآآآآآآآآآآآآكل

    يا كدا يا إما تبعتوا أي استفسارات أو استشارات أو استطلاعات رأي يفتيكم فيها الغتيت الأفخم. إيه ؟ خلاص... ما حدش محتاج ولا درهم بلادة؟

    مس حلام حليم تثيبوه يموت من الكوح؟ صحن فتة لله يا ست هانم... فخدة ضاني ينوبك ثواب يا بيه...

    وبرضه وجع في شباشبكم...
    الغتت الأفخم.

  8. #8

    تاريخ التسجيل
    Sep 2007
    الدولة
    ياريتنى في ميدان الشهداء
    العمر
    56
    المشاركات
    4,760
    طيب يا توت خد دى من أمنية

    و بعدين دى كمان كوبايتين عصير بالجاز عشان نولع في اللى يعادينا هههه و لا تحبه بمية النار



    و اشرب شاي بنشارة الخشب كمان

    و ولع شمع و تورتة كمان

    بس في طلب مقدرش عليه

    تقولى أستحمه
    أقول لك لاء يا عم المية مقطوعة

    و قالت جدتي



    مصر أمى التى أغار عليها

  9. #9

    تاريخ التسجيل
    Dec 2007
    الدولة
    Egypt
    العمر
    64
    المشاركات
    3,890

    مصري أهه كدا

    يسترك ربنا يا كيماوي يابني ولا يشحتف لك أنبوبة ولا يدشدش لك مخبار، وينصرك على الخواجة بنزن وكل من يعاديك.

    واطمن جدا... سعدت بموقفك من الحموم... حموم إيه يا عم؟ فال الله ولا فالك... نحن مع الثبات... والنظافة دي أصلها بطيعتها حالة غير مستقرة... دايما تتغير إلى... آآآ... (عدم) نظافة.

    كدا فل قوي وحنغتت ونغلس ونجيب الخفيف للي ما يعجبناش.

    اسمع... روح اتطقس لنا كدا في الجناح الشمالي من القاعات (التكنولوجيا والمعلومات والأدب والحاجات اللي عايزة مخ دي، أنا مش حاروح بنفسي مش علشان ما عنديش مخ لا سمح الله... كل الحكاية الهوا عندهم بحري وشديد علي شوية)...

    شوف فيه هناك حد ينفع نصطبح بيه ونفقع مرارته على ما أشمشم أنا في قاعة التعارف والمناسبات... دا هناك ناس شكلهم طيبين قوي ومش حيحدفونا بطوب أسمنتي... بس اسمع... إياك تهوب ناحية القاعات الدينية... ما احناش حمل العالم دي يابا.

    في انتظار أخباركم... هييه... حانغلس.
    وجع في شباشبك وكرافتاتك (تم ترقيتكم إلى منصب كبير العسس والبصاصين)
    روح بص بقى ما تقفليش كدا.
    غتوت الأفخم

  10. #10

    تاريخ التسجيل
    Sep 2007
    الدولة
    ياريتنى في ميدان الشهداء
    العمر
    56
    المشاركات
    4,760
    مولاى الغتوت الأفخم

    فيه

    ملك مملكة حرفوشيا الشاعر محمد نديم

    ايه رأيك

    يالله علي بركة الله

    و قالت جدتي



    مصر أمى التى أغار عليها

صفحة 1 من 34 12311 ... الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك