عنوان غريب ممكن لكن فعلا الموضوع حقيقى الخوف سيطر على كل شئ من حولينا لغاية ما بقينا بنخاف من خيلنا.
الخوف تعدى خوف السلطه والاعتقال والكلام فى السياسه ، الخوف اصبح من الخوف نفسه وبئه ليه انواع وفصائل وامراض محتاجه دراسه وعلاج وناس بيموتو منه كمان ،الخوف تشعب واصبح زى السرطان ملهوش اول والا اخر ولو متلحقش ولا حتى الكيماوى يقدر عليه ،كل الى يتملك يخوف الى تحته حتى لو فى الأصل هوه بيخاف من الى فوقه وبيكره شعور الخوف والظلم لكن اصبح غريزه فيه .
من انواع الخوف:
[frame="1 80"]1- خوف الأب والأم[/frame]( الوالدين يقولو احنا بنحب اولادنا وعايزنهم أحسن حاجه بدون ما يفكروا ازاى وبدون ما يفكروا اذا كان العيال عايزين احسن حاجه ديه ولالأ المهم ان ادام الناس عيالهم احسن حاجه لغاية ماتسببوا فى ظهور نوع تانى من الفوبيا.)
[frame="1 80"]2-خوف الثانويه العامه[/frame] (تلا الاب والام قبل العيل ادام اللجنه ومخلين العيل ماسك الكتاب يصم فيه ويراجع وقلق وتوتر لغايه ما يدخل اللجنه كل الى دماغه يتمسحومايفتكرش غير لحظات الخوف والرعب ،يقرأ قرآن يقرأ دعاء ولا شئ يحوء ، ومنها للنتيجه يسهروا على قنوات التليفزيون عشان يجيبوا النتيجه بدرى ومفيش نوم ولا راحه ، والنت ومواقع النتيجه والموبايل يسرفوا مش اشكال بس يجيبوالنتيجه، وتطلع مش زى ما الوالد كان عايزها او ابن صاحبه جاب اكتروانتوا عارفين الباقى وبعدين يلومو الحكومه والقوانين والنظام وهما الى خلوه من الاصل كده ؟؟؟؟؟؟؟؟؟؟؟؟؟)
[frame="1 80"]3-خوف المستقبل[/frame] (هدخل كلية ايه ،دخلت الكليه هنجح واطلع الأول ،نجحت هشتغل ايه وهبنى مستقبلى ازاى، ومع السلامه للطموح والحلم والأفلام الى البطل يفكر فى مشروع بيحبه ويبدأفيه من الصفر ويساعده الى حوليه لغاية مايوصل فيه الى الأخر ويكبر ويكبر البطل معاه ، الأب عايز ابنه يشتغل فى اى وظيفه حكوميه او شركه مكانه عشان سنه ويجوزه ويخلف ويربى وتتكرر المأساه تانى
بدون مابنتعلم حاجه ونقول امريكا بتتقدم واحنا متأخرين .)
[frame="1 80"]4-خوف لأنها بنت[/frame](الخروج بحساب الحلم ممنوع النجاح فى التعليم اقصى الطموح وبعدين دائره البحث عن عريس ،لأبس اتقدمنا مبقيناش نقول انها عنست الا بعد 25 ومفيش شئ اسمه النصيب وعادى ولمه هيجلها نصيبها ، ممكن تشتغل بس زى الولد مفيش مشاريع الوظيفه الى تجيلك حتى بالمره لمه تتجوزى تساعدى فى المعيشه ولمه تلاقى نفسك عندك 40 سنه وبتجرى على المعيشه والعيال وعايزه تشمى نفسك تبصى ورا متلقيش حياتك عملتى ولا حاجه ساقيه وماشين فيها.)
5-بالاضافه لخوف الاخ من اخوه الكبير والكبير من الأكبر والأكبر من الوالدين ، التلميذ من الاستاذ
والاستاذ من الناظر والناظر من المدير.........الخ ، وخوفالغلبان من الغنى والغنى من الاغنى منه
والأغنى منه من الحكومه والحكومه من ال..............!!!!!!؟؟؟؟؟؟؟؟؟.

كل ده بالاضافه للخوف من السطه والحكومه والكلام والنظر والحسد والجن والشعوذه والعيشه والى فيها والمستقبل والمستور والقضاء والقدر .................الخ
تعرفو وديه قصه حقيقيه حصلتلى خلتنى اكتب فى الموضوع ده (ماشيه مع اختى الصغير وكان بليل خارجين ومعانا باباوماما واختى النور عكس خيلها جنبها اترعبت بمعنى الكمه عشان اعتقدت انه واحد وراها بس عارفين المضحك فى الموضوع انى انا كمان اتخضيت على خضتها وبدون سبب لمجرد انها
اتنفضت انا كمان اتنفض.)
شفتو وصلنا لايه ؟؟؟؟؟؟؟؟؟؟؟؟؟
مش عارفه ايه رأيكم اتمنى تعليقاتكم ورأيكم على الموضوع ده. شكرا