صفحة 1 من 2 12 الأخيرةالأخيرة
النتائج 1 إلى 10 من 11

الموضوع: نفسكوا تاكلوا ايه يامغتربين؟

  1. #1

    تاريخ التسجيل
    Apr 2007
    الدولة
    الامارات
    العمر
    35
    المشاركات
    19

    أوكي نفسكوا تاكلوا ايه يامغتربين؟

    نفسكوا تاكلوا ايه يامغتربين؟

    صحيت الصبح النهاردة كده لقيت نفسي هفتني علي فطير مشلتت ولو اني ماكنتش باكله في مصر اصلا بس تقول ايه بقي طفاسة وبعيد عنكم يامغتربين دوشت جوزي من الصبح انا عايزة فطير مشلتت ماليش دعوة . طيب اجيبلك منين يابنت الحلال فطير مشلتت دلوقتي المهم راسي والف سيف واحنا دلوقتي بندور علي حد بيعمله
    طيب بذمتكم ماوحشتكوش الملوخية والكشك( ليا قصة معاه كمان هابقي احكيهالكم بعدين) ولا نفسكم كده ماهفيتكوش علي ام علي ولا رز معمر ولا ماجيتوش في يوم وهاتموتوا وتاكلوا رنجة ولا فسيخ مع بصل اخضر واديها ماترحمهاش
    ماوحشتكش الفتة بالخل والتوم وتلاقي هبر اللحمة في وسطها بتندهلك وتقولك ارجوك كلني ، نفسك في ايه؟
    تصحي الصبح تفطر طبق فول معتبر من ايد الست الوالدة مع حتتين جبنة قريش وبيض بالسمن البلدي وبعدين تتغدي بطة محترمة محشية مع رز بالخلطة والشوربة بقي اللي طعمها ماتلاقيش زيه وبعد كده تحلي بالفاكهة التمام اللي ليها طعم مش زي هنا ولا تاكل حلويات كنافة، هريسة، رز بلبن ياسلااااااام
    وبعد كده بالليل تخرج تتمشي مع اصحابك وطبعا لازم مايفوتكوش الدرة المشوي ولا تشربوا عرقسوس مية مية ولا تاكلولكوا شوية حرنكش ولا ولا ولا
    كل حاجة وحشتني في مصر يابختكم ياللي قاعدين في مصر ، ما تبعتولي حتة فطير مشلتت ينوبكم فيا ثواب

  2. #2

    تاريخ التسجيل
    Apr 2004
    الدولة
    فى الفضاء مع النجوم
    العمر
    31
    المشاركات
    238
    اه اه والله قلبت علية المواجع
    انا اكتر حاجة بتوحشنى من مصر عصير القصب بيوحشنى اوى
    وطبعا الجبنة الحدقة مع العيش البلدى

    ربنا يكون معانا
    لما لبقى ارجع مصر هبقى البعتللك بالبريد فطير
    مصرية وبنت ناس

    واغلى من كل الناس

    واحلى من الاماس

    وعشرتى ترفع الراس
    -----------------

  3. #3

    تاريخ التسجيل
    Apr 2007
    الدولة
    Far away immigrant
    العمر
    33
    المشاركات
    17

    أيوووووه حرام عليكي ,, شهيتيـني ...

    بصراحة (بوكا بوكا) .. انا بقى بحن للكسكسي الاسكندراني .... بصراحة أجمل لحظات عشتها لما كنا بنتمشى عالشط الجميل الرااائع مع العيلة وفي إيدينا أطباق الكسكسي ... ولا البيتزا بتاعة (أنا ميدو) ... ولا سندويتشات الكبده اللي تجنن ...
    ولا المشوي من عند حسني وأبو راوية ..........

    يوووه أكلات كتيرة ورهيبة يا بوكا بتووحشنا أوي أوي أوي....

    بس يا بوكا ... مش المفترض تجيبي معاكي أكلتين حلوين كده ...

    مش انتي اللي فتحتي الموضوع



    أنا بقى ... جبت لك حبة أكل من اللي قلبك يحبووووووه

    فطير.jpg
    ده فطير ... بس مش المشلتت طبعاً

    كشري.jpg
    ده بقى الكشري الجناااان

    مشويات.jpg
    وده المششششششششششوي

    ورق عنب.jpg
    وده بقى ورق العنب الراائع
    سلام علـيكـي يا اسكـندريـتـي ..
    فنجمة أنـتي والله وحوريـتـي ..

  4. #4

    تاريخ التسجيل
    Jun 2007
    الدولة
    اسكندرانى مغترب
    المشاركات
    18

    مبتسم

    والله فعلا انت رجعتنى لايام اتمنى ترجع ايام سفره الست
    الوالده لما كانت مليان بخيرات ربنا- محشى , فته , كمونيه
    كوارع والاهم الحواوشى والكبده الاسكندرانى
    ايييييييه ايام
    انا شاكر ليك ياصاحبى انك شاركتنا معاك اللحظات الحلوه دى
    تحياتى ليك وتقديرى
    اخوك
    موعـ ووو ـود


    بعيش... على ذكرى كانت مابينا من سنين ...
    وبنادى بأعلى صوت ليه انت فين..حبيبى ارجع
    انا بناديك

  5. #5

    تاريخ التسجيل
    Jul 2007
    الدولة
    الكويت
    العمر
    28
    المشاركات
    5
    ياااااااااه

    نفسي آكل حمام وأشرب عصير قصب وشوية لب حلوين


    ونفسي في كبده معتبرة




    حد يجيبهم لي بلييييييييييييييييز
    لحسن هعيط بجد

  6. #6

    تاريخ التسجيل
    Apr 2007
    الدولة
    السعوديه
    العمر
    42
    المشاركات
    228
    مشكووووووووووور جــــــدأ بــوكــا بــوكــا

    أنا نفسي نفسي أكــل أكل علقه

    عشان مسمعتش الكلام وجلست جنب المدام

    مشكوووووووووووووووور مره اخري
    [frame="9 80"][grade="00008B FF6347 008000 4B0082"]
    اللــــــــــــــه لا يحرمني منكــــــــــم

    ( ســــــمســــــم )
    [/grade][/frame]

  7. #7

    تاريخ التسجيل
    Apr 2007
    الدولة
    الامارات
    العمر
    35
    المشاركات
    19
    مستنية الفطير ياويلا ووعد الحر دين عليه بس هاتنزلي مصر امتي؟؟؟؟ طمنيني

    وفكرتيني بعصير القصب ليه كده ياويلا بس تفكريني باللذي مضي طيب ايه رأيك بقي

    اني انا نفسي في قصب كده مش عصير يعني نمصه بقي وياسلااااااااااااااااااااااااام

    فين ايامك يامصر

  8. #8

    تاريخ التسجيل
    Apr 2007
    الدولة
    الامارات
    العمر
    35
    المشاركات
    19
    ايوووووووووووووووه عليكوا يااسكندرانية كده يعني ده احنا كنا بالكلام مش مستحملين

    تقومي تجيبيلنا صور كمان . روحي ياشيخة الهي يرزقك بطبق كشري بالشطة من عند

    الحجاز اللي ادام الجامعة وبعده سندوتشين فول من عند البغل وتحلي بايس كريم من

    عند ______ اسمه ايه، اسمه ايه، ياشيخة حرام عليكي نسيتيني اسمي

  9. #9

    تاريخ التسجيل
    Apr 2007
    الدولة
    الامارات
    العمر
    35
    المشاركات
    19
    موعووووووووود الظاهر كده ان الست الوالدة نفسها في الاكل ماحصلش وانت بقي

    اللي جبته لنفسك ياباشا اول ما ننزل مصر عايزة انا من السفرة دي اللي عليها ما لذ

    وطاب بس اوعي تنسي الطحينة

  10. #10

    تاريخ التسجيل
    Apr 2007
    الدولة
    الامارات
    العمر
    35
    المشاركات
    19
    سمارة جيتي علي الجرح فين ايام قزقزة اللب والسوداني ولا يوم الخميس بابا يجيبلنا

    فول سوداني ولب ابيض واسمر وخشب ونقعدبقي نتلم ادام التليفزيون واديها قزقزة

    اهئ اهئ انا عملت الموضوع ده ليه بس اهئ اهئ انا هاعيط اهو ياريت اخوانا اللي

    قاعدين في مصر ما يغيظوناش بس

صفحة 1 من 2 12 الأخيرةالأخيرة

المواضيع المتشابهه

  1. موضوع يارب تفهموه وماتلاقوش فيه نفسكوا ياااااارب
    بواسطة daria في المنتدى القاعة العامة
    مشاركات: 20
    آخر مشاركة: 26-05-2004, 09:54 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك