يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

النتائج 1 إلى 3 من 3

الموضوع: عقاب النفس؟؟؟

  1. #1

    تاريخ التسجيل
    Mar 2007
    الدولة
    مصر
    العمر
    38
    المشاركات
    1

    عقاب النفس؟؟؟

    السلام عليكم ورحمة الله وبركاته
    انا معجبه جدا بحضرتك
    وجزاك الله خيرا على هده الصفحه
    بداية انا عايزه اتفق مع حضرتك على حاجه
    كل انسان يستطيع التغيير صح وبالتدريب ممكن يوصل للنتيجه اللى يتمناها
    انا كنت انسانه باختصار كده كلها عقد نفسيه بس الحمد لله بفضل الله قدرت اتخلص من معظمها فاضل مشكله واحده مش عارفه ازاى اتخلص منها بس على استعداد تام اذا عرفت الطريقه انى اتخلص منها
    المشكله باختصار انى دائما اتمنى عقاب نفسى مش عارفه ليه خاصة لو عملت حاجه كويسه والغريب انى لما بتخيل العقاب بيكون فيه متعه غريبه
    ومش بحب اى حد يقولى انتى كويسه او يمدح فيا دايما بشوف نفسى مقصرة ولازم اتعاقب والعقاب بطريقه معينه مش اى عقاب ومش من اى حد من الناس اللى بحبه واقدرهم بس.
    شخصيتى مع الناس مستويه جدا خاصة دلوقتى تكوينى الجسمانى رغم صغره حاجه من عند ربنا كده يوحى للى قدامى ان شخصيه قويه جدا وشديده وجامده رغم ان ده عكس الشخصيه تماما لدرجة انهم لما بيحبوا ينتقدونى فى حاجه بيخافوا يقولوها قدامى
    بس الحمد لله الفكرة دى بدات تتغير عند ناس كتير لما اتعاملت معاهم
    فكرة العقاب دى بدات معايا وانا فى رابعة ابتدائى ولغاية دلوقتى ملازمانى صحيح قلت كتير وبحاول اهرب منها كتير بس انا عايزاها تنتهى خالص
    فى السنه دى بالذات حصل فيها موقف
    انا كنت اقل اخوتى اخطاء واشطرهم دراسه وزى ما بيقولوا اعقلهم ومع ذلك كنت اكثرهم عقابا على الصغيره والكبيره ماما كانت بتضربنى رغم ان نفس المواقف كانت بتحصل من اختى ومكانتش بتضربها ودايما تقولى اصلها صغيره طيب ماانا لما كنت فى سنها وبعمل نفس الحاجات كنت برده بتضربينى وفى موقف منهم رجعت مرة من المدرسه متاخر علشان لعبت مع اصحابى بعد المدرسه فلما رجعت اضربت لدرجه انى رحت المدرسه تانى يوم جسمى كله كتل زرقاء وماما قالتى لازم تكونى فى البيت الساعه واحده ونص وانا كنت بخرج الساعه واحدة وربع والمسافه بتاخد من ساعه الا ثلث لساعه الا ربع فكنت برجع جرى من المدرسه ومع ذلك بتاخر وبضرب وانا كنت من النوع الساكت قوى اللى بيخاف يتكلم بس بدات الاحلام دى لما اختى رجعت من نفس المدرسه الساعه 3 وماما مضربتهاش من ساعتها وانا بحلم ان دول مش اهلى وان اهلى هيجوا فى يوم وياخدونى وكنت بكره امى قوى وفضلت سنين كده لغاية لما كبرت ومعاملة امى اتغيرت كتير وحصلت مواقف جامده لما كبرت وهى بس اللى وقفت معايا فيها حسيت ان الكره اتحول لحب جامد قوى وبطلت حلم ان اهلى هيجوا ياخدونى
    بس حلم العقاب مش قادره اتخلص منه لما بهرب انى احلم بيه اواتخيله وانا صاحيه بحلم بيه فى المنام
    انا عارفه انى طولت على حضرتك انا عمرى ما اتكلمت مع حد فى الموضوع ده حتى اقرب الناس ليه
    انا عايزه طريقه اتخلص بيها من الاحلام ده مخليه تركيزى قليل ومستوايا قليل جدا
    على اتم استعداد انى انفذ اللى حضرتك هتقولى عليه ومقتنعة جدا ان اى انسان لو ارد التغيير هيتغير
    اسفه انى طولت عليك
    وجزاك الله خيرا

  2. #2

    تاريخ التسجيل
    May 2004
    الدولة
    القاهرة
    العمر
    46
    المشاركات
    8,981
    أهلاً و مرحباً بك أمولة منورة يا جميل

    أعانك الله علي التخلص من كل ما تعاني منه

    عذراً يا قمر بس د/عادل لديه ظروف عمل و لكن قريباً جداً سيتواجد للرد علي تساؤلك

    دمتِ بكل خير

    في رعاية الله ،،،


    يارب إن كان إدراك الحكمة صعباً.. فاجعل برحمتك الصبر والرضا سهلاً.

    على الطريــق

  3. #3

    تاريخ التسجيل
    Mar 2007
    الدولة
    Egypt
    العمر
    43
    المشاركات
    6

    وأنا كمان !! ماسوشى

    عزيزتى ...
    للأسف أعانى نفس المشكلة وهى الماسوشية لكن الحالة عندى أسوأ ..

    بحثت كثيراً .. وتوصلت تقريباً انه لا علاج للماسوشية
    حتى نظريات تفسير أسباب الماسوشية غير واضحة ولا تتحلى بالدقة ..
    مجرد إفتراضات تقول بتعرض الشخص الماسوشى لعنف جسدى شديد أو إعتداء جنسى فى مرحلة مبكرة من العمر ..

    مشكلتى نسبياً أصعب .. لأنى بعد أن عرفت أنى غير مجنوناً وأن هناك الكثيرين مثلى أحببت ما أنا فيه وإستسلمت لأحلام اليقظة الدائمة ..

    وغالباً ما تتعدى مجرد الأحلام والتخيلات لمرحلة التنفيذ فأقوم كثيراً بعقاب نفسى جسدياً وجنسياً وأحياناً نفسياً
    وأتلذذ بهذا التعذيب المؤلم !! وكثيراً ما يترك آثاراً بجسدى ..

    أعرف أن ذلك يبدو للكثيرين جنوناً .. لكنها حقيقتى ... الخفية

المواضيع المتشابهه

  1. لماذا يتأخر عقاب الظالمين؟
    بواسطة إيهاب احمد في المنتدى لقاءات في حب الله
    مشاركات: 2
    آخر مشاركة: 25-01-2010, 11:37 PM
  2. طفل مطيع بلا عقاب
    بواسطة boukybouky في المنتدى قاعة الأسرة
    مشاركات: 3
    آخر مشاركة: 09-09-2005, 07:23 PM
  3. لتحرش الجنسي ..جريمة بلا عقاب
    بواسطة Egyptian في المنتدى القاعة العامة
    مشاركات: 3
    آخر مشاركة: 15-08-2004, 06:48 AM
  4. هل الضرب عقاب مناسب!
    بواسطة Mrs. Virgo في المنتدى قاعة الخواطر والقصة القصيرة
    مشاركات: 16
    آخر مشاركة: 06-10-2003, 03:20 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك