يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 4 123 ... الأخيرةالأخيرة
النتائج 1 إلى 10 من 36

الموضوع: هذا سؤال ومهم جد الرد والتفاعل والتفكير قبل الرد عليه ..

  1. #1

    تاريخ التسجيل
    Feb 2006
    الدولة
    القاهرة
    العمر
    35
    المشاركات
    229

    مصري هذا سؤال ومهم جد الرد والتفاعل والتفكير قبل الرد عليه ..

    هذا سؤال ومهم جد الرد والتفاعل والتفكير قبل الرد عليه ..

    --------------------------------------------------------------------------------

    هذا سؤال ومهم جد الرد والتفاعل والتفكير قبل الرد عليه ..

    هـل تؤيـد المصارحـة بين الزوجيـن بمـاضي كل منهم ؟؟؟

    بصراحة حبيت اطرح هالموضوع اللي يخص مجتمعنا الاسلامي المتمسك بدينه وعفتـه

    وهالموضوع يخصنا كلنا ،، ويخص كل مقبل على الزواج وعلى الارتباط بفارس احلامه

    فالمقبليـن على الزواج ... هم مقبلين ايضا على دخول حياة جديدة وهي مليـئة بالمفاجآت والمسؤليات !

    موضوعي هذا يدور حول مشكـلة من المشاكل التي تصادف المتزوجين حديثا ، وللأسف الشديد الأكثرية يقعون فيهـا ويمرون بهذه المشكلة وتنقلب حياتهم رأسا على عقب والى جحيم !

    وباختصار لنفترض انك ايها الشاب قـد مارست علاقات عاطفية مع نساء قبل الزواج ولنفترض ايضا ايتها الشابة بانكي قد مررت بعلاقات عابرة مع رجال قبل الزواج في سن المراهقة !!

    والآن !!!

    أنت / أنتي مقبلان على الزواج ،،

    ومن المعروف بان اغلب المتزوجين حديثا يتمعتون بالرومانسية وكل منهم يحاول ويسعى لارضاء الطرف

    الآخر بجميـع الطرق والوسائل ...


    فإن سألتك زوجتك هل أحببت امرأة غيري؟ وإن سألكي زوجك هل احببتي رجل غيري ؟


    فالكل باعتقادي يحاول ان يرضي نفسه ويرضي شريكه ،، فالبعض يقول يجب ان نبني علاقاتنا بكل صراحة

    وشفافيـة وصدق حتى ننعم بحياة سعيدة ،، والبعض الآخر يعتقد ان الانكار او الالتزام بالصمت واخفاء الماضي افضل

    طريقـة حتى لا يقع من عيـن الآخر ولا يتسبب بمشاكل ليس لها أول ولا آخـر ..


    ولــكن السؤال الذي يطرح نفسـه للنقاش للجميـــع هو :


    هل تصارح زوجتك أيها الرجل عن علاقاتك العاطفية قبل الزواج ؟

    هل تصارحين زوجك أيتها المرأه عن علاقاتك العاطفية قبل الزواج ؟


    وهذا السؤال اضعـه بين ايديكم ،، وهو بالحقيقة يحتاج الى حنكــة بالجواب وتفكيـر !

    واتمنى بان أرى آراء الجميع ،، حتى نستفيـد من بعضنا البعــض

    وتقبلوا خاااااااااااالص تحياتي

    واتمنى من الجميع ابداء رأيه بكل صراحة ؟؟000 اعجبنى الموضوع ونقلته لكم

  2. #2

    تاريخ التسجيل
    Oct 2006
    الدولة
    القاهرة
    المشاركات
    2,813
    بصى يا نانا هو الموضوع صعب جدا
    بدليل محدش عارف يجاوب عليه
    كله ساكت ههههههههههههه
    بس انا هفكر فى الموضوع وراجعه تانى

  3. #3

    تاريخ التسجيل
    Aug 2006
    الدولة
    مكان آمن
    العمر
    13
    المشاركات
    1,939
    اقتباس المشاركة الأصلية كتبت بواسطة nananader707
    ولــكن السؤال الذي يطرح نفسـه للنقاش للجميـــع هو :


    هل تصارح زوجتك أيها الرجل عن علاقاتك العاطفية قبل الزواج ؟

    هل تصارحين زوجك أيتها المرأه عن علاقاتك العاطفية قبل الزواج ؟
    شوفى يا Nananader707

    لو لسة مخطوبين يبقى الصراحة مشضرورية علشان الجوازة تتم لان ماضى كل واحد يخصه وميخصش حد غيره ومكنش فيه واحد منهم فى حياة التانى وقتها علشان يحاسبة على الى كان وعلى الى جرى - بس ميكونش الى كان والى جرى حاجات شنيعة أو ان بعض الناس يعرفها لان فى الحالة دى الطرف الآخر هيعرفها مع الوقت

    لو الجوازة تمت وخلاص واصبحوا متجوزين يبقى مفيش داعى لذكر اى حاجة عن الماضى لان مكنش حد منهم موجود فى حياة التانى وقتها ولو فيه حاجة ممكن تتقال كانت اتقالت فى فترة الخطوبة مش بعد ماوقعت الفاس فى الراس ودخل الاتوبيس فى التريلا

    ممكن يكون السؤال
    لو حصل حاجة اثناء الزواج للزوج او للزوجة والطرف الآخر ميعرفهاش ؛ هل ممكن يكون فيه مصارحة ويعترف الزوج للزوجة او الزوجة للزوج ؟

  4. #4

    تاريخ التسجيل
    Feb 2006
    الدولة
    في اللا مكان
    العمر
    42
    المشاركات
    3,318
    بصي يا نانا
    اساسا المفروض ميتقلش حاجة عن الماضي
    لييييييييييه
    عشان انا ليه الحاضر و المستقبل مش الماضي
    و انا الماضي بتاعي يخصني
    و هيه ماضيها يخصها
    و تفرض اتسالت سؤال
    انت عمرك حبيت حد قبلي ؟
    هقولها انتي اول واصدق حب في حياتي

    عارفة انه يجوز الكذب على الزوجة
    من باب الكذب الحلال
    بس ما دام هيه زوجتي فهتبقى فعلا اول و اصدق وحب

    اختصارا
    على راي الشاعر الجاهلي الي بيقول
    مابلاش نتكلم في الماضي الماضي ده كان كله جراح
    و ما دمت في حبك انا راضي هندور ليه على شئ راح

  5. #5

    تاريخ التسجيل
    Jun 2006
    الدولة
    القاهرة
    العمر
    36
    المشاركات
    810
    بصى بقى ياستى انا عمرى ما هسأله عن اللى فات
    عشان حياته ابتدت يوم ارتباطه بيه ويبتدى الحساب من اليوم ده
    كمان انا لوسألته هى اجابتين ملهمش تالت ياما ارتبط وديه حاجه اكيده وكل البنات عارفه مفيش ولد ملوش تجربه طب ليه اسأل عن حاجه انا عارفه اجبتها 0 ولا قالى لا طبعا كذاب وانا هبقى ساذجه لو صدقته 0


    واكيد زى ماانا مسألتوش هو كمان ميسألش
    وليه يسأل ويتعب نفسه عشان السؤال مش مجرد انت ارتبطه ولا لا
    ده طبعا عايز احكيله كل حاجه حتى كان اللا قبله بيحب يأكل ايه هههههه
    ويحط بقى فى دماغه وكل اما تحصل مشكله تبتدى الوساوس تطلع
    طبعا انا مأصدش كل الرجاله بس دول الاغلبيه طب وليه 0 ولا هو مش واثق ان حياتى قبل منه مش فيها غلط ليه اختارنى ابقى شريكت حياته وشياله اسمه 0


    يعنى فى النهايه حياتنا تبتدى من يوم ارتبطنا ببعض يعنى
    نكون أصحاب من يوم الارتباط واللى قلبه وقبلى كله مات
    ما اصعب ان يذبح قلبك على باب الفراق دون وداع ودون كلمات يذبحوه لانهم فقط ارادو ذلك
    لانهم فقط اتخذوا قرار بالرحيل فقط هم ارادو وعلى قلبك ان يلملم شراينه وينفذ القرار
    فقد صدر قرار بتنفيذ الحكم الجبرى دون استئناف

  6. #6

    تاريخ التسجيل
    Sep 2006
    الدولة
    القاهرة
    العمر
    35
    المشاركات
    27
    لا حول ولاقوة الا بالله
    انا عايز اعرف حاجه ليه احنا بنقلد الدول الغربيه ليه ياجماعه احنا لو اتبعنا تعليم الاسلام هل هتقول كده احنا دلوقى اصبحنا مثل الدول الكافر تمشى مع البنات ونسهر الى الصباح وحاجه بقت بيخه اوى اتمسكوا بدين يرحمكم الله وبلاش المشى مع البنات لانه حرررررررام وكتير من الناس بيقع فى الغلط ليه وبعد كده ايه يفيد الندم تيجى تكلم حد يقول بحبها او بحبه حب ايه اللى يكون مبنى على حرررررررررام ايها الشباب فوقوا شويه وارجعوا لدين

    ياخت سابرينا ليه انا امشى مع واحد وبعدين اسيبه وبعدين مش كل الشباب بيمشوا مع بنات ومش كل البنات بتمشى مع رجاله ارجعى الى دينك يرحمكى الله

  7. #7

    تاريخ التسجيل
    Nov 2006
    الدولة
    مصر
    العمر
    37
    المشاركات
    17
    اصل تفرق ماضي عن ماضي ، مش كل ماضي يقبل لان مش كله هيتقال من البنت للي هيتجوزها ، انا شايف انها حاجة معقدة فعلاً خصوصا وان موضوع الماضي ده للبنت والشاب امر نسبي وفيه تباين . في ماضي يقبل وماضي لا يقبل .. واحدة حبت واحد وحبته وافترقوا لاي سبب من ناحيتها او ناحيته ، كان اللي بينهم مجرد شعور ... طب ما ده ماضي .. لكن واحدة حبت واحد ولفوا حدائق ومتنزهات ومولات وسينمات مصر ! في ناس هتقبل وناس لا.. انا مش هقبل طبعا لسبب واحد وهو اني عارف قدرات نفسي على التحمل وكمان لان ثقتي في الاخر نسبية فما بالك لو كان الاخر بماضيه سيفتح جميع الابواب والنوافذ لوسوسة الشيطان ! غيري ممكن يرضى بدافع أنيل واكثر شهامة مع اني اعتقد ولله العلم انها هتبقى شهامة بوقيقي في الاول تأثراً بحالة حب او تعاطف ممكن جدا يزول مع اول مشكلة حقيقية تواجههم ووقتها جرح البنت هيزيد جدا ، بس معتقدش ان ده هيحصل واقعياً بنسب كبيرة لانه محدش مثلا هيرضى يتجوز واحدة وهو ماشي معاها يلاقي رحلة كاملة بتشاور عليها وتقول ... بالنسبة للشباب فبرضة نفس الوضع ومش حابب اكرر الكلام اللي عارفينه ان عندنا ازدواجية في تعامل مجتمعنا مع الجنسين رغم ان الازدواجية دي غير موجودة في صحيح تعاليم الدين ، لكن الشاب أسهل في تقبل ده الا لو كان هو فرحان بيه وشايف انها حاجة مش عيب وانه عشان " جان " وامور وننوس عين امه فده بيرضيه وطبعا ده نقص بلا شك

    كفاية كده عشان لو في مشاركة تانية نقول الباقي

  8. #8

    تاريخ التسجيل
    Oct 2006
    الدولة
    القاهرة
    المشاركات
    2,813
    شوفتى يا نانا قولتلك هفكر وارد عليكى وغبت كام ساعه ارجع
    الاقى سيف الدين وamak وسابرينا خلصوا نص الكلام اللى عاوزه اقوله هههههههههه
    طيب خلاص انا مش هتكلم وهقولك انى بشاركهم الكلام وكلامهم معقول ومظبوط
    ومعنديش كلام جديد عليه .
    وشكرا على الموضوع الصريح ده

  9. #9

    تاريخ التسجيل
    Oct 2006
    الدولة
    Oslo
    العمر
    47
    المشاركات
    1,263
    السلام عليكم ورحمة الله وبركاته
    الاخوه والاخوات قالو كلام كتير وجميل
    عن نفسي اقول حياتي السابقه ملك لي وحدي وحياتها هي ايضا ملك لها
    ولكن ان سئلت فسوف اجاوب فليس عندي شئ اخفيه لان اساسا الحب الصادق والوحيد الذي نهايته شرع الله وحلاله اذا هي بالفعل اول حب واخر حب ان شاء الله
    وليس مشكله احكي لان ليس في حياتي شئ الان غير العمل
    انما بالنسبه للذين لهم تجارب من قبل اعتقد اجمل شئ الصراحه حتي ينعما بالحياه السعيده
    عن نفسي ممكن اسمع لها ولكن ليس كاشئ ضدها ولكن لتحس انها بدئت صفحه جديده
    وربنا يوفقنا جميعا ان شاء الله
    يا ايها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين

  10. #10

    تاريخ التسجيل
    Oct 2006
    الدولة
    Oslo
    العمر
    47
    المشاركات
    1,263
    اقتباس المشاركة الأصلية كتبت بواسطة الازهرى
    لا حول ولاقوة الا بالله
    انا عايز اعرف حاجه ليه احنا بنقلد الدول الغربيه ليه ياجماعه احنا لو اتبعنا تعليم الاسلام هل هتقول كده احنا دلوقى اصبحنا مثل الدول الكافر تمشى مع البنات ونسهر الى الصباح وحاجه بقت بيخه اوى اتمسكوا بدين يرحمكم الله وبلاش المشى مع البنات لانه حرررررررام وكتير من الناس بيقع فى الغلط ليه وبعد كده ايه يفيد الندم تيجى تكلم حد يقول بحبها او بحبه حب ايه اللى يكون مبنى على حرررررررررام ايها الشباب فوقوا شويه وارجعوا لدين

    ياخت سابرينا ليه انا امشى مع واحد وبعدين اسيبه وبعدين مش كل الشباب بيمشوا مع بنات ومش كل البنات بتمشى مع رجاله ارجعى الى دينك يرحمكى الله
    السلام عليكم بعد اذنكم ارد علي الاخ ازهري وارجو لا تعتبر قلة زوق مني
    يااخي ازهري الاخت سابرينا لم تكن تتكلم عن نفسها بوجه الخصوص وهي لم تقول انها مشيه مع نص شباب البلد ومعلقه النص تاني
    هي بتدلي برئيها عامة علي مااعتقد وكلنا الحمد لله بنصلي ونصوم ونعرف ربنا
    رجاء الرد علي الموضع الاساسي ولانتعرض لاحد حتي لانجرح احساسه او شخصه الكريم
    واسف لقد استفذني ردك علي اخت الله اعلم بها عنك وعني
    واسف لو كنت تطوالت عليك
    يا ايها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين

صفحة 1 من 4 123 ... الأخيرةالأخيرة

المواضيع المتشابهه

  1. سؤال للمتخصصين فى مصر ارجو الرد عليه للاهمية
    بواسطة hazm_111 في المنتدى قاعات السيارات والمواصلات
    مشاركات: 0
    آخر مشاركة: 23-08-2008, 02:27 PM
  2. سؤال صعب وارجو الرد علييييه
    بواسطة ندا88 في المنتدى القاعة العامة
    مشاركات: 3
    آخر مشاركة: 19-08-2007, 03:08 PM
  3. سؤال ارجو الرد عليه من الجميع
    بواسطة a_leader في المنتدى قاعة الشعر الفصيح
    مشاركات: 7
    آخر مشاركة: 15-01-2006, 03:59 PM
  4. جزاكم الله خيرا ـ سؤال وأرجو الرد عليه
    بواسطة osha في المنتدى لقاءات في حب الله
    مشاركات: 7
    آخر مشاركة: 15-10-2005, 09:35 PM
  5. سؤال هام ..اريد الرد عليه
    بواسطة roworled2000 في المنتدى قاعة القضايا السياسية
    مشاركات: 8
    آخر مشاركة: 12-05-2003, 01:25 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك