<<< يا أهلى ما يهزك ريح (2) >>>

[عصام كابو]

سيظل الاهلى هو الاهلى مهما حقد الحاقدون

الملاحظ الان هو الشماتة الفظيعة من كارهى الاهلى و الغريب انها اصبحت شئ معتاد فى الفترة الاخيرة

ايه يعنى اللى حصل لما الاهلى تعادل فى مباراة او حتى خسر بطولة؟؟

هل سينقص هذا من قدر الاهلى؟؟

انا اقولهم خليكوا فى فريقكم لما انتوا شمتانين قوى كده فى الاهلى و احنا بنلعب فى النهائى و ربنا لم يرد لنا التوفيق فى المباراة.... امال احنا نقول ايه على اللى مش عارف يدخل البطولة اصلاً من البداية

الاهلى لا يزال هو البطل هو الزعيم و تتبقى الكلمة الاخيرة فى لقاء العودة بإذن الله

انا بس عايز اقول لجماهير الاهلى ( هى بس اللى تهمنى)

طبعا كله دلوقتى قاعد على الكراسى و فارد ضهرة و عمال ينقد فى الاهلى و لاعبيه وجهازه الفنى

اللى هيقول فين حسن مصطفى و اللى بيقول ليه ابتدى ببركات و اللى يقول الدفاع تعبان و اللى يقول و يقول...

كل الكلام ده كان ممكن يتقال عكسة برضه يعنى لو حسن مصطفى ابتدى كان هيقولك يعنى معقول حسن مصطفى يلعب بعد ما اتوقف 3 اسابيع ولو بركات مالعبش فى الاول كان هيقولك هو ليه بركات مالعبش فى الاول كنا حسمنا الموقف فى الشوط الاول

انا عايز اقول ان كل الكلام ده ممكن كان يكون بالعكس لو حدث و فاز الاهلى و كانت الاشادة سوف تتوالى و الحديث عن العبقرية فى الاداء و التغييرات وووو...

على العموم خليهم يتكلموا زى ما هما عايزين بس بلاش احنا كمان نقطع فى فريقنا زى جماهير الفرق الاخرى ما بتعمل فى فريقها بمجرد خسارة مباراة او بطولة

احنا الاهلاوية الحقيقيين مهما حصل بنحب فريقنا..... و هنفضل نشجعه مهما حصل.. بالعكس كل ما الاهلى بيتعثر بنحبة و نشجعه و بنقف جنبه اكتر و ده الفرق بيننا و بينهم

الامل مايزال موجودا و هناك امل مادامت هناك حياة

زى ما هما احرزوا هدف فى القاهرة ليه احنا مانحرزش هدف فى تونس

اى حد منصف هايقول ان الاهلى كان متسيد المباراة و كان بيهاجم هجوم كاسح و مع ذلك مفيش نصيب ولو ربنا كان اراد كانت كرة متعب على الاقل دخلت المرمى

هما مش احسن مننا فى اى حاجة بالعكس نحن الافضل و الاقوى و يتبقى فقط توفيق الله عز وجل

فى النهايه هانقول الاهلى فريق كبير و لا ينقص منه انه تعادل فى مباراة او خسر بطولة.... دولاب البطولات فى الاهلى هاينفجر من كتر البطولات...... ماشاء الله

كلمة اخيرة

الفارس الاحمر لن يلقى بسيفة و سنواصل القتال حتى النهاية

الاسد الاحمر سوف يزأر فى تونس ان شاء الله

ملحوظة اخيرة: ليه ما نبصش لنصف الكوب الممتلئ ليه مانبصش ان الاهلى كسب لاعيب جامد جداً إسمه احمد شديد قناوى

[a_leader]

اى حد منصف هايقول ان الاهلى كان متسيد المباراة و كان بيهاجم هجوم كاسح

اولا السلام عليكم اخويا عصام
انا شايفك زعلان و متضايق
ما تزعلش نفسك
لسة الكورة فى الملعب
و فاضل ماتش هناك
بس انا مش موافقك بصراحة فى الجملة اللى انا مقتبسها من كلامك

الاهلى كان بيلعب بروح عالية و فدائية و بس
و جوزيه تغيراته ما عجتنيش خالص
لان احمد قناوى كان عامل شغل

الاهلى كان محتاج يكون موفق فى كورة متعب فعلا


انا مش جاى انتقد الاداء و ازعلك
بالعكس
انا جاى اقول لك عندك حق
و الكورة لسة فى الملعب
و ان شاء الله نرجع بالكاس

[محمود زايد]

دكتور عصام
الاهلى لاينقص من قدره ماتش او بطوله الاهلى لو ضعيف مايوصلش للنهائى مرتين متتاليتين فى بطوله قويه زى بطوله دورى ابطال افريقيا ده شئ مفروغ منه واى انسان بيتكلم بالعقل والمنطق عمره مايقلل من الاهلى لانه الافضل
اما عن المباراة بصراحه الاهلى كان بعيد عن مستواه بالاضافه للتشكيل والتغيرات ايضا فيها حاجات غلط لكن مش هنفضل نلطم ونصوت ونشمت وننقد باذن الله رجاله الاهلى هتنسى مباراة الذهاب ونتيجتها وهيحققوا شئ كويس يفرح بيه جماهير الاهلى فى تونس
انا عن نفسى من بعد الماتش ماقولتش غير كلمه واحده وهى قدر الله وماشاء فعل والحمدلله على النتيجه ولو ربنا اراد لنا البطوله هتيجى ولو بنلاعب مين حتى لو مش رايد يبقى فريق الاهلى عمل اللى عليه ويستحق كل تقدير واحترام وسيبك من اللى يشمت وتذكر المقوله اللى بتقول اذا اتتك المذمه من ناقص فاعرف انك كامل
تفائل خير يادوك ان شاء الله

[عصام كابو]

اولا السلام عليكم اخويا عصام
انا شايفك زعلان و متضايق
ما تزعلش نفسك
لسة الكورة فى الملعب
و فاضل ماتش هناك
بس انا مش موافقك بصراحة فى الجملة اللى انا مقتبسها من كلامك

الاهلى كان بيلعب بروح عالية و فدائية و بس
و جوزيه تغيراته ما عجتنيش خالص
لان احمد قناوى كان عامل شغل

الاهلى كان محتاج يكون موفق فى كورة متعب فعلا


انا مش جاى انتقد الاداء و ازعلك
بالعكس
انا جاى اقول لك عندك حق
و الكورة لسة فى الملعب
و ان شاء الله نرجع بالكاس

و عليكم السلام و رحمة الله و بركاته واهلا بيك يا محمد
شكرا على مداخلتك الجميلة
بص يا محمد انا رأيى ان الاهلى قدم مباراة جيدة بل واحدة من اجمل مبارياته
و الاهلى فعلا كان بيهاجم منذ البداية و كنت تشعر بالخطورة مع كل كرة فى اتجاه مرمى الصفاقسى
و لو كانت المباراة انتهت بفوز الاهلى كانت اتجاهت الانتقادات تغيرت 180 درجة و لكن الله لم يرد التوفيق
و لكن نقول الحمد لله اولاً واخراً
و فعلا انا حاسس ان ربنا هيوفقنا المباراة القادمة رغم صعوبتها
و ليس هناك شئ بعيد على ربنا
فى النهاية شكرا على شعورك الجميل يا محمد و الذى هو ليس بالغريب عليك فعلا

[عصام كابو]

دكتور عصام
الاهلى لاينقص من قدره ماتش او بطوله الاهلى لو ضعيف مايوصلش للنهائى مرتين متتاليتين فى بطوله قويه زى بطوله دورى ابطال افريقيا ده شئ مفروغ منه واى انسان بيتكلم بالعقل والمنطق عمره مايقلل من الاهلى لانه الافضل
اما عن المباراة بصراحه الاهلى كان بعيد عن مستواه بالاضافه للتشكيل والتغيرات ايضا فيها حاجات غلط لكن مش هنفضل نلطم ونصوت ونشمت وننقد باذن الله رجاله الاهلى هتنسى مباراة الذهاب ونتيجتها وهيحققوا شئ كويس يفرح بيه جماهير الاهلى فى تونس
انا عن نفسى من بعد الماتش ماقولتش غير كلمه واحده وهى قدر الله وماشاء فعل والحمدلله على النتيجه ولو ربنا اراد لنا البطوله هتيجى ولو بنلاعب مين حتى لو مش رايد يبقى فريق الاهلى عمل اللى عليه ويستحق كل تقدير واحترام وسيبك من اللى يشمت وتذكر المقوله اللى بتقول اذا اتتك المذمه من ناقص فاعرف انك كامل
تفائل خير يادوك ان شاء الله

اهلا بيك يا حودة
طبعا زى ما انت قولت الاهلى كبير و لا ينقص من قدره على الاطلاق التعادل او خسارة بطولة
بس انا اللى زعلنى بجد هو كمية الحقد و الشماته الغير طبيعيين
و انا نفسى اننا جماهير الاهلى لا ننساق وراء الانتقادات التى يطلقها الحاقدون
لانهم بذلك يحققون ما اراده هؤلاء الحاقدين من بث الفرقة و الغضب بين الجماهير
و صدقنى فعلا لو كان الاهلى فاز لكانت النغمة تغيرت على الاقل بين مشجعى الاهلى و كان الجميع سوف يتحدث عن عبقرية جوزيه و التشكيل الجميل اللى بدأ بيه و التغييرات المؤثرة وووو
فى النهاية يتبقى التوفيق من الله عز وجل لكى نرد به على هؤلاء الشامتين
و انا فعلا متفائل خيراً و ان شاء الله الايام سوف تثبت صدق كلامى

[اشرف المملوك]

الأخ الكريم / عصام كابو
عقدت لجنة الكرة بالأهلى برئاسة الكابتن حسن حمدى وعضوية الكابتن محمود الخطيب نائب الرئيس والكابتن طارق سليم والكابتن هادى خشبة المنسق العام للكرة ومقرر اللجنة اجتماعاً بالجهاز الفنى ولاعبى الفريق الأول للكرة قبل بداية التدريب الصباحى اليوم . من أجل تحفيز اللاعبين على الفوز أمام الصفاقسى فى إياب الدور النهائى لبطولة دورى رابطة الأبطال الإفريقى والمقرر له يوم 11 نوفمبر المقبل باستاد رادس .



فى البداية تحدث الكابتن حسن حمدى رئيس النادى مؤكداً أن أمام لاعبى الفريق فرصة لتسجيل أسمائهم بحروف من ذهب فى سجلات النادى بالحصول على اللقب الإفريقى وتحقيق انجاز كبير .. وأضاف الكابتن حسن حمدى أن مجلس الإدارة ولجنة الكرة لديهم ثقة كبيرة فى قدرة لاعبى الأهلى على تخطى عقبة الصفاقسى التونسى وإسعاد الجماهير الغفيرة التى تنتظر العودة من تونس بالكأس الإفريقية خاصة وأن الصفاقسى ليس بالفريق الذى لايقهر .. ومن الممكن جداً الفوز عليه وبنتيجة كبيرة .



وأوضح رئيس النادى أن معادن لاعبى الأهلى دائماً ماتظهر عند الشدائد ويعلم جيداً أن اللاعبين عازمون على بذل أقصى مافى جهدهم لرفع أسم الأهلى عالياً وإسعاد جماهير النادى المخلصة التى تقف ورائهم باستمرار وتنتظر لحظة التتويج .



وفى نفس الإطار جاءت كلمات الكابتن محمود الخطيب نائب الرئيس الذى أكد على ثقة إدارة النادى وثقته هو شخصياً فى قدرة اللاعبين على انتزاع الفوز من الصفاقسى على أرضه ووسط جماهيره والعودة بالكأس والمشاركة فى بطولة العالم للأندية باليابان .. وشدد الخطيب على أن الأهلى واجه الكثير من المواقف المشابهة وكان لاعبوه دائماً عند حسن الظن بهم وعلى مستوى المسئولية ودائماً حققوا النتيجة التى تنتظرها جماهيرهم .



وطلب نائب رئيس النادى من لاعبى الفريق ضرورة بذل أقصى جهدهم لتحقيق الفوز على الصفاقسى وتحقيق حلم جماهيرهم بالحفاظ على اللقب الإفريقى ولم يفت نائب الرئيس الإشارة إلى المكافئات الضخمة التى تنتظرهم .



أما الكابتن طارق سليم فأكد أنه يعلم قدرات لاعبى الفريق جيداً ويعلم أيضاً أنهم يستطيعون الفوز على الصفاقسى وبنتيجة كبيرة ومعظمهم له خبرة بمثل هذه المباريات التى تحتاج إلى تعامل من نوع خاص .. وأضاف الكابتن طارق سليم أن الصفاقسى فريق عادى جداً وليس من الصعوبة الفوز عليه بدليل أن الأهلى كانت له الأفضلية فى مباراة الذهاب ولاحت له العديد من الفرص التى كانت كفيله بإنهاء المباراة فى القاهرة ولكن عامل التوفيق حال دون ذلك ومازالت الفرصة قائمة أمام اللاعبين لإسعاد الجماهير وتحقيق إنجاز غير مسبوق .
الأسد الأحمر سوف يزأر فى تونس ان شاء الله
ولو كره الكارهون

[عصام كابو]

الأخ الكريم / عصام كابو
عقدت لجنة الكرة بالأهلى برئاسة الكابتن حسن حمدى وعضوية الكابتن محمود الخطيب نائب الرئيس والكابتن طارق سليم والكابتن هادى خشبة المنسق العام للكرة ومقرر اللجنة اجتماعاً بالجهاز الفنى ولاعبى الفريق الأول للكرة قبل بداية التدريب الصباحى اليوم . من أجل تحفيز اللاعبين على الفوز أمام الصفاقسى فى إياب الدور النهائى لبطولة دورى رابطة الأبطال الإفريقى والمقرر له يوم 11 نوفمبر المقبل باستاد رادس .



فى البداية تحدث الكابتن حسن حمدى رئيس النادى مؤكداً أن أمام لاعبى الفريق فرصة لتسجيل أسمائهم بحروف من ذهب فى سجلات النادى بالحصول على اللقب الإفريقى وتحقيق انجاز كبير .. وأضاف الكابتن حسن حمدى أن مجلس الإدارة ولجنة الكرة لديهم ثقة كبيرة فى قدرة لاعبى الأهلى على تخطى عقبة الصفاقسى التونسى وإسعاد الجماهير الغفيرة التى تنتظر العودة من تونس بالكأس الإفريقية خاصة وأن الصفاقسى ليس بالفريق الذى لايقهر .. ومن الممكن جداً الفوز عليه وبنتيجة كبيرة .



وأوضح رئيس النادى أن معادن لاعبى الأهلى دائماً ماتظهر عند الشدائد ويعلم جيداً أن اللاعبين عازمون على بذل أقصى مافى جهدهم لرفع أسم الأهلى عالياً وإسعاد جماهير النادى المخلصة التى تقف ورائهم باستمرار وتنتظر لحظة التتويج .



وفى نفس الإطار جاءت كلمات الكابتن محمود الخطيب نائب الرئيس الذى أكد على ثقة إدارة النادى وثقته هو شخصياً فى قدرة اللاعبين على انتزاع الفوز من الصفاقسى على أرضه ووسط جماهيره والعودة بالكأس والمشاركة فى بطولة العالم للأندية باليابان .. وشدد الخطيب على أن الأهلى واجه الكثير من المواقف المشابهة وكان لاعبوه دائماً عند حسن الظن بهم وعلى مستوى المسئولية ودائماً حققوا النتيجة التى تنتظرها جماهيرهم .



وطلب نائب رئيس النادى من لاعبى الفريق ضرورة بذل أقصى جهدهم لتحقيق الفوز على الصفاقسى وتحقيق حلم جماهيرهم بالحفاظ على اللقب الإفريقى ولم يفت نائب الرئيس الإشارة إلى المكافئات الضخمة التى تنتظرهم .



أما الكابتن طارق سليم فأكد أنه يعلم قدرات لاعبى الفريق جيداً ويعلم أيضاً أنهم يستطيعون الفوز على الصفاقسى وبنتيجة كبيرة ومعظمهم له خبرة بمثل هذه المباريات التى تحتاج إلى تعامل من نوع خاص .. وأضاف الكابتن طارق سليم أن الصفاقسى فريق عادى جداً وليس من الصعوبة الفوز عليه بدليل أن الأهلى كانت له الأفضلية فى مباراة الذهاب ولاحت له العديد من الفرص التى كانت كفيله بإنهاء المباراة فى القاهرة ولكن عامل التوفيق حال دون ذلك ومازالت الفرصة قائمة أمام اللاعبين لإسعاد الجماهير وتحقيق إنجاز غير مسبوق .
الأسد الأحمر سوف يزأر فى تونس ان شاء الله
ولو كره الكارهون

اهلا بيك اخى اشرف....نورت الموضوع
كلنا ثقة بإذن الله فى الاهلى و انه سوف يتخطى هذه العقبة الكئود
ما اجمل اللافتة التى رأيتها مع جماهير الاهلى فى الاستاد
لو بطلنا نكسب.... نموت

[a_leader]

ح اقول لك حاجة يا عصام
انا واحد من الناس اللى رأى لا يتأثر بنتيجة مباراة ابدا
الاهلى ما لعبش حلو من وجهة نظرى
و دى مش احسن مباراة ولا حاجة
لكن الاهلى لعب بروح عالية جدا
مشكلة الاهلى من وجهة نظرى هى ان حظه كان وحش
بمعنى ان بركات لسة مش فورمة و ده يفرق كتير
يعنى حظ الصفاقسى ان بركات لسة راجع من اصابة
و حظ الصفاقسى ان النحاس مصاب
و حظ الصفاقسى ان جوزيه اخطأ من وجهة نظرى
لو انا كنت مكانه كنت ح الاعب بركات و اسلام مع بعض
كانوا ح يعملوا جبهة يمين حلوة بدل ما هو موت بركات لوحده و هو لسة راجع من اصابة
ده يكون على حساب شوقى او الولد التانى اللى فى النص ( مش فاكر اسمه )
انا مش محتاج و انا على ارضى ووسط جمهورى يكون عندى اتنين ارتكاز
كفاية واحد بس
كمان كان لازم يدى تعليمات لابو تريكة انه يرجع لنص الملعب مادام ممسوك و فى الحالة دى ابو تريكة كان ح يستلم بوشه و يوزع لزمايله
و احمد قناوى كان عامل شغل ماكانش مفروض يطلعه
دى وجهة نظرى وو الله مش بسبب النتيجة ولا حاجة
دى مجرد رؤية ووجهة نظر
حتى جماهير الاهلى نفسها فى الاستاد استغربت من تغيير احمد قناوى لو كنت اخدت بالك
عموما و بكل صراحة انا كنت بحب فايتسا و مقتنع بفكره جدا لكن جوزيه ما اقتنعتش بيه ابدا غير فى ماتش الاهلى و الاسماعيلى 4/4 لانى بعتبر الماتش ده من اروع الماتشات اللى شوفتها فى حياتى
مش وقته الكلام ده
اعتقد ان الاهلى فرصته موجودة و قوية بشرط ان جوزيه ما يألفش و يلعب عادى
لان الاهلى فريق كبير و ما يفرئش معاه يلعب بره او جوه
و لو تفتكر الاهلى خلى الرجاء البيضاوى يلعب عند جونه 30 دقيقة كاملة فى المغرب
لما هاجم و جاب جون فعلا
الصفاقسى عنده مشكلة كبيرة خللى بالك
انه عنده فرصتين
عشان كده الصفاقسى ح يلعب بحذر و مش ح يغامر
الاهلى لازم يهاجم هناك كانه فى استاد القاهرة بالظبط
و اعتقد انه ح يعمل كده ,,

[عمرو صالح]

ازيك يا عصام

ان شاء الله الأهلي قادر على التعويض

الأهلي اكبر من انه يتحطم لمجرد تعادل ولو كان على ارضه

وتاريخ الأهلي بيقول انه قادر على الفوز خارج ارضه

وساعتها هيكون طعم الفوز بالبطولة مضاعف واقوى بكتير

لاعبية الاهلي رجاله وعماد متعب رجع لمستواه وان شاء الله يحالفه التوفيق في المباراة الجاية

مباراة المصري فرصه جيده للوقوف على مستوى محمد عبد الله وواستعادة بركات لحساسية المبارايات

وتجربه حسن مصطفى

معلش الظروف مش مناسبة زي السنة اللي فاتت والفريق محاط بالاصابات المؤثرة طول فتره البطولة

ومع ذلك وصل للمباراة النهائية

في انتظار يوم 11-11 الرقم يوحيلي بالتعادل 1-1 في القاهرة و 1-1 في تونس والله اعلم

شكرا يا عصام على الموضوع المميز

[حسام عمر]

هل اي انتقاد للأهلي يعتبر حقد

ما الزمالك بيواجه بقاله سنتين انتقدات

يبقى كل ده حقد


الموضوع ده لنا مش مصدق انه بتاعك يا عصام

لاني واثق انك مش متعصب


والموضوع ده بتاع واحد قمه في التعصب

والله اعلم