يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 3 123 الأخيرةالأخيرة
النتائج 1 إلى 10 من 24

الموضوع: مجلة الأغانى

  1. #1

    تاريخ التسجيل
    May 2006
    الدولة
    القاهرة
    العمر
    74
    المشاركات
    128

    مجلة الأغانى

    مجلة الأغانى

    بعض الأغنيات التى كتبتها فى لحظات معينة :: شجعنى على انشاء الموضوع الدكتور جمال مرسى عندما نشر ( انا لك على طول خليك ليا ) .. من يريد المشاركة فليتفضل .. سواء بأغان من تأليفه أو من الأغانى الجميلة التى قدمت فى الزمن الجميل أو غير الجميل المهم المستوى الرائع ..

    شكرا لكم

    ( نصيحة : لاتنشر أغانى غير مسجلة لكيلا يسرقها أولا د الحلال )
    د. أحمد سعد الدين أبورحاب
    عضو اتحاد الكتّاب - مصر

  2. #2

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    دوبينى فى لون عيونك


    دوبينى فى لون عيونك
    واحرقينى بنار جنونك
    مهما يحصلى معاكى
    مش حاعيش ابداً بدونك
    قرّبى منى تعالى
    جرّبى صدق انفعالى

    ******
    نفسى اعرف خايفه ليه؟
    خايفه منى ولا ايه ؟
    ولا حاسّه
    إن لسه
    الحكايه ناقصه همسه
    ولا حاجه مش فى بالك
    رغم انك كل بالى
    قربى منى تعالى
    جربى صدق انفعالى

    ******
    لو تعومى فى بحر حبّى
    لو تعيشى جوه قلبى
    لو تحسى
    إن همسى
    غنوة ليكى جوّه نفسى
    يبقى حبى جوه بالك
    زى مانتى ساكنه بالى
    قربى منى تعالى
    جربى صدق انفعالى
    ّ
    د. أحمد سعد الدين أبورحاب
    عضو اتحاد الكتّاب - مصر

  3. #3

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    مايهمنيش

    تنسانى ماتنسانيش مايهمنيش
    إبعد وروح وعيش
    وسيبنى اعيش

    دوّب فى قلب جديد…
    واهرب لوهم بعيد
    ولو حاتبقى سعيد …
    أو مش حاتبقى سعيد
    مايهمنيش

    إرمى شباك الهوى…
    فى بحر أيامك
    وصيد لقلبك دوا…
    او صيدله اوهامك… مايهمنيش




    مهما حصلّك …
    مايهمنيش
    مهما جرالك ……
    مايهمنيش
    لو قلب مال لك …… مايهمنيش
    أو قلب سابك …… مايهمنيش

    أنا ناويه أبعد
    واروح ماجيش
    فى دنيا تانيه
    أنا ناويه اعيش


    كلمات
    زكريا أمان

    ألحان
    أحمد ابورحاب
    د. أحمد سعد الدين أبورحاب
    عضو اتحاد الكتّاب - مصر

  4. #4

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    ولا انت مش ناوى
    كلمات احمد سعد الدين

    باحلم بحلم كبير
    انا وانت فيه بنطير
    فى جنة الأحلام
    وحلاوة الأيام
    وترفرف الأفراح
    بألف ألف جناح
    ولا انت مش ناوى؟

    باحلم بأصغر عش
    مفروش بأبسط فرش
    ويتملى بأولاد
    فاهمنى انت ياواد
    مسكون بأحلى حنان
    واحس فيه بأمان
    ولا انت مش ناوى؟

    خد بالك ان انا بنت
    ومهما قلت وعدت
    حايقولولى عيب
    لازم انت اللى تقول
    اصلك تطول وتنول
    وتبقى اغلى حبيب
    ولا انت مش ناوى؟
    د. أحمد سعد الدين أبورحاب
    عضو اتحاد الكتّاب - مصر

  5. #5

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    البنّوته
    زكريا أمان

    البنوته
    احلى مافيها مش حلاوتها
    احلى مافيها جمال شقاوتها
    لما يشاغب طرف عينيها
    أو شعرها يرقص حواليها
    بتحصل حاجــــــــه

    البنوته
    البنوته كما العفريته
    ولذيذه زى الشكاليته
    لما الشمس تغيب فى خدودها
    لما الليل يسهر فى عيونها
    تلقى البدر ينام فى عيونها
    وضي الفجر يصحّى ورودها
    وتحصل حاجــــــــه

    البنوته
    البنوته دى جايه منين
    م الدنيادى ولا منين
    مش م الشمس ومش م البدر
    اصلها احلى من الاتنين
    جايه ضرورى من الأحلام
    جايه عشان تصحى الأيام
    وتحصل حاجــــــــه
    د. أحمد سعد الدين أبورحاب
    عضو اتحاد الكتّاب - مصر

  6. #6

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    فين أراضِيك
    كلمات : أحمد أبورحاب


    بتقوللى غايبه ليه
    هو انت حد لاقيك ؟
    مش فاهمه تقصد ايه
    ولا عارفه فين اراضيك

    انا قلبى يستاهل
    عشان بيتحايل
    واليك هواه مايل
    ياللى انت مش سائل
    وتقوللى غايبه ليه
    هو انت حد لاقيك ؟
    مش فاهمه تقصد ايه
    ولا عارفه فين اراضيك

    باسهر لحد الفجر
    وِاسأل شعاع البدر
    حايضيع معاك العمر
    ويضيع عليك الصبر
    وتقوللى غايبه ليه
    هو انت حد لاقيك ؟
    مش فاهمه تقصد ايه
    ولا عارفه فين اراضيك
    د. أحمد سعد الدين أبورحاب
    عضو اتحاد الكتّاب - مصر

  7. #7

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    لما كنا صغيرينعلاء حسن فواز


    زمان .. لما كنا صغيّرين
    كان الهوى غنوة حنين
    كانت قلوبنا قريبين
    والشمس دافيه زى قلب المغرمين
    والليل امان .. كأنه بحر من الحنان
    البراءة منوراه ..والأغانى مزوقاه

    وافترقنا ويا امواج السنين
    والنهارده انتى فين وانتى مين
    وانشغل قلبى بقلب وبعده قلب
    والحياه جابتلى حب وبعده حب

    بس احيانا باحس بشئ حزين
    جوه قلبى زى لحظه من حنين
    للضفيره الحلوه تلعب فى الهوا
    والاغانى والكلام دايما سوى
    لما كنا صغيرين
    د. أحمد سعد الدين أبورحاب
    عضو اتحاد الكتّاب - مصر

  8. #8

    تاريخ التسجيل
    Dec 2003
    الدولة
    بلاد العرب أوطاني
    العمر
    61
    المشاركات
    4,102
    الله الله
    جميل موضوعك هذا أخي الحبيب د. أحمد
    و الأجمل هو الأغاني المكتوبة هنا
    سأشاركك بأغنية انا لك على طول التي اقتبست مطلعها من أغنية عبد الحليم
    و أكملت عليها من عندي
    و الموضوع للتثبيت

  9. #9

    تاريخ التسجيل
    Dec 2003
    الدولة
    بلاد العرب أوطاني
    العمر
    61
    المشاركات
    4,102
    " أنا لك على طول خليك ليه "
    " خد عين مني و طل عليه "
    باسمعها و اشوفك في حروفها
    تنده لي ساعة صبحية
    و أعيدها كمان أسمع صوتك
    و خيالك طاير حواليه
    مرافقني و مش بيغيب عني
    و تمللي منور لياليّه .
    و أغمض عيني عشان أسرح
    و اتخيل إيدك في إديّه
    ألاقيك شمس بتبعت نورها
    و دفاها لقلبي و لعنيّه .
    و الاقيك أنهار سحر بتجري
    و بتروي ورودي المطفيه
    تكبر و تزهزه أحلامي
    و ترجَّع نبض الروح فيه
    لما اسمع صوتك يناجيني
    الصبح و ساعة عصريه
    و يقوللي بحبك يا حبيبي
    انا لك على طول خليك ليّه

  10. #10

    تاريخ التسجيل
    May 2006
    الدولة
    القاهرة
    العمر
    74
    المشاركات
    128
    اقتباس المشاركة الأصلية كتبت بواسطة د. جمال مرسي
    " أنا لك على طول خليك ليه "
    " خد عين مني و طل عليه "
    باسمعها و اشوفك في حروفها
    تنده لي ساعة صبحية
    و أعيدها كمان أسمع صوتك
    و خيالك طاير حواليه
    مرافقني و مش بيغيب عني
    و تمللي منور لياليّه .
    و أغمض عيني عشان أسرح
    و اتخيل إيدك في إديّه
    ألاقيك شمس بتبعت نورها
    و دفاها لقلبي و لعنيّه .
    و الاقيك أنهار سحر بتجري
    و بتروي ورودي المطفيه
    تكبر و تزهزه أحلامي
    و ترجَّع نبض الروح فيه
    لما اسمع صوتك يناجيني
    الصبح و ساعة عصريه
    و يقوللي بحبك يا حبيبي
    انا لك على طول خليك ليّه
    -----------------------

    جميل جدا

    هذا ما نحن فى حاجة اليه

    شكرا لك أخى الشاعر

    واسمح لى ان اقتبس هذين البيتين :

    و الاقيك أنهار سحر بتجري
    و بتروي ورودي المطفيه
    تكبر و تزهزه أحلامي
    و ترجَّع نبض الروح فيه

    بصراحة ورودى المطفية هذه جديدة تماما ( الورود المنطفئة ) أى التى فقدت بهجتها وبريقها بسبب غياب الربيع والماء والحب ... شكرا لك

    بالمناسبة : زكريا أمان هو الشاعر ال>ى كان يكتب اغلب كلمات البرنامج ال>ى كانت تقدمه حكمت الشريبنى فى نهاية الإرسال كل مساء فى البرنامج العام .. وهو حاليا امين نقابة العاملين يالصحافة وعضو المجلس الأعلى للصحافة

    من روائعه

    سفاين حبنا المجروح على المرسى
    لا بتبح<ر ولا بترسى
    وانا واقف على شط الفراق
    ونظره حزينة ف عينيا
    ورعشه غريبه فى ايديا
    وسامع للنجوم همسه
    وحاسس للقمر لمسه
    ولو جيتنى بعد الف فراق
    بعد الف الف فراق
    حا تلقانى هنا لسه
    لا انا بامشى ولا بانسى

    --------------------

    خالص التحية
    د. أحمد سعد الدين أبورحاب
    عضو اتحاد الكتّاب - مصر

صفحة 1 من 3 123 الأخيرةالأخيرة

المواضيع المتشابهه

  1. ليلة ولا ألف ليلة سبوع أجمل أميرة * لمسه *بنت السلطان
    بواسطة لمسه في المنتدى قاعة التعارف والمناسبات
    مشاركات: 16
    آخر مشاركة: 16-12-2009, 10:43 PM
  2. ليلة ليلة ليلة...أما ليلة يا سلام
    بواسطة khaled4 في المنتدى قاعة الرياضة
    مشاركات: 2
    آخر مشاركة: 16-02-2006, 01:21 PM
  3. [ستالايت] مجلة sat codx مجلة الترددات المتخصصة
    بواسطة kaldeeb في المنتدى قاعة الموبايل والستالايت
    مشاركات: 0
    آخر مشاركة: 27-12-2005, 11:42 AM
  4. البتراء ( عجائب أشبه بأقاصيص ألف ليلة و ليلة )
    بواسطة بو وعد في المنتدى حول العالم
    مشاركات: 2
    آخر مشاركة: 04-10-2005, 09:56 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك