صفحة 1 من 3 123 الأخيرةالأخيرة
النتائج 1 إلى 10 من 22

الموضوع: كحك العيد و اخواته ....

  1. #1

    تاريخ التسجيل
    Apr 2006
    الدولة
    any street
    المشاركات
    1,914

    كحك العيد و اخواته ....

    كل سنه وانتم طيبين
    و يعيد ربنا علينا الايام الجميله بكل الخير
    اللهم امين
    انا كتبت وصفات الكحك والبيتى فور و الغريبه و بسكويت النشادر
    فى موضوع هانفطر ايه النهارده
    و يارب تعجبكم
    و مستنى رايكم .. ونتقابل هناك
    مساء الفل

    البحار الهادئه لا تصنع بحارا ماهرا

  2. #2

    تاريخ التسجيل
    Apr 2005
    الدولة
    -------
    المشاركات
    8,676
    جزاك الله كل الخير سي هورس

    طيب ما تنزلهم هنا اسهل يا سي هورس
    عشان يبقي موضوع مستقل قائم بذاته ويبقي مرجع سهل الوصول اليه لاي حد مش بيتابع موضوع هنفطر ايه

  3. #3

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178
    كل سنة و انت طيب ..
    كل سنة و انت معانا
    ربنا يبارك فيك .. و يجازيك خير ياارب..

  4. #4

    تاريخ التسجيل
    Oct 2006
    الدولة
    somewhere
    المشاركات
    12
    انا مع رأى أم أحمد بانك تنزلهم هنا سى هورس ويكونوا فى موضوع بعيد عن الافطار واكل رمضان ولسهولة الوصول لهم


    جزاك الله كل خير وكل سنة وانت والاعضاء جميعا بخير
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
    همس الغــــــــــــــــــــروب

  5. #5

    تاريخ التسجيل
    Apr 2006
    الدولة
    any street
    المشاركات
    1,914
    الاعزاء ام احمد و انفال و همس الغروب
    انا تحت امر راى الاغلبية
    ونزولا على رغبتكم اتفضلوا معانا
    الكحك او المعمول
    نص كيلو سميد و 1 كيلو دقيق و كوبايتين سمن نوع محترم
    كوباية زيت ذرة و بيضتين و حوالى ً كوبايتين لبن دافى
    و نحط معاهم 1 ملعقة كبيره خميرة عاديه و معلقة صغيره سكر (ولا تستعملى الخميرة السريعة )
    و نضيف للدقيق معلقه كبيره ريحة المعمول او الكحك من عند العطار
    نخلط السوائل كلها مع بعض ونسيب نص اللبن لضبط العجين
    نضيف خلطة السوائل للدقيق و ريحة المعمول او الكحك مع معلقتين ماء زهر
    ونعجن كويس ونضبط تخانة العجين بباقى اللبن
    نسيب العجين متغطى بقماشه يخمر حوالى ساعه
    ثم نقطع حتت صغيره ونحشيها باى شئ نحبه ( جوز / تمر / تين مجفف )
    ونلم الاطراف ونرص فى صاج الفرن وممكن ننقشه لو نحب
    ويدخل فرن حار حوالى 10-15 دقيقه ثم تحمير الوش
    ويخرج يبرد ونرش على وشه سكر بودره ..ودى فايدة النقش لعدم انزلاق السكر
    صباح الفل

    البتى فور
    كوبايتين دقيق وكوباية سكر وتلاتربع زبده
    كيس بيكنج باودر وبيضتين ومعلقتين كاكاو ومربه ومبشور فستق او لوز
    هانضرب السكر والزبده لغاية مرحلة الكريمه ونضيف البيض ونكمل
    ونخلط البيكنج باودر بالدقيق ونضيفه بالتدريج مع العجن لغاية تماسك العجينه
    هانقسمها نصين ونضيف الكاكاو لنص منهم
    هايبقى عندنا عجينه لونين نشكل ونخبز كل لون لوحده
    طبعا باى اشكال تحبها ممكن كور صغيره او باستعمال القمع او بالقوالب
    بعد ما تستوى نسيبها تبرد ونبدأ نلزق كل اتنين من لونين مع بعض بالمربه
    ونزوق الاحرف بمبشور المكسرات او بدون

    الغريبة
    كيلو دقيق و 3 كوبايات زبده و كوباية سكر بودرة و بياض بيضتين
    و فانيليا و لوز مقشر و فلقات للتزيين
    هانضرب الزبده مع السكر لغاية الكريمه
    هانضرب بياض البيض مع الفانيليا ونضيفه للى فات
    بعد كده نحط الدقيق بالتدريج اثناء دوران العجانه و حتى تكون عجين لا يلتصق
    نشكل العجينه وحدات صغيره مغروس فى قمتها نص لوزه
    المهم نسيب مسافات بين الوحدات لمنع الالتصاق
    و ندخلها فرن متوسط الحرارة لغاية السوى التمام
    ونخرجها نبردها على طول

    بسكويت النشادر
    تلات كوبايات دقيق و كوباية نشا و كوباية سمن معتبر
    بيضتين و كيس بيكنج باودر و فانيليا و شوية لبن لضبط العجين
    نضرب السكر والسمن حتى النعومه و مرحلة الكريمه
    نضرب البيض والفانيليا و نضيفه للى فات
    نضيف الدقيق والنشا والبيكنج باودر بالتدريج حتى نصل لعجينه يمكن تشكيلها
    ويمكن ضبطها باستعمال شوية لبن
    بعد كده نشكل البسكويت سواء بالماكينه الخاصه او القمع او اى شئ
    و ندخلها فرن متوسط برضه زى الغريبه.... لغاية اللون الذهبى
    ونخرج البسكويت يتبرد على طول

    و كل سنه وانتم طيبين
    صباح الفل

    البحار الهادئه لا تصنع بحارا ماهرا

  6. #6

    تاريخ التسجيل
    Apr 2005
    الدولة
    -------
    المشاركات
    8,676
    تمام كده يا فندم
    كل عيد وانتم بكل خير
    بصراحة نفسي اوي اجرب بس خايفة
    عاوزة شوية تشجيع

  7. #7

    تاريخ التسجيل
    Nov 2003
    الدولة
    مصرية / اسكندرانية / مقيمة في جدة
    العمر
    40
    المشاركات
    5,549
    اللـــــــــــــــــــــــــــه
    كل سنة و انت طيب يا سي هورس
    و الله انا كنت ببلع ريقي وانا بقرا طريقة الكحك
    ححاول اعمله لاني نفسي في بجد وبعدين دة طلع سهل جدا
    تسلم ايدك يا رب
    ويعود عليك الايام بخير
    ( وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا )



    اضغط علي الرابط
    http://www.shbab1.com/2minutes.htm

  8. #8

    تاريخ التسجيل
    May 2005
    الدولة
    الاسكندريه شتاءااااااااااااااااا
    العمر
    48
    المشاركات
    1,269
    تسلم ايدك يا سى هورس وكل سنه وابناء مصر بخير وعيد سعيد

  9. #9

    تاريخ التسجيل
    Apr 2006
    الدولة
    any street
    المشاركات
    1,914
    العزيزه ام احمد
    الكل بيشجع اهو

    ياللا وجربى و مش هاتندمى

    العزيزه ايناد
    الموضوع سهل و بلاش تعملى كميه كبيره كفايه نفس المقادير المذكورة
    كل سنه وانتم طيبين

    العزيزه مشمش
    و كل سنه وانتم طيبين و متجمعين
    مساء الفل

    البحار الهادئه لا تصنع بحارا ماهرا

  10. #10

    تاريخ التسجيل
    May 2006
    الدولة
    كندا
    العمر
    42
    المشاركات
    14
    السلام عليكم ورحمة الله
    شكرا جدا على طريقة الكحك بس كنت عايزه اعرف
    ليه بنحط سميد ؟
    ولو ماحطش السميد الطريقةتبوظ
    شكرا يا اختى

صفحة 1 من 3 123 الأخيرةالأخيرة

المواضيع المتشابهه

  1. صفر جديد حنب اخواته...........
    بواسطة mohameddessouki في المنتدى قاعة المناقشات
    مشاركات: 0
    آخر مشاركة: 25-10-2010, 04:16 PM
  2. مشاركات: 53
    آخر مشاركة: 29-11-2009, 02:53 PM
  3. مجلة حجاب العدد الرابع (عدد العيد)
    بواسطة جلاكسي في المنتدى قاعة الأسرة
    مشاركات: 13
    آخر مشاركة: 03-04-2009, 11:45 PM
  4. اضحك و فرفش في العيد .. و بعد العيد كمان
    بواسطة د. جمال مرسي في المنتدى قاعة فك التكشيرة
    مشاركات: 4
    آخر مشاركة: 19-05-2005, 06:15 AM
  5. *-*-* ملف العيد *-*-*
    بواسطة amoora في المنتدى قاعة الأسرة
    مشاركات: 6
    آخر مشاركة: 19-01-2005, 08:15 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •