صفحة 1 من 3 123 الأخيرةالأخيرة
النتائج 1 إلى 10 من 23

الموضوع: محمد رفيع هيجوعنا ... هيجوعنا

  1. #1

    تاريخ التسجيل
    Apr 2005
    الدولة
    -------
    المشاركات
    8,676

    محمد رفيع هيجوعنا ... هيجوعنا

    [frame="9 80"]بسم الله الرحمن الرحيم
    السلام عليكم ورحمة الله وبركاته


    كما تعودنا كل يوم ان نلتقي مع مبدع جديد من مبدعي ابناء مصر
    موعدنا اليوم مع التألق والابداع
    موعدنا مع كاتبنا الكبير الاستاذ محمد رفيع
    لكي يمتعنا باحلي الاطباق الشهية مع احدي ابداعاته
    فلتتفضل استاذ محمد دخول مطبخ ابناء مصر

    اتمني لك قضاء يوم لذيذ في المطبخ في تحضير اشهي الاطباق لنا[/frame]
    الي اللقاء في الغد مع مبدع جديد وطبق لذيذ وكلام مفيد

  2. #2

    تاريخ التسجيل
    Sep 2003
    الدولة
    القاهرة
    المشاركات
    145

    مصري

    طبق اليوم كوسة بالبشمل

    يغسل كيلو كوسة ، ويقطع حلقات ثم يوضع فى الماء على النار ليغلى قليلا ، لكن دون سواء كامل ، تصفى الكوسة وتترك لتبرد.

    نحضر اللحم المفروم (العصاج) ، نص كيلو لحم مفروم ، بصلة مفرومة ، توابل وبهرات .
    يقلب البصل المفروم فى معلقة سمنة حتى يصبح لونه ذهبى ، ثم توضع اللحمة المفرومة والبهارات ويترك قليلا على النار حتى ينضج .

    نحضر البشامل ومقديرة كالاتى
    3 ملاعق سمن
    5 معالق دقيق
    2 كوب لبن او شربة
    2 بيضة

    طريقة التحضير
    يسخن السمن ثم يوضع الدقيق مع التقليب المستمر حتى لا يتكتل ثم يوضع اللبن ببطء مع التقليب المستمر ثم الملح والبهرات مع التقليب ايضا حتى الوصول للسمك المناسب
    ثم يترك حتى يبرد وبعد ذلك نضع البيض ويقلب




    طريقة تحضير الكوسة
    تدهن الصينية بالسمن ثم نرص طبقة من الكوسة بعدها طبقة بشمل بعدها طبقة من اللحم المفروم ونكرر الطبقات ولكن يبقى السطح ملئ بالبشمل
    ندخله الفرن حوالى نص ساعة
    ثم بالهناء والشفاء>> الحق ازوغ قبل النتيجة

  3. #3

    تاريخ التسجيل
    Apr 2006
    الدولة
    مصر
    المشاركات
    3,580
    الأخ الفاضل محمد رفيع

    سلمت يداك على صينية الكوسة بالبشامل الجميلة .....
    وماتخافش حضرتك لو زغت دلوقتي لسه بدري علي الفطار .....
    بس هي كدة شكلها هيكون رائع ......
    سلمت يداك وكل عام وأنت بخير ......

    تحياتي
    ليلة عشق

  4. #4

    تاريخ التسجيل
    Apr 2005
    الدولة
    -------
    المشاركات
    8,676
    ما شاء الله يا استاذ محمد
    ريحة الكوسة رهيبة
    جابتني جري اهو
    فين بقي الحلو سعادتك
    يلا بسرعة المغرب قرب
    ومفيش زوغان حضرتك
    عاوزين الحلو وبسرعة

  5. #5
    Tetris Champion!
    تاريخ التسجيل
    May 2004
    الدولة
    القاهرة
    العمر
    49
    المشاركات
    8,981
    يا مساء الباشاميل ...و الله كنت متأكدة انك هتعمل حاجة بالباشاميل

    من ساعة ما قلت في مائدة إفطار أبناء مصر انك تعشق كل ما هو بالباشاميل

    تسلم إيدك جوعتنا و لسه علي الفطار اكتر من ساعة

    بس فين بقي يا سيدي الحلو؟؟ انت هتخمنا و الا إيه

    لا تنازل عن الحلو إختار أي عمل من أعمالك جديد لم يسبق له النشر هنا و هاته لنا

    في إنتظار الحلو مع الشاي بقي بعد الفطار ..لي عودة علشان اتمزج

    دمت بكل خير

    في رعاية الله ،،،


    يارب إن كان إدراك الحكمة صعباً.. فاجعل برحمتك الصبر والرضا سهلاً.

    على الطريــق

  6. #6

    تاريخ التسجيل
    Sep 2003
    الدولة
    القاهرة
    المشاركات
    145
    اخوانى وابناء اوطانى

    ايه المطبخ ده ، بيتهيئلى سمعت الكلمة دى قبل كده ، يا نهار ذكريات ، افتكرته خلاص
    اخر مرة شفته ايام الجامعة ولأنى راجل قصاص والشعر هجرنى من زمان ومعرفتش اطلبه للطاعة. قلت عليه شعر ناشز . المهم كفايه كلام عن الشعر لحسن يخلعنى ،
    حكاياتى فى اللى اسمه المطبخ دة اخر مزاج . يعنى مرة عملت كريم كرمل بالجبنة البيضة ،

    احكيلكم حكايته ، طبعا كنا ايام الجامعة بنوزع المهام واحد يغسل المواعين وواحد ينزل يشترى الخضار واتنين يطبخوا ، يعنى واحد اساسى والتانى احتياطى عشان لو الأولانى ولع ولا حاجة يبقى فيه استبن . المهم زى عوايدى ما كنتش فى فريق الطبخ وده طبعا احد اسباب انى عايش وبكلمكم اهه.
    كنت بانزل اجيب الطلبات واذ فجاءة الاقى عند السوبر ماركت كريم كراميل جاهز . الحقيقة انى ضعفت والشيطان غوانى ، لاقيت معاه كتالوج فيه طريقة التحضير قلت خير ، كده ضمنت انى اداوى نفسى واعالج ادمانى بنفسى ومفيش داعى للبهدلة واطلبه من كل من هب ودب . المهم دخلت على العيال منتهى العنتظة وقلتلهم انا كمان هاعملكم الحلو . مش عارف ملعون مين اللى قال احنا نعمل الحلو الاول عشان نحطه فى التلاجة يسقع . جه فريق الطبيخ والشاب بتاع المواعين وقعدنا نذاكر فى الكتالوج . ورغم ان الكتالوج صغير الا انه كان زى البردية ، كله ألغاز .
    غالبا كان مترجم ترجمة ركيكة وغير مفهومة . قام ملعون تانى قال طيب ما نشوف النص الاصلى . وراح مطلع الكتالوج الانجليزى وكأنه اكتشف حجر رشيد، مش عارف احكى لكم على رحلة القاموس ولا بلاش . تلات قواميس اترصوا والشاب بتاع المواعين قعد يلخص اللى احنا بنقوله، ما طولش عليكم وصلنا لتصور عام للوصفة يعنى حبة ترجمة ركيكة على حبة قاموس المورد ، اتقضت وفهمنا شوية . وابتدينا التجربة .
    المهم ماشيين على الخطوات خطوة خطوة وكل شرط فى الوصفة ما بيحصلش. يعنى يقول فى الشفرة اللى وصلنلها استمرى فى التقليب حتى يتماسك وهوه راسه والف سيف ميتماسك . وطبعا كل الاوامر ضعى واستمرى وكنا كل شويه نقول لبعض استمرى وقلبى وحجات من دى . المهم النتايج مش راضيه تطلع واحنا متنا من الجوع واستهلكنا كتير من المواعين . حسينا باحباط زى بتاع الكيميا . واتهدينا من الجوع والبرد ، طفينا النار وقعدنا ، نحاول نلم جرحانا وننظم صفوفنا ،

    قام فيه ملعون تانى قال احنا نبتدى من الاول يمكن الترجمة مش صحيحة ووالتانى قال اتصل بامى اشتكلها منكم واعرف الطريقة .
    انا قلت طيب نعمل ايه فى الجسم الغريب اللى حضرناه ده . اتسحبت على طرطيف صوابعى ودخلت عليه المطبخ . لاقيته لسه بيتنفس رغم ان احنا طفينا النار ،
    قربت منه وبشجاعة ضربت صباعى طلعت حتة منه وابلعتها ، العيال كانوا بيتجسسوا عليا ومستنيين شرار يطلع من ودانى او طفح جلدى غزير ، ما حصلش حاجة من دى ، بصراحة كان طعمه عادم وماسخ حسيت ساعتها انه محتاج حاجة حادقة ، افتكرت ان احنا عندنا ثلاجة هى فاضية وعمالة تسحب كهربة على الفاضى بس لازم من وجودها اهى تقف معانا فى موقف زى ده ، زرت السيدة ثلاجة وبعد ما عدى نظرى على الشئ الوحيد الموجود فيها وهى قزايز المية الفاضية . لاقيت اللى كنت بدور عليه حتة جبنة بيضا . ما درتش بنفسى خدتها غصبن عن الثلاجة وجريت ناحية المطبخ والاصوات حوليا "اعقل يا مجنون هاتودى نفسك فى داهية" لكن الشيطان عمانى ما درتش الا وانا بفتح الكيس وبرمى الجبنة على الجسم الغريب وفضلت اقلب بعصبية والعيال اللى بيدعى واللى مخبى دماغه فى مخدة ولما ماجاش زلزال ولا بركان ولا حاجة من بتاعة الجغرافيا . فتحوا عيونهم لاقونى باكل الخليط العجيب بالعيش هجموا عليا وغمسوا معايا . بس الحمد لله مازلوا احياء يرزقون حتى الان

  7. #7

    تاريخ التسجيل
    Jan 2006
    الدولة
    الدوحه
    العمر
    56
    المشاركات
    1,984
    الأخ الفاضل محمد رفيع
    سلام الله عليكم ورحمته وبركاته

    كل عام وإنت بخير
    وتقبل الله منك ومنا صالح الأعمال
    وألف حمد الله على سلامتك وسلامة أصحاب أيام الشقاوه والرحلات الخلويه
    وعلى ماأظن أن هذه الحكايه التي ذكرتها هي التفسير المنطقي لتلك العلاقه
    الملتهبه والغير عاطفيه على الإطلاق بينك وبين القلقاس ـ ربنا يجعل كلامنا خفيف عليك ـ
    ذلك لأني قد تصورت أن هذا الناتج الكيميائي الذي قد نتج عن مزج الكريم كرامل
    بقطعة الجبنه التي كانت تشعر بالوحده في الثلاجه
    قد أدى إلى توتر أجهزة الإستشعار الغذائي لفتره معينه
    جعلك من هول الصدمه وقتها لا قدرة لديك على التمييز بين الناتج الكيميائي
    والمذكور أعلاه ـ عشان متقولش إني بتعمد إثارتك ـ ولذلك فأنا أظن أنك لو قمت
    بعمل التجربه في الإتجاه المعاكس
    لربما جاء الناتج مطمئناً وتحسنت العلاقه بينك وبين اللي بالي بالك
    كل سنه وإنت بألف ألف خير

    أخوك
    عصام علم الدين

  8. #8

    تاريخ التسجيل
    Sep 2003
    الدولة
    القاهرة
    المشاركات
    145
    اقتباس المشاركة الأصلية كتبت بواسطة ليلة عشق
    الأخ الفاضل محمد رفيع

    سلمت يداك على صينية الكوسة بالبشامل الجميلة .....
    وماتخافش حضرتك لو زغت دلوقتي لسه بدري علي الفطار .....
    بس هي كدة شكلها هيكون رائع ......
    سلمت يداك وكل عام وأنت بخير ......

    تحياتي
    ليلة عشق
    الله يخليك يا ليلة عشق يا رب الرأى دة يفضل بعد ما ندوق الحاجات اللى انا عملتها دى

  9. #9

    تاريخ التسجيل
    Sep 2003
    الدولة
    القاهرة
    المشاركات
    145

    مصري

    طبعا افتكرتوا ان الحلو شوية ذكريات ........... ضحكت عليكم لحد ما الحلو يستوى

  10. #10

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة محمد رفيع
    طبعا افتكرتوا ان الحلو شوية ذكريات ........... ضحكت عليكم لحد ما الحلو يستوى
    هههههههههه
    اسعد الله سنك استاذ محمد
    بجد موت علي نفسي من الضحك
    بس طلع ايه في الاخر الجسم الغريب ده هههههه قصدي طلع طعمه ايه ههههههه
    هو الموضوع ده حصل بجد ولا دي قصة ههههههه

    طيب انا لسه قاعدة مستنية الحلو
    يا تري هيتاخر اكتر من كده
    لا ما ينفعش بقي السحور قرب خلاص

صفحة 1 من 3 123 الأخيرةالأخيرة

المواضيع المتشابهه

  1. أحمد ناصر هيجوعنا...هيجوعنا
    بواسطة boukybouky في المنتدى المطبخ
    مشاركات: 33
    آخر مشاركة: 18-03-2008, 06:22 PM
  2. طارق المملوك هيجوعنا ... هيجوعنا واخر افطار في رمضان
    بواسطة أم أحمد في المنتدى المطبخ
    مشاركات: 24
    آخر مشاركة: 21-10-2006, 03:44 AM
  3. عصام علم الدين هيجوعنا...هيجوعنا
    بواسطة boukybouky في المنتدى المطبخ
    مشاركات: 22
    آخر مشاركة: 19-10-2006, 08:56 AM
  4. د. جمال مرسي هيجوعنا...هيجوعنا
    بواسطة boukybouky في المنتدى المطبخ
    مشاركات: 42
    آخر مشاركة: 19-10-2006, 07:39 AM
  5. محمد نديم هيجوعنا...هيجوعنا
    بواسطة boukybouky في المنتدى المطبخ
    مشاركات: 26
    آخر مشاركة: 04-10-2006, 03:41 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •