صفحة 1 من 2 12 الأخيرةالأخيرة
النتائج 1 إلى 10 من 16

الموضوع: الله يرحم سى السيد(ممنوع دخول البنات)

  1. #1

    تاريخ التسجيل
    Mar 2006
    الدولة
    فى أبناء مصر وبس
    المشاركات
    3,231

    تعجب الله يرحم سى السيد(ممنوع دخول البنات)

    الله يرحم سى السيد

    ان 99,9% من شعب مصر شاف ثلاثية نجيب محفوظ الشهيرة ويحفظ عن ظهر قلب شخصية سى السيد الذى بيضرب زوجته بالشوز ويروح ينضرب هو بره بنفس الشوز ولكن هل تخيل حد فيكم الوضع اذا كان سى السيد راجل حنون,, رقيق،، شهم مع زوجته واولاده..


    انا تخيلت:


    سى السيد:

    مساء الخير يا امينة من فضلك تحضريلى الاكل عشان جاى تعبان من الشغل .

    امينة:

    اولا:اسمى ست امينة , مش امينة كده حاف.
    ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
    ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

    سى السيد:

    خلاص يا ست امينة انا اسف اخر مرة اطلب اكل.
    تب ممكن تندهيلى العيال اسلم عليهم عشان وحشونى.

    امينة:

    عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

    سى السيد(والدمعة هتفر من عينه) :

    لا يا قويه يا مفتريه اهئ اهئ والله لابعتك عند ماما .هه بس

    امينة:

    يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,
    انا اروح لماما وقت مايعجبنى
    واللى مش عاجبه عنده القلة يشربها ويبلع بالزير...فاااهم



    فى اليوم التالى:

    سى السيد ينتظر فى الشباك امينة لما ترجع من مسرحيه(كشكش بيه)
    ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

    امينة:

    ايه اللى مسهرك يا سوسو انا مش قلتلك تنام انت عشان انا هتاخر.

    سى السيد:

    معلش يا ست امينة انا قلت برضه يمكن تحتاجى حاجة كده ولا كده

    امينة:

    تيب .. تيب مش عايزة ابوظ الليلة بئى متوجعش دماغى ياسوسو
    وانا الصبح حكيلك المسرحيه كلها..اوكـــ


    سى السيد:

    ربنا يخليكى ويحميكى ومايحرمنيش من دخلتك عليا
    الساعة واحدة بعد نص الليل يامراتى يا حبيبتى يا جميله.

    امينة تضحك ثم تدخل لتنام وتصفق الباب فى وجهه


    فى اليوم اللى بعد التالى:


    امينة فى فترة المساء والسهرة مخاطبة سى السيد:


    اعمل حسابك ياسى سى,ان فى عريس جاى لعائشه بكره

    سى السيد:

    مين ياترى..لو كان يعنى من حقى اسال

    امينة:

    الواد الظابط ده اللى كانت بتعاكسه من الشباك مش فاكره يا سى

    سى السيد:

    الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

    امينة:

    خلاص نتكل على الله ونخلى الفرح فى نفس يوم فرح خديجة

    سى السيد:

    ايه ده!هى خديجة بنتى هتتجوز مبروك الف مبروك

    امينه:عقبال ولادك يا ساسو


    يوم الفرح:


    امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا:

    -ايه ده ازاى مش ممكن راقصات فى بيتى.

    امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:


    اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
    علشان تبئى تقول بيتى دى تانى..رجاله اخر زمن..


    وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..


    اه لا مؤاخذه ...بيتها.
    ملطوشة

  2. #2

    تاريخ التسجيل
    Sep 2006
    الدولة
    طنطا
    العمر
    32
    المشاركات
    242
    ده سى السيد بتاع النادى
    مشكووووووووور

  3. #3

    تاريخ التسجيل
    Aug 2006
    الدولة
    اسكندرانية بنت بحر
    العمر
    31
    المشاركات
    983

    إبتسامة عريضة

    هههههههههههههههههههههههههههه

    هههههههههههههههههههههههههههههههه

    وممنوع دخول البنات كمان......هههههههه

    دة انتم يا رجالة بقت فضيحتكم بجلاجل..

    شوفت بقى الدبح عمل ايه يامستر فيروس

    قولتلك....هامحى عدو المراة من الوجود....ادينى محيته..

    ههههههههههههههههههههههههههههههههه (دى ضحكة شررة حبة...مع شوية شماتة)

  4. #4

    تاريخ التسجيل
    Apr 2002
    الدولة
    القاهرة
    العمر
    42
    المشاركات
    25,586
    ههههههههههههههههههههههه حلوة يا فيرس

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

  5. #5

    تاريخ التسجيل
    Mar 2006
    الدولة
    فى أبناء مصر وبس
    المشاركات
    3,231
    ده سى السيد بتاع النادى
    ياريت
    هههههههههههههههههههههههههههه

    هههههههههههههههههههههههههههههههه

    وممنوع دخول البنات كمان......هههههههه

    دة انتم يا رجالة بقت فضيحتكم بجلاجل..

    شوفت بقى الدبح عمل ايه يامستر فيروس

    قولتلك....هامحى عدو المراة من الوجود....ادينى محيته..

    ههههههههههههههههههههههههههههههههه (دى ضحكة شررة حبة...مع شوية شماتة)
    انا مش قولت ممنوع دخول البنات
    _________________________________________
    ابن البلد شخصيا
    يامرحبا يا مرحبا
    ههههههههههههههههههههههه حلوة يا فيرس
    مرورك هو اللى أحلى

  6. #6

    تاريخ التسجيل
    Aug 2006
    الدولة
    فى الملاعب
    العمر
    32
    المشاركات
    1,121
    ههههههههههههههههههههه
    و انت مطلع امينة طيبة اوى كدة لية يا مستر فايرس دى بس كانت هتاكل سى السيد لو نطق تانى
    على فكرة انت واخد فكرة غلط على البنات دول طيبين جدااااااااااا
    و لطاف خالص اوى يعنى
    و بالراحة على نفسك اعصابك اوعى تنهار من كتر حبك فى امينة الطيبة دى
    ههههههههههههههههههههههه
    بس بجد حلو الموضوع و دمة خفيف


  7. #7

    تاريخ التسجيل
    Mar 2006
    الدولة
    فى أبناء مصر وبس
    المشاركات
    3,231
    ههههههههههههههههههههه
    و انت مطلع امينة طيبة اوى كدة لية يا مستر فايرس دى بس كانت هتاكل سى السيد لو نطق تانى
    على فكرة انت واخد فكرة غلط على البنات دول طيبين جدااااااااااا
    و لطاف خالص اوى يعنى
    و بالراحة على نفسك اعصابك اوعى تنهار من كتر حبك فى امينة الطيبة دى
    ههههههههههههههههههههههه
    بس بجد حلو الموضوع و دمة خفيف
    شكرا يا ميمو
    بس فى حاجة انا عايز أقولها
    انا مش قايل ممنوع البنات (بصوت عالى)

  8. #8

    تاريخ التسجيل
    Aug 2006
    الدولة
    القاهره
    العمر
    45
    المشاركات
    230
    انت معانا ولا مع الناس التانيين

  9. #9

    تاريخ التسجيل
    Mar 2006
    الدولة
    فى أبناء مصر وبس
    المشاركات
    3,231
    معاكم
    بس الموضوع بيبين جبروت الستات بتاعت دلوقتى

  10. #10

    تاريخ التسجيل
    Dec 2005
    الدولة
    مصر
    المشاركات
    643
    هههههههههههههه
    جميله جدا مستر فيروس
    عارف لو اتعملت مسلسل بجد هتبقى هايله سي السيد حاليا لا لاْ نيو لوك سي السيد
    ودةحال الرجال اليومين دول يا عينى مغلوب على امرهم

صفحة 1 من 2 12 الأخيرةالأخيرة

المواضيع المتشابهه

  1. ممنوع دخول اي شاب
    بواسطة Elfankey W Bass في المنتدى قاعة التعارف والمناسبات
    مشاركات: 4
    آخر مشاركة: 13-07-2009, 11:13 AM
  2. مهرجان غير عادي ( دموي ) ممنوع دخول البنات
    بواسطة القواس في المنتدى قاعة الصور والأعمال الفنية التصويرية
    مشاركات: 34
    آخر مشاركة: 06-06-2009, 11:45 PM
  3. للشباب الغير متزوجين (ممنوع دخول البنات )
    بواسطة نادر فؤاد في المنتدى قاعة فك التكشيرة
    مشاركات: 17
    آخر مشاركة: 27-08-2006, 01:43 AM
  4. ممنوع دخول المسلمين !!@@!!
    بواسطة MQQN_TEARS في المنتدى لقاءات في حب الله
    مشاركات: 5
    آخر مشاركة: 30-09-2005, 10:06 AM
  5. ممنوع دخول المسلمين
    بواسطة te3mah في المنتدى لقاءات في حب الله
    مشاركات: 2
    آخر مشاركة: 14-05-2004, 10:19 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك