بيقولو عليا هادية

[Nonah]

السلام عليكم
لو سمحت يادكتور كنت عايزة اسأل انا ليه لما بتعرف على ناس جديدة بحس بالغربة ومبعرفش اتواصل معاهم ومبعرفش افتح مواضيع فبالتالى بتكون فكرتهم الاولى عنى ان انا هادية مع ان انا عكس كده خالص ولما بكون مع صحباتى بكون منطلقة فى الكلام وشقية
كمان انا بكون مبسوطة جدا لما حد بيقول عليا طفلة مع انى عمرى 20 سنة على فكرة اصحابى لما بيتناقشوا معايا بيقولوا عليا عاقلة بس تصرفاتى فيها نوع من الطفولة بمعنى انى ممكن اخطف حاجة من حد واجرى حاجات زى كده ولما بيقولولى ياطفلة باتبسط جدا مع انى عشت طفولة سعيدة ممكن حضرتك تبين لى ايه المشكلة
على فكرة انا دايما مش راضية عن نفسى وحاسة انى محتاجة اروح لطبيب نفسى مع العلم انى محبوبة جدا من كل من حولى
جزاك الله عنا كل خير

[جولييت6]

انا كمان زيك يا نهى ومش عارفه اعمل ايه بحس زيك بالظبط يااااريت حد يرد على الموضوع المهم دة لو سمحت

[د.عادل]

وعليكم السلام ورحمة الله وبركاته

لو سمحت يادكتور كنت عايزة اسأل انا ليه لما بتعرف على ناس جديدة بحس بالغربة ومبعرفش اتواصل معاهم ومبعرفش افتح مواضيع فبالتالى بتكون فكرتهم الاولى عنى ان انا هادية مع ان انا عكس كده خالص ولما بكون مع صحباتى بكون منطلقة فى الكلام وشقية

تزداد وتكتسب الخبرات الحياتية بتقدم العمر وخاصة بداية العمل والخروج من نطاق الدراسة المحدود، وتقل نسبة الإكتساب او تزيد حسب شخصية الفرد، وقد تعدم في حالة الإصابة بالرهاب الإجتماعي ، وهذه نبذة عن الرهاب الاجماعي بموضوع الخــــــوف

الرهاب (الخوف) الاجتماعي


يصاب به واحد من كل عشرة اشخاص ، يسيطر على الفرد أحيانا خوف شديد عند الاتصال الاجتماعي والالتقاء بعدد من الناس ، مما يؤدي به إلى الارتباك بحيث لا يستطيع التفوه بكلمة ، وإن تحدث فإنه يرتبك و تظهر عليه علامات ذلك الارتباك كاحمرار الوجه ـ سرعة ضربات القلب ـ التعرق ـ التلعثم ـ الارتجاف ـ رعشة في اليدين ـ برودة الاطراف ـ الغثيان ـ التعرق الشديد ـ الحاجة المفاجأة للذهاب للحمام.
يدفع الخوف الاجتماعي المريض إلى الهروب من الاجتماعات ، فمجرد التفكير فيها يتعبه ويسبب له ضيق تنفس ، يتجنب الاحتكاك بالآخرين ، ويتركز الخوف في الشعور بمراقبة الناس. وبالتالي يؤدي به إلى الانطواء النفسي، مما يؤثر سلبيا على حياته الاجتماعية والتعليمية والعملية وعلاقاته الشخصية بصورة كبيرة؛ وكثير من المصابين يلجئون إلى الإدمان على المشروبات الكحولية أو المخدرات لمواجهة مخاوفهم

كمان انا بكون مبسوطة جدا لما حد بيقول عليا طفلة مع انى عمرى 20 سنة على فكرة اصحابى لما بيتناقشوا معايا بيقولوا عليا عاقلة بس تصرفاتى فيها نوع من الطفولة بمعنى انى ممكن اخطف حاجة من حد واجرى حاجات زى كده ولما بيقولولى ياطفلة باتبسط جدا مع انى عشت طفولة سعيدة ممكن حضرتك تبين لى ايه المشكلة

انا مش شايف اي مشكلة ، بالعكس شخصيتك مرحة وجذابة، ولا تحولي تغيرها ، كوني كما انتي وتعاملي مع الاخرين بتلقائية ولا تبادلي بما يقال، فدائماً نجد من ينتقد ولايعجبه العجب، كوني واثقة من نفسك وراضية عما انتي فيه فهو افضل بكثير من الاخرين.

على فكرة انا دايما مش راضية عن نفسى وحاسة انى محتاجة اروح لطبيب نفسى مع العلم انى محبوبة جدا من كل من حولى

عدم الرضى عن النفس من مسببات الحسرة والحزن وبداية طريق الإكتئاب، ومعظم من يصاب بهذا الشعور دائم التطلع للافضل والكمال في جميع شؤونه، ودائم التزمر من تصرفاته او حتى حركاته وشكله، وللتخلص من هذا الشعور علينا اولاً الإقتناع باننا افضل من غيرنا في كل شيئ، والقناعة هي مفتاح السعادة والطمئنينة التي يتحقق بها السعادة في جميع الامور، ويجب التخلف من فكرة عدم الرضى وطردها فور ورودها للإزهاننا، حتى لا ندع للوسواس مجال للسيطرة على عقولنا وحالتنا المزاجية، ومحاربتة بقناعة النفس بانها على اجمل صورة واننا افضل بكثير من غيرنا.
سيحتاج الامر في البداية لتكرار المحاولة ، ولا يجب الإستسلام واليأس، بل يجب ان نستمر وندرب انفسنا على حبنا لانفسنا، والرضى على ما نحن عليه من شكل ومضمون وفعل ، وسيختفي هذا الشعور بزيادة الثقة بالنفس.

للجميع تحياتي.

[amr_idka]

على فكره انا بعاني من نفس الموضوع
بس بكون لما بعمل مشاركه كلاميه مش خايف والله
بس يقولولي على صوتك وكمان يقولو انتا مالك مش طايقنا ليه كده انا على فكره طالب في تجاره عين شمس
وعندي 20 سنه بس نفس كلام اختي العزيزه منطبق عليه بالظبط والله وكانها بتوصف ليه نفسي بس دايما مع البنات الجدد وسعات مع ولاد بس الاكتر مع البنات مع اني معا بنات عمي على طول بدحك وكلهم بيموتو فيه والله
بس انا حاسس ان الاجابه بتاعت الدكتور مفيهاش الحل
انا اسف مع احترامي انا حاسس ان حضرتك بتقول كلام عام يمشي على حالات كتير مش علاج وفي لحالتها وحالتيانا عاوز الرد يكون فيه اتباع شئ معين في مقدره الشخص بيتحكم فيهوانا اسف ولله
وشكرا

[ناصر فؤاد]

انت حالتك كويسة جدا ولاتقلقى

[ma7mod]

السلام عليكم و رحمة الله,

أنا عندى نفس مشكلة nonah بالضبط لدرجة ان مع كل ملمة كنت بقرأها فعلا فعلا كأنها بتوصفنى , و استغربت أكتر لما لقيت فى ناس تانية برضة حاسين انها بتوصفهم , و انا كنت فاكر انى مفيش حد زيى أو عال أقل زيى بالدقة دى .

أنا طالب بكلية الهندسة صحابى بيقولوا عليا انى عاقل و تفكيرى منظم و ساعات باكون مرح جدا بطفولة الخ الخ مش حاعيد رسالة nonah تانى .

دايما لما بكلم أى حد جديد بفكر فى نهاية المحادثة اللى أنا متوقعها وأنا لسة فى بدايتها !!.

ساعات كتيير باقول ان دى مش حاجة مهمة باس ساعات قليلة بحس انى لوحدى, والساعات القليلة دى كافية تماما انها تحسسنى بالمشكلة .

فى مواقف تانية كتيير أهم و أكبر من احساسك بالوحدة ,تخيل مثلا انك رايح لحد تعبرلو
عن اعجابك بيه بس وانت رايح بتفكر طب حاتقول ايه بعد كدة .. مش حاتبقى لذيذة..طب بلاش أحسن . و يخلص الموقف وانت ماشى بعد ما صرفت نظر عن اللى انت كنت عايز تقوله !!! .

بس انا برضه بيضايقنى حاجة تانية غير اللى اتقال .

الناس أحيانا مش بيفتكرونى هادى و بس لأ دول كمان بيحسوا انى متكبر أو متعالى عليهم !!
و ده فعلا بيضايقنى عشان انا العكس تمااااما واحساسهم دة ممكن يخليهم يبعدوا عنى أكتر على الرغم من انى ماباسيبش فرصة ممكن أأقدم فيها أى خدمة لأى حد و ماباقدمهاش .

ساعات كتير باحاول اندمج و أكون على طبيعتى زى ما دكتور عادل قال ,بس باحس فعلا انى بابذل مجهود عشان اتكلم أو أفتح أى موضوع ماباحسش ان ده نابع من جوايا, و دة بيخلينى أزهق من انى أحاول مرة تانية .

و موضوع الرهاب الاجتماعى ده حاسس ان مش هوة دة اللى بنتكلم عنه بالضبط انا عن نفسى مابحسش انى خايف أو بعرق أنا فقط بحس انى مش مستريح مع المجموعات او الناس الجديدة عموما بس لو جاتلى فرصة بتكلم عادى .

أنا اسف لو طولت بس فعلا الكلام بيريح حتى لو محدش رد عليه

[محمه]

بس انا مش مقتنع ان هذا هو العلاج وشكرا

[momonoser]

موضوع مش غريب مش جديد كتير تربيتهم تسببت في كده

[a_leader]

السلام عليكم
لو سمحت يادكتور كنت عايزة اسأل انا ليه لما بتعرف على ناس جديدة بحس بالغربة ومبعرفش اتواصل معاهم ومبعرفش افتح مواضيع فبالتالى بتكون فكرتهم الاولى عنى ان انا هادية مع ان انا عكس كده خالص ولما بكون مع صحباتى بكون منطلقة فى الكلام وشقية
كمان انا بكون مبسوطة جدا لما حد بيقول عليا طفلة مع انى عمرى 20 سنة على فكرة اصحابى لما بيتناقشوا معايا بيقولوا عليا عاقلة بس تصرفاتى فيها نوع من الطفولة بمعنى انى ممكن اخطف حاجة من حد واجرى حاجات زى كده ولما بيقولولى ياطفلة باتبسط جدا مع انى عشت طفولة سعيدة ممكن حضرتك تبين لى ايه المشكلة
على فكرة انا دايما مش راضية عن نفسى وحاسة انى محتاجة اروح لطبيب نفسى مع العلم انى محبوبة جدا من كل من حولى
جزاك الله عنا كل خير

انتى بطبيعتك منطلقة و بتحبى الشقاوة ..... كويس

بس مش طبيعى انك تنطلقى مع اناس اغراب عليكى

اكيد ح يكون فى تحفظ و حرص حتى عشان محدش يفهمك غلط

اللى انا عايز اقوله انى شايف من كلامك انك طبيعية جدااااااا

جايز انتى شايفة انك مش طبيعية لانك مستنية لحظة الانطلاق و الشقاوة و عايزة

تعيشى معاهم بطبعتك ,, جايز .... بس ده مش صح لانهم اغراب و ممكن مايفهموش

هزارك و ممكن رد الفعل منهم يكون عكسى لان الطبيعى ان الواحد بيهزر و يضحك

غالبا مع اللى يعرفهم بس

اراك طبيعية جدا اختى الكريمة ,,

[tears.sweep]

ههههههههههههههه
سبحان الله هذا الموضع زاد جدلا فيا
الدنيا كلها عندها نفس المشكلة
وعلى فكرة انا كمان عندى نفس المشكلة
بس مش بالظبط
بمعنى لما بتعرف على واحد او واحدة جديدة ما اجد حوار او موضوع انقش فية وفى هذا الوقت افضل سكوتى فية
وطبعا موضوع الهدوء دى حاجة كويسة مش وحشة على فكرة انا فيا نفس الطبع ومثل ما قالت الاخت الفاضلة لما بتكون مع صحابها بتتغير 360 درجة وبتكون منطلقة وشقية هذا بالطبع اللى يحدث معى بالرغم انى فى اكادمية ولى اصدقاء كتير لكن ما لى علاقات مع بنات وللاسف البنات اللى بيكونو حابيت يتعرفو عليا وانا اللى برفض ومش عارف لية مع انى اتمنى ان يكون ليا علاقة مع بنات وخصوصا فى كليتى حتى يشاركو فرحى وحزنى واوجة مشاكلهم ويواجهو مشاكلى
لكن المشكة الاخيرة والاخطر ان اصحابى واقرب الناس ليا بيقولى عليا معاهم معاهم وعليهم عليهم واعتقد ان دة من انى ما احب ان ازعل حد او اكسفة حتى فى الحق !! وبصراحة لما بسمع الكلمة دى بثور ومش عارف بيبقى شكلى عامل ازاى
ارجو افادتى وشكرا لكم لحسن استماعكم