صفحة 1 من 6 123 ... الأخيرةالأخيرة
النتائج 1 إلى 10 من 51

الموضوع: هي البنات عاوزين إيه

  1. #1

    تاريخ التسجيل
    Jan 2004
    الدولة
    مصر العربية الإسلامية
    المشاركات
    1,535

    هي البنات عاوزين إيه

    حوار مخلص وشوشو

    مخلص / إيه يا بنات آدم اللي أنتم عاملينه ده
    شوشو / عاملين إيه يا مخلصتي ... مخلص / إيه مخلصتي دي بأه
    شوشو / بدلعك يا مخلص .... وبعدين إيه اللي إحنا عاملينه يا عمنا
    مخلص / المسخ والفسخ والهزهزه والمزمزه دي .... شوشو / يالهوي ده كله فينا نحن بنات حواء
    مخلص / وأمر من كده يا بنتي.. بس مش كل البنات كده طبعا .... شوشو / أكيد أنا من هؤلاء الاستثناء
    مخلص / الله أعلم بعباده - يا ما في الجراب يا حاوي -
    شوشو / وبعدين يا مخلص إحنا في عصر التطور والبنت لازم تتطور
    مخلص / تتطور يعني إيه يعني تنمسخ
    شوشو / اتصورها زي ما تتصورها
    مخلص / يا بنتي تطور إيه اللي بتتكلمي عليه دا أنتم البنت منكم لما تخرج من بيتها إلي الشارع قولي يا داهية دقي ..... دا الواحدة منكم بتوقف أجدعها شنف

    شوشو / إزاي يعني يا مخلص
    مخلص / بصي يا شوشو البنت من أصنافكم بتكون تيك أواي
    شوشو / لخص يا عمنا
    مخلص / بصي يا ستنا البت منكم بتلبس البنطلون - البنطال بالفصحي - حيكون عاوز ينفجر منها وبيجسد البلاوي السودة - بنطلون من ماركة [متبصليش بعين راضية .... دا أنا حفرقع من اللي فيه ] ..... هذا في المنطقة السفلي الملغمة أصلا نطلع بقي للمنطقة العليا - حسب أنتم أقسام ... يا عجبي - والتي تستحوذ علي ألغام هي الأخري أشد فتكا وده - طبعا - من خلال البلوزة أو التي شارت الذي يظهر أكثر مما يخفي - أن كان يخفي أصلا - بلوزة المفروض فيها - يا شوشو - أن تنزل إلي أسفل لتخفي البلاوى السودة المتلتلة .. ولكن للآسف .. البلوزة أخرها منطقة الحزام، أن وصلت أصلا - اشطه يا سونيا . نهارنا جيشي معاكم يا بنات حوا -
    مخلص / تصدقي يا شوشو مش بيكون حلو عليكِ ولا علي البنات دول
    شوشو / حاسب يا مخلص [ أنا حلوة و زي الفل .. وغنوة في بوأ الكل ] اوعي مخك يلعب بيك
    مخلص / حصلنا الرعب والتهديد
    شوشو / وبعدين يا مخلص
    مخلص / تصدقي يا سونيا أن أكتر شئ بيفرسني بجد فيكم - هو المثلث العشرين سنتمتر في عشرين سنتمتر
    شوشو / إيه هو ده يا مخلص
    مخلص / اللي بتسموه ايشارب ... ويا سلام واخد تلت تدوار واحد لونه أحمر والتاني لونه بوني والتالت مش عارف لونه أي داهية .... مع كل تلك البلاوى وبتلبس ايشارب .. وتيجي تكلم واحدة فيهم عن الحكاية دي ، تقولكِ [نص العمي ولا العمي كله] ( يا حبيبة أمها ) نص وعمي - أنتم خليتم حاجه ، ما كله علي المكشوف

    ===> أم الوشه يا شوشو .. يالهوي ده حكاية لواحده
    شوشو / / إيه يا مخلص ماله
    مخلص / السنكرة اللي فيه ولغمطه بألوان الطيف المختلفة ايشي أحمر علي أخضر علي أسود علي بلاوى سودة ... واللا العين يالهوي
    شوشو / مالها يا مخلص
    مخلص / دي عاوزه موضوع لواحدها ... ححاول أقسمهالك
    ===> أولا : الحاجب :
    عملية ترفيع وترقيع ما حصلتش - وكأنكم بترفٌعوا خط سك حديد - خط سكه حديد إيه بس - دا حتي السكة الحديد بتكون فيها حاجة موجودة - أم الحاجب عنك الواحدة منكم يالهوى - عملية ترفيع رهيبة - إيه يا بنتي ده ... دا حتي المرأة اللي بتعمل كده ملعونة
    شوشو / وبعدين يا مخلص
    مخلص / ننزل تحت الحاجب شوية ... عينيك ما تشوف إلا النور ... عملية لغوصة بألوان الطيف فوق الرمش مش لها مثيل - روج أحمر علي فضي علي زفت علي طين - ده بالنسبة إلي العين يا شوشو
    ثانيا / الحنك
    وخصوصا - الشفتين اللي عاوزين قطعهم- فعليهم أحمر ولا أحمر فلانة الأهلي
    ثالثا/ الوجه عموما
    فعملية سنكرة وتلميع ببودرة العفاريت والمكياج و المانيكير والباديكير .. ده من ناحية الوجه
    شوشو / هو لسه فيه حاجة تانية يا مخلص ... دا أنت بهدلتنا ودهولتنا
    مخلص / اماليه لسه بدري .. نيجي للبنطلون تاني اللي بتلبسوه ضيق عالأخر .. ومش بس كده دا أنتم بتمشوا علي السنة
    شوشو / ازاي يعني يا مخلص
    مخلص / البنطلون يا شوشو قصير عند نصف الساق

    شوشو / خلاص يا مخلص بدل البنطلون مش عجبك - إيه رايك في الجايبة -
    مخلص / القرد فى عين أمه غزال ... وهي الجايبة صلاة النبي أحسن .. يعني ما هي بلوى سودة هي رخره
    شوشو / ازاي يعني يا مخلص
    مخلص / جايبة ضيقه جدا حتنفجر مما تخفي .. أم البادى أو التي شارت اللي بيتلبس عليها .. فيالهوى ده حكاية ورواية
    شوشو / ازاي يعني يا عمنا
    مخلص / كل بادى عام عن عام بيكش ... كان الأول يدوب بيداري البلاوى المتلتلة أم دلوقتي - آه من دلوقتي - يدوب بيوصل لغاية منطقة الحزام بالعافية .. وتيجي البت من دول تمشي واشتغل يا هزهزة - حبة فوق وحبه تحت - ورقصني يا جدع -... أنا مش عارف هي داخله كبارية ولا إيه العبارة - حنقول إيه عصر اللحم الرخيص -
    شوشو / خلاص يا مخلص واللا لسه فيه حاجة
    مخلص/ لي سؤال يا شوشو حاسس أني حتشل لو مش سألته
    شوشو / الله يجير عليك يا مخلصتي ... اتفضل إيه هو السؤال
    مخلص / إزاي يا سونيا بتستحملي البنطلون الضيق ده اللي حيفرتك وسطك في عز الحر .. وإزاي بتستحملي البنطلون الشفاف ده في عز البرد ؟؟؟
    شوشو/ هو ده سؤالك يا مخلص ... يا سيدي إحنا في سبيل الاتيكيت نضحي بأي شئ
    مخلص / اتيكيت .. البقاء لله

    شوشو / بصراحة يا مخلص أنت فظيع
    مخلص / يا بنتي [ أنا مخلص وبس والباقي فجل وخس ]

    شوشو / بص يا مخلص أنا سمعت الأسطوانة المشروخة والبوقين اللي أنت زرفتهم دول ، وخلصت البرطمة بتاعتك والبهدلة دى سبني بأه ألخص أن اللي بتعمله البنات دلوقتي اسمه تطور - عالله العقول المغلقة تفهم-
    مخلص / يا جماله تطور تاني ( بوم - يا خرااابي - طااااااخ)
    شوشو / مش تقاطعني يا مخلص .. وفتح مخك - ومش تكون مغلق - إحنا يا حبي في عصر التطور - كل شئ بيطور
    العربيات بتطور ... هي عربيات امبارح زى عربيات النهاردة
    الموبيلات بتطور ... الأغاني بتطور ... حتي الميوهات بتطور
    ===> مشمعني يعني النسوان ولبسهم حيدنه متخلف منغلق
    مخلص / حنسلم - جدلا طبعا- بكلامك هذا .... بس أنتِ مش خيفة ؟؟؟
    شوشو/ من إيه يا مخلص
    مخلص / مش خيفة تدفي يوم القيامة في النار بسبب تلك البلاوي
    شوشو / آه صحيح يا مخلص .... والحل إيه يا مخلص
    مخلص / الحل الكل يعرفه يا سونيا ... العودة الصحيحة إلي الله علي نهج أهل السنة بفهم سلف الأمة

    ====> ولكن لي سؤال يا سونيا
    شوشو / اتفضل يا مخلص
    مخلص / سؤال ليكِ يا شوشو ... ولكل أعضاء منتدانا - الكريم - فردا فردا وشخصا شخصا وهو


    ====> هي البنات عاوزين إيه ؟؟؟ <======






    أخوكم المحب المشهور بــــــ
    رمضان العدوى - المكني بـ أسد


    التعديل الأخير تم بواسطة أسد ; 25-12-2005 الساعة 12:44 AM

  2. #2

    تاريخ التسجيل
    Nov 2005
    الدولة
    lebanon
    المشاركات
    1,156
    [grade="00008B FF6347 008000 4B0082"]تسلم ايدك على الموضوع

    معلش دا انت مش عارف البنات موضة زي اي حاجة تانية دا كله اسمه تطور[/grade]


    البتا الي قلت عليهم مش عايزين غير الشنق
    التعديل الأخير تم بواسطة free_bird ; 25-12-2005 الساعة 12:58 AM


    [grade="00008B FF6347 008000 4B0082"]FRee_BiRD[/grade]

  3. #3

    تاريخ التسجيل
    Aug 2004
    الدولة
    الرياض
    العمر
    41
    المشاركات
    7,079
    بصراحه ما ضحكتش فى موضوع قد ده والله
    موضوع جميل جدا وبيحكى عن كل شئ بيحصل الايام دى بالتفصيل هو تطور بس للاسوء والافظع
    الناس كلها بتطور للاحسن واحنا بنرجع عشرين سنه فى كل حاجه
    بس للحق زى مافى الصنف ده فى كمان الصنف الملتزم المحترم لكن قليل
    عجبنى اكترنهايه الموضوع لان فيها الحل الصحيح والنجاة من اى عقاب
    على فكرة اخى العزيز اسد اول مرة اقرأ موضوع لك بالشكل ده بس الكلام ده اكيد من غيظك وعدم رضاك عن الى بيحصل
    شكرا وبارك الله فيك

  4. #4

    تاريخ التسجيل
    Dec 2005
    الدولة
    مصر ام الدنيا
    العمر
    45
    المشاركات
    2,747
    ظريفة جدا اخي اسد بجد هم عايزين ايه
    هاني مختار

  5. #5

    تاريخ التسجيل
    Sep 2005
    الدولة
    بورسعيد
    العمر
    47
    المشاركات
    112
    البنات اللى بيتكلمو عن التطور دو بيفكرونى بالقرد اللى بيقلد وهو مش فاهم بيعمل ايه
    بيقولوا تطور تطور ايه ده تهور ويارب ترحمونا من الهبل اللى بتعملوه فى لبسكوا شويه ضيق وشويه حجر البنطلون ووسطه ساقطوشيه رجله واسعه وشويه ضيقه
    ومره البنطلون يكون مشر شر ومره مهرهر
    التطور يا بنات الحلال تطور عقول تطور فكرى مش نيجى للهايفه ونمسك
    وياريت تتمسكوا بتعاليم الدين افضل من اى شيءلان اللى بتعملوه ده انا بعتبره تهزيق للمراءه
    وكفى المسلمين شر القتال
    وربنا يستر من اللى ها يحصلى بسبب تعليقى ده

  6. #6

    تاريخ التسجيل
    Oct 2004
    الدولة
    الاسكندرية
    العمر
    48
    المشاركات
    2,351
    موضوع كويس ربنا يستر عليك بقى


  7. #7

    تاريخ التسجيل
    May 2005
    الدولة
    أم الدنيا ... المنصوره
    العمر
    33
    المشاركات
    2,013

    أوكي ربنا يارب يفتحها في وشك وينور طريقك ويبعد عنك ولاد الحرام

    طلع يا راجل طلع .... الواحد جاله كبت والله العظيم
    فين الكلام ده من زمان .... اتكلمت بجرأة جميلة جدا يا أسدنا الكبير و وضحت الموضوع ع الاخر وبصراحه هو ده الكلام ....
    كل التحية ليك وشكرا على اخراج الكبت من شبابك يا مصر

  8. #8

    تاريخ التسجيل
    Oct 2004
    الدولة
    الاسكندرية
    العمر
    48
    المشاركات
    2,351
    ايه يا عم الظابط انت مصدقت
    طيب ياسيدى انا حفتن عليك وانت عارف لمين ............


  9. #9

    تاريخ التسجيل
    Sep 2004
    الدولة
    الكويت
    العمر
    40
    المشاركات
    2,958
    موضووع قمممممممممه أحييك عليه أخي العزيز أسد
    شكرررررررررررا على طرح هذا الموضوع
    وياريت يتعظوا وأشك طول ما الموضه قدامنا احنا بنرجع ورا
    فعلا كل ممنوع مرغوب
    ربنا اغنانا بالحلال ورحمنا برحمته وبين لنا الصح من الغلط واحنا بنتكبر عليه وكأننا نتحداه!!!!!!
    استغفر الله لي وللجميع
    وأسأل الله الهدايه لي وللجميع
    بس حبيت أقول للكل بنات وشباب
    7
    7
    7
    7
    7
    7
    الـــــــعـــــقــــل نعمه

  10. #10

    تاريخ التسجيل
    May 2005
    الدولة
    أم الدنيا ... المنصوره
    العمر
    33
    المشاركات
    2,013

    يغمز

    اقتباس المشاركة الأصلية كتبت بواسطة bedo_ic
    ايه يا عم الظابط انت مصدقت
    طيب ياسيدى انا حفتن عليك وانت عارف لمين ............
    بقى الحكاية كده يا دكتور عمرو يعني حضرتك ما صدقت تمسك حاجه

    بس اكيد حضرتك عارف اللي فيها يعني خلينا حبايب احسن
    علشان ابقى اقولك

    حبيبي والله يا دكتور

صفحة 1 من 6 123 ... الأخيرةالأخيرة

المواضيع المتشابهه

  1. فساتين الزفاف لاحلي البنات.. وعقبال كل البنات يارب
    بواسطة دمــ الوطن ــوع في المنتدى قاعة الأسرة
    مشاركات: 14
    آخر مشاركة: 24-06-2010, 02:54 AM
  2. اهتمامات امراة ,,,ابي الرد من البنات البنات
    بواسطة وسامه في المنتدى قاعة الأسرة
    مشاركات: 7
    آخر مشاركة: 07-01-2005, 08:00 PM
  3. عاوزين جديد
    بواسطة gamal_romuo في المنتدى قاعة رأيك يهمني
    مشاركات: 3
    آخر مشاركة: 15-12-2004, 11:08 PM
  4. البنات البنات أجمل الكائنات
    بواسطة lina في المنتدى قاعة الأسرة
    مشاركات: 16
    آخر مشاركة: 02-05-2003, 12:02 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •