صفحة 1 من 8 123 ... الأخيرةالأخيرة
النتائج 1 إلى 10 من 75

الموضوع: أعضاء منتدى أبناء مصر : حتشوفوا المرة دي م/ عاطف هلال بعيوني

  1. #1
    الصورة الرمزية daria
    daria غير متواجد حالياً عضوة نفخر بها في أبناء مصر

    تاريخ التسجيل
    May 2004
    الدولة
    القاهرة
    العمر
    34
    المشاركات
    1,925

    أعضاء منتدى أبناء مصر : حتشوفوا المرة دي م/ عاطف هلال بعيوني

    المرة دي تختلف
    المرة دي موضوعي رسالة ...
    رسالة حب وتقدير
    إليك والدي الحبيب
    م/ عاطف هلال ,
    تحية طيبة وبعد
    قبل ما ابتدي ... لازم اقول حاجة مهمة .. لان المرة الدي الشخص مهم
    لأ لأ مش زي ما فهم البعض
    انا قصدي مهم ليكم تعرفوه اكتر
    حاديكم عيوني اللى فضلت ساعات ليكم تجمع اللى جاي ... مستمتعة جدا بما اقرأ ،، بما ارى ،، بما أحس

    ملفك الشخصي
    اسمحي لي احييك عليه

    ماشاء الله
    وطنية ... ثقافة ........... طموح
    ذكاء ..... اجتهاد .......... حب للدين
    نجاح

    دي بدايته :-
    تاريخ الميلاد:
    November 28, 1941
    العمر:
    63
    الأسم الحقيقي:
    عاطف هلال
    الجنسية:
    Misr
    البلد:
    مصر القاهرة
    الإهتمامات:
    Reading; Music;Chess playing
    الوظيفة:
    consultant engineer
    الجنس:
    male


    اللى فوق دي معلومات بسيطة
    في اكتر
    ثواني كدة
    اهوه رجعت تانى
    بس معايا كلام من م/ عاطف هلال شخصيا ...

    الأصل والنشأة : المنصورة وهى أصل جدودى من الأب والأم ، رغم أن ميلادى فى 28/11/1941 كان فى طنطا
    سافرت للقاهرة وحدى عام 1958 بعد أن قبلتنى كلية الهندسة جامعة القاهرة .. وظللت تائها فى العاصمة أول عامين ونسيت لماذا جئت للقاهرة ولأى هدف ؟!! – وشرح ذلك يطول .
    أفقت بعد ذلك حين اكتشفت أنى أعشق الهندسة ، ومن كثرة عشقى لها هجرتها إلى ألمانيا لمدة عامين ، حيث عملت فى أحد مناجمها تحت الأرض فى منطقة الرور كعامل فنى

    إنتسبت لكلية الآداب قسم فلسفة بعد تخرجى مباشرة من كلية الهندسة عام 1967 وكنت مكلفا بالعمل فى مناجم حديد أسوان . ونجحت فى أول عام دراسى بها بتقدير ممتاز رغم ظروف العمل وظروف بالجيش بعد ذلك . ولم أتمكن من تكملة باقى السنوات الدراسية بها لهذه الظروف .
    بعد نكسة يونيو 1967 ونداء عبد الناصر الذى تم نشره فى كافة الصحف اليومية لكل المهندسين على مختلف تخصصاتهم والمعافين من الخدمة وخاصة بسبب " لم يصبهم الدور" تسليم أنفسهم للقوات المسلحة ، فسارعت لتلبية النداء


    وكنت مسئولا عن نقط الملاحظة الهندسية فى مواجهة العدو ، وكنت أول من تنبأ بإنشاء الساتر الترابى فى مواجهة الجيش الميدانى الثانى ، كما صورت كافة مراحل إنشائه وتفاصيل إنشاء النقط القوية على طول خط بارليف كما اشتركت كقائد لبعض عمليات العبور أثناء حرب الإستنزاف بغرض جمع معلومات عن العدو ، والحديث عن هذه الفترة ممكن أن يستمر بلا نهاية .

    بعد معركة أكتوبر والتسريح النهائى لدفعتى ، تسلمت عملى مرة أخرى فى مناجم حديد أسوان ، ثم مناجم حديد الواحات البحرية ، وتنقلت كثيرا فى صحارى مصر شرقها وغربها ، وعشقت الصحراء وأحببت استخراج كنوزها ، وجعلت من هندسة المناجم فنا قبل أن يكون علما
    تم نشر الكثير من مؤلفاتى التى كانت خلاصة خبرتى فى صناعة التعدين باللغتين العربية والإنجليزية على مستوى شركات الصناعة .. وآخر ماتم نشره لى فى مجال التعدين والسياسة والإقتصاد كرؤية لأوضاع مصر الحالية وتداعياتها حتى عام 2020 هو كتاب بعنوان " الموارد المعدنية وآفاق تنميتها حتى عام 2020 " ونشرته المكتبة الأكاديمية بالدقى عام 2001
    .

    حصلت على وسام المهندس من نقابة المهندسين عام 1992 للتميز فى العمل الهندسى .

    فضلت تسوية معاشى قبل سن الستين بعام واحد لعدم إقتناعى بأهداف المرحلة سياسيا واقتصاديا واجتماعيا ولصعوبة العطاء فى جو هذه المرحلة .
    أعمل فى تدريس مادة "المشروع" لطلبة كلية الهندسة جامعة الأزهر منذ حوالى خمسة عشر عاما وحتى تاريخه كواحد من أصحاب الخبرة ومن كبار رجال الصناعة فى هذا المجال .
    لهنا أنتهى الاقتباس يمكن ناس كتير شوية مستغربة انبهاري بحضرتك
    انا عارفة ان الابطال في حياتنا كتير
    عارفة ان في مفكرين ومهندسي وناس هايلة كدة كتير
    بس بالنسبة لي الموضوع مختلف
    انا بقى اول مرة اقابل بطل منهم بجد .. أول مرة بطل منهم يبتسملي حتى لو ماشفتش ابتسامته بس انا واثقة انه ابتسملي
    دخلى وشجعني ..
    جيت مرة قولتله اقول لحضرتك والدي
    وكان رده
    "وياداريا طبعا يسعدنى كثيرا أن تخاطبينى كأب ، لأنى أشعر أن الزمن يسعى لإرضائى من جديد عندما يخاطبنى أمل المستقيل بتلك الكلمة النبيلة ، وكل ماأخشاه هو أن يحسدنى البعض على ذلك.."



    موضوعاتك .... متنوعة
    "دعوة غالية من قلب مخلص" على حد قول الصعيدي
    قال كدة في موضوع
    ااذا نودي للصلاة من يوم الجمعة
    http://www.egyptsons.com/misr/showthread.php?t=32036


    وم/ عاطف هلال ماكتفاش بكل دة ........ بل كتب في الشعر
    وادي لينك تاني بالمنتدى .. حاتبتسم اما تقرأه ،،
    بعنوان " بعد خمسين عاما التقينا "
    http://www.egyptsons.com/misr/showthread.php?t=16742

    مقال رغم صغره الا انه قيم فعلا
    http://www.egyptsons.com/misr/showthread.php?t=15958

    وبيان لبعض الناس
    http://www.egyptsons.com/misr/showthread.php?t=21463


    جولتين في قاعة المناقشات ... مع رفاق العهد القديم

    يا عشاق مصر
    http://www.egyptsons.com/misr/showthread.php?t=15633

    تعالى نحب كما علمنا الله
    http://www.egyptsons.com/misr/showthread.php?t=12265

    عودة الى قاعة السياسة
    بموضوعات ...... اقروها واحكموا
    فك الارتباط بين اللغة والعروبة والتاريخ
    http://www.egyptsons.com/misr/showthread.php?t=39295

    سياسة في حكاية
    http://www.egyptsons.com/misr/showthread.php?t=15269

    ونهاية بموضوعات لقاءات في حب الله

    الحياة الدنيا
    http://www.egyptsons.com/misr/showthread.php?t=21003

    ربنا افرغ علينا صبرا
    http://www.egyptsons.com/misr/showthread.php?t=15958


    انا كتير باتكسف
    بس المرة دى لأ بقى
    م/ عاطف ... ارجوك عايزين منك أكتر
    بحب حضرتك تنور المنتدى كدة على طول ،، زي ما انت منور بلدنا
    خليك معانا زي ما كنت زمان معاهم في صحرا مصر وفي اكتوبر
    خليك جنب كل واحد مننا يمكن في يوم يطلع مننا زيك او نجيب اللى يطلع زيك
    انا بارفض تماما جهل ناس كتير هنا بحضرتك ،، هما عارفين ان حضرتك حاجة كبيرة
    بس انا بقى مايعجبنيش الكلام دة
    انا عايزة حضرتك تكون معانا اكتر وهما يستغلوك شوية


    في مفاجأة حلوة بقى ليكم
    دي صورة م/ عاطف هلال للى مش شافها





    على فكرة دة لينك مهم بالنسبة لي .. نزلته في قاعة السياسة وم/ عاطف هلال وقف جنبي جدا
    انا ماكنتش حانزله عشان ماحدش يفتكر اني باحط لينك يخصني في موضوع مش يخصني
    http://www.egyptsons.com/misr/showthread.php?t=17860
    بس هوه فعلا مش يخصني لوحدي
    ومعلش استحملوني
    مع كل محاولاتي اني اكون موضوعية بس و ـماحدش قدي ـ انتوا شايفين م / عاطف بعنيا

    م / عاطف هلال,
    سلام مؤقت
    دمت بطلاً...... بطل " ابناء مصر
    التعديل الأخير تم بواسطة daria ; 16-11-2005 الساعة 08:32 PM
    رسالة إعتذار للمنتدى وأعضائه.. عودة
    http://www.egyptsons.com/misr/showthread.php?t=54204

  2. #2

    تاريخ التسجيل
    May 2005
    الدولة
    بورسعيد
    العمر
    37
    المشاركات
    2,868
    سلم ايدك يا ايمان كلامك حلو واسلوبك احلى خلانى اعجب واقدر اكتر الباشمهندس عاطف هلال

    للاسف انا محلفنيش الحظ قبل كده واتعرفت على باشمهندس عاطف فى اى موضوع ليه يمكن ده اول تعارف بينى وبين الباشمهندس بس انا سعيدة بيه لان ما شاء الله مفيش حد مش بيشكر فى حضرتك

    وسعيدة اكتر وافخر بكده انى عرفت بطل من ابطال مصر بجد يعنى عدوا القناة وعبروا مش زى بس ما بشوفهم فى الافلام

    تسلم ايدك يا ايمان على انك عرفتينى بشخصية قديرة زى الباشمهندس

    وسعيدة جدا بمعرفة حضرتك ولو انى نفسى اتعرف على حضرتك اكتر وان شاء الله هزور اللينكات واتعرف على الباشمهندس من خلالها ولو انى اتمنى زى ايمان انك متسبناش وتكتبلنا كتير عشان اكيد هنستفيد


    اللهم اجعلنى من حفظة ومعلمين كتابك

  3. #3

    تاريخ التسجيل
    Nov 2004
    الدولة
    فى أى مكان ناطق بلسان الضاد
    المشاركات
    11,365
    تحية كبيرة للاستاذ / عاطف هلال
    شكرا لايمان على الطرح الجميل والمفاجاة الموجودة كمان حلوة اوى

  4. #4

    تاريخ التسجيل
    Aug 2004
    الدولة
    not ur business
    العمر
    40
    المشاركات
    7,193
    الاستاذ عاطف هلال وباعتبره وبحق (وليس مدحا فيه لانى احبه بالفعل ) احدى منابع الثقافه فى هذا الصرح الجميل واحدى مصابيح المعرفه التى تحاول جاهده كشف اى غموض فى اى موضوع يمس اى جانب من جوانب الحياه وجدت فيه تواضع الحكماء وتقبله لاى معلومه بدون تعالى او تكبر وكم كانت سعادتى حين التقيت به وجها لوجه فكان فعلا مطابقا لما فى مخيلتى عن تلك الشخصيه الجميله والعزيزه فهو رجلا بسيط ومتواضع بشوش الوجه حديثه بالفعل شيق ولا يمل منه وانا من هذا المكان باقوله ربنا يخليك لينا يا استاذ عاطف ويخلى لينا قلمك اللى بجد علمنا ووضح لنا الكثير والكثير وربنا يجازيك عنا كل خير لك منى كل الشكر وخالص المحبه
    ابنك
    محمد الشترى

  5. #5

    تاريخ التسجيل
    Jan 2005
    الدولة
    الاسكندرية
    المشاركات
    6,559
    سبحان الله... لسه النهاردة الصبح يا داريا جيتي على بالي وافتركت انك كنتي قلتي حتعملي موضوع تعارف جديد بس استنيت كتير ومافيش حاجة... أخيرا عملتي الموضوع... وفي منتهى الجمال طبعا مش غريب عليكي.

    أستاذ عاطف هلال... طب ماهو أنا لو أعرف أقول شعر كنت قلت قصيدة توضح مدى اعجابي بحضرتك. مش فاكرة كان ايه بالظبط أول موضوع قرأت فيه لحضرتك رد بس من يومها وأنا بأكن ليك كل احترام وتقدير وان كنت مش بأشارك كتير فدا لأن علمي بالسياسة قليل وباكتفي بالقراءة واكتساب المعلومات وحضرتك مش بتبخل علينا أبدا.

    بأضم صوتي لايمان...
    بحب حضرتك تنور المنتدى كدة على طول ،، زي ما انت منور بلدنا
    خليك معانا زي ما كنت زمان معاهم في صحرا مصر وفي اكتوبر
    خليك جنب كل واحد مننا يمكن في يوم يطلع مننا زيك او نجيب اللى يطلع زيك
    انا بارفض تماما جهل ناس كتير هنا بحضرتك ،، هما عارفين ان حضرتك حاجة كبيرة
    بس انا بقى مايعجبنيش الكلام دة
    انا عايزة حضرتك تكون معانا اكتر وهما يستغلوك شوية

    "Be the change that you wish to see in the world"
    Mahatma Gandhi —

  6. #6

    تاريخ التسجيل
    Nov 2004
    الدولة
    الاسكندرية
    العمر
    54
    المشاركات
    68
    تحياتي للباشمهندس أجمل تحية

  7. #7

    تاريخ التسجيل
    Sep 2005
    الدولة
    مصر
    العمر
    72
    المشاركات
    8,881
    الأبنة العزيزة /daria
    شكراً يا ابنتى مرتان : مرة لأختيارك شخصية عظيمة مثل الأستاذ المهندس عاطف هلال الذى استطعتى أن تنقلى لنا جميعاً احساسك نحوه مما جعلنا جميعاً نحس بنفس احساسك : الشكر الثانى لدعوتى للأشتراك معك فى نفس الموضوع .
    ابنتى لقد اسعدنى الحظ بلقاء مجموعة من الأصدقاء والصديقات فى اليوم الثانى من عيد الفطر المبارك وكان على رأسهم استاذنا الكبير / عاطف هلال وماما زوزو وأخوة والأبناء ابن البلد وبوكو بوكو والمفكر ومظلوم وزيزو والأبن العزيز حسام عمر وهو من دعانى لهذا اللقاء وقد حدثنا تليفونياً الأخ الكريم / ابو يحيى الصعيدى .
    اما انطبعاتى عن الأستاذ / عاطف هلال فهو شخص متواضع . يملك زخيرة كبيرة من الخبرة والأفكار .عملى . حلو الحديث . يجيد الأنصات للصغير والكبير . أما وقد أضفتى لنا الكثير من المعلومات التى لم نكن نعرفها فأن تقديرنا له زاد .
    اشكرك يا ابنتى وبارك الله فيك
    ذُكِرَ عَنْ عُمَرَ أَنَّهُ قَالَ لِزِيَادٍ: هَلْ تَدْرِي مَا يَهْدِمُ الْإِسْلَامَ؟ زَلَّةُ عَالِمٍ وَجِدَالُ مُنَافِقٍ بِالْقُرْآنِ وَأَئِمَّةٌ مُضِلُّونَ،

  8. #8

    تاريخ التسجيل
    Apr 2004
    الدولة
    قـصـر القـبـة
    العمر
    40
    المشاركات
    5,859
    م. عاطف
    أسعد جدا جدا بآراؤه..
    أحيانا ما أفتقد تواجده في المنتدى، وأنتظر مواقفه في القاعة السياسية .
    أتمنى له كل التوفيق والحياة السعيدة بعد كل هذا العطاء وتلك الرحلة الشاقة من العمل والبذل .

    الأصدقاء الثلاثة

  9. #9

    تاريخ التسجيل
    Aug 2004
    الدولة
    القاهره
    العمر
    35
    المشاركات
    2,510
    أرق التحيات للباشمهندس عاطف
    تسلمي ياداريا علي تعريفنا بالباشمهندس عاطف



    العندليب

  10. #10
    الصورة الرمزية daria
    daria غير متواجد حالياً عضوة نفخر بها في أبناء مصر

    تاريخ التسجيل
    May 2004
    الدولة
    القاهرة
    العمر
    34
    المشاركات
    1,925
    السلام عليكم جميعا
    يمكن من قرأ موضوعي الاول عن أنفال
    لاحظ وجود فقرة " قالوا وقلت " وعدم وجودها هنا
    وهي حتتكتب برضة بس بإسلوب مختلف شوية


    و

    بسنت ...... بنت مصر
    قالت
    "الاستاذ عاطف هلال
    هو العلم والثقافة والطيبة المطلقة والتواضع الجم
    وحب الجميع وحب الجميع له ... انا عن نفسي
    من أكتر الشخصيات اللي مبهورة بيها واللي فعلا
    أكتر شخصية رأيها لو بيخالف رأيي في اي شيء
    في الحال باغير موقفي وبأثق في الحال اني غلط
    ما دام رأي الاستاذ عاطف مخالف لي
    يعني بالعربي ثقة عمياء في فكره "

    دمتم بتواصل
    إيمان
    رسالة إعتذار للمنتدى وأعضائه.. عودة
    http://www.egyptsons.com/misr/showthread.php?t=54204

صفحة 1 من 8 123 ... الأخيرةالأخيرة

المواضيع المتشابهه

  1. نـعـش الحقـيقة .. أيـن أنتم منه يا أعضاء منتدى أبناء مصر !!
    بواسطة أيمن خطــاب في المنتدى القاعة العامة
    مشاركات: 35
    آخر مشاركة: 21-03-2009, 07:28 PM
  2. أحلى باقة ورد لأحلى أعضاء فى منتدى أبناء مصر
    بواسطة serajmool في المنتدى قاعة الأسرة
    مشاركات: 0
    آخر مشاركة: 28-09-2005, 06:43 PM
  3. باقات ورد الى أحلا أعضاء فى منتدى أبناء مصر
    بواسطة serajmool في المنتدى قاعة الأسرة
    مشاركات: 0
    آخر مشاركة: 03-09-2005, 12:40 PM
  4. باقات ورد الى أحلا أعضاء فى منتدى أبناء مصر
    بواسطة serajmool في المنتدى المطبخ
    مشاركات: 0
    آخر مشاركة: 03-09-2005, 12:40 PM
  5. أزياء إهداء الى جميع أعضاء منتدى أبناء مصر
    بواسطة serajmool في المنتدى قاعة الأسرة
    مشاركات: 0
    آخر مشاركة: 03-09-2005, 11:28 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •