والله مخنوق جداً

[vip-vet]

ليه الدنيا دي كده ....
ليه ما بتسيبش حد ياخد اللي نفسه فيه ...
انا مؤمن جدا بقضاء الله ....
بس مش عارف ملخبطة معايا اليومين دول من كل النواحي
اعمل ايه والله ما انا عارف حتقولي اصبر والله صابر بس لغاية امتي ......
انبسط ساعة وابكي عشرة ....
ليه مش عارف حياتي ملخبطة كده كل حاجة نفسي حد يقولي اعمل ايه ....
حتقولي غير جو ... غيرت مافيش فايدة

ممكن دلوقتي حد يقولي ايه علاقة ده كله بالسياسة لأن السياسة هي احد اسباب تعكير مزاجي بعد اللي بشوفه وبسمعه وربنا يهدي العصابة اللي شغالة الله ينور....

اي حد عنده حل لمشكتلي ياريت يشاركني الحزن اللي انا فيه واعتقد ان ده حال معظم الشباب ......

[atefhelal]

أولا نسأل هى الخنقة دى من تلوث الجو بالعوادم والأتربة المثارة من كل الأماكن بمصر المحروسة .. أو من تلوث الجو بنفايات الفكر النفعى والإنتهازى الذى أدى إلى ظاهرة تفكك الأسرة والمجتمع ، وانبعاث بعض عوادم الفكر الإنتهازى والمبادئ الهدامة ، فأفسد ذلك مناخنا الطيب الأصيل وأوصلنا وأوصلك إلى حالة الإختناق ..

عموما طالما أنت طبيب فاستشر حمارك العجوز الراقد بعيادتك .. علّه يفيدك ويفيدنا ..

[Abdou Basha]

د. أحمد ...
أنا كمان مخنوق..
من الشغل اللي مش جايب همه..
من ورق الجيش..
من الخنقة..
ربنا معاك ومعايا.

[samy751]

ربنا معاك يا أخ أحمد عامر أهي الدنيا كده

و علي رأي المثل " وما اليوم إلا مثل أمس الذي مضى "

بس خليك متفائل شوية لأن ان شاء الله اكيد الدنيا هتتغير و مفيش حاجة بتفضل علي حالها

تحياتي

[أمة الله]

بسم الله الرحمن الرحيم
السلام عليكم و رحمة الله و بركاته

يا أخ احمد ادعو الله ان يفرجها عليك و علينا و على المسلمين جميعا و اعلم انه لن يصيبنا الا ما كتب الله لنا و على الأكيد ان ربنا لن يظلم احد ابدا و لن يضر احد ابدا

قول يا رب

[nariman]

د/ أحمد ......يا سلام عمرك أطول من عمرى أنا كمان مخنوقه اليومين دول والمشاكل متجمعه وجايه كلها ورا بعض ولعلمك انا من الناس اللى بيقدروا يعدوا على الأحزان ويعاملوها كأنها شكه دبوس او لسعه مكواه حتوجع شويه وبعدين خلاص.... بس بصراحه يا دكتور الدبابيس بقت كتير قوى وفعلا حاسه زيك بالخنقه لكن فى النهايه منقدرش نقول غير ان ربنا له حكمه فى مرورنا بكل ده ولازم يبقى عندنا ثقه
فى الله انه بيشلنا دايما الأحسن .......... نعمل ايه حياه ولازم نعيشها بحلوها وبمرها
ناريمان

[عمرو عامر]

استغفر ربك

[vip-vet]

واضح من الردود أن معظم الناس عايشين هذه الحالة بسبب الأجواء التي نمر بها ........وعلي رأي المثل جبتك يا عبد المعين تعين لقيتك عليز تتعان.....
طيب ياريت حد يكون عنده حل جذري لهذه المشاكل أو كان مخنوق وربنا تاب عليه ...........

يارب استرها علي عبادك

[الصاعق]

يا أخي الكريم عود نفسك على هذا ( خلق الإنسان في كبد ))

كل سنة وانت طيب

[vip-vet]

شكرا اخي الصاعق