صفحة 1 من 6 123 ... الأخيرةالأخيرة
النتائج 1 إلى 10 من 53

الموضوع: انه عالم قطط قطط قطط - سيامي

  1. #1

    تاريخ التسجيل
    Dec 2004
    الدولة
    USA
    المشاركات
    5,090

    انه عالم قطط قطط قطط - سيامي

    امبارح وانا على النت اتكعبلت في موقع قطط سيامي

    ولاني كما يعلم الجميع من مدمنات القطط - فقد قررت ان اعرضها على اصدقائي وبالمرة احتفظ بيها في مكاني المفضل










































    من أمن العقوبة أساء الأدب ...


  2. #2

    تاريخ التسجيل
    Sep 2004
    الدولة
    مصـر
    العمر
    56
    المشاركات
    4,847
    ماشاء الله
    قطط حلوة
    ألف شـكر يا Osha

    إذا الإيمَان ضاعَ فلا أمَان
    ولادُنيا لِمَن لَم يُحيى دِينا



  3. #3

    تاريخ التسجيل
    Apr 2005
    الدولة
    -------
    المشاركات
    8,676
    بسم الله ما شاء الله
    جميلة اوي يا اوشا
    بيفكروني بقطتي اللعبة اللي في مصر

  4. #4

    تاريخ التسجيل
    Nov 2004
    الدولة
    فى أى مكان ناطق بلسان الضاد
    المشاركات
    11,365
    دى قطط برضو يااوشا
    ولا قطة حلووة خالص



    دول يجننوا بس كنت عايز اضرب ايدى جوة الشاشة عايز قطة
    ههههههههه

  5. #5

    تاريخ التسجيل
    Jul 2005
    الدولة
    القاهرة
    العمر
    37
    المشاركات
    136
    عسل قوى يا اوشا
    تسلم ايديك
    [IMG]D:\Documents and Settings\Nour\My Documents\My Pictures\LOVE\LOVE50.JPG[/IMG]

    إذا كان الوجود كلمة فياليتنى فهمت كل الكتاب

  6. #6
    Pool Jam - 1.5 Minute Game Champion!Tournaments Won: 1

    تاريخ التسجيل
    Apr 2002
    الدولة
    القاهرة
    العمر
    42
    المشاركات
    25,589
    وبعدين معاكي يا أوشا
    مش انا قلت مبحبش القطط

    تعرفوا اللي بيخاف من عفريت بيطلع له
    أحكي لكم قصه حصلت من 10 أيام نهايتها كانت إمبارح
    أنا ساكن في الدور الأرضي
    بس حاطط حديد علي كل الشبابيك وعلي البلكونه يعني سجن
    المهم بليل الساعة تلاته بليل صوت أطباق أتكسرت
    رحت منادي يا هاله أيه ده
    ردت عليا أيه أنا نايمه
    نايمه
    قمت أدور علي فيه ايه ألاقي قطة سوداء مفيهاش ولا شاره
    بتجري من المطبخ وجري علي الشباك الحديد واختفت وسط ظلام الشارع
    دخلت مراتي المطبخ لقيت القطة هانم كسرت طبقين صيني
    المهم عدي اليوم عادي ومفيش مشكلة
    الجو حر اوي فقررت أني أنام في قوضه الأنتريه
    ففرشت في الأرض ونمت الساعة تلاته كده بليل
    المهم علي الساعة اربع سمعت صوت قطط صغيره بتصوصو
    قمت من النوم وقعدت وحسيت أن القطط دي تحت الكوبرته
    طبعا انا اترعبت أعري الغطا وألاقي قطط قدامي
    فرحت قمت ولعت النور
    ورفعت الغطاء ملقيتش حاجه بس لسه الصوت شغال من ناحية الشباك قلت الله يخرب بيت القطط بيصوصو بره والصوت عامل صدى جوه الشقه ونمت
    بعدها بكام يوم برضك لقيت القطة السوده في الشقه
    وبعدين بقه في المصيبه السوده دي
    طبعا طردها بالذوق وقلت لها لو جيتي هنا تاني انا هكسر رقبتك
    نزلت تحت الشباك ومكنتش عايزة تمشي أتطريت ( أجبرت يعني ) أجيب أزازة مياه ساقعه وارشها بيها
    يوم الأربعاء كنا قررنا الذهاب للمصيف قفلنا الشقه وبوسي كانت قاعده قدام باب البلكونه لقيت القطة بتنون
    رحت أبص لقيتها واقفه بره الحديد من بره فرحت مزعق فيها وممشيها
    قفلنا البلكونه وبعدين أتصلت بماما
    قالت لي خلاص المصيف فركش مفيش حجز
    رحنا فضينا الشنط تاني وفتحنا البلكونه لقينا القطة السوده جواها زعقت لها تاني راحت خرجت بطريقه معذبه من الحديد
    يعني مش عارف أيه اللي يعذبها يعني كده كل ده علشان الاكل
    أتفقت أنا وزوجتى اننا نخرج نتمشي بالعربيه ساعة ولا حاجه
    رحنا أتمشينا وارجعنا فتحنا الشقه بقه وأنا كنت بتكلم في الموبايل وعمال رايح جاي علي القوضه اللي فيها الإنتريه وكنت فاتح طبعا شباكها
    المهم لمحت القطة السوده في الأرض دخلت وراها لقيتها دخلت تحت كراسي الانتريه
    ولعت النور ودورت عليها ملقيتهاش
    قلت بس الأنس والجن به وعادل إمام والعفاريت المهم خلصت المكالمه وفضلت أدور علي القطة في كل مكان في الغرفة ملقيتش لها أثر
    كانت زوجتى تتكلم في التليفون برضك خلصت وقلت لها علي الحكايه أن القطة دخلت واختفت في الغرفه
    قالت لي ماهو حصل كده من قبل شوفها وراها الكومودينو
    المهم سمعت صوت القطط الصغيره بتصوصو تاني
    قلت لها شوفتي تقريبا لما القطة بتدخل هنا عيالها بيندهوا عليها من بره وطلعت فوق الفوتي ( كرسي بدراعات ) علشان أبص عليهم بره الشباك ملقيتش حاجه والصوت كتم شوية
    قلت لها علي فكرة القطة دي ولدتت في الشقه هنا
    مراتي طبعا صوتت
    هي بتخاف من القطط اصلا
    قلت لها دول كمان أكيد تحت الكرسي ده وشيلت الكوموديونو
    ولقيت قطة صغيره فعلا قلت لها مخلفه قطة
    لا أتنين
    لا تلاته
    راحت القطة الكبيرة شالت بنتها من قدامها ورامتها وراها ومبقاش ظاهر غير الكبيره
    نظام بقه بتقولي عايز أيه بقه أيوه مخلفه عندكم خلاص هتعملوا أيه يعني
    قلت لمراتي هاتيلها أكل بقه
    قالت لي اكل أيه أنت لازم تمشيهم بره
    قلت لها حرام عليكي دي الست لسه نفسه وعايزة ترم عضمها بفرخه ولا حاجه
    راحت جابت لها مراتي جبنه بيضه
    وأنا قعدت ازعق للقطة
    يعني دلوقتي يا ست هانم لو كنا سافرنا وقفلنا الشقه ومعرفتيش تدخلي لعيالك كنا جينا بقه لقيناهم ماتوا وعفنوا لنا الشقه ها
    بس القطة مردتش عليا
    المهم كلمنا ماما وقلنا لها لازم تيجي بكره تاخد القطط دي أو تشيلها من الشقه
    وحطينا للقطط أكل
    تاني يوم الصبح القطة الكبيرة خرجت تسترزق وأكتشفنا أنها مخلفه أربعه مش تلاته
    وجت ماما تاني يوم والحمد لله فشلت في انها تشيل القطة وأولادها ولكن بابا أخد تلاته منهم وحطهم في كرتونه وحطناهم تحت الشباك أما القطة الام فخطفت ابن من أبناءها وجريت به تحت الكراسي ومحدش عرف ياخده منها ولا ياخدها هي نفسها ويخرجها بره


    تعبتوا من الرغي ولا لسه

    المهم قعدنا في شبرا الخميس والجمعه وكنا سايبين الشباك مفتوح علشان القطة تقدر تخرج لولادها اللي بره وقلنا حاجه من الإتنين يا أمه تدخل التلاته من بره يا امه تخرج اللي معاها بره

    جينا يوم الجمعه بليل الشقه
    دخلت ملقيتش القطة بس لقيت قطتين صغيرين من ولادها ( وطبعا مقلكوش ريحت القوضة بقيت عامله أزاي ولا بطاريات الأرانب )
    المهم رحت أنا شرير
    قفلت الشيش وأخدت القططتين ( يا عيني مغمضين لسه ) وحطيتهم في كرتونه تانيه
    وخرجت حطيتهم بره تحت الشباك وجت امهم جري طبعا وقعدت تصرخ في وشي شويه وبعدين شمشمت ولادها وأخدتت واحد وأستنتني لما أمشي
    وبعدين أخدت التاني
    أما أحنا فمسحنا القوضه بالمياه والصابون
    وقفلنا الشباك لحد النهارده والحمد لله أتخلصنا من الشرير الأسود

    أيه رأيكم بقه في القصه الحلوة دي
    لي حق اتعقد من القطط ولالأ اللي مشاركاني حتى في نومتي وشقتي

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

  7. #7

    تاريخ التسجيل
    Apr 2005
    الدولة
    -------
    المشاركات
    8,676
    ههههههههههههههه
    اللي يخاف من العفريت يطلعله

  8. #8
    Pool Jam - 1.5 Minute Game Champion!Tournaments Won: 1

    تاريخ التسجيل
    Apr 2002
    الدولة
    القاهرة
    العمر
    42
    المشاركات
    25,589
    اقتباس المشاركة الأصلية كتبت بواسطة قمر الليل
    ههههههههههههههه
    اللي يخاف من العفريت يطلعله

    ايوه

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

  9. #9

    تاريخ التسجيل
    Jan 2005
    الدولة
    الاسكندرية
    المشاركات
    6,559
    الصور دي في منتها الجمال رشا! تجنن بجد... خصوصا الخامسة اللي فيها الست ماسكه القطه كده امور قوي قوي قوي!! مش ممكن! عايزه واحده. ولا الصوره التامنه كمان
    مرسي قوي يا رشا!

    ابن البلد... على فكره كونها ولدت في بيتكوا معنى كده انكوا ناس طيبيين والا ماكانتش ارتاحت لكوا وللمكان وعملت كده
    يعني ان طيب... مع ان مايبانش عليك

    "Be the change that you wish to see in the world"
    Mahatma Gandhi —

  10. #10

    تاريخ التسجيل
    Dec 2004
    الدولة
    USA
    المشاركات
    5,090
    عز الدين
    شكرا على مرورك - مش عاوز ابعت لك واحدة??


    قمر الليل
    بذمتك القطة اللعبة قمر كده - دول مالهومش حل - انامن ساعة ما لقيت الصفحة كل شوية افتحها واتفرج عليها
    شكرا على مرورك وسلمي على احمد كتير كتير


    صلادينو
    ومين سمعك والله يا صلادينو - انا حاموت وامسكهم كلهم وافضل افعص وابوس فيهم لما اخلصهم
    شكرا على مرورك ويالا عاوزة صور قطط تنافس دي

    مهرة عربية
    الله يسلمك يا مهرة - هم فعلا عسل جدا جدا

    ابن البلد
    شوف - انت من جواك اكيد بتحب القطط والا ماكنتش اولا دخلت تتفرج وثانيا ماكانتش القطة ولدت في بيتكم - لعلمك القطط بتولد في المكان اللي بتحس فيه بالأمان - بس انت خذلتها يا متوحش !!
    عارف ان قطتي في مصر فشلت تولد مرتين - المرة الأولى قالوا عشان الزوج كان شيرازي وكان حجم القطط كبير عليها واخدتها المستشفى عشان الدكتور يتصرف قام قال لي بمنتهى الامبالاة سيبيها تولد براحتها دي قطط الشوارع بتولد كل يوم
    سمعت كلامه وكانت حتموت لولا اننا اخدناها تاني المستشفى لما تعبت قوي والدكتور ولدها قيصري وطبعا القطاقيط ماتوا من البنج!!
    المرة التانية برضه نفس المشكلة بس كنا اتعلمنا من الغلطة رحت بيها لدكتور خاص - المهم كان فيه 3 - اثنين منهم ماتوا للأسف والتالت هي رفضت تهتم بيه وترضعه والكتور فسر دا بانه لم يعد يحمل رائحتها لانه الدكتور مسكه بايده قبل ما تشمه وتتعرف عليه - انا ساعتها جبت له بيبي رون مخصوص للقطط لكن هو عاش يوم ونصف وبعدين مات
    يعني انا حاموت على قطة تولد عندي وسيادتك ترميهم في الشارع يا سفاح القطط!!

    حنــان
    انت عاوزة الخامسة والثامنة وانا عاوزاهم كلهم بصراحة

    من أمن العقوبة أساء الأدب ...


صفحة 1 من 6 123 ... الأخيرةالأخيرة

المواضيع المتشابهه

  1. العثور على سحالي "متناهية الصغر" في مدغشقر
    بواسطة رويتر في المنتدى الأخبار اليومية
    مشاركات: 0
    آخر مشاركة: 15-02-2012, 05:30 PM
  2. بريطانيا: عملية فصل ناجحة لتوأم سيامي ملتصق من الرأس
    بواسطة رويتر في المنتدى الأخبار اليومية
    مشاركات: 0
    آخر مشاركة: 18-09-2011, 08:10 PM
  3. الخلاف بين عالم المُلْك وبين عالم الملكوت..
    بواسطة الشيخ عادل في المنتدى لقاءات في حب الله
    مشاركات: 0
    آخر مشاركة: 09-05-2008, 08:26 PM
  4. عالم الجن عالم واسع مثير لابداية ولانهاية له
    بواسطة حسام عمر في المنتدى القاعة العامة
    مشاركات: 22
    آخر مشاركة: 14-08-2005, 11:45 PM
  5. النائب الكويتي مسلم البراك: موسى «صدامي»
    بواسطة egnasser في المنتدى قاعة القضايا السياسية
    مشاركات: 4
    آخر مشاركة: 05-04-2003, 08:09 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •