الساعة 15 إلا دقيقتين
وانا واقف مسنود ع الحيطة
سامع زيطة
والناس دايرين
إيشى شمال


أو ايشى يمين
دول بنى ادميين
أومال انا شايف شكل الشياطين
والسما عمالة تلف الدايرة
وبتعلب جوة العين
والساعة زى ماهيه
وحبيتى لسة ماجاتشى
دانا جايب وردة ف جيبى
وقصيدة جديدة عن شكل الحب
وعشان يكتمل المنظر
قمت شحتت تشيرت جديد
مرسوم قلب ف نصه(حبيبى)
واتكلونت
دى كولونيا 555 العال
اومال
دى الساعه خمستاشر لسة
وحبيتى لسة ماجاتشى
مايكونشى الواد المخبر (أمجد)
خدها تحرى
او شبهه
او حتى بتهمة ارهاب
يانهار اسود ومنيل
وبشكل هباب
هما اللى بيعيشوا الحب ثوانى
بيلفوا كعبن داير
والواد العاشق يتنيل
معمول له ملف
الساعة خمستاشر لسة
وسجايرى اللف خلاص
والنور اللى مزغلل عينى
من شكل الناس
بقى مية والف
وحبيبتى سابتنى ف وسط الشارع
لما سالت قالولى
اصلك راجل جلف
لو عاوز تقابلها صحيح
جوة القسم