صفحة 1 من 9 123 ... الأخيرةالأخيرة
النتائج 1 إلى 10 من 88

الموضوع: الصعيدي علي كرسي التعارف

  1. #1

    تاريخ التسجيل
    Apr 2005
    الدولة
    -------
    المشاركات
    8,676

    الصعيدي علي كرسي التعارف

    [frame="2 80"]
    السلام عليكم ورحمة الله وبركاته



    اخوتي في الله اعضاء ومشرفي ابناء مصر يسرني اليوم ان اعلن عن خبر جميل الا وهو جلوس عضو محبوب من ابناء مصر " الصعيدي " علي كرسي التعارف وهو الحمد لله قد وافق علي ذلك بكامل اردته يعني مفيش اي ضغط عليه ولا حاجة وده معناه انه ذو صدر رحب وسوف يتقبل جميع الاسئلة التي سوف تعرض عليه من قبل الاعضاء والمشرفين


    اخوتي ارجو منكم عدم الاكثار من الاسئلة والا يزيد عدد الاسئلة في كل مشاركة عن 5 اسئلة حتي يتسني للصعيدي ان يجيب عليها كلها ونعطي لغيرنا ايضا المجال لذلك
    واطلب منكم ايضا عدم وجود احاديث جانبية في الموضوع بمعني ان يقتصر الموضوع علي توجيه الاسئلة للصعيدي ويقوم الصعيدي بالرد عليها وذلك للحفاظ علي رونق الموضوع وجماله وعدم خروج الموضوع عن الهدف الاساسي له


    اتفضل يا الصعيدي علي الجلوس علي كرسي التعارف ومده الجلوس هي اسبوع ان شاء الله سوف تبدا من اليوم الي يوم الاربعاء المقبل ان شاء الله ويمكن لك ان تجاوب علي جميع الاسئلة واللي مش عجبك ما تردش عليه وتجاهله تماما بس ما تزودهاش اوي وما تردش علي كل الاسئلة وتقول لا تعليق

    اتمني ان تقضي وقتا ممتعا علي كرسي التعارف
    [/frame]
    التعديل الأخير تم بواسطة أم أحمد ; 17-08-2005 الساعة 10:14 PM

  2. #2

    تاريخ التسجيل
    Apr 2005
    الدولة
    -------
    المشاركات
    8,676
    بسم الله الحمن الرحيم
    ابدا بقي انا بالاسئلة

    بطاقة حضرتك الشخصية
    الاسم
    السن
    محل الميلاد
    الاقامة
    الوظيفة


    يا ريت تعرفنا علي شخصة حضرتك في جملة قصيرة غير الشخصية التي نعرفها من خلال المنتدي

    من هو الصعيدي ولماذا اخترت لقب الصعيدي

    كيف تقضي وقت حضرتك يعني وضح لنا يوم من اوله لاخره كيف يبدا وكيف ينتهي

    كفاية كده بقي وان شاء الله لي لقاء اخر

  3. #3

    تاريخ التسجيل
    Jan 2005
    الدولة
    الاسكندرية
    المشاركات
    6,559
    الحمد لله أنا جيت من أول الموضوع عشان أتابع
    معنديش أسئلة دلوقتي بس أول ما افكر في حبة حلوين حاجي على طول
    كل الاحنرام للصعيدي... وشكرا لقمر وبوكي بوكي

    "Be the change that you wish to see in the world"
    Mahatma Gandhi —

  4. #4

    تاريخ التسجيل
    Apr 2004
    الدولة
    قـصـر القـبـة
    العمر
    40
    المشاركات
    5,859
    عزيزي محمد عبدالسلام ......

    إنت واحشني خالص ..

    عايز أسألك ..

    - جذورك العائلية منين ..؟!
    - دراستك الأصلية.. إيه..؟
    - أكتر حاجة بتكرهها..؟؟ (غير الأسئلة دي )
    - إحك عن نقطة تحول في حياتك ..

    وربنا يوفقك دايما في كل الخير ...
    وفي انتظار اجاباتك.

    الأصدقاء الثلاثة

  5. #5

    تاريخ التسجيل
    Feb 2003
    الدولة
    مدينة الألف مأذنة
    العمر
    39
    المشاركات
    1,115
    السلام عليكم ورحمة الله وبركاته

    مم نَدُر هذه الأيام أن يصادف الانسان شخصيات تعبر عن نفسها بشفافيتها وصدقها وذلك مم يجعلك تصدق ما تقول وتثق فيه وقد يعبر عن كثير مم بداخلك دون البوح به ..

    وتكون تلك الصفات ملامحا قويه رسمت لنا شخصيه طيبه عبرت عن نفسها بصدق..
    ولقد فاز أبناء مصر بأكثر من نموذج من تلك الشخصيات وها نحن باب واحد منهم..
    وأجدني الآن لا احتاج لأسئله ولكن سأتابع الأعضاء الكرام..

    دمتم جميعا بخير..
    المرء بفضيلته لا بفصيلته وبكماله لا بجماله وبآدابه لا بثيابه

    اللهم لك الحمد والشكر كما ينبغي لجلال وجهك وعظيم سلطانك

    سبحانك اللهم وبحمدك أشهد أن لا إله إلا أنت أستغفرك وأتوب إليك
    .

  6. #6

    تاريخ التسجيل
    Aug 2003
    الدولة
    مصــر...بورسعيد
    العمر
    34
    المشاركات
    3,521
    بسم الله الرحمن الرحيم
    فرصة حلوة واختيار جميل يا قمر
    يلا بقى نبدأ الاسئلة بسرعة.......
    ما هي اهم مرحلة تحول فى حياتك
    ايه هو هدفك من دخول النت بشكل عام والمنتدى بشكل خاص؟
    ايه اللى استفدته من وجودك كعضو مميز ومشرف نشيط فى المنتدى؟
    سلسة قصص شريف ومحسن التى اعشقها ما هى اهم حلقة اردت ان توجه بها رسالة هامة؟
    وشكرا يا صعيدى على اتاحة تلك الفرصة الرائعة لنا
    والسلام عليكم

    بسمة

  7. #7

    تاريخ التسجيل
    May 2004
    الدولة
    القاهرة
    العمر
    48
    المشاركات
    8,981
    إيه ده !! الصعيدي عندنا يا مرحبا يا مرحبا

    منور الكرسي يا الصعيدي

    أبدأ بقي الأسئلة ....تم تم تم أمخمخلك بقي في شوية ...اممممممممم

    1- ما هو مبدأك في الحياة؟؟

    2- ما هو رأيك في المقولة التي تقول: "المساواة في الظلم عدل" ؟؟

    3- يقولون: "الغِني في الغربة وطن و الفقر في الوطن غربة" ... ماذا يقول الصعيدي؟؟

    اممم دول بس لكن ليس آخر ما عندي

    دمت بكل خير و إلي العودة

    في رعية الله ،،،


    يارب إن كان إدراك الحكمة صعباً.. فاجعل برحمتك الصبر والرضا سهلاً.

    على الطريــق

  8. #8

    تاريخ التسجيل
    Jun 2004
    الدولة
    الإسكندرية
    العمر
    56
    المشاركات
    5,002
    آآآآآآه .. ده اللي كنت خايف منه وعامل حسابه ..

    اقتباس المشاركة الأصلية كتبت بواسطة قمر الليل
    تفضل يا الصعيدي علي الجلوس علي كرسي التعارف ومده الجلوس هي اسبوع ان شاء الله سوف تبدا من اليوم الي يوم الاربعاء المقبل ان شاء الله
    أشكرك جدا أخت أم احمد على الدعوة الكريمة .. وإن شاء الله أكون عند حسن ظنكم جميعا

    اقتباس المشاركة الأصلية كتبت بواسطة قمر الليل
    اللي مش عجبك ما تردش عليه وتجاهله تماما
    طب والله مافيش مانع .. كده الموضوع بقى سهل خالص .. ههههههههه ..

  9. #9

    تاريخ التسجيل
    Aug 2004
    الدولة
    لا اعرف من اين اتيت ولكني اتيت
    العمر
    41
    المشاركات
    207
    والله اقولك علي حاجه سر بيني وبنك يا محمد
    انا اول ما رجعت للمنتدي كان من يومين اتنين بس
    قريت الرسايل الخاصه
    وعجبني موضوع الكرسي ده
    وفضلت اتابع الردود والاسئله بتاعت ابن البلد
    وفي نهاية الموضوع
    وطبعا كان عدي اكتر من الاسبوع بأسبوع كمان
    اتمنيت والله ان يكون انت اللي عليك الدور والحمد لله اتحققت
    تعلالي بقي يا حلو
    اولا طبعا مش فكرني (نبقي نشفولك عقاب بعدين)
    المهم بقي يا حلو الاسئله
    (1)
    ايه رأيك في الحب عن طريق النت ؟
    وهل هو نفس رأيك في تكوين علاقة الصداقة عن طريق النت
    ولو كان ردك بوجود صداقة وده انا متأكد منك في رده عن طريق النت
    مين هو احسن صديق اتعرفت عليه علي النت
    ومين اللي ندمت علي معرفتك بيه برده علي الانترنت؟
    (2)
    هقولك اسماء اعضاء في المنتدي وعايز تعليق واحد وصغير لكل واحد فيهم
    ابن البلد؟؟
    الازهري المصري؟؟
    د فاضل؟؟
    انوبيس؟؟
    ماما زوزو؟؟
    جمال النجار؟؟
    وبلاش انا عشان عارف انك مش فكرني
    وبرضه اللي متفتكرهوش من كل دول تقول (مش فاكر)
    بس مش كلهم يعني
    (3)
    ايه كان اكبر حلم للصعيدي وقدر يحققه ؟ وازاي حققته؟
    وايه الحلم الكبير قوي اللي بتحلم بيه وان شاء الله ربنا يحققهولك؟
    (4)
    محمد عبد السلام الانسان والصعيدي علي النت ما الاختلاف وما التشابه بينهما؟
    ولو مره قعدت مع نفسك وفكرت في كل شخصيه منهم ايه اللي ممكن يزعلك من كل شخصيه علي حده
    استني بس منتي هتقول كمان ايه اللي بيعجبك فيهم
    (5)
    لحظه ضاع فيها الحب ؟؟
    ولحظه اتولد فيها من جديد ؟؟
    ــــــــــــــــــــــــــــــــــــــــــــــــــ ــــــــــــــــــ
    عارف اني تقلت عليك في الاسئله دي
    بس صدقني من اعجابي واحترامي الشديد لشخصك الكريم
    تحياتي وتقديري مره تانيه
    التعديل الأخير تم بواسطة ملك الحب الضائع ; 18-08-2005 الساعة 04:39 AM


  10. #10

    تاريخ التسجيل
    Jun 2004
    الدولة
    الإسكندرية
    العمر
    56
    المشاركات
    5,002

    مبتسم

    أهلا قمر الليل .. الأسئلة صعبة كده ليه ؟؟؟ .. أتجاهلها يعني .. ؟؟؟

    اقتباس المشاركة الأصلية كتبت بواسطة قمر الليل
    الاسم
    محمد عبد السلام

    اقتباس المشاركة الأصلية كتبت بواسطة قمر الليل
    السن
    واحد واربعين سنة

    اقتباس المشاركة الأصلية كتبت بواسطة قمر الليل
    محل الميلاد
    بورسعيد

    اقتباس المشاركة الأصلية كتبت بواسطة قمر الليل
    الاقامة
    الاسكندرية

    اقتباس المشاركة الأصلية كتبت بواسطة قمر الليل
    الوظيفة
    كيميائي في مجال البترول

    اقتباس المشاركة الأصلية كتبت بواسطة قمر الليل
    يا ريت تعرفنا علي شخصة حضرتك في جملة قصيرة غير الشخصية التي نعرفها من خلال المنتدي
    رجل مسلم مهتم بالعمل الاجتماعي والدعوة إلى الله بالحكمة والموعظة الحسنة ونشر الفهم الإسلامي الصحيح

    اقتباس المشاركة الأصلية كتبت بواسطة قمر الليل
    من هو الصعيدي ولماذا اخترت لقب الصعيدي
    الحقيقة السؤال محرج شوية .. لإن كتير بيفكروا ان فيه سبب معين لاختيار الاسم .. والحقيقة انها كانت شوية تجارب لاختيار يوزرنيم .. والمنتدى ما قبلش غير الاسم ده .. بدون أي ترتيب سابق مني .. وان كان فيه جانب ايجابي في الموضوع وهو انه عرفني باحمد ناصر وقربنا من بعض كتير .. وهو فعلا نعم الأخ

    اقتباس المشاركة الأصلية كتبت بواسطة قمر الليل
    كيف تقضي وقت حضرتك يعني وضح لنا يوم من اوله لاخره كيف يبدا وكيف ينتهي
    إيه ده بقااااااااا .. ما تفقناش على كده .. طيب .. على أي حال .. أنا غالبا بابدأ يومي قبل الفجر بقليل .. ومتعود أصلي الوتر في الوقت ده .. ولو كان ضميري صاحي ممكن أصلي ركعتين .. وباحاول أصلي الفجر في المسجد .. وبارجع أتابع المنتدى شوية وافطر قبل ما انزل الشغل .. وبارجع من الشغل العصر .. اتغدى .. اتفضلوا معايا .. ههههههههه
    لغاية دلوقت عمال آكل بس .. حسب ظروف اليوم إما يكون فيه ارتباطات سواء خاصة بالأولاد أو العائلة .. أو ممكن أنام ساعة كده .. قترة بعد المغرب ممكن يكون فيه دروس في المسجد .. أو أنشغل بالقراءة والتحضير لإني باخطب الجمعة وأحيانا بالقي بعض الدروس .. وباحرص ان فيه أيام أكون فيها متفرغ للأولاد نقعد مع بعض .. أحيانا الظروف تضغط عليا واقصر في الجانب ده شوية بسبب كثرة المعارف وبالتالي الانشغالات ولكن باحاول ما اقصرش في هذا الجانب
    طبعا بين ده كله .. بقى عندي مش عارف اقول ابن رابع وللا ايه .. وهو المنتدى .. لازم كل شوية أدخل أشوف إيه الأخبار .. بس غالبا مش باقعد فترة طويلة غير بالليل قبل ما انام ممكن اقعد ساعة مثلا .. أشارك وارد على الأعضاء .. واناااااااااااااااام .. تصبحوا على خير

    شكرا مرة أخرى قمر الليل على دعوتك الكريمة .. وجزاك الله خيرا

صفحة 1 من 9 123 ... الأخيرةالأخيرة

المواضيع المتشابهه

  1. boukybouky علي كرسي التعارف
    بواسطة أم أحمد في المنتدى تحت دائرة الضوء
    مشاركات: 89
    آخر مشاركة: 22-07-2008, 11:06 PM
  2. Amira علي كرسي التعارف
    بواسطة boukybouky في المنتدى تحت دائرة الضوء
    مشاركات: 91
    آخر مشاركة: 08-07-2008, 11:02 PM
  3. amr emam علي كرسي التعارف
    بواسطة boukybouky في المنتدى تحت دائرة الضوء
    مشاركات: 76
    آخر مشاركة: 07-10-2006, 12:53 PM
  4. Lordkaza علي كرسي التعارف
    بواسطة boukybouky في المنتدى تحت دائرة الضوء
    مشاركات: 54
    آخر مشاركة: 25-05-2006, 08:56 PM
  5. كرسي التعارف
    بواسطة أم أحمد في المنتدى تحت دائرة الضوء
    مشاركات: 38
    آخر مشاركة: 20-07-2005, 03:44 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك