يا حبيبتى يا نعيمة
يا جميلة فى كل حال
ياللى وجهك بدرنادى
وابتسامتك شهد سال
ياللى كفّك بحر طامى
ياللى فيك أجمل خصال

ياللى ليكّ الدنيا شاهده
بالشهامة والجلال
يا أميرة يا أمينّة
ياللى أحلامك حلال
كل حاجة فيك حلوة
فوق كلامنا والخيال
عشت شمس لكل أهلك
من نداك الهمّ زال
يا حبيبة القلب فينك
يا أميرة فى كل بال
سبتى ليه الدنيا ضلمة
رحتى فين ؟ ردى السؤال
قولى إنك راجعه تانى
لاجل ما يعود الجمال
والهنا والروح إلينا

للنسا ويّا الرجال

الوجع فتت قلوبنا

والألم فاق الجبال
إنت رحت للى حبك
والأسى فى قلوبنا طال