أبناء مصر تعالوا لنعيد الحياة للمنتدي

[ابن البلد]

السلام عليكم يا جماعة الخير. موجود ومتابع معاكم ان شاء الله.

وعليكم السلام ورحمة الله وبركاته
منور يا حمادووووو

صباح الخير على ابناء مصر الحلوين ...

صباح النور على البنور
الأهلي حديد وشديد

بسم الله الرحمن الرحيم
السلام عليكم ورحمة الله وبركاته
جزاك الله كل خير أستاذ : a_leader
والحمد لله أن فى المنتدى من يتذكرنى
بارك الله فيكم جميعاً وكل عام وأنتم إلى الله أقرب
بحلول العام الهجرى الجديد أعادة الله على أمة المسلمين
بكل الخير واليمن والبركات


موضوع رائع أستاذ : سيد
وربنا يقدرنى على التواجد بأستمرار

وعليكم السلام ورحمة الله وبركاته
ماما زوزو
منورة والله مين يقدر ينساكي
المهم تكوني انتي لسه فكرانا
f:

شكرا لك استاذ سيد
شكرا أستاذ نادر
كوكبة رائعة من الأعضاء رأيتها هنا
شكراً لجميع من حضر هنا
ويارب يكون هذا الموضوع فاتحة للاستمرار وعودة المنتدى افضل مما كان

دكتور مصطفي المنتدى نور بتواجد حضرتك
ربنا يبارك لنا فيك وفي حضورك

[ابن البلد]

يعنى عشان ربنا رزقنا من وسع و كل واحد بقى صاحب صفحة عالفيس و عمل فيها ابن طه حسين نبقى ننسى المنتدى صاحب الفضل !
انا شايف ان ابن البلد عامل اللى عليه و زيادة "خليك فاكرها يا شقيق"
الراجل بيدفع قسط السيرفر فى ميعاده .. احنا اللى مقصرين
حيعمل إيه تانى ؟
حيجيبنا من بيوتنا بالعافية و للا حيمسك إيدينا و يكتّبنا زى الأطفال ؟
كفاية انه لسة فاتح المكان و معتبره سبيل لأى حد عايز يقرا
و الله كتر خيره

الله الله الله

والله الراجل ده قال الكلام اللي انا مش عارف اقوله



معاك خمسه جنيه سلف بقه علشان حق السيرفر بنلم له

[ابن البلد]

الحصاد يلزمه غرس و رى و سماد
إعادة الحياة للمنتدى يلزمها نشاط
والنشاط يلزمه تواجد وموضوعات ومشاركات

أتفق معاك تماما ياأبو حميد

[ابن طيبة]

حمدلله علي سلامة الجميع
تحياتي لكل لم نراهم وجها لوجه ولم نقرا لهم لسنوات

[amak_77]

مثلما يحدث دائما عندما تفتح صندوق ذكرياتك
فتتذكر هذه الورقة وهذه الصورة و هذه القصاصة
فترجع بذكرياتك الى ذاك الزمن الجميل مسترجعا كل شخوصه واحداثه
دمنا اصدقاء واباء و ابناء
دمنا بكل الود

[a_leader]

الواحد مش مصدق التجمع ده تاني
والله زمان يا ابناء مصر

[the_chemist]

ومين ينسى مونتي ودومتى وانا مين وشغل العصابات والمسابقات واوسكار وتصميمات لولى واشعار شحرورة وخواطر قيثارة وافكار يمامة وقلم محمد سعيد وجيهان محمد على وكابو الاهلاوى وحسام الزملكاوى وماما زوزو الغالية وفلاشات اخت ضابط شرطة وافتكاساتها وشقاوة لمسة وافكار نادر والموضوعات المشتركة وتاكسي بوكى وندى الايام ومى فى العضو المجهول واحمد ذا ريال لاف ...........
انا لو ح افضل اتكلم واقول اسماء عايز منتدى لوحدى عشان يكفى ذكريات الواحد هنا " يعنى محدش يخش يقول انت نسيت اسمى لانى مانسيتش ولا واحد من ابناء مصر
يااااااااااااه
ده احنا غيبنا كتير اوى والسنين اخدتنا بعييييد

حمداً لله علي سلامتك يا غاالي
ده أنت نسيت الأمثال بتاعة "وقالت جدتى" وصاحبها يا راااجل
وحشتنى جداً

[the_chemist]

صباح الخير على ابناء مصر الحلوين ...

يااااااااااااااااه

أنت لساك عايش
إفتكرت إنك إتجوزت
وحشتنى

[اسكندرانى]

يااااااااااااااااه

أنت لساك عايش
إفتكرت إنك إتجوزت
وحشتنى

اتجوز
وسقط رجل اخر منا

[اسكندرانى]

مساء الجمال على كل الموجودين

حقيقى سعيد جدا بهذا التجمع

وكأنى فى فرح واشاهد اهلى اللى مشفتهمش من فترة طويله
يارب متجمعين دايما بالخير