يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

النتائج 1 إلى 5 من 5

الموضوع: دبان وشه!!!!!!!!

  1. #1

    تاريخ التسجيل
    May 2005
    الدولة
    مصر
    العمر
    49
    المشاركات
    482

    دبان وشه!!!!!!!!

    بيخانق ف دبان وشه..

    بتتقال لكل من كان زهقان..قرفان..متغاظ..هيولع..متضايق..متعصب..إلخ..إل خ..

    كلمه عاديه جدا لكنها لفتت نظري فجأة، النهارده وأنا راجع البيت ف عز الحر وأنا هطق لاحظت شيء غريب وأنا بأسأل نفسي:
    - يعني إيه "دبان وشه"..
    هل يفترض مثلا إنه فيه "دبان قفاه" و"دبان كتفه" و"دبان..ودبان.."؟؟؟
    - موش معقول!!
    طيب المثل يقصد إن الدبان قريب من وشه، يعني كل ما تقرب من وشه دبانه يخانق فيها وما لوش دعوه بالدبان البعيد، طيب بعيد قد إيه مثلا؟؟؟، بعيد لحد إيديه؟؟؟، يعني لو جات دبانه ووقفت على إيد أخينا اللي بيخانق في دبان وشه موش هيخانق معاها؟؟؟، طيب هيعمل معاها إيه؟؟؟، هيجيبها لها كرسي ويطلب لها شاي وشيشه مثلا؟؟؟، ولو افترضنا إنه عمل كده مع دبان إيده إيه اللي هيخلي الدبان التاني يقف على وشه؟؟؟، على طول لازم كل الدبان يحود ويقف علي إيديه..موش كده؟؟؟
    ونظرا لأن الطريق لحد البيت طول شويا وعبء الحر طول حبتين فكان لازم ألآقي حل للمعضله دي..
    والحل اللي لقيته ولطف شويه من حرارة الجو كان إني أفترض أن فيه ناس لها دبان في وشها وناس ما لهاش أو وشها فاضي عديم الدبان!!!، عشان كده المثل خص الناس المتضايقه من دبان وشها بالذات..ولا إيه؟؟؟
    معقول الحل ده!!!!!!!!!!!!
    طيب من غير زق عندكو حلول تانيه؟؟؟

  2. #2

    تاريخ التسجيل
    Jul 2004
    الدولة
    اسكندرية
    العمر
    35
    المشاركات
    240
    ولهى انا بقعد اتخانق مع الدبان لما يزهقنى اقعد اشتم فيه واطلع اجرى وراه لغايت لما اموت الدبانة وساعات اقعد العب مع الدبانة مرة كنت بلعب مع الدبانة لقتها فى ايدى روحت مصوته ورمتها اصل انا بخاف امسك الحشرات فانت تصدق ان فى ناس بتتعارك مع دبان وشها وبذات العصبين اللا للاسف زى

  3. #3

    تاريخ التسجيل
    Apr 2005
    الدولة
    المنصــ مصـــر ــــــورة
    العمر
    32
    المشاركات
    50
    دبان وشه حلوه كلمة دبان دي

  4. #4

    تاريخ التسجيل
    May 2005
    الدولة
    مصر
    العمر
    49
    المشاركات
    482
    شقاوه مجنونه
    مسكين دبان الوش ده والله يا ما نفسي أعرف هو إيه واشمعنى تخصص وش وليه كل ما نتخنق نفتري عليه

    أما أنتي فكويس ان خناقاتك معاه بتبدأ لما يزهقك هو موش لما تزهقي لوحدك أو حد تاني غير الدبان المسكين يزهقك

    وبعدين اكبر دليل على ان دبان وشنا بالذات مسكين هو اننا ممكن نمسكه زي ما قلتي وده معناه انه دبان موش متدرب كويس على الطيران أو انه ما كانش بيذاكر ايام التلمذه في كلية الدبان الجويه

    والله يا شقاوه انت كمان فكرتيني بمشكله كانت بتواجه واحد صاحبي مع ابنه، عمره وقتها كان سبع سنين وهوايته الرئيسيه كانت صيد الدبان، طول النهار الولد بتربص للدبان ويمسكه، وبعد ما يمسكه يقطع جناحاته ويرميه..شوفتي وحشيه اكتر من كده!!! ايه رأيك نشهر جمعية للرفق بالدبان


  5. #5

    تاريخ التسجيل
    May 2005
    الدولة
    مصر
    العمر
    49
    المشاركات
    482

    إبتسامة عريضة

    سفاح مصر

    جاء في القاموس الدباني:

    دبن يدب دبوبا ودبيبا فهو دباب وهي دبابه والجمع متريلوزات

    وكمان:

    دب يدب دبا فهو دبان والمفرد دب والتحريف ذبابه





المواضيع المتشابهه

  1. مصر تجدد حملتها ضد ختان الإناث
    بواسطة رويتر في المنتدى الأخبار اليومية
    مشاركات: 0
    آخر مشاركة: 01-09-2010, 12:10 PM
  2. بدور ... و ختان الإناث
    بواسطة آيزيس في المنتدى قاعة المناقشات
    مشاركات: 44
    آخر مشاركة: 14-08-2007, 09:32 AM
  3. أنا إنسان جبان
    بواسطة BEGAD123 في المنتدى طبيبك النفسي
    مشاركات: 2
    آخر مشاركة: 24-09-2006, 08:49 PM
  4. حكم ختان البنات
    بواسطة سيد جعيتم في المنتدى لقاءات في حب الله
    مشاركات: 6
    آخر مشاركة: 15-04-2006, 02:14 PM
  5. ختان الروح
    بواسطة fatoum في المنتدى قاعة الخواطر والقصة القصيرة
    مشاركات: 2
    آخر مشاركة: 14-02-2006, 11:56 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك