يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 7 123 ... الأخيرةالأخيرة
النتائج 1 إلى 10 من 64

الموضوع: افلام عظيمه ....لها عندى قيمه((تحقيق صحفى باقلام أعضاء المنتدى))

  1. #1

    تاريخ التسجيل
    Mar 2005
    الدولة
    إنجلترا الشقيقه الشريفه العفيفه الطاهره النضيفه
    العمر
    43
    المشاركات
    3,405

    افلام عظيمه ....لها عندى قيمه((تحقيق صحفى باقلام أعضاء المنتدى))

    بصراحه يا جماعه دا تقريبا أول موضوع اطرحه بعيدا عن الشعر والخواطر وبعد ما تخطيت 500 مشاركه أعذرونى يا جماعه أصلى بحب التفاعل مع الموضوعات الطروحه أكثر والنهارده حشارك بتحقيق صحفى خاص بى اتمنى انكم تساهموا فى كتابته..لأنى حطرح فكره التحقيق وانتو بقى عليكو الباقى

    ما علينا ندخل فى الموضوع



    لكل منا ذوقه المختلف فى اختيار ...الالوان... الملابس... الطعام... والهوايات....التى تتناسب مع شخصيتنا..وكذلك الافلام...وهى صلب تحقيقنا هذا...

    فمنا من يعشق الافلام الكوميديه..ومنا من هو مغرم بافلام المغامرات...ومنا من هو يتابع الافلام الدراميه الحزينه او الرومانسيه بكل شغف ...و...و..ووبكل تأكيد للافلام تأثير قوى علينا وعلى شخصياتنا...وتوجد بعض الافلام التى تذكرنا ببعض مواقف حدثت لنا.. فاحيانا تقول ..ياااه المشهد اللى فى الفيلم ده انا مريت بيه حقيقى فى حياتى...وهكذا
    ومن خلال هذا التحقيق احب ان اعرف...

    ماهى نوعية الافلام التى يفضلها اعضاء المنتدى (رومانسيه-تاريخيه-وطنيه-دراميه-كوميديه-اجتماعيه...الخ)...ولماذا؟

    وما هو الفيلم الذى يجعلك تبكى فى كل مره تشاهده.. ولماذا (اى ذكر المشهد او المشاهد التى تجعلك تبكى من قلبك)..؟


    الفيلم الذى يضحكك حتى لو شاهدته الف مره....مع ذكر مشهد معين (بيفطسك) من الضحك..؟

    وما هو الفيلم الذى تود ان تحطم شاشة تليفزونك عندما تعرف انه سوف يذاع..ولماذا ايضا..؟


    ما هى الافلام (سواء عربيه او اجنبيه)الموجوده على جهازك والتى تحتفظ بيها رغم مشاهدتك لها ولا تحب ان تلغيها ابدا؟


    فى رايك....ماهو افضل فيلم
    دينى...

    وطنى...
    اجتماعى او انسانى...
    رومانسى...
    تاريخى...
    سياسى...
    وانتظر مشاراكاتكم....

    عصفوركم ((توت))
    إنه قريبٌ جدا .. على بعد مليمترات .. لو تعلمون!!

  2. #2

    تاريخ التسجيل
    Sep 2004
    الدولة
    القاهره
    العمر
    46
    المشاركات
    28,664
    اخى محمود مقرئته لك من مشاركات يوضح انك شخصيه ظريفه ومتزنه

    لى عوده لموضوعك بعد عودتى من العمممممممممممممممممممممل

  3. #3

    تاريخ التسجيل
    Dec 2004
    الدولة
    USA
    المشاركات
    5,090
    ازيك يا توت
    على فكرة انا سعيدة جدا بموضوعك ده لأنه فيه عمق ومعنى جميل
    بس أن في ردي عليك ارد بشكل تفصيلي أكتر شوية
    لاني ممكن أحب أشوف فيلم كل ساعة وكل دقيقة ومع ذلك فالمشهد الذي يبكيني أو يضحكني موجود في فيلم آخر.
    يعني من الأفلام اللي لو عرضت كل يوم فيلم دعاء الكروان - وبرغم اختلافه عن القصة الا انه فعلا فيلم عبر بشكل قوي عن معاناة الفتيات في بعض القرى - ولكن في رأيي أن نهاية القصة الحقيقة أكثر ايلاما من النهاية الواقعية جدا للفيلم - حيث ظل شبح هنادي يحيى بينهما ولم يستطيعا تجاوزه!!
    أما المشاهد التي تظل عالقة بالذهن فترات طويلة فهي من فيلم شروق وغروب - الذي أعتقد ان سعاد حسني كان يمكن أن يحذفوا حوارها في بعض المشاهد وكان ممكن الاكتفاء فقط بالتعبيرات التي تتحدث في عينيها وعلى وجهها.
    المشاهد هي بالترتيب
    حين طلب صلاح ذو الفقار من ابراهيم خان الذهاب للشقة لتحرير صديقة صديقه قبل عودة زوجها من السفر - وكل مرة أكاد أصرخ في البطل ألا يذهب
    حين ذهبا رشدي اباظة وصلاح ذو الفقار لعزائها وفي لحظةأدرك كل شئ
    مشهد الحوار المستتر بين رشدي أباظة ومحمود المليجي
    أفلام كتيرة شفتها مرة واحدة ولن أكررها
    المجهول - برغم عظمة أداء سناء جميل وعادل أدهم الا أنه قاسي جدا
    لعدم كفاية الأدلة - أكره الظلم
    الوحل - أكره الخيانة
    قلب الليل - فكرته غامضة

    الكوميديا - فيلم عالم عيال عيال هو المفضل عندي خاصة مشهد سمير غانم - الدكتور - لما راح يكشف على الولد العيان وبيسألهم متجوزين من امتى ? ورد فعله وتعليقه كل ما أشوف المشهد ده أفطس على روحي من الضحك

    وبعدين لو سمحت أنا حادمج الفيلم الديني والسياسي والتاريخي في فيلم واحد هو فيلم الناصر صلاح الدين!!!
    كل الكلام يعجز عن وصف اعجابي بكل تفاصيل الفيلم!!!

    من الأفلام الأجنبي - أحب كل مجموعة هاري بوتر وكذلك كل أفلام ديزني
    ولكن فيه أفلام أخرى سابت بصمة كبيرة عندي زي
    الأفق الضائع - قديييييييييييييييم قوي
    الهروب الكبير
    سابرينا - القديم والحديث
    العروس الهاربة
    أم الفيلم الأجنبي اللي غالبا لو دفعوا لي فلوس عليه مش حاشوفه اسمه:
    Unfaithful

    وأفضل فيلم رومانسي مصري هو الحب الضائع طبعا

    طبعا ممكن نتكلم للصبح - لكن أنا برضه شغوفة اني أعرف نوعيات الأفلام اللي بيحبها أعضاء المنتدى
    شكرا على الموضوع يا توت
    التعديل الأخير تم بواسطة osha ; 20-05-2005 الساعة 05:23 PM

  4. #4

    تاريخ التسجيل
    Mar 2005
    الدولة
    إنجلترا الشقيقه الشريفه العفيفه الطاهره النضيفه
    العمر
    43
    المشاركات
    3,405
    اقتباس المشاركة الأصلية كتبت بواسطة حسام عمر
    اخى محمود مقرئته لك من مشاركات يوضح انك شخصيه ظريفه ومتزنه

    لى عوده لموضوعك بعد عودتى من العمممممممممممممممممممممل
    ينفع كده يا حسام بقالك اربع ايام فى الشغل


    مستنى مشاركتك



    عصفور فى انتظارك
    إنه قريبٌ جدا .. على بعد مليمترات .. لو تعلمون!!

  5. #5

    تاريخ التسجيل
    Sep 2004
    الدولة
    الكويت
    العمر
    38
    المشاركات
    2,958
    ممكن أشارك؟


    ماهى نوعية الافلام التى يفضلها اعضاء المنتدى (رومانسيه-تاريخيه-وطنيه-دراميه-كوميديه-اجتماعيه...الخ)...ولماذا؟
    رومانسيه__ كوميديه __ اجتماعيه

    وما هو الفيلم الذى يجعلك تبكى فى كل مره تشاهده.. ولماذا (اى ذكر المشهد او المشاهد التى تجعلك تبكى من قلبك)..؟
    الفم الهندي>>>آب موتشي أتشي لقني لقي
    لما بشوفه أبكي بجد
    المشاهد كتير بس المشهدين اللي أثروا بيه
    1-لماييجي لحفلة خطوبة حبيبته ويلبسها الاسواره ويعيطوا
    2- لما يشوف حبيبته قدام عينه بتموت ويمسكها بيده الشمال وايده اليمين يضرب فيها العصابه
    ذكرتني لما اخلص الامتحانت هشوفه نفسي اعيط
    وفي كمان آخر مشهد بالفلم لمايجيها بالمستشفى ويعملها حركه الحب اللي بينهم ويعيطوا ويحضنوا بعض

    الفيلم الذى يضحكك حتى لو شاهدته الف مره....مع ذكر مشهد معين (بيفطسك) من الضحك..؟
    مش فاكره انا دلوقتي مش متابعه الجديد
    بس زمان كنت كل ماشوف فلم ايس فنتورا اضحك
    والموقف اللي ضحكني لما يقول شيش كباب يضحك على رئيس القبيله
    وفي فلم رعب مش فاكره اسمه هو يخرع ومقرف بس في حركه واحد يعملها عالشجره بمووت من الضحك ودايما نقلده في البيت

    فى رايك....ماهو افضل فيلم
    دينى...
    وطنى...
    اجتماعى او انسانى...
    رومانسى...
    تاريخى...
    سياسى...
    وانتظر مشاراكاتكم
    هي مسلسلات مش افلام اصلي قديمه اوي ومبتابعش الجديد الا قليل
    ديني_____> الوعد الحق

    انساني____> نحن لانزرع الشوك

    رومانسي______> طبعا آب موتشي اتشي لقني لقي هو رومانسي حزين


    تحياتي

    وآسفه اذا كانت اجاباتي غير عن الأسئله

    أسيرة الصبر

  6. #6

    تاريخ التسجيل
    Mar 2005
    الدولة
    إنجلترا الشقيقه الشريفه العفيفه الطاهره النضيفه
    العمر
    43
    المشاركات
    3,405
    اقتباس المشاركة الأصلية كتبت بواسطة osha
    ازيك يا توت
    على فكرة انا سعيدة جدا بموضوعك ده لأنه فيه عمق ومعنى جميل
    بس أن في ردي عليك ارد بشكل تفصيلي أكتر شوية
    لاني ممكن أحب أشوف فيلم كل ساعة وكل دقيقة ومع ذلك فالمشهد الذي يبكيني أو يضحكني موجود في فيلم آخر.
    يعني من الأفلام اللي لو عرضت كل يوم فيلم دعاء الكروان - وبرغم اختلافه عن القصة الا انه فعلا فيلم عبر بشكل قوي عن معاناة الفتيات في بعض القرى - ولكن في رأيي أن نهاية القصة الحقيقة أكثر ايلاما من النهاية الواقعية جدا للفيلم - حيث ظل شبح هنادي يحيى بينهما ولم يستطيعا تجاوزه!!
    أما المشاهد التي تظل عالقة بالذهن فترات طويلة فهي من فيلم شروق وغروب - الذي أعتقد ان سعاد حسني كان يمكن أن يحذفوا حوارها في بعض المشاهد وكان ممكن الاكتفاء فقط بالتعبيرات التي تتحدث في عينيها وعلى وجهها.
    المشاهد هي بالترتيب
    حين طلب صلاح ذو الفقار من ابراهيم خان الذهاب للشقة لتحرير صديقة صديقه قبل عودة زوجها من السفر - وكل مرة أكاد أصرخ في البطل ألا يذهب
    حين ذهبا رشدي اباظة وصلاح ذو الفقار لعزائها وفي لحظةأدرك كل شئ
    مشهد الحوار المستتر بين رشدي أباظة ومحمود المليجي
    أفلام كتيرة شفتها مرة واحدة ولن أكررها
    المجهول - برغم عظمة أداء سناء جميل وعادل أدهم الا أنه قاسي جدا
    لعدم كفاية الأدلة - أكره الظلم
    الوحل - أكره الخيانة
    قلب الليل - فكرته غامضة

    الكوميديا - فيلم عالم عيال عيال هو المفضل عندي خاصة مشهد سمير غانم - الدكتور - لما راح يكشف على الولد العيان وبيسألهم متجوزين من امتى ? ورد فعله وتعليقه كل ما أشوف المشهد ده أفطس على روحي من الضحك

    وبعدين لو سمحت أنا حادمج الفيلم الديني والسياسي والتاريخي في فيلم واحد هو فيلم الناصر صلاح الدين!!!
    كل الكلام يعجز عن وصف اعجابي بكل تفاصيل الفيلم!!!

    من الأفلام الأجنبي - أحب كل مجموعة هاري بوتر وكذلك كل أفلام ديزني
    ولكن فيه أفلام أخرى سابت بصمة كبيرة عندي زي
    الأفق الضائع - قديييييييييييييييم قوي
    الهروب الكبير
    سابرينا - القديم والحديث
    العروس الهاربة
    أم الفيلم الأجنبي اللي غالبا لو دفعوا لي فلوس عليه مش حاشوفه اسمه:
    Unfaithful

    وأفضل فيلم رومانسي مصري هو الحب الضائع طبعا

    طبعا ممكن نتكلم للصبح - لكن أنا برضه شغوفة اني أعرف نوعيات الأفلام اللي بيحبها أعضاء المنتدى
    شكرا على الموضوع يا توت
    أصليه ومش مغشوشه..وبجد حقيقى بشوشه

    أنا بتكلم على مين....طبعا على أختنا أوشا


    دا بس ترحيب بسيط كده بيكى يا(( أم محمد)) لمداخلتك الجميله والثريه واللى تدل على اننا حنبقى مع بعض كتير على الخط نظرا لتقارب وجهة نظرنا الفنيه


    اسمحيلى أتامل الان فى بعض ما كتبتيه


    بالنسبه لفيلم دعاء الكروان انا لم أقرأ قصته الاصليه ولكن الفيلم افزعنى ..وانا على فكره مغرم تماما بالافلام التى أصلها اعمال ادبيه ولكن للاسف تشوه هذه الاعمال احيانا وتخرج عن نصها الاصلى بفعل السيناريس مخرج العمل وبالطبع الدواعى الانتاجيه والرقابيه


    أما عن فيلم شروق وغروب فهو فيلم رهيب يا أوشا فعلا ..ويثبت ان سعاد حسنى كانت ممثله عظيمه وموهبه فنيه هائله مع تحفظاتى الجمه على بعض ادوارها ومشاهدها الساخنه وكذلك نهجها فى حياتها الخاصه..ادعو الله من قلبى ان يرحمها برحمته الواسعه فقد عانت فى حياتها كثيرا


    ومن الافلام التى أحب أن أعلق عليها ايضا فيلم المجهول...وهو كما تقولين فعلا فيلم قاسى جدا جدا ...ولكنى ابوح لكى بسر خطير..عندما رأيت هذا الفيلم كان عمرى لم يتعد العشر سنوات .. وقد أعجبت بشده بعادل ادهم وشخصيته المعقده والمجنونه الى أداها فى الفيلم وكنت اتمنى طيلة عمرى ان اكون هذا الشخص .. الشخص الغريب الاطوار المجنون الذى يحب الطيور ويتمنى لو كان عصفور يحلق فى السماء((لاحظى ان لقبى عصفور الشعر)) وحلم الطيران حقيقة يرادونى منذ نعومة اظافرى ودائما ما احلم بالطيران والقفز لمسافات طويله ...لا أعرف لماذا أميل الى شخصيات المجانين التى جسدت فى الافلام فأنا أعشق ايضا دور يوسف شاهين فى فيلم باب الحديد.. واعشق دور محيى اسماعيل فى الاخوه الاعداء....لا أجد تفسير لميلى الغريب هذا للمجانين سوى اما متعاطف مع الشخصيات المريضه نفسيا او أننى مجنون فعلا !!!!!


    اما عن فيلم عالم عيال عيال فهو فعلا فيلم رااااااااائع والمشهد الذى اخترتيه من اروع المشاهد الكوميديه واحبه عن نفسى جدا وانتظر الفيلم كى اشاهد هذا المشهد الضاااحك



    أشكر ك بشده يا أوشا على اهتمامك بموضوعى وان شاء الله حنتظر مداخلتك لما أعرض الافلام اللى انا شخصيا بحبها


    عصفور الشعر((الممتن لزيارتك)):توت
    إنه قريبٌ جدا .. على بعد مليمترات .. لو تعلمون!!

  7. #7

    تاريخ التسجيل
    Dec 2004
    الدولة
    USA
    المشاركات
    5,090
    العزيز توت
    شكرا على ترحيبك بي
    أنا أقترح عليك أن تقرأ القصة الصلية لدعاء الكروان - أنا أول مرة قرأتها كنت 14 سنة تقريبا ولكني حاولت فهمها وكل ما كنت باكبر وأقراها تاني كنت بافهم حاجات كتيرة واستوعب حاجات اكتر
    اسلوب د.طه حسين هو السهل الممتنع - ممتع لدرجة أنه ينقلك الى عالم آخر لا تدري عن وجوده شئ كأنك سافرت بصاروخ - لا تشعر بفارق الزمن ولا بفارق الحضارة
    والغريب أنه يصف القرية وعاداتها كأنه رآها رؤى العين - كانت بصيرته عوضا له عن بصره
    ونهاية القصة أكثر مأساوية من الفيلم - لم يقتل البطل ولكن ظلا معا دون أن يستطيعا أن يتجاوزا شبح هنادي - وأعتقد ان النهاية دي أسوأ من قتل الحبيب.

    سعاد حسني كانت لغز انساني كبير - رحمها الله وغفر لها ولسائر أمة المسلمين جميعا.

    فيلم المجهول - قسوته عندي في عدة مشاهد: أقسى مشهد رأيته هو مشهد سناء جميل تربط عادل أدهم كالكلب وهو يريد الوصول الى مجلة عليها صورة طائر وهي تشده الناحية الأخري، المشهد ده فيه قسوة غير محتملة - الرائع عادل أدهم كان كالطير الحبيس يريد الانطلاق والعملاقة سناء جميل تمثل قسوة البشر في أقسى صورها حين يتجاهل رغبة انسان ويهين آدميته!!

    تعاطفك مع الشخصيات المريضة هو نوع من احساسك بالشفقة تجاهها - وتجاه الظلم الواقع عليها بسبب مرضها أو غرابتها. أو احساسك بالتعاطف بسبب استغلال الآخرين لمرض الشخصية زي يوسف شاهين في باب الحديد.

    حلم الطيران حلم بشري عتيق جدا وقديم قدم الانسان ذاته وكأن الانسان يستكبر أن يستطيع طائر أبكم الطيران وهو لأ!!
    الحلم الذي يراودني هو حلم العوم، فكثيرا ما تخيلت وأنا صغيرة أن أصبح حورية البحر أسبح وأغني على صخرة تحت ضوء القمر.
    ولكني كففت عن أحلام القدرات الخاصة دي من زمن طويييييل.

    شوف يا توت محمود
    نريد مزيد من الموضوعات القوية ذات العمق في المعنى

  8. #8

    تاريخ التسجيل
    Mar 2005
    الدولة
    إنجلترا الشقيقه الشريفه العفيفه الطاهره النضيفه
    العمر
    43
    المشاركات
    3,405

    أسيرة الصبر((شعاع))
    الفم الهندي>>>آب موتشي أتشي لقني لقي
    لما بشوفه أبكي بجد
    المشاهد كتير بس المشهدين اللي أثروا بيه
    1-لماييجي لحفلة خطوبة حبيبته ويلبسها الاسواره ويعيطوا
    2- لما يشوف حبيبته قدام عينه بتموت ويمسكها بيده الشمال وايده اليمين يضرب فيها العصابه
    ذكرتني لما اخلص الامتحانت هشوفه نفسي اعيط
    وفي كمان آخر مشهد بالفلم لمايجيها بالمستشفى ويعملها حركه الحب اللي بينهم ويعيطوا ويحضنوا بعض







    شوقتينى بجد يا شعاع انى اشوف الفيلم ده..رغم انى بطلت اشوف افلام هندى من زمان....ان شاء الله لما انزل مصر حبقى اسأل عنه بس اعتقد حيبقى نازل السوق بأسم تجارى لأن اسمه الحالى غير عاطفى بالمره





    هي مسلسلات مش افلام اصلي قديمه اوي ومبتابعش الجديد الا قليل
    ديني_____> الوعد الحق

    انساني____> نحن لانزرع الشوك



    بالنسبه للمسلسل الدينى الوعد الحق فسبحان الله على أد ماكنت مش بحب اشوفه وانا صغير على أد ما حبيته بعد كده وبقيت اتابعه بشغف رغم انه التقنيه اللى اتصور بها مكنتش بنفس درجة وجودة المسلسلات الدينيه والتاريخيه الحاليه..بس تحسى كده فى المسلسل ده بعبق التاريخ


    أما بقى مسلسل نحن لا نزرع الشوك...فأنا حبيبته كفيلم أكثر منه كمسلسل رغم انه بيمثل فيه قرينى((خالد النبوى))....وعلى فكره يمكن انا شخصيتى واسلوبى فى الكلام والتحدث للاخرين قريبة الشبه من أسلوب خالد النبوى فى المسلسل ده.....وطبعا يعتبر الفيلم من كلاسيكيات السينما المصريه لفارس الرومانسيه يوسف السباعى الذى أعشقه وأعشق شخصيته وأعشق كتاباته رغم تحفظى عليه لانخراطه فى مجال السياسه.. والتى أدت الى اغتياله ..رحمة الله على فارس الرومانسيه((يوسف السباعى


    أشكرك اختى الكريمه على جميل حضورك وأعدك ان أبذل كل المحاولات الممكنه لمشاهدة هذا الفيلم الهندى


    عصفور الشعر:توت
    إنه قريبٌ جدا .. على بعد مليمترات .. لو تعلمون!!

  9. #9

    تاريخ التسجيل
    Aug 2004
    الدولة
    not ur business
    العمر
    38
    المشاركات
    7,193
    هههههههههههههههههههههههه
    موضوع جاااااااامد يا تووووووت
    وبالنسبه ليا انا باعشق اى حاجه لعلاء ولى الدين بجد كفايه انى اشوف تعبيرات وشوه بافطس على روحى من الضحك وخاصه فيلم عبود فى مشهد وهما رايحين يشتروا مخدرات من الست ام عبير ههههههه والمشهد وهما رايحين يخطبوا لابوه من البلد وهوا بيكلم عم العروسه واى حاجه لعلاء مالهاش حل ربنا يرحمه ويرحم موتى المسلمين
    وبرضوا الفليم اللى لو شوفتوه مليون مره لازم اضحك فيلم ابن حميدو بتاع اسماعيل يس لان بجد الفريق اللى فى الفيلم كله باموووت فيه خاصه عبد الفتاح القصرى دا مالوش حل
    وبرضوا اى فيلم للفنان الكبير محمد رضا بيبقى فيلم جامد وليه بصمه مميزه اقول ايه ولا ايه بس انا اعشق الافلام الكوميديه
    طبعا زائد اللمبى والكيف وحاجات المساطيل دى باحبها برضوا ولا يخلوا منها الجهاز هههههههههههههه زائد مدرسه المشاغبين والعيال كبرت
    وبالنسبه للافلام السياسيه طبعا وبلا شك ايام السادات للفنان القدير احمد زكى لانه جسد شخصيه السادات بطريقه ممتازه وبشهاده ناس كانوا عن قرب من الرئيس ان احمد زكى تفوق على نفسه فى الفيلم دا
    وبرضوا كل افلام حرب اكتوبر وخاصه العمر لحظه فى لقطه ضرب مدرسه بحر البقر وطبعا لازم ازعل مش شرقاوى بقى هههههههههه
    والافلام الدينيه انا اعشق فيلم رابعه العدويه والشيماء زائد صلاح الدين ووا اسلاماه طبعا
    واللقطه اللى بتخلينى ادمع وغصب عنى بجد مشهد النهايه فى فيلم رابعه العدويه ساعه عبد امنعم رياض وهوا بيقول الايه الكريمه بسم الله الرحمن الرحيم (يا ايتها النفس المطمئنه ارجعى الى ربك راضيه مرضيه وادخلى فى عبادى وادخلى جنتى) صدق الله العظيم ساعتها ما بمسكش نفسى باتمنى من ربنا مكانه زى مكانتها
    ومن الافلام برضوا اللى باعشقها فيلم الهارب بتاع احمد زكى وفيلم الامبراطور برضوا اقول اى فيلم لاحمد زكى بيعجبنى جدا
    والافلام اللى ببقى نفسى اكسر التليفزيون لما بتيجى افلام يوسف شاهين لانى ما بافهمش منها اى حاجه هههههههههههههههههههههه
    بهزر طبعا سبحان الله انا الوحيد فى البيت اللى بيحبها لانها بيستعمل فيها لغه الرموز وبتشيل فلسفه عاليه جدا والحمد لله بافهمها الراجل دا فعلا مبدع بس ليا اعتراض على افلام كتير ليه
    وطبعا من الافلام اللى باحبها جدا ليه فيلم الارض بتاع محمود المليجى
    اما الافلام الرومانسيه فانا مش رومانسى اساسا ههههههههههه بس باحاول اليومين دول اكون رومانسى
    ومن الافلام الرومانسيه الجميله اللى باموت فيها فيلم حبيبى دائما بتاع نور الشريف وبوسى واللى بيازمنى اوى فى الفيلم وهيا بتقولوه انها عرفت انها تعبانه وهوا بيحضنها جامد الحته دى بتتعبنى بجد
    وطبعا مشهد النهايه زى ما انتوا عارفين
    وفيلم ميج ريان وتوم هانكس u have got a mail الفيلم دا رائع
    وبالنسبه للاكشن باحب افلام كتير بس يمكن اللى علق معايا شويه فيلم rounien رونين لروبرت دى نيرو
    زائد انى اتفرجت على كميه افلم رعب ما حدش اتفرج على نصها وخاصه سلسله demonsاللى باعتبرها وبجد اكتر سلسله افلام دمويه مرعبه فى التاريخ البشرى السلسه 8 افلام وبرضوا فيلم evil dead وفيلم الاراجوز it
    كنتم مع تاريخ السينما المصريه والعالميه بقلم المؤرخ انوبيس هههههههههههههههههههه
    ياهووووووووووووو
    الواحد لو اتفتح مش هايخلص النهارده
    بجد موضوع رائع يا توووووووت
    ولى عوده اخرى
    ويجعلوا عاااااااااااااااامر
    انووووووووووووبيس

  10. #10

    تاريخ التسجيل
    Mar 2005
    الدولة
    مصر
    العمر
    39
    المشاركات
    136
    أخى توت ............ موضوعك جميل و متميز
    و انا فعلا أعجبت بالفكرة


    ماهى نوعية الافلام التى يفضلها اعضاء المنتدى


    اولا و بدون أى مقدمات انا أعترف إنى من هواه الأفلام الكوميدية وممكن أكون مدمنها كمان .
    ليه ؟؟ .... عشان مبحبش أكون زعلان أبدا الحمد لله و كمان مبحبش أى حاجة تنكد عليا

    وما هو الفيلم الذى يجعلك تبكى فى كل مره تشاهده.. ولماذا (اى ذكر المشهد او المشاهد التى تجعلك تبكى من قلبك)..؟

    الفيلم هو الخطايا بتاع عبد الحليم و نادية لطفى ... و طبعا المشهد هو لما عماد حمدى بيضرب عبد الحليم بالألم ( أنت لقيط) و هو بيروح لأخوه حسن يوسف و بيقولو (يعنى أنت مش أخويا ؟؟ و لا أنتى أمى ........... مشهد فعلا إللى عملو أستاذ .... و أطن أن مصر كلها بتعيط لما تشوف المشهد ده.

    الفيلم الذى يضحكك حتى لو شاهدته الف مره....مع ذكر مشهد معين (بيفطسك) من الضحك..؟

    فيلم "أخطر رجل فى العالم" بتاع مستر أكس ........ الفيلم ده لو شفتو ختى مليون مرة مش ألف بردو هفضل أضحك عليه رهييييييييييييييييب ... المشهد بقى أللى بيعجبنى فيه بتاع لما فؤاد المهندس كان بيستخبى من المخبر العالمى (عادل أدهم ) و دخل عند جارته أللى هى مرات حسن مصطفى و أستخبى فى الدولاب و بعدين جه عادل أدهم بردو دخل الولاب عشان جوزها ميشوفوش و فجأة بيتفتح الدولاب و بيخرج فؤاد و عادل و هما بيسلمو على حسن مصطفى و هو مذهووووووول و بيقولها " أتنيييييييين يا ....) مش مكفيكى واحد ....... ههههههههه شويه و يخرج لو جيش عيال من الدولاب و هما ماعهم طبل و أعلام و زمامير هههههههههههههههههههههه و هو بيقولها ... مش مكفيكى 2 جايبالى مدرسه المشهد دا بيموتى ضحك .


    وما هو الفيلم الذى تود ان تحطم شاشة تليفزونك عندما تعرف انه سوف يذاع..ولماذا ايضا..

    والله دول افلام كتييييييييييير اوى ببقى نفسى أكسر التليفزيون عشان مشوفهاش زى مثلا
    الفيلم المتخلف إللى لسه جاى من كام بوم كده على روتانا سينما و هو "السلم الخلفى" من قمة الافلام المتخلفة و البذيئة اللى شفتها فى حياتى .

    أما الأفلام إللى مش قادر أمسحها من الجهاز فهى
    Face Off جون ترافولتا
    Con Air نيكولاس كيج
    دول فيلمين فعلا رهاااااااااب جدا و مش قادر أشيلهم


    فى رايك....ماهو افضل فيلم
    دينى...وطنى...اجتماعى او انسانى...رومانسى...تاريخى...سياسى...
    طبعا لو هنتكلم عن الافلام العربية بس هيبقى :
    الدينى هو ........ الشيماء
    الوطنى هو....... عمر المختار
    أجتماعى ..... بصراحة مش قادر أحدد
    رومانسى .... الوسادة الخاليه
    التاريخى ... الناصر صلاح الدين
    السياسى .... ناصر 56


    ولا إنتو إيـــــــــــــــــــــــــــــــــــــــــــــه رأيــــــــــــــــــــــــــــــــــــــــــكو ؟؟

صفحة 1 من 7 123 ... الأخيرةالأخيرة

المواضيع المتشابهه

  1. محكمة رام الله تمدد اعتقال صحفي فلسطيني على خلفية تحقيق صحفي
    بواسطة رويتر في المنتدى الأخبار اليومية
    مشاركات: 0
    آخر مشاركة: 29-03-2012, 11:20 PM
  2. مشاركات: 6
    آخر مشاركة: 28-07-2007, 11:12 PM
  3. ((كيف أصبحت أديبا)) تحقيق صحفى بقلم أدباء وكتاب المنتدى
    بواسطة عصفور الشعر في المنتدى قاعة الصالون الأدبي والثقافي
    مشاركات: 29
    آخر مشاركة: 29-06-2005, 12:49 PM
  4. أعضاء المنتدى
    بواسطة lost في المنتدى قاعة المناقشات
    مشاركات: 32
    آخر مشاركة: 22-10-2004, 03:33 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك