بغداد
*****
-1-
دم الفرات مسافات غطت شراييني
والنيل بكا ما اشتكا يادمعتي ف عيني
يامين يعيد الحمام للبر من تاني؟
ويامين لارض الرشيد يقدر يوديني؟

*************
-2-
يانخل أرض الشام أنسام روايحكم
أنا اللي دمي سبح ف نشيد مدايحكم
يامين يعيدلي الغنا ويلم أشتاتنا
دانا شرعي أهل الوطن وف أرضكم ديني
**************
-3-
يادود حدود خطوتك وصلت لمحرابنا
مكتوب علينا الندا ولاعمرناش توبنا
طب ليه ياصوت الشجن ساكن ف أصواتنا
يامين بعشق الوطن بالسهم يرميني؟؟
***************
-4-
يانيل وليه خطوتك مش عارفة سكتها
أراغيلنا مين هدها ؟ مين اللي سكتها؟
شريان وريدك ندم وبدمه كارهنا
وبتبكي لما الألم ف الحضن يكويني
***************
-5-
ناديت لعدن اليمن لحق الندا بيروت
ياصوت حزين مطلعك مين طلعك ياصوت؟
يادمشق شق الندا بوابة القلعة
النية مش طالعة الاان تكون جبروت
***************
-6-
دم الجزاير جزاير ينده علي عمان
وسودان أدان البشر ينده علي الانسان
عديت كتير خطوتي مالقتلهاش مرسي
فيامين لارض الرشيد يقدر يوديني
دانا شرعي أهل الوطن
وف أرضكم ديني
**************
**************
**************