صفحة 1 من 4 123 ... الأخيرةالأخيرة
النتائج 1 إلى 10 من 35

الموضوع: أكلة والسلام..للرجال فقط

  1. #1

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004

    أكلة والسلام..للرجال فقط

    إخوانى الرجال
    العزاب منكم والمتزوجون
    كثيرا ما يتعرض جنس الرجال إلى الكثير من المواقف الصعبة
    مثل أن يعيش المرء عازبا لأسباب إقتصادية
    أو لدواعى السفر للعمل أو للدراسة
    أو أن تغضب عليه زوجته فتقرر حرمانه من الطعام
    ناهيكم عن أن أغلب زوجات هذه الأيام لا يذهبن إلى المطبخ إلا من باب الترويش
    لذلك قررت لوجه الله أن أغششكم بعض وصفات الطعام التى تعلمتها أيام العزوبية
    هو غالبا عك فى عك
    فنصيحة لوجه الله لو ظروفكم المادية كويسة ممكن تأكلوا بره
    أو قضوها فول وطعمية
    يعنى أنا مش مسئول عن النتائج
    [line]
    (1) كيف تطبخ الأرز (الرز يعنى)
    شوف يا سيدى
    أهم حاجة هى النظافة
    لذلك لابد من تنقية الأرز
    وذلك بأن تتخلص من الحاجات السودة اللى فيه لإن ده تراب أو طين
    وياريت أى حاجة تلاقيها مش بيضاء ترميها بره الطبق الذى تم وضع الرز به
    يعنى ساعات بيبقى فيه حصى وزلط وأشياء عجيبة
    فإذا كنت كسلان ولا تحب تنقية الأرز فإتشاهد على سنة من سنانك أو ضرس من ضروسك
    أو الحشو البلاتين اللى الدكتور عمله لسيادتك بسبب عدم غسل الأسنان جيدا قبل الأكل وبعده
    المهم بعد تنقية الأرز (فى حالة تنقيته)
    يوضع فى طبق أو مصفاة ويتم غسله بالماء
    ويجب أن تراعى أن تكون المصفاة ذات خروم أضغر من حبات الأرز وإلا ها تضطر تلم الأرز من الحوض
    وبص من غير فزلكة
    تغسل الأرز بإنك تفتح الحنفية عليه لمده دقيقتين تلاتة علشان يتخلص قليلا من المادة النشوية لإن ده اللى بيخلى الرز يعجن
    بعدين تسيب الأرز يصفى ميته لمدة خمسة دقائق فى المصفاة
    وفى هذه الأثناء إختار حلة مناسبة
    يعنى تكون متوسطة كده
    ضع الحلة على النار
    ضع كمية من الزيت فى الحلة (سيبك من السمن وماتدلقش الإزازة كلها) حاجة كده بتاع خمس ست ملاعق من الزيت
    وإترك الزيت يسخن لمدة 3 دقائق
    وبعدين تمسك بإيدك حبة من الأرز وتروح طاشه فى الزيت
    وتفضل تقلب بالملعقة لغاية ما تجد إن الرز لونه أصبح أصفر وداخل على البنى
    تروح دالق باقى كمية الأرز فى الحلة
    وبعدين تفضل تقلب الأرز مع بعضه لمدة دقيقتين تلاتة
    وبعدين أهم خطوة بقى إنك تضع كمية من المياه تكون أعلى من مستوى الأرز بحاجة بسيطة
    يعنى ماتزودش عن سنتيمتر تقريبا
    وتروح حاطط الملح وإنت وتقديرك بقى
    وتروح مقلب تقليبة فى السريع
    وبعدين تغطى الحلة كويس
    وتخلى النار متوسطة
    وبعد شوية صغيرين
    أول ما تحس إن الرز ها يشرب الماء تروح موطى على النار
    مش إنت اللى توطى
    لأ تخللى النار واطية يعنى
    ويا سلام لم لو عندك شياطة
    ولو ماعندكش ما يهمكش
    المهم بعد حوالى ربع ساعة تطفى البوتاجاز وتاكل بالهنا والشفا
    وحتى لو الأرز ما طلعش حلو ما يهمكش
    يكفيك شرف المحاولة
    صدقنى طبخ الرز سهل جدا
    بس أنا اللى لتيت وعجنت علشان أعمل فيها أبو العريف

  2. #2

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178

    ايه الشطارة دي؟
    يا ما شاء الله يا ما شاء الله

    حلوة يا احمد..
    أنفال

  3. #3

    تاريخ التسجيل
    Apr 2004
    الدولة
    قـصـر القـبـة
    العمر
    41
    المشاركات
    5,859
    إزيك يا احمد ..


    عايزين حاجة جنب الرز ... قصدي (الأرز)


    أنا بعمل الرز .. ولازم يطلع يا معجن .. يا ناشف ...

    جربت كل النصايح..



    لحد ما لقيت نصيحة جامدة جدا ..
































    إن أنا مابقاش أعمل رز ..

    بس برضه تسلم إيدك..

  4. #4

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004
    اقتباس المشاركة الأصلية كتبت بواسطة أنفـــــال

    ايه الشطارة دي؟
    يا ما شاء الله يا ما شاء الله

    حلوة يا احمد..
    أنفال
    ألف شكر يا أنفال
    عاشان تعرفوا إن الرجال برضه عندهم مواهب

  5. #5

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004
    اقتباس المشاركة الأصلية كتبت بواسطة Abdou Basha
    إزيك يا احمد ..


    عايزين حاجة جنب الرز ... قصدي (الأرز)


    أنا بعمل الرز .. ولازم يطلع يا معجن .. يا ناشف ...

    جربت كل النصايح..



    لحد ما لقيت نصيحة جامدة جدا ..
































    إن أنا مابقاش أعمل رز ..

    بس برضه تسلم إيدك..
    ضحكتنى يا عبده
    عموما جرب إنت بس الطريقة دى
    وبالهنا والشفا

  6. #6

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004

    الأكلة الثانية (مكرونة بالصلصة)

    أولا تشترى كيس مكرونة نوع كويس
    يعنى ما تسترخصش
    علشان المكرونة الرخيصة غالبا بتعجن
    هات حلة متوسطة وإملاها ماء
    ضع نقطة أو نقطتين زيت طعام داخل الماء
    إنتظر حتى تغلى المياه ثم ضع محتويات كيس المكرونة داخل الحلة
    يا سلام بقى لو تعرف تفصص قد عشر حبات من التوم وتدقهم فى الهون
    أو تقشر لك بصلة من الحجم الصغير خرط صغيرة
    وبعد حوالى ثلث ساعة أو نصف ساعة من وضع المكرونة داخل الماء الذى يغلى على النار
    ضع المكرونة المسلوقة فى مصفاة لتصفيتها
    ضع قليلا من الزيت فى الحلة الفارغة
    إتركه يسخن لمدة ثلاث دقائق
    أضف البصل المخروط أو الثوم المدقوق إلى الزيت حتى يصير لونهم مائل للإصفرار
    أضف ملعقتين مملوئتين من علبة الصلصلة
    قلب تقليبة فى السريع وبعدين أضف ملعقة طعام ملح
    وقليلا جدا من الفلفل الأسود أو الشطة الحمراء
    صب حوالى خمسة أكواب من الماء وقلب الخايط
    أول ماتلاقى الصلصلة بدأت تغلى وطى على النار
    وبعد حوالى ربع ساعة ضع المكرونة المصفاة داخل الحلة
    وقلبها كويس علشان الصلصة توصل لكل حبات المكرونة
    ثم كل بالهناء والشفاء

  7. #7

    تاريخ التسجيل
    Dec 2004
    الدولة
    هنااااااااك
    العمر
    41
    المشاركات
    10,975
    لا لا لا يا استاذ احمد
    دا انتم كدا مش محتاجين مننا حاجة خااااااااااااالص
    ايوة كدا المساهمة ولا بلاش
    بس يعنى هو لازم تبينوا شطارتكم وانتم عزاب
    مينفعش نشوف الشطارة دى واحنا معاكم
    عموما تسلم ايدك حتى والرز معجن
    كله من ايدكم جميل.
    تقبل تحياتى.

  8. #8

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004
    اقتباس المشاركة الأصلية كتبت بواسطة بنت شهريار
    لا لا لا يا استاذ احمد
    دا انتم كدا مش محتاجين مننا حاجة خااااااااااااالص
    ايوة كدا المساهمة ولا بلاش
    بس يعنى هو لازم تبينوا شطارتكم وانتم عزاب
    مينفعش نشوف الشطارة دى واحنا معاكم
    عموما تسلم ايدك حتى والرز معجن
    كله من ايدكم جميل.
    تقبل تحياتى.
    أختى العزيزة بنت شهريار
    أبدا والله ليس عند العزوبية فقط
    فأحيانا أساعد زوجتى وإن كان نادرا وفى حالات الطوارىء
    شكرا لك على مشاركتك

  9. #9

    تاريخ التسجيل
    Sep 2004
    الدولة
    الكويت
    العمر
    40
    المشاركات
    2,958
    هههههههههههههههههههههههههههههههههههههههههههههههههه ههههههههه

    والله اول مره اسمع ان الرز يتطبخ بالطريقه دي

    دي فايدة التكنولوجيا ههههههههههههههههههههه

    بص ياأحمد انا هعملها وعلى ذمتك لوجرالي حاجه مش هيحصل طيب هههههههههههههههههههه

    وبالنسبه للمكرونه

    ايوه دي عندك حق باين عليها حلوه لان كده الطريقه ولابلاش

    عاوزين تتحفنا كمان بطبخاتك الحلوه

    ممكن سؤال:

    متعرفش الملوخيه والكشري
    نفسي حد يعلمني طريقتهم هههههههههههههههههههههههه
    تحياتي ليك

    أسيرة الصبر

  10. #10

    تاريخ التسجيل
    Dec 2004
    الدولة
    مصر
    العمر
    46
    المشاركات
    5,066
    ماشاء الله عليك يا احمد
    ايه الشطارة والمواهب دى كلها فى المطبخ
    تحياتى لك.

صفحة 1 من 4 123 ... الأخيرةالأخيرة

المواضيع المتشابهه

  1. سجل حضورك بآخر أكلة أكلتها..
    بواسطة اليمامة في المنتدى المطبخ
    مشاركات: 800
    آخر مشاركة: 13-01-2015, 09:15 AM
  2. أكلت يوم أكل الثور الأبيض
    بواسطة ابن البلد في المنتدى القاعة العامة
    مشاركات: 6
    آخر مشاركة: 19-12-2011, 07:50 PM
  3. مطاردة لكلب على الطريق السريع
    بواسطة رويتر في المنتدى الأخبار اليومية
    مشاركات: 0
    آخر مشاركة: 18-11-2011, 03:50 PM
  4. أكلة الفوندو
    بواسطة نــوران في المنتدى المطبخ
    مشاركات: 4
    آخر مشاركة: 12-01-2009, 07:12 PM
  5. مقالة : إيه يا فتاه أكلت أحلامك الذئاب!!!!
    بواسطة شمس الامارات في المنتدى قاعة الخواطر والقصة القصيرة
    مشاركات: 0
    آخر مشاركة: 28-05-2006, 10:43 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •