يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 18 12311 ... الأخيرةالأخيرة
النتائج 1 إلى 10 من 172

الموضوع: أغاني كنا بنسمعها غلط

  1. #1

    تاريخ التسجيل
    Feb 2004
    الدولة
    مصري يعيش في الإمارات
    العمر
    54
    المشاركات
    95

    أغاني كنا بنسمعها غلط

    أكيد الحكاية دي حصلت معانا كلنا ، وهي إننا نبقى حافظين كلمات أغنية أو مقطع منها بشكل غلط ، ونبقى مش فاهمين المطرب ليه بيقول الكلام الغريب ده ، يعني مثلاً :
    وأنا صغير شوية كنت فاكر أم كلثوم بتقول :

    كل شيء حلو ف حياتي وانت غايب عن عينيا

    وكنت أقعد اقول معقولة هي بتكرهه للدرجة دي ، لدرجة إن كل شيء حلو في حياتها وهو غايب عن عينيها ، يا نهار اسود ، بقى دي أغنية عاطفية دي .

    أتاريها بتقول :

    قوللي إيه حلو ف حياتي وانت غايب عن عينيا

    وكانت أختي الكبيرة وهي حالياً مديرة مدرسة محترمة ، وكانت من عازفات الموسيقى الهوااة ، ومع ذلك وهي صغيرة كانت تعتقد إن أم كلثوم كانت بتقول :

    وابتدى الليل يبقى أطول من سي عبده

    وكانت أختي تقعد تقول لروحها (ياربي مين سي عبده ده اللي طويل قوي لدرجة إنهم بيضربوا المثل بطول قامته في الأغاني ، وازاي يعقدوا المقارنة بين طول الليل وطول بني آدم) أصل العيلة عندنا أذكياء خالص .

    بينما أم كلثوم براء من هذا وأتاريها بتقول :

    وابتدى الليل يبقى أطول من ساعااااااته


    حد بقى عنده شجاعة يعترف بذكائه الحاد زيي كده ولا الكل عباقرة في الاستماع .

  2. #2

    تاريخ التسجيل
    Dec 2003
    الدولة
    ارض الكنانة
    العمر
    41
    المشاركات
    1,348
    لا انا عندى اعتراف جامد جدا بس مش عايز تريقة لو سمحتم

    كان فيه زمان اغنية لحميد الشاعرى وهيه اغنية عينى

    انا ماكنتش سامعها كويس وعارف ان اللى انا سامعه غلط بس مش عارف الصح ... اهم حاجة انى كنت عارف انى سامع غلط عشان دى محرجة اوى يعنى

    كان الراجل بيقول "رمشك ياسنجابى جاب قلبى ف ايدية" ده اللى كنت سامعه

    واتارى الصح "رمشك يازين جادر جاب قلبى ف ايديه" هههههههههه

    والله يابنا مش عارف اشكرك ولا احذف الموضوع ...هههههههههههههههه

    بس ياريت لا تغيب عننا كتير كده عشان بتوحشنا

    محمد فاروق

  3. #3

    تاريخ التسجيل
    Feb 2004
    الدولة
    مصري يعيش في الإمارات
    العمر
    54
    المشاركات
    95
    محمد فاروق كتب :
    كان الراجل بيقول "رمشك ياسنجابى جاب قلبى ف ايدية" ده اللى كنت سامعه

    واتارى الصح "رمشك يازين جادر جاب قلبى ف ايديه"
    هههههههههههههههههههههههه

    سنجابي
    هههههههههههههه

    حلوة قوي يا محمد

    بس ياريت لا تغيب عننا كتير كده عشان بتوحشنا
    إنتوا بتوحشوني أكتر ، وأنا بأغيب بسبب الانشغال الشديد ، وأول ما بألاقي فرصة بأدخل وأكتب على طول ، وأشكر لك ذوقك .

  4. #4

    تاريخ التسجيل
    Feb 2004
    الدولة
    جمهورية مصر العربية
    المشاركات
    21,881
    هههههههه
    وحشتنا يا بنا
    الحقيقة كانت فيه أغنية لمحمد منير
    كنت بأسمعه بيقول
    يا أما يا أما يا أما
    أنا راجع زى زمان
    طفل ف عين الأحزان
    وكنت دايما أسأل نفسى
    يعنى إيه طفل ف عين الأحزان
    لحد ما واحد صاحبى قال لى الصح هو
    نتلف عين الأحزان
    ------
    تعرف إن واحد صاحبنا مرة كان عايز يقول إنه بيحب فريد الأطرش ووردة الجزائرية
    فقال بعلو صوته :
    يا جماعة
    أنا بأحب وريد وفردة
    هههههههه
    يا ترى إنت كمان جيت تقول حاجة ولخبطت الكلام فى بعضه؟؟؟؟؟؟؟؟

  5. #5

    تاريخ التسجيل
    Feb 2004
    الدولة
    مصري يعيش في الإمارات
    العمر
    54
    المشاركات
    95
    وانت كمان واحشني والله يا أبوناصر

    تعرف إن واحد صاحبنا مرة كان عايز يقول إنه بيحب فريد الأطرش ووردة الجزائرية
    فقال بعلو صوته :
    يا جماعة
    أنا بأحب وريد وفردة
    ههههههههه

    يا نهار أبيض
    ده الموضوع ده شكله ح يطلع لنا بلاوي
    أخوك ياما طلع منه حاجات زي كده
    ومن كترها مش فاكر معظمها
    بس ح أنبش في الذاكرة وأقول لك

  6. #6

    تاريخ التسجيل
    Mar 2005
    الدولة
    مصر
    العمر
    40
    المشاركات
    136
    موضوع جميل يا بنا و أحييك عليه

    زمااااااان و انا صغير كنت بقعد مع جدتى الله يرحمها كتير
    و كانت بتحب المغنية ناديه مصطفى اوى و خصوصا الأغنية دى

    الصلح خير قوم نتصالح الصلح خير .. و إنسى اللى كان بنا إمبارح .. الصلح خير

    و هى مصممة إنها بتقول فى المقطع التانى (إنسى اللى كان بنا إمبارح ..دكتور حسين)

    هههههههههههههههههههههههههههه
    والله أحلى أيام

  7. #7

    تاريخ التسجيل
    Feb 2004
    الدولة
    مصري يعيش في الإمارات
    العمر
    54
    المشاركات
    95
    شاب مصري جدا كتب :
    و هى مصممة إنها بتقول فى المقطع التانى (إنسى اللى كان بنا إمبارح ..دكتور حسين)
    هههههههههههههههههههههههههههههههه

    مين دكتور حسين ده

    فكرتني بجدتي الله يرحمها برضه
    وانت تسمع أغنية ساعة ما باشوفك جنبي
    الأغنية بتقول :
    أتاريك حنيت لعوايدك
    وشغلت البال

    هي تسمعها :
    أتاريك حنيت لعوايدك
    وطلعت جبان
    هههههههههههههه

  8. #8

    تاريخ التسجيل
    Nov 2003
    الدولة
    مصر
    المشاركات
    4,499
    كان فيه أغنية لنجاة بتقول فيها

    يا ما جرح الورد أيادي حتى الجنانية

    كنت أسمعها حتلجة ناينية و أقول إيه دخل التلجة في الناينية

    و شحتنا أقصد وحشتنا يا استاذ البنا

    و افتكرت و أنا في المدرسة الابتدائي في طابور الصباح لما كان قائد الطابور ينادي صفا و انتباه .. مرة واحد مدرس واقف بجواري سمعني و أنا أرد على صفا فكنت أقول "هيا" ثم انتباه فاقول أيضا "هيا" .. فجذبني لخارج الطابور و قال لي اسمعهم ما تقول فاسمعتهم فاتضح أن الرد على صفا يجب أن يكون بكلمة "قومية" و على انتباه بكلمة " عربية"

    هيا هيا ,, أقصد ها ها

    يا خادم الجسم كم تسعى لخدمته .. أتطلب الربح مما فيه خسران
    أقبل على النفس و استكمل فضائلها .. فأنت بالنفس لا بالجسم انسان



  9. #9

    تاريخ التسجيل
    Aug 2004
    الدولة
    القاهره
    العمر
    33
    المشاركات
    2,510
    انا بقه لحد دلوقتي في مقطع من اغنية موعود هموووت واعرف هو بيقول فيه ايه
    والمقطع ده في اول الاغنية
    وعمرك .. عمرك ما شوفت معايا فرح
    كل مرة ترجع المشوار بجرح
    والنهارده النهارده جاي تقول انسي الاهات
    جاي تقولي يالا بينا يالا بينا الحب فات
    وميل .................................................. ........
    النقط دي بقه نفسي اعرف بيقول فيها ايه
    هههههههههه
    ياريت يعني لو حد عنده فكرة
    ههههههههههه



    العندليب

  10. #10

    تاريخ التسجيل
    Nov 2003
    الدولة
    مصر
    المشاركات
    4,499
    ميل و حدف منديله و كاتب على طرفه أجيله

    أمال عندليب إيه بس يا عندليب
    يا خادم الجسم كم تسعى لخدمته .. أتطلب الربح مما فيه خسران
    أقبل على النفس و استكمل فضائلها .. فأنت بالنفس لا بالجسم انسان



صفحة 1 من 18 12311 ... الأخيرةالأخيرة

المواضيع المتشابهه

  1. مشاركات: 1
    آخر مشاركة: 03-01-2011, 02:05 PM
  2. (( الجزء الثانــى )) أغانى سمسمية و أغانى بورسعيدية
    بواسطة saladino في المنتدى قاعة الأغاني
    مشاركات: 66
    آخر مشاركة: 18-01-2010, 12:51 AM
  3. معاني جميلة جدا
    بواسطة حسام عمر في المنتدى القاعة العامة
    مشاركات: 5
    آخر مشاركة: 15-08-2008, 01:58 PM
  4. معاني ....
    بواسطة حبك خيال في المنتدى القاعة العامة
    مشاركات: 14
    آخر مشاركة: 12-04-2007, 12:07 PM
  5. راح أعاود
    بواسطة MASTER_LEE في المنتدى قاعة الشعر العامي
    مشاركات: 0
    آخر مشاركة: 13-01-2007, 01:14 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك