على الطريق

[boukybouky]

بسم الله الرحمن الرحيم



على الطريق بتقابلنا مواقف كثيرة

نوادر ربما...مواقف مستفزة كثيراً...أشخاص تضحكنا..تبكينا...تحبطنا....

المحصلة اننا نقضي في طريقنا وقت لا يستهان به

وقت يساعدنا على التأمل والتفكر في امور كثيرة خاصة وعامة



لذلك فكرت في كتابة ذلك في موضوع

ما نقابله ...ما يلفت إنتباهنا...

ما نراه إيجابي يستحق التركيز ليزداد..ما نراه سلبي يستحق الترك ليختفي

في هذه المساحة سيكن لي موعد يومي أحكي فيه ما يقابلني على طريقي

وهي أيضاً مساحة متاحة لكل من يريد المشاركة


دمتم بكل خير
في رعاية الله،،،

[boukybouky]

بسم الله الرحمن الرحيم

التوك توك فعلاً مشكلة لا يلتزم باي قواعد مرورية ويقوده في بعض الأحيان اطفال صغر السن رغم انه يخدم شريحة لا يستهان بها في المجتمع
لاحظت في المناطق السياحية الساحلية انهم بيستخدموه كوسيلة مواصلات داخلية يطلب عن طريق التليفون
طيب ما نعمل في كل حي مكتب للتوك توك لما نحتاجه نتصل بالتليفون نطلبه ويتم تسجيل كل توك توك واسم السائق وعنوانه وبياناته في هذا المكتب للأمان
ومثلاً كل توك لحي معين يكون له لون وممكن يتبنى الفكرة شركات منتجات غذائية تليفونات واتصالات و يتم لصق علانات عليه للدعاية لهم....

عربات النقل على طول سبب أزمة في الطريق
يتم تركيب مثبت للسرعات في تلك السيارات حتى لا يفكر السائق في تخطي السرعة المتفق عليها
طبعا الفهلوة هتجعل الناس تخترع شئ يكسر تثبيت السرعة
في كل محطة وزن على الطريق يتم قرأة العداد ومعروف المسافات بين المحطة والاخرى كم من الوقت تستهلكها بالسرعة المقررة
ومن يتخطاها يدفع غرامة بالتالي السائق مش معقول هيكسر السرعة علشان يركن على جنب ينام شوية
ومهم يكون هناك وقت من الليل لا يسمح إطلاقاً بسير سيارات النقل...لان كثير من السائقين يتعاطون منبهات ومنشطات للعمل وقت اطول
تلك المنشطات تجعل العين يقظة ولكن المخ في حالة مضطربة فلازم نجبرهم يناموا ..ده هيوفر حوادث كثيرة جداً وسيرك الطرق الزراعية والصحراوية اليومي.

عند كارفور المعادي عليك المرور بنفق حتى تعود من جديد للطريق الدائري اتجاه المنيب...
هذا النفق أصبح موقف لعربيات السوزوكي الصغيرة جداً التي تحمل ارقام ملاكي لكنها تعمل اجرة
تحت مرأى ومسمع من جميع اجهزة المرور عادي جدااااااااااااا.

إلى الغد ان شاء الله

دمتم بكل خير
في رعاية الله،،،

[الشاطر حسن]

خلي الشعب والشرطة ياكلوا عيش يابوكي

لو شبكة رادار ثابت ومتنقل في الشوارع زي نظام "ساهر"في السعودية هيحد من السرعة بشكل كبير جدا واللي يخالف أهو يحط شوية فلوس يساعد بيها أسياد الوطن معليش أقصد الوطن بس .

والمطبات في الشوارع الجانبية يكون خير وبركة والإشارات المتراقبة في كل حتة يبقى عداهم العيب أما نظام عساكر المرور اللي كأنهم طالعين إعارة لما يقفوا في الشوارع بلاش منه .

التكاتك والموتوسيكلات لازم يتحط لهم ضوابط وبسرعة .

كله كوم وطرق مصر كوم تاني لازم يشدوا حيلهم ويصلحوها . كمان توفير المواقف شيء ضروري جدا .

مع اني حالف متكلمش في السياسة يابوكي إلا انه علشان أول موضوع ليكي بعد غيبة طويلة فكان لازم أفيدك من علمي وخبرتي في عالم الطرق علما اني لما بروح القاهرة مبركبش غير المترو

ياميت مراحب يابوكي نورتي بيتك .

[boukybouky]

بسم الله الرحمن الرحيم

ازيك الشاطر حسن..اخبارك ايه ....بكون سعيدة لما بتشارك معايا..منور يا فدم

الموتيسكلات ديه مشكلة كبيرة جداااااا
ازاي بيتم السماح لموتيسكل من غير مرايات يمشي في الشارع!!؟؟ده لو بسكلتة لازم لها مرايات..
والمشكلة لما يكون اللي سايقه مش بيقدر يحدد اتجاه الصوت بتاع الكلاكس جاي من اليمين والا الشمال
طبعا بيلف بنفسه علشان يشوف فين العربية اللي عايزاه يوسع ...حاجة تهريج والله
نفسي يشرعوا قانون ان الموتيسكل لازم بس يكون عليه شخص واحد اصلا، ديه مش وسيلة مواصلات اسرية لأنها خطر جداااااً
وكتير من حوادث السرقة بتتم عن طريقه للاسف ...منعا لكل ده لازم يكون له نمر ..شخص واحد بس عليه...هناك مرايات ...سهلة جداً

لفت نظري من فترة ان على مطالع ومنازل بعض الكباري تم عمل بلاعات لصرف مياه المطر..
الفكرة ممتازة فكرتني بمدرستي زمان كان جنب الرصيف بمحازاة البردورة بلاعات صرف المطر
عمري ما شوفت حوش مدرستي متبهدل من المطر او فيه اصلا شوية مية متجمعة
نرجع للكباري...الفكرة رائعة بس المشكلة تنفيذها ..البلاعات عاملة اكنها مطب صناعي
جزء عالي وجزء منخفض...نفسي نتقن شغلنا بجد هيفرق كتير.

دمتم بكل خير
في رعاية الله،،،

[ابن البلد]

الله يخرب بيت الموتسيكلات
واللي أخترعها
والتوك توك واللي أستورده

ولي عودة مع أن الطريق أصلا كله مطبات هههههههههههههههههههه