يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

النتائج 1 إلى 2 من 2

الموضوع: كلمات مقدمة وتترات أشهر المسلسلات العربية المصرية

  1. #1

    تاريخ التسجيل
    Apr 2002
    الدولة
    القاهرة
    العمر
    40
    المشاركات
    25,544

    كلمات مقدمة وتترات أشهر المسلسلات العربية المصرية

    مسلسل هو و هي

    المقدمة

    هو و هي
    هي و هو
    هو و هي
    هي و هو
    لاء هو و هي
    لاء هي و هو
    لاء هو و هي
    لاء هي و هو

    هو
    هي
    هو
    هي
    هو
    هي
    الاول هو سيد البيت
    الاولى هي الاتيكيت
    الك مسواة اولنالو ياريت اصل التفرقة مش طبيعية
    هو اقوى من هي
    هي اذكى من هو
    هو اعظم من هي
    هي اجمل من هو
    متنكريش ان الطاوس اجمل من الطاوسة
    نائص تؤلي ان العريس احسن من العاروسة
    هو و هي
    هي و هو
    هو و هي
    هي و هو
    هي و هو بالالم و المسطرة
    هيعملو اسرة لطيفة صغيرة
    لاء اربطية يا هبلة جنبك بالعيال
    ليه ياختي
    لجل الضمان و الهيمنة والسيطرة
    ادبحلها الاطة في ليلة عرساها
    آآآآآآآآآآه جيت ادبح الاطة جارالي ما جرى
    أأصر طرئ الى قلب جوزك معدته
    و ادي النتيجة بدون كلام ولا نئورة
    هم هن في حوار ضاحك مشتركين
    هم هن ولا دول سامعين ولا دول سامعين
    رايحة الكوافير
    رايح الاهوة
    رايحة لمما
    رايح ندوة
    بتحبني
    ايوة ياننوسة
    طاب اد ايه
    اد البسبوسة
    متحبنيش بالشكل دا
    مبحبكيش بالشكل ده
    اهو ألي مش بيحبني
    يا ناس يخالصكو كده
    دي حكاية جديدة يوماتي من حكياتو و حكياتي
    ملهاش دعوه اطلاقا بالماضي او بالاتي
    احنا ولاد دلوئتي
    5
    4
    3
    2
    1
    0

    اخر مسخرة(الله يرحمهم)

    مسلسل ليالي الحلمية

    المقدمة
    منين بيجي الشجن.. من اختلاف الزمن
    ومنين بيجي الهوى.. من ائتلاف الهوى
    ومنين بيجي السواد.. من الطمع والعناد
    ومنين بيجي الرضا ..من الايمان بالقضا

    من انكسار الروح في دوح الوطن
    يجي احتضار الشوء في سجن البدن
    من اختمار الحلم يجي النهار
    يعود غريب الدار لـ أهل وسكن

    ليه يا زمان ما سبتناش أبرياء
    وواخدنا ليه في طريئ ما منوش رجوع
    أئسى همومنا يفجر السخرية
    وأصفى ضحكة تتوه في بحر الدموع

    النهاية

    ولفين ياخدنا الأنين
    لليالي ما الهاش عينين
    ولفين ياخدنا الحنين
    لواحةالحيرانين

    ما تسرسبيش يا سنيننا من بين ايدينا
    ولا تنتهيش ده احنا يا دوب ابتدينا
    واللى له أول بكرة حيبان له آخر
    وبكرة تفرج مهما ضاقت علينا

    ولفين ياخدنا الأنين
    لليالي ما الهاش عينين
    ولفين ياخدناالحنين
    لواحة الحيرانين


    مسلسل أرابيسك

    و ينفِلِت من بين إيدينا الزمان
    كإنه سَحبة قوس في أوتار كمان
    وتنفرط الايام عود كهرمان

    يتفرط النور و الحنان و الأمان
    و ينفلت من بين إيدينا الزمان
    الشر شرق و غرب داخل في حوشنا

    حوشوه لا ريح شاردة تئشئش عشوشنا
    حوشوا شرارة تطيش تشئئ عروشنا
    و تغشنا المرايات تشوش وشوشنا
    و تهيل تراب ع الهالة و الهيلمان

    الغش طرطش رش ع الوش بوية
    ما درتش مين بلياتشو أو مين رزين
    شاب الزمان و شقيت .. مش شكل أبويا
    شاهت وشوشنا تهنا بين شين و زين
    ولسه ياما و ياما حنشوف كمان

    مسلسل المال والبنون

    المقدمة

    أالو زمان دنيا دنيه غروره
    وؤلنا واللى تغره يختار مصيره
    قالو الشيطان أادر وله ألف صوره
    ؤلنا ما يئدر على الخيره لغيره
    إيه معنى دنيتنا وغاية حياتنا
    إذا بعنا فطرتنا البريئه الرئيئه
    وأزى نبص لروحنا جوه مرياتنا
    أذا إحنا عشنا هاربنين من الحئيئه
    ومين نكون إن بعنا يومنا وماضينا
    وليه نعيش اذا مكانش بكره يرضينا
    وإزى ننام من غير ما نحلم ببكره
    وبكره ده إزى هيجى إذا كانش بأيدينا

    النهاية

    بحلم وأفتح عنيه على جنه للإنسانيه
    والناس سوا بيعشوها بطيبه وبصفو نيه
    أحلامى تصلبلى ضهرى ويروء ويصفالى دهرى
    ويلائى زهرى لكل ناسى وليا
    يا دنيا مهما تغرى غيرى مسيرك تمرى
    وبعد مرى تسرى نفسى العفيفه الابيه
    لاالمال ينور طريئى ولا البنون بلو ريئى
    عملى فى حياتى رفيئى فى وئفتى الاخرانيه
    بحلم وأفتح عنيه على جنه للإنسانيه والناس سوا بيعشوها بطيبه وبصفو نيه

    مسلسل الشهد و الدموع

    المقدمة

    تحت نفس الشمس
    وفوء نفس التراب
    كلنا بنجري ورا نفس السراب
    كلنا من ام واحده اب واحد دم واحد
    بس حاسين باغتراب
    بس حاسين باغتراب
    بين حنان الحب هل الغل جانا
    من مراره الغل جلجل صوت رجانا
    نبكي من الغل اللي بيعكر حياتنا
    و لا بالحب اللي هدهدنا و شجانا

    يازمان الغربه ليلك بيحاصرنا
    و في ضلامه المر طاوينا و عاصرنا
    بس طول ماالحب بيرفرف علينا
    الجدور حنمدها و نصنع مصيرنا
    كلنا من ام واحده اب واحد دم واحد
    بس حاسين باغتراب

    النهاية

    نفس الشموس بتبوس علي روسنا
    نفس التراب يحضن خطاوينا
    طب لي بنجري و نهري في نفوسنا
    و ليه نعيش ناكل في بعضينا
    ادي الحئوء و ادي اللي طالبنها
    و الحء تاه في الباطل البطال
    و ؤلوبنا تاهت عن محبينها
    و نجومنا عاليه ماتنطال!
    نفس الشموس بتبوس على روسنا ...

    مسلسل بوابة الحلوانى

    بندء ندء بوابة الحياة بالإيدين ئومى
    ئومى افتحى لولادك الطيبين ئومى
    و اللى بنى بنى مصر كان فى الأصل حلوانى
    و عشان كده مصر يا ولاد حلوة الحلوات
    وادى و بوادى و بحور و كفور و موانى
    توحيد و فكر و صلاة
    تراتيل , غنا و ابتهالات
    و كل ده فى مصر يا ولاد مصر يا ولاد حلوة الحلوات
    و كل ده فى مصر يا ولاد مصر يا ولاد حلوة الحلوات

    اللى بنى مصر كان حلوانى يا ولداه حلوانى
    اسمه على بوابتها لا زال و لا زايل
    ساعة الهوايل يقوم ئايل
    يابلداه
    و ييجى شايل
    هيلا هوب شايل .. حمولها و يعدل المايل
    و عشان كده مصر يا ولاد حلوة الحلوات

    و اللى بنى بنى مصر كان فى الأصل حلوانى
    و عشان كده مصر يا ولاد حلوة الحلوات

    بحلم يا صاحبى
    و أنا لسه بأحبى
    بدنيا تانية و مصر جنة يا صاحبى
    و آجى أحقق الحلم
    ألقى الموج عالى عالى طاح بى
    و نعود سوا نطوى الأنين بالحنين
    و عشان كده مصر يا ولاد حلوة الحلوات


    مسلسل زيزينيا

    المقدمة

    اسكندرية تانى و اه م العشء يانى
    و الرمل الزعفرانى ع الشط الكهرمانى

    اسكندرية تانى و اه م العشء يانى
    و الرمل الزعفرانى ع الشط الكهرمانى
    و السحر اللى احتويته و البحر اللى احتوانى
    و البحر ابو الف موجه
    و الموجه بالف حالة

    وانا المغرم صبابة
    باسكندرية يابا
    وفكرة كونى انسى
    فحكم الاستحالة
    فحكم الاستحالة

    عشقت بحرك وغرئت فيكى
    وصبحت عندك ف العشئ حالة
    و سمعت منك و عشئت بيكى
    وعجبنى قربك على اى حالة


    وعاشرت فيكي الخواجة ينى
    اجريجى لكن مصراوى جنى
    اسكندرانى عاشق اغانى
    جعان يغنى شبعان يغنى
    ويبات فحالة يصبح فحالة
    وكونه ينسى دى الاستحالة

    وسمعت صوت النديم نسايم
    ع البحر صابحة و البحر هايم
    وسمعت سيد بيقول يا مصرى
    الدنيا صاحية ليه انت نايم
    ولما عاند و خانى عصرى
    لاشد ضهرى ولا خد بنصرى
    رميت فحضنك ع الرملة أصرى
    وفتحت ع البحر حضن مصرى
    ادى الأضيه و أدى الرسالة
    وكونى انسى دى لاستحالة

    النهايه

    وعمار يا اسكندرية يا جميلة يا ماريا
    وعد ومكتوب عليا ومسطر ع الجبين
    لاشرب م الحب حبه وانزل بحر المحبة
    واسكن حضن الاحبه و الناس الطيبين
    حكاياتك يا زيزينيا
    حواديت وناس ودنيا
    فحوارى اسكندرية وليالى المنشدين
    واما التاريخ يواكب
    و يزاحم بالمناكب
    يتعبى ف المراكب و غناوى الصيادين

    هيلا هيلا وهيلا بيلا
    شيال والعمر شيله
    وهموم الدنيا ليله
    فيها الأمَر حزين
    ويا موج بحر الليالي
    عديتك ونت عالي
    ودفعت المهر غالي
    بالايام والسنين
    وعمار يا اسكندريه
    يا جميله يا ماريه

    وعد ومكتوب عليا ومسطر ع الجبين
    لاشرب م الحب حبه وانزل بحر المحبة
    واسكن حضن الاحبه و الناس الطيبين
    و الناس الطيبين

    مسلسل الاصدقاء


    المقدمة

    آدي إيدي مِد إيدك
    جرحي جرحك عيدي عيدك

    ود دافي نبع صافي
    شيء كأنه نيل موافي
    من وريدي و من وريدك
    يا صديئي مِد إيدك

    يا صديئ عمري يا صاحب ذكرياتي
    إنتَ كنز أيامي تحويشة حياتي
    و مراياتي اللي باشوف جوّاها ذاتي
    و تواجهني بعيبي تكشف سيئاتي
    تِئسى بحنان و استزيدك


    يا صديئي مِد إيدك

    أصدقاء و الود موصول فوء زمانّا
    بيه آمنّا و له آمنّا و فيه أمانّا
    بيه على الدنيا و ع الدهر استعانّا
    و إن زمنّا خانّا و في لحظة طعنّا
    تستعيدني و استعيدك
    يا صديئي مِد إيدك

    النهايه

    آدي يدّي مد يدك
    قد ودك ألبي ودّك
    د انتَ بعد الأهل أهلي
    و اذا يوم قلبك ندهلي
    حتلاقيني بئلبي عندك
    يا صديئي مد يدك

    يا صديئ عمري و أحلامي و عذابي
    في ليالي فرحتك عامل حسابي
    في ليالي وحدتي بتدق بابي
    و عمر باب قلبي ما صدّك
    يا صديئي مد يدك
    أصدقاء و الود موصول فوق ظروفنا
    مهما نبعد مهما طوفنا مهما شفنا
    في ساعات شدتنا و قلقنا و خوفنا
    تستعيدني و استردّك
    يا صديئي مد يدك

    (اهديها لكل اصدقائي)

    مسلسل مسأله مبدا

    المقدمه

    خايف من بكره ليه
    من يعرف بكره ايه

    انا مش هبص ورايا ولا اقول اه
    مهما الامل غاب العيون شايفاه
    اليأس مش هيوصلك
    ولو الهموم هتحصلك
    مش راح تئف الحياة

    ونخاف من بكره ليه
    مين عارف بكره ايه

    يا حبيبي ماله الليل ؟ الليل طول

    ياريته هنا منعاد لاول
    يا حبيبي ماله الليل؟ الليل طول
    وكل ما يجرب يخلص .
    يدّار ويرجع من الاول

    سيب الي يكره يكره
    وأنت أحلم ببكرة
    مع أنه لسه ماجاش
    مهما تحاصرك همومك
    ويلومك مين يلومك
    لا ما تعشهاش بلاش
    لسه الورود بتشء براعمها
    والفرحة بتلاعب نسايمها

    ونخاف من بكرة ليه ؟
    مين عارف بكرة إيه ؟
    مين عارف بكرة إيه


    النهاية



    كل الجروح ليها دوا
    يا طير يا حايم ف الهوا
    اطوى الجناح على الجراح
    وياللا نطير سوا
    أنا مش حابيع الصدئ بالأكاذيب
    ولا أئولش للحمل الوديع يا ديب
    ولا أئولش للديب يا أعز حبيب

    والصدء مهما عز
    في الأزمة مش حاهتَّز
    ساعات يكون كتم الأنين أصدء




    وأنا مهما أئع راح أئوم
    ودي مسألة مبدأ
    كل الجروح ليها دوا ...
    بيكدبوا الصدئ اما الكدب يتصدء
    يا ليل تطول
    بكرة تلقى الفجر بيشئشئ
    أنا فى انتظار الصباح
    أنا احتويت الجراح
    وخلاص نسيت اللى راح
    ومن جديد حابدأ
    ودي .. مسألة مبدأ


    مسلسل المصراوية

    بسم اللى خلج الخلج شامى ومغربى ابن البلد وابن العرب والاجنبى
    يا شمس هدى و ودى حدى وغربى ونبتدى الجول بالصلاة على النبى

    والصبر طيب والجلوب النيرة اخرتها فل الفل دنيا وآخرة
    والصبر طيب والجلوب النيرة اخرتها فل الفل دنيا وآخرة

    والمصراوية روح جوية وخيرة سكنت نصار الصبر كارى و مذهبى

    صلاة النبى صلاة النبى ماتصلوا صلوا على النبى

    ربك اذا شاء شئ يجولو كون يكون وكاف ونون جلها
    خلج مخليج و كون واستخلف الانسات على الكون والجانون
    شلها الامانة شيل الى يوم يبعثون وسع فبحور الله وسيرى يا مركبى

    صلاة النبى ماتصلوا صلوا على النبى

    يالى بتسعى تكون كما شاء ربنا بلشرع والشورى السكك متيسرة
    وحرام تسورنا غصب عنا فى كربنا وازاى نطير واحنا جناحتنا مكسرة
    و يا رحمة الله فوق جلوبنا كبري
    صلاة النبى ماتصلوا صلوا على النبى

    مسلسل متخافوش

    لو فى يوم الحئ تااة والسكوت سكن البيوت
    واترتبت كل الحئايئ والحلم آيل للسقوط
    واللى جااى اية مانعرفوش ماتخافوش

    مهما كان الليل طويل والبرد عشش فى الضلوع
    واختفت منا المشاعر كل شئ صحى الدموع
    والحب حلم مابنطلوش ماتخافوش

    هوا ايو معنى الحياة لو مالانا الخوف يا ناس
    لو طاطينا لكل ايد وأبلنا نشرب اى كاس
    هو اية معنى الحياة لو اتحبس جوانا فطنة
    لو اتقتل فينا الحماس الخوف هيبقى زى موتنا

    ماتخافوش واصحوا قبل ماينطفى اخر قمر
    ماتخافوش واصحوا قبل ما يتسرء ضل الشجر
    ماتخافوش وتضيعوا منكوا الطريء
    ماتخافوش دة الخوف مابينجيش غريء
    فوقوا قبل مايمحى ملامحنا السكوت والامل فى الروح يموووت

    هوا ايو معنى الحياة لو مالانا الخوف يا ناس
    و طاطينا لكل ايد وقبلنا نشرب اى كاس
    هو اية معنى الحياة لو اتحبس جوانا فطنة
    و اتئتل فينا الحماس الخوف هيبقى زى موتنا

    ملسل سارة

    المقدمة

    كان ياما كان
    كان فيه عصفور
    ألبه صغير
    ريشه أصير
    حلمه يرفرف بره السور
    كان إنسان من طين ، من نور
    كان بيدور ع اللى يخضر
    ألب الناس الأاسى البور

    كان ياما كان
    كان فيه عصفور
    ألبه صغير
    ريشه أصير
    حلمه يرفرف بره السور
    كان إنسان من طين ، من نور
    كان بيدور ع اللى يخضر
    ألب الناس الأاسى البور
    كان ياما كان ألب الحدوتة رأ و حن
    على البنوتة فى زمن اتجن
    زمن الناس فى ألوبها وحوش
    زمن الغاب و الناب و وشوش
    تحزن غش و تضحك زور

    كان ياما كان
    كان فيه عصفور
    ألبه صغير
    ريشه أصير
    حلمه يرفرف بره السور
    كان إنسان من طين ، من نور
    كان بيدور ع اللى يخضر
    ألب الناس الأاسى البور
    كان ياما كان أحلام بضفاير ألب و بس
    ذنبها إيه لو ألبها طاير حب و حس

    كان ياما كان أحلام بضفاير ألب و بس
    ذنبها إيه لو ألبها طاير حب و حس
    بنوتة فى حدوتة تنام
    و بتجرى وراها الأيام
    هى و كل بنات الحور

    كان ياما كان
    كان فيه عصفور
    ألبه صغير
    ريشه أصير
    حلمه يرفرف بره السور
    كان إنسان من طين ، من نور
    كان بيدور ع اللى يخضر
    ألب الناس الأاسى البور

    النهاية

    و بنحبك يا دنيا بجد
    و مهما تعملى فينا

    بنصحى بشوء يفوء الحدّ
    و نحضن بكره بإيدينا

    و آه من بكره و عمايله
    و آه م اللى الزمن شايله
    و آه من حلم عالى لفوء
    و لسه الكف مش طايله

    يا دنيا دبت أنا فيكى
    و توهتينى فى عنيكى

    أموت لو عشت من غيرى
    و أعيش لما أموت فيكى

    و بنحبك يا دنيا بجد
    و مهما تعملى فينا

    بنصحى بشوء يفوء الحدّ
    و نحضن بكره بإيدينا
    يا ارض الخوف يا لامانا
    أمانة تسيبى جوانا

    براءة طفل كان عايز يشوف الصبح و يانا

    و بنحبك يا دنيا بجد
    و مهما تعملى فينا

    بنصحى بشوء يفوء الحدّ
    و نحضن بكره بإيدينا
    و جنب الشوك يعيش الورد
    يرجع قلبنا لينا

    و بعد التوهة جزر و مد
    نلاقى نفسنا لينا
    و بنحبك يا دنيا بجد
    و مهما تعملى فينا

    بنصحى بشوء يفوء الحدّ
    و نحضن بكره بإيدينا


    مسلسل حديث الصباح و المساء(اعشق هذا المسلسل و فلسفته عن الموت)

    المقدمة

    مين فينا جاى مرساها مين رايح
    لحظة ميلاد الفرح
    كان فى حبيب رايح
    يا ابو الروايح يا نرجس
    ما تجس وتر الأدر
    تلئى حكايات البشر
    فيها عبير العبر
    فيها عبير العبر صاااااااافى

    زى النهار الطفل لما ينفلت
    من بين ايادى الضلمه و يشئشء
    انا شوفت روح الحق لما اتسللت
    صرخت وفى وش الخرس انطء

    آآدى البشر اوراء
    فيها عبير العبر
    فيها عبير العبر صاااااافى

    بان فى عيون العصر لما زغللت
    الليل يجيها يحنى ضهر الزين
    انا شوفت روح الخطوة لما اتبرجلت
    عكازها ماشى بالخطى على فين

    آآدى البشر اوراق
    فيها عبير العبر
    صافى

    النهاية

    الصبح طفل برئ ومساه يبان تجاعيد
    وفوء طريق الايام تجرى الحياه مشاوير

    ونشوف ملامح الزمن متعاده فى المواليد
    واحنا البشر كلنا اعمار ورق بيطير
    اعمار ورق بيطير
    اعمار ورق بيطير

    دايره تدور بالبشر وياّ الزمان بتفوت
    دمعه على اللى مضى و دمعة فرح ميالجاى
    يا حىّ طول مانت حىّ مسيره ييجى الدور
    دى حكايه متكرّره من يوم ولادة الضىّ

    ياللىّ انت عايش حياه بصلها تلئاها
    سبحة هنا و تنفرط بالعمر مانشوفهاش
    ولا شئ يعطّر حياتنا يمد فى مداها
    غير سيره عاشت هنا اكتر صاحبها ما عاش
    اكتر صاحبها ما عاش
    اكتر صاحبها ما عاش


    مسلسل هارون الرشيد

    المقدمة
    يا ليالينا أعيدى روعة الأمس البعيد
    عندما كانت أمة العرب تُشهد الدنيا عصرها الذهبى
    عصر هارون الرشيد
    أمة كانت مهابة ذات بأس ومهابة
    حكمها شرقا وغربا فى شموخ وصلابة
    حيثما أرسلت فامضى وأفيضى يا سحابة
    كلما فاضت أعين السحب سوف يأتينا طرحها الذهبى
    من ربا الملك المديد



    النهاية

    أرجعى الأمس الخلى ذكرينا واسألى..
    أين زرياب وأين الشعر أين الموصل؟
    أين ما كان لنا فى الزمان الأول؟
    كانت الدنيا حكمها عربى
    بكتاب الله أطهر الكتب
    منهج الحكم الرشيدى
    عندما كانت أمة العرب تُشهد الدنيا عصرها الذهبى
    عصر هارون الرشيد

    أمطرى حيث شئت فسوف يأتينى خراجك(هارون الرشيد) اللهم ارجع تلك الايام. ايام العزة

    مسلسل عمر بن عبد العزيز

    المقدمة

    هذا الفتى العمري في تقواه نور التقى والطهر في شيماه
    غصن من الفاروق في أخلاقه شهد الرعية عدله و تقاه
    الراشد العمري على الطغاة قوي
    وبالضعيف رحيم و باليتيم حفي
    الراشد العمري على الطغاة قوي
    وبالضعيف رحيم و باليتيم حفي
    قبس من الخلفاء مد ضياءه من بعض أن ضل الولاة وتاهوا
    ملك القلوب بعدله وبحزمه و بزهده والملك في حماه
    الراشد العمري على الطغاة قوي
    وبالضعيف رحيم و باليتيم حفي
    الراشد العمري على الطغاة قوي
    وبالضعيف رحيم و باليتيم حفي
    يا خامسا للراشدين أولي الهدى و الحاكمين
    يا خامسا للراشدين أولي الهدى و الحاكمين بما أحل الله
    إن يصلح الراعي ويتق ربه تخشى الذئاب ربوعه و حماه


    مسلسل الوسية

    المقدمه


    مين اللي قال الدنيا دي وسيه
    فيه عبيد مناكيد و فيها السيد
    سوانا رب الناس سواسيه
    لا حد فينا يزيد و لا يخس أيد

    مين اللي قال الدنيا دي وسيه
    فيه عبيد مناكيد و فيها السيد
    سوانا رب الناس سواسيه
    لا حد فينا يزيد و لا يخس أيد

    جينا الحياه زي النبات أبرياء
    لا رضعنا كذب و لا أتفطمنا برياء

    جينا الحياه زي النبات أبرياء
    لا رضعنا كذب و لا أتفطمنا برياء

    طب ليه رمانا السيف علي الدين
    و كيف نوجهوه غير بالصدء و الكبرياء

    مين اللي قال الدنيا دي وسيه
    فيه عبيد مناكيد و فيها السيد
    سوانا رب الناس سواسيه
    لا حد فينا يزيد و لا يخس أيد

    عيش يا ابن ادم بكر زي الشجر
    موت و انت وائف زيوه مطرحك

    عيش يا ابن ادم بكر زي الشجر
    موت و انت وائف زيوه مطرحك

    و لا تنحني لمخلوء بشر او حجر
    و شب فوء مهما الزمان جرحك

    مين اللي قال الدنيا دي وسيه
    فيه عبيد مناكيد و فيها السيد
    سوانا رب الناس سواسيه
    لا حد فينا يزيد و لا يخس أيد

    مين اللي قال الدنيا دي وسيه
    فيه عبيد مناكيد و فيها السيد
    سوانا رب الناس سواسيه
    لا حد فينا يزيد و لا يخس أيد

    النهايه

    و تستمر الحياة بين ابتسامه و آه
    فيها اللي تاه في دجى و اللي ضميره هاداه
    و تستمر الحال بين ابتسامه و آه
    فيها اللي تاه في دجى و اللي ضميره هاداه

    و كل ضيئه بعدها وسعه
    و اهي ديه الحقيقه بس منسيه
    و كلنا ولاد تسعه و بنسعي
    و ديه مش وسيه الناس سواسيه

    و كل ضيئه بعدها وسعه
    و اهي ديه الحئيئه بس منسيه
    و كلنا ولاد تسعه و بنسعي
    و ديه مش وسيه الناس سواسيه

    و تستمر الحال بين ابتسامه و آه
    فيها اللي تاه في دجى و اللي ضميره هاداه
    و تستمر الحال بين ابتسامه و آه
    فيها اللي تاه في دجى و اللي ضميره هاداه

    لملم جروحك يا حزين و أمشي خطوه كمان و تخف الآمك
    و أحلم بعين صاحيه و لا تنامشي غير لما تئطف زهر أحلامك

    مسلسل ذئاب الجبل

    المقدمة

    جالو علينا ديابة و احنا ياناس غلابة
    جالو علينا ديابة و احنا ياناس غلابة
    يا مغنوتي غني حكايتنا على الربابة
    جالو علينا ديابة و احنا ياناس غلابة
    جالو علينا ديابة و احنا ياناس غلابة
    يا مغنوتي غني حكايتنا على الربابة
    دا لكل ديب حكاية ليها عبرة و آية
    لا تشفها في الجراية و لا عرفتها الكتابة
    جالو علينا ديابة و احنا ياناس غلابة
    يا مغنوتي غني حكايتنا على الربابة
    هما الي بيظلمونا
    هما الي بيتهمونا
    و جال يخافوا منا و هما الي يخوافونا
    ابعد من الاسيه الدم يبجا مايه
    ابعد من الاسيه الدم يبجا مايه
    داج الجبل عليا
    داج الجبل عليا
    انا ديب ولا ضحية
    ما ترد عليا يابا
    جالو علينا ديابة و احنا ياناس غلابة
    يا مغنوتي غني حكايتنا على الربابة
    هما الي عذبوني
    هما الي شردوني
    و كل ملاجي روحي عن روحي يغربوني
    انا في الغربة ساكن و جرحي في جلبي ماكن
    دنا في الغربة ساكن و جرحي في جلبي ماكن
    داجت بيا الاماكن
    داجت بيا الاماكن
    حجي ضايع ولكن بكرة يرجعلي يابا
    دا لكل ديب حكاية فيها عبرة و آية
    لا تشفها في الجراية و لا عرفتها الكتابة
    جالو علينا ديابة و احنا ياناس غلابة
    يا مغنوتي غني حكايتنا على الربابة
    جالو علينا ديابة و احنا ياناس غلابة
    يا مغنوتي غني حكايتنا على الربابة
    حكايتنا على الربابة
    حكايتنا على الربابة
    حكايتنا على الربابة
    حكايتنا على الربابة

    النهاية

    خاصمني يا زماني وارجع صالحني تاني
    ناسيني الي جرالي في العمر الاولاني
    وخاصمني يا زماني وارجع صالحني تاني
    ناسيني الي جرالي في العمر الاولاني
    وخاصمني يا زماني وارجع صالحني تاني
    يا زمان حنون و غادر انا مين متشوفني تاني
    الواد ابو ضحكة تطلع مالجلب اللخضراني
    يا زمان حنون و غادر انا مين متشوفني تاني
    الواد ابو ضحكة تطلع مالجلب اللخضراني
    و الي زارع في صوتو فدان ورد واغاني
    مالي دبلت ورودي و كاس همك سجاني
    و الي زارع في صوتو فدان ورد واغاني
    مالي دبلت ورودي و كاس همك سجاني
    ونت مزمزم جيودي
    دانت مزمزم جيودي و كرباج ك كواني
    وخاصمني يا زماني وارجع صالحني تاني
    ناسيني الي جرالي في العمر الاولاني
    وخاصمني يا زماني وارجع صالحني تاني
    ناسيني الي جرالي في العمر الاولاني
    وخاصمني يا زماني وارجع صالحني تاني

    مسلسل مين ميحبش فطمة

    المقدمة

    وهي مشية و بتعدي صدمة فلطمة فأطمة
    و فوسط السير عدي مين ميحبش فطمة
    وهي مشية و بتعدي صدمة فلطمة فأطمة
    و فوسط السير عدي مين ميحبش فطمة
    وهي مشية و بتعدي
    وهي مشية و بتعدي
    فطمة دي روح حسابه و لا شرك منصوبلك
    فطمة دي روح حسابه و لا شرك منصوبلك
    وادي العالم سابك شوف بئه ايه مكتوبلك
    وهي مشية و بتعدي وهي مشية وبتعدي
    وهي مشية و بتعدي صدمة فلطمة فأطمة
    و فوسط السير عدي مين ميحبش فطمة
    وهي مشية و بتعدي صدمة فلطمة فأطمة
    و فوسط السير عدي مين ميحبش فطمة
    وهي مشية و بتعدي
    وهي مشية و بتعدي
    فطمة اذا ئلبها حبك هتحبك ايامك
    فطمة اذا ئلبها حبك هتحبك ايامك
    ولا الهوا يلعبك ويدبل احلامك
    وهي مشية و بتعدي
    وهي مشية و بتعدي
    وهي مشية و بتعدي صدمة فلطمة فأطمة
    و فوسط السير عدي مين ميحبش فطمة
    وهي مشية و بتعدي صدمة فلطمة فأطمة
    و فوسط السير عدي مين ميحبش فطمة
    وهي مشية و بتعدي
    وهي مشية و بتعدي

    مسلسل الدالي

    مين ده الي كاره دنيتك وبيشتهي موتك ...
    مين ده الي موتو بكلمتك وحياتو فى سكوتك ...
    مين ده الي كاره دنيتك وبيشتهي موتك ...
    مين ده الي موتو بكلمتك وحياتو فى سكوتك ...
    وغريب يا صاحبي ولا من دمك ...
    طعنك وسابك تشتكي همك...
    وغريب يا صاحبي ولا من دمك
    طعنك وسابك طعنك وسابك تشتكي تشتكي همك...
    ورماك رماك بلا مركب لموج عالي...
    سرق النهار سرق النهار لكن انت يا دالي لا بتنحني ولا ينكسر صوتك

    مين ده الي كاره دنيتك وبيشتهي موتك ...
    مين ده الي موتو بكلمتك وحياتو فى سكوتك ...
    مين ده الي كاره دنيتك وبيشتهي موتك...
    مين ده الي موتو بكلمتك وحياتو فى سكوتك...
    انس ألآمك وعلى على جرحك...
    تحلى فعينيك الدنيا وتصلحك...
    طول ما النهار الخير بامكانو يطوي سواد الليل واحزانو اطر الحياه اطر الحياه عمرو ما هيفوتاك
    مين ده الكاره دنيتك وبيشتهي موتك...
    مين ده الي موتو بكلمتك وحياتو فى سكوتك...

    مسلسل قاسم امين

    لكل ديئة انفراج مهما الزمان هاج و ماج
    شكرا لمن آد سراج
    اذا الضلام ساد و راج
    لكل منصف امين وئف مع المظلومين
    نوروه على جبنا تاج
    و لكل ديئة انفراج
    لما دع الداعي زمان للسكون مدعاش لتعرية لتعرية صدور او فخود
    لكن دعى للعلم و العئل نور و الحء و الحرية غير لعوجاج
    و لكل ديئة انفراج
    لكل ديئة انفراج مهما الزمان هاج و ماج
    شكرا لمن آد سراج
    اذا الضلام ساد و راج
    لكل منصف امين وئف مع المظلومين
    نوروه على جبنا تاج
    و لكل ديئة انفراج
    ياه عالجمال يارجال لما يزينه الكمال
    شيلوا الحجاب عن عئولنا دا الجهل فاء لاحتمال
    ياه عالجمال يارجال لما يزينه الكمال
    شيلوا الحجاب عن عئولنا دا الجهل فاء لاحتمال
    البكر و الكفر فئر
    و الفئر نئص الخيال
    و الفكر دا نئص روح مش نئص مال واحتياج ولكل ديئة انفراج

    مسلسل إمام الدعاه

    المقدمة

    في كل زمان
    يبان واحد يئوم يدعي الهدى لناسه و كان من دول كريم الأئول وشايل هم ناس تاهوا و آسوا
    امين وامين على الامة ونور في الغيمة والغمة
    كتاب الله دخل ألبه شرح معانية بإحساسه
    ناس طيبيين لا حلتها مال و لا جاه طلع ابنهم غني بالايمان والدين
    رب العباد حبب خلئه في لئاه
    و ياما تاب على ايده ناس ضاليين
    دخل الألوب لله كدا فلله و كأنه ابويا و صلى بينا سنيين
    تسمع دعاه ألبك يئول الله دا صوتوه لو مس الحجر بيليين
    امين وامين على الامة ونور في الغيمة والغمة
    كتاب الله دخل ألبه شرح معانيه بإحساسه

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

  2. #2

    تاريخ التسجيل
    Jul 2007
    الدولة
    بين نبضة .. وقبضة .. وسقطة ..أعيش أنا
    المشاركات
    8,207
    والله ماعارفة اختار ايه ولا ايه
    كل الاغانى دى تحفة تحفة
    بجد اشكرك



    لأننا نتقن الصمت ؛ حمَّلونا وزر النوايا

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك