بيقولولى كفايه شعارات .. قولت لهم دى الأهاااااااات .. على شبابنا اللى مات

للمطالبه بالفتات اللى إتبقت م اللى فات .. دى الحقيقة مش ذكريات ..

والمصيبة فى القرارات .. مش فاهمها وحبه حاجات ..

كأن الشعب كله مؤهلات ... فى السياسه وأخذ القرارات

طلعوا لينا على الشاشات .. وروجولنا الاشاعات .. ما بئـتـش فاهم الفضائيات

قولوا الحقيقة ياااااامذيعات .. أنتم منها ولا مع اللى فات

ومذيع كأنة من الشيشان .. عامل لى فيها كدة ولهان

بفتكرو تبع اللومان .. دا طبع فيكم من زمان

مهما أتغيرت الاحوال .. أرحم نفسك وأرحم ناسك

د انتا مصرى بنقول عليك .. ولا عايزنا نسحبها منك

دا ثقتنا فيكم مش إلهية .. أنتو والله حبة ترزية

للظروف اللى هية .. حسب الرايجة تأيفوها

والحدق منا بيفهموها ..إلعب غيرها أنت وهى

كل دا عشان المهيه .. اللى هى مليونية

خسارة فيكم الاعدادية .. قووووووووووولوا الحقيقة

عايزين مبادىء تربى فينا ديمقراطية .. ده حتى الكتب السماوية

كلها أسس سياسية .. محتاجين حبة شفافية ..

إنسو شوية المهيه .. راعو المراقبة الإلهية