يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 2 12 الأخيرةالأخيرة
النتائج 1 إلى 10 من 11

الموضوع: الكحك والبيتى فور ...الخ

  1. #1

    تاريخ التسجيل
    Apr 2006
    الدولة
    any street
    المشاركات
    1,914

    الكحك والبيتى فور ...الخ

    كل سنه وانتم طيبين
    اللى عايز وصفات الكحك واخواته هاتلاقوها فى الصفحه رقم 8
    فى موضوع
    هانشرب ونحلى ايه بعد الفطار النهارده ؟؟؟




    البحار الهادئه لا تصنع بحارا ماهرا

  2. #2

    تاريخ التسجيل
    Jun 2003
    الدولة
    اسكندرية
    العمر
    59
    المشاركات
    8,428
    تسلم سى هورس

    كل حاجة بتجيبهالنا فى وقتها

    كل سنة وانت طيب

    برده عاوزين المشاكرة اللى هناك نجيبوها هنا

    وبرده التكرار يعلم الشطاااااااااااااااار

    لك ارق تحياتى

  3. #3

    تاريخ التسجيل
    Apr 2006
    الدولة
    any street
    المشاركات
    1,914
    وماله يا احلى اسكندرانى
    نجيبوها هنا
    ههههههههههههههههههه


    البحار الهادئه لا تصنع بحارا ماهرا

  4. #4

    تاريخ التسجيل
    Apr 2006
    الدولة
    any street
    المشاركات
    1,914
    البتى فور
    كوبايتين دقيق وكوباية سكر وتلاتربع زبده
    كيس بيكنج باودر وبيضتين ومعلقتين كاكاو ومربه ومبشور فستق او لوز
    هانضرب السكر والزبده لغاية مرحلة الكريمه ونضيف البيض ونكمل
    ونخلط البيكنج باودر بالدقيق ونضيفه بالتدريج مع العجن لغاية تماسك العجينه
    هانقسمها نصين ونضيف الكاكاو لنص منهم
    هايبقى عندنا عجينه لونين نشكل ونخبز كل لون لوحده
    طبعا باى اشكال تحبها ممكن كور صغيره او باستعمال القمع او بالقوالب
    بعد ما تستوى نسيبها تبرد ونبدأ نلزق كل اتنين من لونين مع بعض بالمربه
    ونزوق الاحرف بمبشور المكسرات او بدون


    الغريبة
    كيلو دقيق و 3 كوبايات زبده و كوباية سكر بودرة و بياض بيضتين
    و فانيليا و لوز مقشر و فلقات للتزيين
    هانضرب الزبده مع السكر لغاية الكريمه
    هانضرب بياض البيض مع الفانيليا ونضيفه للى فات
    بعد كده نحط الدقيق بالتدريج اثناء دوران العجانه و حتى تكون عجين لا يلتصق
    نشكل العجينه وحدات صغيره مغروس فى قمتها نص لوزه
    المهم نسيب مسافات بين الوحدات لمنع الالتصاق
    و ندخلها فرن متوسط الحرارة لغاية السوى التمام
    ونخرجها نبردها على طول

    بسكويت النشادر
    تلات كوبايات دقيق و كوباية نشا و كوباية سمن معتبر
    بيضتين و كيس بيكنج باودر و فانيليا و شوية لبن لضبط العجين
    نضرب السكر والسمن حتى النعومه و مرحلة الكريمه
    نضرب البيض والفانيليا و نضيفه للى فات
    نضيف الدقيق والنشا والبيكنج باودر بالتدريج حتى نصل لعجينه يمكن تشكيلها
    ويمكن ضبطها باستعمال شوية لبن
    بعد كده نشكل البسكويت سواء بالماكينه الخاصه او القمع او اى شئ
    و ندخلها فرن متوسط برضه زى الغريبه.... لغاية اللون الذهبى
    ونخرج البسكويت يبرد

    الكحك
    اتنين كيلو دقيق و4 معالق سمسم وريحة الكحك
    ريحة الكحك مطحون (محلب ومستكة وكعب خميرة)
    يتقلب كله كويس ونعمل حفره
    نقدح كيلو سمن عالنار ثم يصب فى الحفرة ويقلب حتى تستحمل اليد حرارته
    ونبدأ الفرك والبس حتىالتجانس التام
    2 كوب لبن دافى ندوب فيهم معلقة سكر كبيره
    ومعلقتين كبار خميره جافه نشطة او قطعتين بحجم الجوزه خميرة بيرة
    وبعد بداية شغل الخميره وفورانها تضاف للعجينة
    ونسيب العجينه ترتاح ساعه مثلا متغطيه
    بعد كده نعمل كور الكحك ولو حبينا نحشيها عجمية ومكسرات وترص فى صاج وتخبز مباشرة
    وبالف هنا

    العجمية

    تلت كوباية سمن تقدح ونشوح فيها نص كوباية دقيق ونضيف معلقة كبيره سمسم
    ونرفع الحله من على النار
    نضيف كوباية ونصف عسل نحلونرجعها عالنار ونقلب كويس حتى زيادة التخانه
    ونرفع من النار
    نضيف معلقة صغيره فانيليا وكوباية مكسرات مجروشه ونخلط كويس
    ونسيبها تبرد وتستعمل فى حشو الكحك


    البحار الهادئه لا تصنع بحارا ماهرا

  5. #5

    تاريخ التسجيل
    Jun 2003
    الدولة
    اسكندرية
    العمر
    59
    المشاركات
    8,428
    اقتباس المشاركة الأصلية كتبت بواسطة sea horse مشاهدة المشاركة
    وماله يا احلى اسكندرانى
    نجيبوها هنا
    ههههههههههههههههههه


    هههههههههههههههههه

    حلوه نجيبوها هنا دى

    اسكندرانى دى يا شيف

    هههههههههههههههه

    اقولك طرفه بالمناسبة

    كنت معزوم مع اصدقاء عرب وعايشين فى امريكا

    معاهم بنت عمرها 6 سنين

    بتتكلم عربى بس طبعا الانجليزى لغة اساسية

    واحنا قاعدين

    باقول لها

    حنروحوا القلعه وبعدها ننزلو بحرى نعزموكو على جيلاتى

    بصت لى باستغراب

    او تناحه

    وبصت لامها وقال لها بيقول ايه مش فاهمه

    هههههههههههههههه

    ابوها قالى

    احنا بنحاول نعلمها عربى وانت بتكلمها اسكندرانى

    ههههههههههههههههههه

    اكتشفت ان لغتنا الاسكندرانية لا تندرج تحت اللغات الحيه

    كل سنة وانت طيب

  6. #6

    تاريخ التسجيل
    Apr 2006
    الدولة
    any street
    المشاركات
    1,914
    وانت بالف صحة وسلامه
    وكلنا نعشق اللهجه الاسكندرانى من اهلها
    رمضانك جميل




    البحار الهادئه لا تصنع بحارا ماهرا

  7. #7

    تاريخ التسجيل
    Aug 2008
    الدولة
    قلب البشر
    المشاركات
    2,156
    الاستاذ سى هورس

    شكرا على الطرق الجميلة والوصفات الشهية
    نجرب باذن الله ونقول على النتائج

    شكرا


  8. #8

    تاريخ التسجيل
    Apr 2006
    الدولة
    any street
    المشاركات
    1,914
    العزيزه نوفا
    اسعد دائما بمرورك باى موضوع
    ومستنى النتيجه وربنا يستر وتطلع حلوه
    كل سنه وانتم طيبين





    البحار الهادئه لا تصنع بحارا ماهرا

  9. #9

    تاريخ التسجيل
    Feb 2004
    الدولة
    جمهورية مصر العربية
    المشاركات
    21,880
    تسلم الأيادى يا شيفنا
    وكويس جدا إنك كتبت الوصفات هنا كمان
    زيادة الخير خيرين

  10. #10

    تاريخ التسجيل
    Jun 2003
    الدولة
    اسكندرية
    العمر
    59
    المشاركات
    8,428
    كل سنة وانتم طيبين

    انا بدأت بالقراقيش

    ايه رايكم

    اتفضلوا



صفحة 1 من 2 12 الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك