صفحة 5 من 8 الأولىالأولى ... 34567 ... الأخيرةالأخيرة
النتائج 41 إلى 50 من 75

الموضوع: فراشة في عشرة على عشرة

  1. #41

    تاريخ التسجيل
    Mar 2009
    الدولة
    قلب أبى
    المشاركات
    7,715
    السؤال الأول

    د. مصطفى

    د. مصطفى أنا هاستغل خبرتك بالمواقف التربوية وهاحكيلك موقف حصل مع بنتي
    باختصار شديد وقولي كان مفروض أتصرف إزاي لأني عارفة ان تصرفي كان غلط
    رجعت في يوم من المدرسة بتقولي أستاذ العربي جابلي ورقة بنت في إمتحان
    وقالي جاوبيلها على سؤال أو اتنين علشان تنجح بس
    قلتلها وعملتي إيه قالت أخدت الورقة وجاوبتلها
    طبعاً إتضايقت من تصرف الاستاذ وقلتلها تحبي أروح المدرسة وأكلمه؟
    قالت لأ خلاص مفيش داعي
    بعدها بفترة بسيطة رجعت بتقولي الأستاذ بيقولي تعالي بكرة علشان
    عاوزك تجاوبي (لنفس البنت) وقالها معلش مش بتعرف أي حاجة
    وجاوبيلها أي حاجة بس تنجحها
    قلتلها أنا ممكن أشتكيه لإدارة المدرسة أو على الأقل أكلمه
    قالتلي لأ .. مش باحب حد ياخد مني موقف أو يعاملني بطريقة مش كويسة
    هاروح أجاوبلها وخلاص
    حسيت ان موقفي سلبي وغلط لكني أستجبت لرغبتها
    إيه رأيك ؟ إيه التصرف السليم في موقف زي كدا
    وبدون تصعيد للموضوع؟


    ****

    السؤال الثاني


    أ.نادر(اسكندراني)

    ههههه برضه هاستغل خبرتك الإدارية وأسألك
    - ما الصفات الشخصية للمدير الناجح؟
    وما الخطوات العملية التي يجب أن يتبعها ليصبح مديراً ناجحاً؟
    وسؤال على هامش الأحداث مع إحترامي لإختيارك
    هل مازلت راضي ومقتنع من داخلك عن إختيارك لشفيق ؟

    ****

    السؤال الثالث

    ندى (اليمامة)


    ازيكم

    أنا مستغربة !!






    آه على طول كدا ..
    في أشياء كتير الآن تدعو للإستغراب
    ياترى ندى دلوقت مستغربة من إيه؟
    فضفضي وإحكيلنا بالتفصيل


    *****

    السؤال الرابع

    أحمد ناصر

    *إلى متخذى قرار فتح معبر رفح:الله يفتح عليكم
    من اتخذوا قرار فتح المعبر هم أنفسهم من اتخذوا قرار إغلاقه
    بشكل جزئي الآن بحجة أعمال الصيانه ولأجل غير مسمى

    فما تفسيرك للقرارين؟

    وعلى هامش الأحداث .. وجه رسالة للشعب المصري كله


    ******

    السؤال الخامس

    ندى الأيام

    ياندى غبتي عن المنتدى فترة طويلة ثم عدتي

    أحيانا العودة بعد الغياب بيصحبها شعور ببعض الغربة
    فهل وصلك هذا الإحساس؟
    بعد عودتك .. إيه إللى مفتقداه في المنتدى؟
    إيه التغير إللى حصل فيه؟
    إيه ملاحظاتك من سلبيات وإيجابيات؟



    التعديل الأخير تم بواسطة فراشة ; 15-06-2012 الساعة 09:50 PM




    أسباب سقوط الأمم والحضارات: النظام الإلهى للانذار المبكر






  2. #42

    تاريخ التسجيل
    Mar 2009
    الدولة
    قلب أبى
    المشاركات
    7,715

    ناخد إستراحة لغاية ما أجهز باقي الأسئلة
    نسمع سوا محمد منير
    حدوتة مصرية



    التعديل الأخير تم بواسطة فراشة ; 15-06-2012 الساعة 08:08 PM




    أسباب سقوط الأمم والحضارات: النظام الإلهى للانذار المبكر






  3. #43

    تاريخ التسجيل
    Mar 2009
    الدولة
    قلب أبى
    المشاركات
    7,715
    السؤال السادس

    الشاطر حسن

    إخترت عناوين لخواطر لك
    ووضعتها في جمل أو أسئلة
    ارجو أن تجيب عليها

    يبدو أننا ......
    رقم حزين......
    إلى نفسي أولاً...... ماذا تقول؟
    لا تعود ....... لمن تقولها؟
    ؟؟؟؟؟؟؟ ....... لمن توجهها الآن؟


    ******

    السؤال السابع


    ريهام (boukybouky)

    فلا يوجد شئ مطلق ..إذاً هل كل الثوابت متغيرة؟؟؟
    أعتقد ان تعاملنا معها هو المتغير و المشكلة تكمن في هذا التغير .
    مؤكد تغيرت الكثير من المعاني بداخلنا
    فما المعاني التي تغيرت بداخل ريهام سواء بالسلب أو بالإيجاب
    وهل إنتِ راضية عن هذا التغير بشكل عام؟ أم تتمني حدوث تغيير آخر
    سواء بالعودة إلى الماضي أو بتغير جديد؟

    ******

    السؤال الثامن

    عادل الشرقاوي

    لو طلبت منك أن تهدي 4 يوتيوبيات متنوعة لأربعة أعضاء في المنتدى

    من تهدي ؟ وماذا تهديهم؟

    *****

    السؤال التاسع


    الفنانة الجميلة لولي

    بما أنك فنانة المنتدى الأولى

    باطلب منك تعبري عن شخصية لولي بتصميم
    يكون عندك أو جديد تقوليلنا فيه
    هي دي لولي


    *****

    السؤال العاشر

    الشاعرةالمبدعة: الشحرورة

    حبيت يكون سؤالي ليكي آخر سؤال علشان نختمها بأبيات من أشعارك
    ونترك لكِ حرية الإختيار ..ممكن؟







    أسباب سقوط الأمم والحضارات: النظام الإلهى للانذار المبكر






  4. #44

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004
    اقتباس المشاركة الأصلية كتبت بواسطة فراشة مشاهدة المشاركة


    السؤال الرابع

    أحمد ناصر



    من اتخذوا قرار فتح المعبر هم أنفسهم من اتخذوا قرار إغلاقه
    بشكل جزئي الآن بحجة أعمال الصيانه ولأجل غير مسمى

    فما تفسيرك للقرارين؟

    وعلى هامش الأحداث .. وجه رسالة للشعب المصري كله


    ******





    مرحبا يا فراشة
    قرأت إجاباتك الجميلة على الأسئلة التى وجهتها لك ريهام
    وسعدت كثيرا بإختيارى لتوجيه أحد اسئلتك فى هذا الموضوع
    من إتخذوا قرار فتح معبر رفح ثم إتخذوا قرار إغلاقه
    هم من ضربوا تعظيم سلام لشهداء 25 يناير ثم أتحفونا بالمزيد من الشهداء بعد أن دهسوهم بالمجنزرات وضربوهم بالعصى على الرؤوس حتى الموت
    هم من فاخرونا بإجراء إستفتاء المواد الدستورية ورأينا كيف تم مخالفته بحذافيره
    وهم من فاخرونا بإجراء إنتخابات برلمانية نزيهة وها هم يحلون هذا البرلمان
    وهم من سيفاخرونا بإجراء إنتخابات رئاسية لرئيس بلا صلاحيات
    تفسيرى أنهم هم عصب النظام السابق مكنونا من إزاحة رأس النظام لكنهم إحتلوا مكانه
    ويسيرون على نهجه وربما بما هو أكثر قباحة

    رسالتى للشعب المصرى
    أرجوكم أريحونا من هذا النظام فهذه مسئولية مشتركة يجب أن نقوم بها جميعا


  5. #45

    تاريخ التسجيل
    Mar 2009
    الدولة
    قلب أبى
    المشاركات
    7,715
    باشكرك على الفرصة الجميلة دي ريهام
    وحقيقي سعيدة بصحبتك
    ولغاية ما الأعضاء يتفضلوا بالإجابة
    نسمع مع بعض اغنية
    اتكلمي لمحمد منير









    أسباب سقوط الأمم والحضارات: النظام الإلهى للانذار المبكر






  6. #46
    الصورة الرمزية الشاطر حسن
    الشاطر حسن غير متواجد حالياً "رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ"

    تاريخ التسجيل
    Jan 2010
    الدولة
    مصر
    المشاركات
    4,529
    اقتباس المشاركة الأصلية كتبت بواسطة فراشة مشاهدة المشاركة
    السؤال السادس

    الشاطر حسن

    إخترت عناوين لخواطر لك
    ووضعتها في جمل أو أسئلة
    ارجو أن تجيب عليها

    يبدو أننا ......
    رقم حزين......
    إلى نفسي أولاً...... ماذا تقول؟
    لا تعود ....... لمن تقولها؟
    ؟؟؟؟؟؟؟ ....... لمن توجهها الآن؟


    ******

    هههههههههه أسئلة أسئلة .. وأنا اللي بحب أسأل علشان ماتسألش
    الفراشة أولا استمتعنا جميعا بالأسئلة والإجابات هذا من حظنا السعيد أن نكون بين صحبة مثلكم ومثلكن .
    وإجابة عامة في البداية عن عموم الخواطر أنها ربما لايخصني كثيرا أبطالها إنما هي حالات أصفها بالجميلة عندما تعلق جملة برأسي أو موقفا يمر حتى لو في فيلم أجنبي

    يبدو أننا لا نحب إلا أنفسنا .
    رقم حزين وصف لحالة حزينة كانت قائمة على التردد. رقم 3 له من المآثر مادعاه لنصب قامته والفخر دائما أحببت أن أريه نقطة ضعفه في شيء ما .

    إلى نفسي أولا العمر يمر وعاجلا أو آجلا سنلقى الله فماذا أعددت؟
    لاتعود أيها اليأس ولاتعد صديقي الكسل أفسحوا المجال لغيركم رجاءً فلقد هرمنا

    ؟؟؟؟؟؟؟ علامة الاستفهام رمز الحيرة والحيرة الآن تقدم مجانا مع كل نفس نتنفسه وفي أمور كثيرة
    أحيانا الحيرة عندما نتأمل ونحاول الإجابة تكون مصدرا من مصادر التعلم الراقي وأحيانا نتوقف عند علامة استفهام واحدة وقتا طويلا من الزمن نفقد اثناءها الكثير .
    لكني توقفت عن الاندهاش في زمن أصبحت فيه كل الأمور جائزة.
    نسيت أوجهها لأعضاء المنتدى متحيرا من روعتهم حقا.

    ومن هنا ومن هذا المنبر أشكر جميع القائمين على هذا البرنامج الشيق وأحب أسمع أغنية فوت علينا بكرة ياشعب للمطرب شفيق الصغير.


    شكراً ياأسير الغروب
    مكان فاضي** باقات حروف
    كل عام أنتم بخير

  7. #47

    تاريخ التسجيل
    Jun 2003
    الدولة
    اسكندرية
    العمر
    61
    المشاركات
    8,428
    اقتباس المشاركة الأصلية كتبت بواسطة فراشة مشاهدة المشاركة


    ****

    السؤال الثاني


    أ.نادر(اسكندراني)

    ههههه برضه هاستغل خبرتك الإدارية وأسألك
    - ما الصفات الشخصية للمدير الناجح؟
    وما الخطوات العملية التي يجب أن يتبعها ليصبح مديراً ناجحاً؟
    وسؤال على هامش الأحداث مع إحترامي لإختيارك
    هل مازلت راضي ومقتنع من داخلك عن إختيارك لشفيق ؟



    مساء الخير اختى العزيزة فراشة

    اشكرك على اسالتك

    واسمحيلى ارد على سؤالك على هامش الاحداث اولا

    للاسف اختيارى الاساسى فى المرحلة الاولى كان عمرو موسى

    لكن بما ان الاتنين الموجودين حاليا زفت

    يبقى اختار اخف الزفتين

    نعم

    مازالت على قناعة ان الافضل لمصر هو شفيق

    وساعطى صوتى لشفيق

    بس عاوز اقولك ملحوظه على هامش الاحداث

    للاسف

    اننا نمنح الصفات الالهيه على البشر

    ونعمم اراءنا على جميع البشر

    بمعنى

    ان مؤيدى شفيق ياكدون انه رجل الهى فوق الخطا ولم يخطىء ابدااااااااااااااااااا

    ونفس الشىء لمؤيدى مرسى ان مرسى رجل الهى لا يخطىء ابدا

    ويبدا التعميم

    كل مؤيدى شفيق خونه وعبيد وعاوزين ضرب الجزم

    وكل مؤيدى مرسى هم اولياء واتقياء وسوف يحققون شرع الله على الارض وكأن مصر دوله كافره

    طبعا بمنطق وعقل بسيط جدا ولاى شخص حيقولك ده غلط من الطرفين

    يبقى ايه المعيار اللى نقيس عليه

    ليس الصلاة والزبيبه على الجبين وليست كلمات الحرية والتشدق بها

    حضرتك عارفه وانا عارف ان كل اللى بيتقال ده كذب من الطرفين

    وان بعد انتهاء الانتخابات سيكون لكل منهم مواقف مغايره واتفاقات اخرى

    ههههههههههههههههههههههههههههههههه

    يعنى حتلاقى مرسى بيستقبل السفيرة الامريكيه بالاحضان

    وبيتقبل تهنئة رئيس وزراء اسرائيل ويرد التهنئة بمثلها

    وحتلاقى شفيق بعد الفوز ولع وحرق حسنى مبارك واهله

    عارفه ليه

    علشان يبقى اناااااااااااااااااااااااااااااا

    عارفه الانا

    الذاتيه

    كل شخص حيكون نفسه وحيسعى لنفسه

    ومعاه ايه بقى

    معاه السلطه والكرسى

    يعنى ممكن تلاقى مرسى اتقلب على المرشد وده طبيعى جدااااااااااااااااااااااا

    لانه حيلاقى نفسه اكبر

    وحتلاقيه بيضرب الشاطر بالجزمة لانه بيفكره انه الاستبن

    هههههههههههههههههههههههههههههههههههه

    كل شىء وارد ومتغير

    اللى يؤكد على الثبات يبقى هو الغلطان

    عرفتى بقى انا براهن على شفيق ليه

    والان اقولها لحضرتك بصراحه ووضوح وبصوت عالى

    بعد قرار المحكمة الدستورية بحل مجلس الشعب
    (ملحوظة هامشية
    المحكمة استندت على صحيح القانون ومواده الدستورية ولم تستحدث قوانين من عندها ولم تحكم بمزاج القضاه
    علشان اللى بيقولو الحكم باطل
    )


    الان بعد حل مجلس الشعب

    يستوى عندى شفيق ومرسى

    عارفه ليه

    لان الاتنين حيكون مجرد فرد على كرسى الرئاسة

    بدون برلمان اعضاءه موتورين يريدون التكويش والتهليب

    الان يتساوى عندى الاتنين

    لكن افضل شفيق لفرق الخبرات الادارية فى الحكم

    لذلك سامنح صوتى لشفيق


    التعديل الأخير تم بواسطة اسكندرانى ; 16-06-2012 الساعة 01:01 AM

  8. #48

    تاريخ التسجيل
    Apr 2009
    الدولة
    مصر
    المشاركات
    13,188
    السؤال الثالث


    ندى (اليمامة)



    ازيكم

    أنا مستغربة !!






    آه على طول كدا ..



    في أشياء كتير الآن تدعو للإستغراب
    ياترى ندى دلوقت مستغربة من إيه؟
    فضفضي وإحكيلنا بالتفصيل
    أهلا يا فراشة .. استمتعت باجاباتك المباشرة والطيبة
    وأشكرك جدا على هذا السؤال
    موضوع " أنا مستغربة " ..كان الهدف منه النقد
    فكرة النقد فى اطار عفوى وخفيف .. بس الحقيقة انى ماكنتش بستغرب .. كنت بضع فقط نقاط مضيئة على ما يستحق النظر والتعديل
    ولكن فى الواقع يا فراشة وبقولها بحزن مابقيتش استغرب من حاجة
    الإنسان ممكن يراوده شعور الإستغراب الطبيعى دا طالما الدنيا لسه بخير أو يعنى لم يحدث فيها الكثير المتغير والمؤسف
    ولكن الحقيقة ان الدنيا تغيرت .. والناس والمقاييس والمفاهيم
    فأصبح دا العادى .. ومات الشعور الإنسانى الفطرى بالإستغراب
    ودا مؤشر خطير للإستسلام والرضا بالأمر الواقع والسلبية والكسل
    والنفاق والمجاراة على حساب المبدأ و الدين والوطن والإنسان والحق
    كل الحاجات دى بتخالف أصلا المبدأ اللى اتخلقنا علشانه
    لما ربنا خلقنا لنعمر لا لنسكت ونساعد على الهدم
    أنا تقريبا فقدت براءة الإستغراب يا فراشة برغم محاولتى للمقاومة والإحتفاظ بالأمل

    أنا بس فعلا اندهشت جدا فى الفترة الأخيرة للتغير الجذرى اللى حصل للشعب المصرى
    او بمعنى أصح فى الوقت الراهن
    الثورة زى ما أظهرت ميزات أظهرت عيوب فظيعة
    انقسام وتشرذم واتهامات وغياب رؤية واضحة وتواكل .. وعدم وجود روح مقاومة قائمة على التبصير والحق
    بمعنى انى اكون مستعد للتفاهم ..فقط التفاهم .. ومستعد للإقتناع ان وجدت ما يقنعنى
    صوت العقل غاب وأصبحنا مثل البغبغاوات التى تردد فقط ما يقال
    أصبح لدينا غلظة قلب
    وفيه ناس أحياء كتيرة ماتت فينا


    بالمناسبة مداخلة الأستاذ اسكندرانى اعلاه فيها شىء عميق من الحقيقة
    حكم المحكمة الدستورية صحيح ..واللى قرى حيثيات الحكم هايدرك انه صح وفى صالح مرسى كمان
    واتفق فى مداخلته مع ان الرئيس القادم ليست له حتى الآن صلاحيات معروفة لان مفيش دستور ولا اى شىء ..
    ولكن اذا كنا لازم نختار .. وبوجه الكلام دا للأستاذ نادر .. فأيهما نختار على أضعف الإحتمالات .. من يقول الله ..أم من يقول الكذب ؟
    راجع الفيديوهات لشفيق .. واحكم ..اين هى حكمته الادارية ..وسترى بلاهة فى المقابل !
    ثم أرجو يا سيدى بعد ذلك ألا يكون كلامى هذا نافذة لأى سوء فهم قد يؤثر فيما بعد فى سير الأخوة بيننا .. لهذه الدرجة أصبحت أخاف !

    وأعود أليكِ يا فراشة ..
    ما الذى قد يثير الإستغراب فى الحياة؟
    لا شىء يا عزيزتى
    ان الحياة كلها معروفة بكل ما تحمل من تناقضات ممكنة
    انها تجربة ممكنة جدا
    معروف منتهاها .. وهو الموت
    ما الذى قد يدهشنى أكثر شدة ودهشة من حقيقة الموت ؟
    حتى الموت وحقيقته أصبحا ممكنين جدا يا فراشة ولا يثيرا استغرابى واستغراقى فأنا أصدق الموت تماما تماما
    انظر للدنيا نظرة مودع
    بكل ما تحمله من ثورة ومرسى وشفيق وأطفال وعمل وبيت وزوج ومحبات ومكروهات وضعف وقوة وغرائب واستمساك وطمع واكتفاء وحروب وخيانات واخلاص ..
    اننى اعيش ..وانتظر الموت بسلام

    لا شىء تقريبا سوى محبة الله لنا
    وحكمته القائمة على الحق
    واختباراته التى تراهن على الصبر الجميل
    لاشىء يدهشنى سواهم
    رحمته بنا مهما كنا وفعلنا
    ومهما كانت النوائب والمصائب والإبتلاء
    ان رحمة الله شىء مدهش ..مبّصر .. شىء الهى لا ارضى لا قائم على مظالم البشر ولا اطماع ولا اجتهادات ..
    ان نصر الله ونجاته الذين يعد بهما عباده دائما هما المكافأة المنتظرة والمدهشة والتى من تيقن حدوثهما وانتظارهما تثيران كل الدهشة والإستغراب .. فما أرحمك وأقربك يا الله !

    ما يدهشنى يا فراشة وردة .. فراشة ..قطعة حجر ..غصن ..ورقة شجر ..قطرة ماء
    ان الوردة شىء مدهش لا يصدقه عقل
    انظرى للوردة أو لقطرة الماء وستندهشى جدا .. لن تصدقى
    لن تصدقى هذا الجمال ..
    هذا الورد المترامى امام عيوننا كشىء عادى جدا وبسيط ومعروف نلقاه كل يوم فى الغداة والعشى
    انه مدهش جدا ويثير الإستغراب الشديد
    بل ان هذه المخلوقات الربانية تكاد تكون اكثر شىء مدهش تقريبا فى الحياة
    ان ابسط الأشياء هى أجملها هى التى لا تصدق

    أما فى عالم البشر والدنيا فلم يعد يثيرنى شىء تقريبا

    أطلت عليك عزيزتى ولكن لاحظى لفظتك فى السؤال " بالتفصيل " وقد قررت ألا ارد لك طلبا

    وأخيرا .. تقبلى منى كل الشكر والإحترام والتقدير

    التعديل الأخير تم بواسطة اليمامة ; 16-06-2012 الساعة 09:35 AM


  9. #49
    Pool Jam - 1.5 Minute Game Champion!Tournaments Won: 1

    تاريخ التسجيل
    Apr 2002
    الدولة
    القاهرة
    العمر
    43
    المشاركات
    25,589
    أنا جيت وأخيرا هههههههه

    أكتر حاجه عجباني بعض الموضوع طبعا والضيفة اكيد
    وختيارات بوكي المعتادة المميزة وقرائتها للعضو ومواضيعه وأختيار الأسئلة المناسبة

    هي أختيار الفراشة للأسئلة المناسبة لباقي الأعضاء

    لقاء جميل ورائع بكمل قرائه فيه

    أتخضيت من سؤال الفراشة لندى ليه مستغربة وبالتفصيل


    أهي اليمامة لم ترفض لك طلبا ههههههه كتبت لك سبع صفح إستغراب هههههههه أكيد أي حد عنده الكمية دي من الإستغراب لازم يكون حالته كده



    سعدت بالموضوع وبتواجدكم مجتمعين على الخير دائما


    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

  10. #50

    تاريخ التسجيل
    Mar 2009
    الدولة
    قلب أبى
    المشاركات
    7,715
    اقتباس المشاركة الأصلية كتبت بواسطة أحمد ناصر مشاهدة المشاركة

    مرحبا يا فراشة
    قرأت إجاباتك الجميلة على الأسئلة التى وجهتها لك ريهام
    وسعدت كثيرا بإختيارى لتوجيه أحد اسئلتك فى هذا الموضوع
    من إتخذوا قرار فتح معبر رفح ثم إتخذوا قرار إغلاقه
    هم من ضربوا تعظيم سلام لشهداء 25 يناير ثم أتحفونا بالمزيد من الشهداء بعد أن دهسوهم بالمجنزرات وضربوهم بالعصى على الرؤوس حتى الموت
    هم من فاخرونا بإجراء إستفتاء المواد الدستورية ورأينا كيف تم مخالفته بحذافيره
    وهم من فاخرونا بإجراء إنتخابات برلمانية نزيهة وها هم يحلون هذا البرلمان
    وهم من سيفاخرونا بإجراء إنتخابات رئاسية لرئيس بلا صلاحيات
    تفسيرى أنهم هم عصب النظام السابق مكنونا من إزاحة رأس النظام لكنهم إحتلوا مكانه
    ويسيرون على نهجه وربما بما هو أكثر قباحة

    رسالتى للشعب المصرى
    أرجوكم أريحونا من هذا النظام فهذه مسئولية مشتركة يجب أن نقوم بها جميعا

    أهلا بك أحمد
    أشكرك لسرعة استجابتك وبالتأكيد طرح سؤال عليك
    وتواجدك للإجابة عنه شرف لي أنا..
    إجابتك كنت اتوقعها أحمد ولكني اعتبرتها رسالة
    لكل من تغاضى أو أغمض عينه أمام كل هذه الجرائم
    بعد أن سقط القناع وكشروا عن أنيابهم
    انا كنت واحده ممن خُدٍعوا ولكن تمثيلية ترشيح عمر سليمان
    ثم استبعاده ومعه حازم ابو اسماعيل.. ثم محاكمة مبارك واعوانه
    ثم قانون الطوارئ الجديد وحل مجلس الشعب كلها أكدت لي
    أننا نشاهد مسرحية هابطة نهايتها محددة ومحسومة..
    أتمنى أن تصل رسالتك لأكبر عدد ممكن حتى لا يشاركوا في هذه المسرحية
    أشكرك أحمد وشرفني حضورك .. لك خالص تقديري




    أسباب سقوط الأمم والحضارات: النظام الإلهى للانذار المبكر






صفحة 5 من 8 الأولىالأولى ... 34567 ... الأخيرةالأخيرة

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •