الأرز المدخن بالدجاج

**الشحرورة** · 09-06-2012, 09:31 AM

الأرز المدخن بالدجاج

المقادير

ارز مغسول ومنقوع بالماء وملح
دجاجة مغسولة ومقطعة ارباع
جزر مقطع مكعبات - فلفل اخضر بارد مكعبات - بصل
زبيب - صفار زعفران مخلوط مذوب في ماء
البهارات [ كزبرة جافة - بهارات مخلوطة جاهزة -
بابريكا -ملح- ثوم]
الطريقة
* بالقدر نضع ملعقة كبيرة زيت ونضع البصل وبعد مايذبل
نضع الزبيب (بعضهم مش بيحبوا الزبيب

بس طعمه جميل)
والملح ونقلبهم حتى يلين الزبيب ونضع الارز
وبعد كدة نضع الماء

ونغطي عليه لحين النضج شوية
ثم نأتى بالدجاج
* بالمقلاة نضع الزيت والبصل والدجاج

ونقلبهم الى ان يصبح لونه ذهبى ونضع عليه البهارات
والخضار ومكعب ماجي وشوية ماء

ونغطي عليه الى ان ينضج
ثم نشوف الارز اذا جفت ميته نضع عليه صفار الزعفران

وبعد نضج الدجاج نآخذه ونصبه فوق الارز

نعمل بالقدر حفرة صغنونه ونضع قطعة قصدير
وفيها شوية زيت
ونسقط بالوسط فحمه مولعة طبعا ونغطي عليه

ونخليه 10 دقايق ويقدم

**ابن البلد** · 09-06-2012, 04:10 PM

تسلم أيدك شحرورة
فتحتي نفسنا على الغداء

**nova_n** · 13-06-2012, 08:44 AM

الأستاذة الشحرورة

الله على الطبق الجميل أرز ومدحن ودجاج كمان حاجة تفتح النفس
ايوة انا محتاج للغذا علشان امتحاناتى فرصة ههههههههههههه
لا بس انا عايزة من الديك الرومى بتاع يوم الجمعة ماليش دعوة
هاستنى نصيبة

شكرا

**loly_h** · 19-06-2012, 09:55 PM

الله على الأكلة دى
بجد جوعتينى شحرورة
وطبعا جارى التجربة
طيب بالمرة بأة
انا نفسى فى رز معمر
دقته مرة
وحبيته جدا
وإفتكرته دلوقتى لما شفت أكلتك
ففرصة بأة أطلب طريقته منكـ

ورجعالك علشان اقولك رأيي فى الرز المدخن
بس بجد ...
تسلم إيدك شوشو

**الشحرورة** · 25-06-2012, 07:07 AM

المشاركة الأصلية كتبت بواسطة ابن البلد

تسلم أيدك شحرورة
فتحتي نفسنا على الغداء

اهلا بك أحمد

يالهنا والشفا ولو ان فتح النفس ده شكله صعب
يارب يفتح نفس كل المصريين يارب ويهديهم ويهدى بالهم
ويريحهم من الهم والغم وياكلوا الرز المدخن
شكرا لزيارتك منور

تقديرى