النتائج 1 إلى 8 من 8

الموضوع: القلق العادى

  1. #1

    تاريخ التسجيل
    Dec 2004
    الدولة
    الكويت
    العمر
    60
    المشاركات
    97

    القلق العادى







    القلق العادى


    ---------


    لما الوهم اتمدد


    فوق القلق العادى


    شفتك


    وانتى بترمى الحلم


    فى اول سكة خوف قابلتنا


    وانتى بتنسى معنى حياتنا


    ------


    ملعونة عادات الناس


    وحاجات الناس


    ملعون الحلم الخايف


    جوّه الصدر المتسلسل


    بغباء الناس


    ----------


    وانتى ياخضرة


    فى وسط الزمن الناشف


    لسّه سواقى النور بتدور


    لسّه الحلم مطلّع روحنا


    واحنا لسّه بنستناه


    لسّه القلق العادى فى جوفنا


    واحنا بنغزل توب الاه


    يا الله


    صعب نكون شعرا على طول


    احنا ياموجه فى وسط بحور


    صعب نقول للقطر استنى


    داللى اتهنى خلاص اتهنى


    واحنا بنكتب فى الاشعار


    ياستار


    ليه الفقرا كتير فى بلادنا


    ليه الغربه فى وسط ولادنا


    ليه ياحبيبتى


    ليه الوطن العربى اتفكك


    لما اتكتف كل بلاده


    ليه القدس بترفض ترجع


    واحنا بنرفض نستقبلها


    ليه لبنان العشق اتمزع


    فيها القاتل جنب قتيلها


    ليه انا وانتى؟


    رغم سنين الحب حبيبتى


    زى الغُرب


    ليه مش عارف ادخل بيكى


    عتبة بيت


    ليه عايشيين على الف ياريت


    ليه علشان القاكى .. اسيبك


    ليه مش عارف ابقى حبيبك


    عارفه ده ليه


    علشان فقرا


    علشان اتعلمنا نكتب


    واتعذبنا واحنا بنقرا


    -------


    لما الوهم اتمدد فيّه


    اتهيألى


    انى بالف انا وانتى العالم


    كل بلاد العرب الحلوه


    فى فلسطين وفلبنان فى الجولان


    اتهيألى


    ان النيل واصل للمغرب من اسوان


    وان القمح ببركة مكه


    شبّع اهلى فى السودان


    ---------


    اتهيألى


    ان يهود الدنيا انزاحوا


    وان الوطن العربى اتجمع


    بعد ماطابت كل جراحه


    اتهيألى


    اه ياحبيبتى


    لما الوهم اتمدد فيه


    شفتك ترمى الحمل عليه


    وبتعتذرى لحزن عنيه


    وتفارقينى


    وتصحينى


    يرجع قلقى العادى


    ويسكن


    جوّه الننى فى قلب عيونى

    عادى

    -----------------------------

    حلمى عمر







  2. #2

    تاريخ التسجيل
    Dec 2004
    الدولة
    القاهرة
    العمر
    50
    المشاركات
    813
    حلمي عمر

    الله الله الله

    أكثر من رائع

    أحببت أن ارد عليك شعراً لكننى تراجعت

    شكراً لك

    عادي جدا ان تضع الملح على الجرح فقد تعودناه من زمن طويل يعنى م الاخر بقى شيء ( عااااااااادي)

  3. #3

    تاريخ التسجيل
    Dec 2004
    الدولة
    الكويت
    العمر
    60
    المشاركات
    97
    الاخت العزيزة / منال درويش
    اشكرك من قلبى على عمق كلماتك
    ورقة احساسك وهذا التعليق الرائع
    وانتظر ابداعاتك
    ودمتى بخير
    -------
    حلمى عمر

  4. #4

    تاريخ التسجيل
    Apr 2002
    الدولة
    اقروا الفاتحة لأبو العباس
    المشاركات
    16,282
    استاذ حلمي عمر
    قصيدة عامية جميلة كلماتها صادقة وتعرف طريقها الي القلوب سريعا
    فشكرا لك وكل التحية والتقدير لقلمك


    بسنت




    حكمة وقالها هريدي
    لف في أي منتدى براحتك .. في غير اللؤلؤة مش حتاخد راحتك



  5. #5

    تاريخ التسجيل
    Dec 2004
    الدولة
    مصر
    العمر
    45
    المشاركات
    5,066
    استاذ/ حلمى عمر قصيده جميله جدااا كلماتها رائعه معبرة جداا عما تحمله من افكار ومعانى
    تقبل شكرى وتحياتى لك و لاسلوبك الرائع

  6. #6

    تاريخ التسجيل
    Dec 2004
    الدولة
    الكويت
    العمر
    60
    المشاركات
    97
    الشكر لكما بسنت ودودى
    على اهتمامكما بالمرور والتعليق وتقبلا منى كل الاحترام
    والتقدير ، وكلى امل ان ابقى دوما عند حسن الظن
    --------
    حلمى عمر

  7. #7

    تاريخ التسجيل
    Aug 2004
    الدولة
    الشرقية
    المشاركات
    259

    أوكي

    ليه عايشيين على الف ياريت


    ليه علشان القاكى .. اسيبك



    ليه مش عارف ابقى حبيبك


    عارفه ده ليه


    علشان فقرا


    علشان اتعلمنا نكتب


    واتعذبنا واحنا بنقرا



    كلام جميل جدااااااااااااااااا ياأستاذ حلمي ..
    بجد احساسك فيها رائع ..



    أختك الصغيرة:
    .,., دموع قلبــــــ ــــــي .,.,

    دمــــــــــــــــــــــوع قلبــــــــــــــــــــــي ....

  8. #8

    تاريخ التسجيل
    Feb 2005
    الدولة
    مصر
    العمر
    44
    المشاركات
    12
    ياعم حلمي كلامك رائع
    انا عضو جديد هنا
    بس واضح ان بكلمات جميلة كده
    هكون عضو دائم

    كلامك تلقائي و ده أحلى ما فيه

    تقبل تحياتي و أعجابي
    وياريت نقرألك دوماً على صفحات المنتدى الجميل

المواضيع المتشابهه

  1. و هو ده العادي من الأهلي
    بواسطة القواس في المنتدى قاعة الرياضة
    مشاركات: 9
    آخر مشاركة: 27-10-2009, 09:49 PM
  2. ( العادي ) في مجتمعنا المصري
    بواسطة إيهاب فؤاد في المنتدى القاعة العامة
    مشاركات: 18
    آخر مشاركة: 10-05-2009, 03:12 AM
  3. Gumpert-Apollo_2008 مش للطريق العادى
    بواسطة sameh atiya في المنتدى قاعات السيارات والمواصلات
    مشاركات: 2
    آخر مشاركة: 13-10-2008, 04:03 PM
  4. شرح طريقه عمل الجير العادى
    بواسطة zizoYAzizo في المنتدى قاعات السيارات والمواصلات
    مشاركات: 8
    آخر مشاركة: 17-08-2008, 08:31 AM
  5. صباح الخير (78) من هو الانسان العادي؟
    بواسطة omferas في المنتدى القاعة العامة
    مشاركات: 3
    آخر مشاركة: 12-04-2007, 07:09 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك