صفحة 1 من 5 123 ... الأخيرةالأخيرة
النتائج 1 إلى 10 من 46

الموضوع: عاوزة حد شاطر يقول لي !!!!

  1. #1

    تاريخ التسجيل
    Dec 2004
    الدولة
    USA
    المشاركات
    5,090

    عاوزة حد شاطر يقول لي !!!!

    عاوزة حد شاطر يقول لي طريقة عمل التومية مثل بيتزا هت
    عجينة الطعمية
    كفتة الرز
    واكون متشكررررة جدا
    هنا في امريكا الطعمية بالحمص مش بالفول زي مصر
    ودمتم
    اختكم في الله
    رشا

  2. #2

    تاريخ التسجيل
    Nov 2004
    الدولة
    القاهرة والجيزه
    المشاركات
    350
    العزيزه رشا

    التوميه عباره عن مايونيز مع عصير توم
    سهله ؟؟؟؟
    نيجى بقى للطعميه
    كيلو فول مدشوش
    حزمة كرات أو بصل اخضر
    راس توم محترمه مفصصه أو نص كوب توم مفرى
    ملعقة كبيره كسبره ناشفه
    2 ملعقة صغيرة ملح
    نص ملعقة صغيرة شطه
    --- الطريقة ----
    ننقع الفول المدشوش 24 ساعه أو فول صحيح يومين ويتفصص
    بعد كده نفرم الفول مع باقى المكونات( عدا الملح ) مرتين تلاته
    او نضربه فى الكبه حتى يكون ناعم
    واخر شئ نضيفه الملح فى اخر فرمه
    ممكن العجينه دى تستعمل فى الحال مع اضافة بيضه وخلطها قبل القلى
    وممكن توضع فى اكياس فى الفريزر وتخزن
    ولكن فى حالة العجينة المجمدة لما نطلعها وتفك نحط نص ملعقة بيكربونات صوديوم
    لان من غيرها هاتطلع طعميه مبلطه ومش حلوه
    وصباح الفل

  3. #3

    تاريخ التسجيل
    Nov 2004
    الدولة
    القاهرة والجيزه
    المشاركات
    350
    معلش نسيت اقولك على كفتة الرز
    هاقولك على مكونات لكيلو لحم وممكن تقللى وتزودى بنفس النسبة

    1 كيلو لحم (ملبس) يعنى مايكونش احمر تمام لاهمية وجود نسبة دهون للطعم الجيد
    نص كوب ارز منقوع ساعتين فى الميه لسهولة الفرم
    حزمة شبت
    حزمة كسبرة خضرا
    حزمة بقدونس
    بصله كبيرة
    10 فصوص توم
    ملح وفلفل وبهارات لحم
    تفرم اللحم اولا
    ثم يفرم مره تانيه مع باقى المكونات
    ويمكن اعادة الفرم مره تالته / المهم تبقى عجينة ناعمه متجانسه
    وبعدين نجيب طبق زيت ونبل ايدنا منه ونعمل من العجينه صوابع ونرصها فى اى صينيه
    ولما نخلص تصبيع الكفته كلها نبدأ نقليها فى زيت غزير
    وأهم حاجه نكون محضرين الدمعه ... عارفاها ؟؟
    اللى هيه صلصة طماطم بس بالتوم.... مش بالبصل
    وتخرج الكفته من القلى الخفيف الى الدمعه
    ولما نخلص الكميه نولع على المعه بالكفته لغاية ماتستوى للدرجة المطلوبه
    وبالف هنا وشفا
    صباح الفل

  4. #4

    تاريخ التسجيل
    Dec 2004
    الدولة
    USA
    المشاركات
    5,090
    لازم تعترف
    اعترف انك شيف في فندق 7 نجوم على الاقل
    شكرررررا
    اناوجوزي حناكل وندعي لك من قلبنا

  5. #5

    تاريخ التسجيل
    Nov 2004
    الدولة
    القاهرة والجيزه
    المشاركات
    350
    والله يا رشا كان من احلامى انى اكون شيف

    لكن انحرفت بى المقادير لعمل اخر تماما
    لكن الهوايه لا يمكن اسيبها
    وتحياتى لزوجك العزيز
    واى اكلات تطلبوها ده شئ يسعدنى
    صباح الفل

  6. #6

    تاريخ التسجيل
    Dec 2004
    الدولة
    USA
    المشاركات
    5,090
    هواية جميلة وأعتقد انك لو كنت اشتغلت شيف كان ممكن تبقى اقل اهتماما بها،عموما ده من حظنا،جوزي كمان غاوي طبيخ خاصة الفتة لكني أفضل أن يبحث لنفسه عن هواية تانية شفقة بنا وبالفتة...

    مساء الورد

  7. #7

    تاريخ التسجيل
    Nov 2004
    الدولة
    القاهرة والجيزه
    المشاركات
    350
    ههههههههههههههههه

    خلاص خليه يتصل بيه وانا هاغششه كل حاجه
    لازم برضه نقف جنب الراجل

    مساء الفل

  8. #8

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178
    شطوور يا بودا..
    عيني عليك باردة
    أنفال

  9. #9

    تاريخ التسجيل
    Dec 2004
    الدولة
    USA
    المشاركات
    5,090
    شوف يا بودا،هو مقتنع بان الفتة بتاعته محصلتش ولكن برضه ممكن تعمل فيا هذا المعروف وتنصحه
    اختى انفال:فعلا بودا معلم وربنا يحرسه من العين

  10. #10

    تاريخ التسجيل
    Nov 2004
    الدولة
    القاهرة والجيزه
    المشاركات
    350
    ياجماعه كده بتدونى اكتر من حقى
    وانا تحت امركم
    وصباح الفل

صفحة 1 من 5 123 ... الأخيرةالأخيرة

المواضيع المتشابهه

  1. مشاركات: 0
    آخر مشاركة: 27-03-2012, 10:00 AM
  2. حلها لو شاطر
    بواسطة فاطمة * في المنتدى قاعة فك التكشيرة
    مشاركات: 9
    آخر مشاركة: 03-11-2009, 08:28 PM
  3. هل الشيطان شاطر؟
    بواسطة ابوالحيلة في المنتدى القاعة العامة
    مشاركات: 2
    آخر مشاركة: 23-07-2009, 09:54 PM
  4. شاطر و مشطور و بينهم.......
    بواسطة دكتور مهندس جمال الشربينى في المنتدى قاعة القضايا السياسية
    مشاركات: 4
    آخر مشاركة: 05-11-2007, 03:11 PM
  5. يا شاطر اسمع
    بواسطة بنت الرافدين في المنتدى قاعة فك التكشيرة
    مشاركات: 5
    آخر مشاركة: 07-12-2004, 04:34 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •