يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

الإستطلاع: قيم القصيده

هذا التصويت مفتوح (مرئي) للجميع: كافة الأعضاء سيشاهدون الإختيار الذي قمت بتحديده ، فيرجى الإنتباه إلى هذه النقطة .

صفحة 1 من 2 12 الأخيرةالأخيرة
النتائج 1 إلى 10 من 19

الموضوع: قصيدة الثورة فين ... محمد سعيد

  1. #1

    تاريخ التسجيل
    Mar 2012
    الدولة
    Riad, Ar Riyad, Saudi Arabia, Saudi Arabia
    العمر
    36
    المشاركات
    5

    قصيدة الثورة فين ... محمد سعيد



    قصيدة الثورة فين ؟
    ــــــــــــــــــــــــــــــــ
    صـباح نضـيف يـامـعـلمـين ..
    صبـاح شـريف .. سـؤال خـفيف ..ا
    الثورة فيـن ؟
    الثـورة قـامـت إمـتى طيـب حـد فـاكر ؟
    يـوم التـلات ؟
    طـب حـد فـاكـر إسـم حد اتصاب ولسـه عـايش
    أو حـتى مـات ؟
    طب حد عارف أد إيه اللي اتعموا ؟
    طب حـد فـاكر اسم واحده من اللي ماتوا من البنات ؟
    طب حد فاكر الغـاز والعـياط ؟
    طـب حـد فـاكر نـومنـا قـدام المجمع ع البـلاط ؟
    حد فاكر اللي ماتوا في الانفلات ؟
    طـب حـد فـاكر أي حـاجه مـن اللي فـات ؟
    حد عارف هم ودوا الثورة فين ؟؟
    لو سمـحت الثـورة فيـن ؟
    الثـورة ويـاك يـابن عمي ؟
    عندك يابويا ؟ عندك ياأمي ؟
    معـاك يـاكـابتن ؟ كـانـت هنا مشـفتهـاش ؟
    شبـهنا ولابسه زيـنا ملمـحتهـاش ؟
    الثورة اهي ؟
    أيـوه صح الثورة اهي ..
    بس لابسه الميـري ليـه ؟ !
    هي لابسـه الميـري ليـه ؟ !
    الثـورة لابسـه الميـري ليـه ؟!
    قطعـولهـا لبسـها ولبسـوها الميـري ليـه ؟ !
    هم العسكر خطفوا الثوره ؟..
    ولا يكونشي الثورة دي عوره ومخبيها الشيخ أباري ؟
    ولا يكونشي الشيخ أباري هو وشلة جيش النورة ..
    متفقين يتقاسموا ف داري ؟
    ولا يكونش كمان الثورة تبع التجنيد الإجباري ؟
    في حد يإتمن العساكر ؟ طب يابني ذاكر ..
    ماقالولنا ثورة وبردوا ركبوها العساكر
    والعساكر لما مات العسكري بردوا ركبوها العساكر
    والعساكر لما قتلوا العسكري وسط العساكر
    بردوا ركبوها العساكر
    واللي فاكر ان ثورة مصر قامت فانتهي حكم العساكر ..
    مش مذاااااااااااااااااااااااااااااااكر
    والعيب لا علي العساكر.. ولا ع اللي بيعبدوهم ..
    ولا ع اللي مغيبين ..
    العيب عليكي ياثورة المؤدبين
    وبتسألوني الثورة فين ؟
    الثورة كانت في الميدان زي النهاردة ..
    واختفت لما جه الغربان ولما النسر عدى
    ضحك علينا النسر وقال هيحمينا..
    غلابة احنا وسلمناله ونسينا..
    و النسر والغربان أساسا قاموا بالثورة المضادة ؟
    وبتسألوني الثورة فين ؟
    الثـورة ف جيـوب العسـاكر .. ولا عزاء للكـتيـانيـن ؟
    الثورة ف إدين اللي بيبيحوا الدياثة .. وبيقولوا دين ؟
    الثورة ناسها متمرمغين في الطين ..
    الثورة قاطفين وردها
    الثورة هاتكين عرضها
    الثورة إحنا معاها والعساكر ضدها
    الثورة لو بتحبها ..
    رجعها من إيد الغجر والسفاحين ..
    الثـورة قام بيها الشباب الطيبين ؟
    وحصـد كراسـيها اللي كـانوا منفـضين ومأنتـخين ؟
    واللي ماشيين بالجـزم جوه روسنا من سنين ؟
    أغـبيا والغـبا ..عنـد بعـض النـاس هـواية ومـوهبة
    حطوا روسهم بين سنان العقربة
    وبالأماني بيحلموا وبالأمل مستنيين ..
    متغيبين مش طيبين متغيبين
    آه يـابلد تـدي الفـرص لحورتجي
    آه يابلد فيكي الشـهيد بقـه بلـطجي
    والسفيه عامل مناضل ثورجي
    واالثورجي بيقولوا عنه مستفيد وأونطجي
    وبيحكمك حبـة عجـايز عيـانين
    جاوبيني قولي الثـورة فيـن ؟
    أه يابلد عاشقة اللي داسك
    اه يابلد ملعوب ف جدرك وف أساسك ..
    ناسيه اللي كان بيموت ووطي علي أرضك وباسـك ؟!
    بتبعينا ؟!
    بتبعينا وتحضـني فــ كـلاب ياطيبه بيقتلونا ..
    ياطيبه دول أخرهم يبقوا دواسه لمداسك ؟
    احنا حراسك ياطيبه احنا ناسك
    ناسيه خالد ؟ ناسيه مينا ؟
    ناسيه بسيوني وبنونه ومصطفي وسالي وحسين ؟
    إخييي ياطيبه
    طب فاكره مين ؟
    ياطيبة قولي الثورة فين ؟
    ياعالم هو ذنب اني بالحرية بحلم ؟
    هو ذنب لما ادافع عن كرامتي ؟
    ذنب اقول للي حاكم أرضنا .. مش هنقبل فينا تظلم ؟
    ذنب أقول للي هاتك عرضنا .. إنت مجرم .. ؟
    هي ناس بتموت .. وناس تحكم ؟
    هي ناس تتعمي .. وناس بالعمي تتحكم ؟
    و ناس بالدم تتغطى وناس بالدم تتوضي .. ؟!
    وناس للقبلة بتصلي .. وناس للمجلسين تحرم ؟!
    وناس بتموت عشان غيرها .. وناس كسلانه تترحم ؟!
    يارب ياللي من العباد أحكم .. أحكم ..
    يارب اخويا مات ..
    واخوبا التاني بيقولي ياكافر ياللي مش مسلم !
    واختي عراها اليهود ..
    واختي عراها الجنود ..
    واخويا فعرضها اتكلم ..
    واخويا بيتعمي وبيشوف ..
    واخونا بيرتعش م الخوف
    شايفنا وشايف الظالم لكنه كفيف
    اخويا اعمي أخويا ابكم
    اه يابلد فيكي الشهيد مجرم
    أقولك نفسنا نجيلك ..
    اجيلك الاقي بيني وبينك عسكري محرم !
    نثور ماسكين قناديلك ..
    نجيب أحلامنا ونجيلك .. و
    فرقابنا بنحنيلك .. وبردوا قفانا يتعلم!
    نثور ونموت عشان قلبك
    عشان منك وبنحبك وبردوا قفانا يتعلم !
    بسيطة .. هثور تاني وهتعلم
    وهربط جرحي واتألم بسيطة
    هثور تاني واموت تاني
    وهفرد روحي ليكي طريق
    وعضمي مرتبة وسلم بسيطة
    هلم ف جوفي احباطي هقطع كل ابياتي
    وهكتب ليكي شعر جديد بدمي ياطيبه ع الحيطه
    بسيطة
    هكمل ..
    ولو إيدي ف رجليا وف رقبتي بألف كلبش مربووطة
    بسيطة
    هكمل .. ولو أعمى ولو محبوس ..
    ولو هتدوسني كل مدرعات إبليس .. تدوس
    ولو فوق راسي ألف سلاح.. ولو كل اللي فيكي رخيص ..
    ولو مفضلش غير انتي وسجانك وكل خسيس ..
    وانا لوحدي .. هكمل ..ولو وحدي هكمل
    اتعمي اتصاب اموت ..
    وتفضلي علي راسي محطوطة بسيطة
    وبعد ما اموت أمانة يامصرتتعافي ..
    وشوفي النور علي اكتافي ..
    وفوقي ياطيبه الطيبه .. بلاش طيبه
    العساكر زي الديابة حويطة
    وقولي للعبيد تخرس ..
    ولولادك تقوم تحرس .. و
    طول ما فيكي المخلصين
    هتبقي عارفة الثورة فين ..

    ــــــــــــــــــــــــــــــــــــــــــــــــ
    محمد سعيد Mohamed Saeed
    https://www.facebook.com/mohamed.baioumy
    التعديل الأخير تم بواسطة صفحات العمر ; 25-03-2012 الساعة 07:41 AM

  2. #2

    تاريخ التسجيل
    Sep 2004
    الدولة
    حلوان
    العمر
    54
    المشاركات
    4,983
    ما اسعد قاعة الشعر العامى بهذا النص الملحمى
    الذى عبر ببساطة وعبقريه عن روح ثورة مصر
    التى لن تموت حتى وإن بدا غير ذلك
    الشاعر المبدع / محمد سعيد
    يسعدنى أولا تشابه اسمائنا معاً
    ويسعدنى أكثر وجودك المضىء لقاعات إبداع أبناء مصر
    أدام الله عليك عمق الرؤية ومصداقية الصورة الشعريه
    محبتى


    أبناء مصر حب وإنتمـــاء

    سبحانك اللهم وبحمدك أشهد أن لا إله إلا أنت استغفرك وأتوب إليك

  3. #3

    تاريخ التسجيل
    Mar 2012
    الدولة
    Riad, Ar Riyad, Saudi Arabia, Saudi Arabia
    العمر
    36
    المشاركات
    5
    شكرا جزيلا يامحمد انا كمان سعيد اني تعرفت ع المنتدي وأقر اني شوفت قصائد كتير جميله وعجبتني منها لسه الشتا قصيدتك وده شجعني اني اشاركم ولعلي أضفت
    تحياتي

  4. #4

    تاريخ التسجيل
    Feb 2004
    الدولة
    جمهورية مصر العربية
    المشاركات
    21,883
    قصيدة جميلة جدا يا أستاذ محمد
    إن شاء الله الثورة لن تموت
    فهناك من الأوفياء من ماتوا فى سبيلها
    وهناك من الأوفياء من لا يزالون على أتم الإستعداد للموت من أجلها
    مرحبا بك فى المنتدى
    ومرحبا بأولى قصائدك فيه
    ننتظر جديدك دائما

  5. #5

    تاريخ التسجيل
    Dec 2008
    الدولة
    cairo
    المشاركات
    874
    كلمات جميلة ومعبرة
    احاسيس شاعرية ثرية
    وجداننابض وحي
    سلم ابداعك وسلمت
    في انتظار الجديد
    تقبل تحياتي
    تقبلمروري
    د. السيد عبد الله سالم

  6. #6

    تاريخ التسجيل
    Jul 2007
    الدولة
    فوق الشجرة
    المشاركات
    2,710
    اخى الكريم محمد

    اهلا بك معنا فى أبناء مصر
    ونص عن الثورة جميل
    وحكى كل الحكاية باسلوب مميز
    ننتظر الجديد

    ودى وتقديرى


  7. #7

    تاريخ التسجيل
    Mar 2012
    الدولة
    Riad, Ar Riyad, Saudi Arabia, Saudi Arabia
    العمر
    36
    المشاركات
    5
    شكرا جزيلا لكم ياجماعة بجد اسعدتني ردودكم وان شاء الله ؤبي يوفقني للمزيد واشاركم فيه
    تحياتي للجميع

  8. #8

    تاريخ التسجيل
    Sep 2004
    الدولة
    حلوان
    العمر
    54
    المشاركات
    4,983
    لازلت امكث هنا طويلا وأقول عمار يا مصر
    عمار يا ام الخير ياللى طول الدهر ولاّدة
    فاجومى الحرف الجديد محمد سعيد
    انت مدهش
    أبناء مصر حب وإنتمـــاء

    سبحانك اللهم وبحمدك أشهد أن لا إله إلا أنت استغفرك وأتوب إليك

  9. #9

    تاريخ التسجيل
    Jan 2006
    الدولة
    الدوحه
    العمر
    55
    المشاركات
    1,984
    اقتباس المشاركة الأصلية كتبت بواسطة Mohamed Saeed مشاهدة المشاركة


    قصيدة الثورة فين ؟
    ــــــــــــــــــــــــــــــــ
    صـباح نضـيف يـامـعـلمـين ..
    صبـاح شـريف .. سـؤال خـفيف ..ا
    الثورة فيـن ؟
    الثـورة قـامـت إمـتى طيـب حـد فـاكر ؟
    يـوم التـلات ؟
    طـب حـد فـاكـر إسـم حد اتصاب ولسـه عـايش
    أو حـتى مـات ؟
    طب حد عارف أد إيه اللي اتعموا ؟
    طب حـد فـاكر اسم واحده من اللي ماتوا من البنات ؟
    طب حد فاكر الغـاز والعـياط ؟
    طـب حـد فـاكر نـومنـا قـدام المجمع ع البـلاط ؟
    حد فاكر اللي ماتوا في الانفلات ؟
    طـب حـد فـاكر أي حـاجه مـن اللي فـات ؟
    حد عارف هم ودوا الثورة فين ؟؟
    لو سمـحت الثـورة فيـن ؟
    الثـورة ويـاك يـابن عمي ؟
    عندك يابويا ؟ عندك ياأمي ؟
    معـاك يـاكـابتن ؟ كـانـت هنا مشـفتهـاش ؟
    شبـهنا ولابسه زيـنا ملمـحتهـاش ؟
    الثورة اهي ؟
    أيـوه صح الثورة اهي ..
    بس لابسه الميـري ليـه ؟ !
    هي لابسـه الميـري ليـه ؟ !
    الثـورة لابسـه الميـري ليـه ؟!
    قطعـولهـا لبسـها ولبسـوها الميـري ليـه ؟ !
    هم العسكر خطفوا الثوره ؟..
    ولا يكونشي الثورة دي عوره ومخبيها الشيخ أباري ؟
    ولا يكونشي الشيخ أباري هو وشلة جيش النورة ..
    متفقين يتقاسموا ف داري ؟
    ولا يكونش كمان الثورة تبع التجنيد الإجباري ؟
    في حد يإتمن العساكر ؟ طب يابني ذاكر ..
    ماقالولنا ثورة وبردوا ركبوها العساكر
    والعساكر لما مات العسكري بردوا ركبوها العساكر
    والعساكر لما قتلوا العسكري وسط العساكر
    بردوا ركبوها العساكر
    واللي فاكر ان ثورة مصر قامت فانتهي حكم العساكر ..
    مش مذاااااااااااااااااااااااااااااااكر
    والعيب لا علي العساكر.. ولا ع اللي بيعبدوهم ..
    ولا ع اللي مغيبين ..
    العيب عليكي ياثورة المؤدبين
    وبتسألوني الثورة فين ؟
    الثورة كانت في الميدان زي النهاردة ..
    واختفت لما جه الغربان ولما النسر عدى
    ضحك علينا النسر وقال هيحمينا..
    غلابة احنا وسلمناله ونسينا..
    و النسر والغربان أساسا قاموا بالثورة المضادة ؟
    وبتسألوني الثورة فين ؟
    الثـورة ف جيـوب العسـاكر .. ولا عزاء للكـتيـانيـن ؟
    الثورة ف إدين اللي بيبيحوا الدياثة .. وبيقولوا دين ؟
    الثورة ناسها متمرمغين في الطين ..
    الثورة قاطفين وردها
    الثورة هاتكين عرضها
    الثورة إحنا معاها والعساكر ضدها
    الثورة لو بتحبها ..
    رجعها من إيد الغجر والسفاحين ..
    الثـورة قام بيها الشباب الطيبين ؟
    وحصـد كراسـيها اللي كـانوا منفـضين ومأنتـخين ؟
    واللي ماشيين بالجـزم جوه روسنا من سنين ؟
    أغـبيا والغـبا ..عنـد بعـض النـاس هـواية ومـوهبة
    حطوا روسهم بين سنان العقربة
    وبالأماني بيحلموا وبالأمل مستنيين ..
    متغيبين مش طيبين متغيبين
    آه يـابلد تـدي الفـرص لحورتجي
    آه يابلد فيكي الشـهيد بقـه بلـطجي
    والسفيه عامل مناضل ثورجي
    واالثورجي بيقولوا عنه مستفيد وأونطجي
    وبيحكمك حبـة عجـايز عيـانين
    جاوبيني قولي الثـورة فيـن ؟
    أه يابلد عاشقة اللي داسك
    اه يابلد ملعوب ف جدرك وف أساسك ..
    ناسيه اللي كان بيموت ووطي علي أرضك وباسـك ؟!
    بتبعينا ؟!
    بتبعينا وتحضـني فــ كـلاب ياطيبه بيقتلونا ..
    ياطيبه دول أخرهم يبقوا دواسه لمداسك ؟
    احنا حراسك ياطيبه احنا ناسك
    ناسيه خالد ؟ ناسيه مينا ؟
    ناسيه بسيوني وبنونه ومصطفي وسالي وحسين ؟
    إخييي ياطيبه
    طب فاكره مين ؟
    ياطيبة قولي الثورة فين ؟
    ياعالم هو ذنب اني بالحرية بحلم ؟
    هو ذنب لما ادافع عن كرامتي ؟
    ذنب اقول للي حاكم أرضنا .. مش هنقبل فينا تظلم ؟
    ذنب أقول للي هاتك عرضنا .. إنت مجرم .. ؟
    هي ناس بتموت .. وناس تحكم ؟
    هي ناس تتعمي .. وناس بالعمي تتحكم ؟
    و ناس بالدم تتغطى وناس بالدم تتوضي .. ؟!
    وناس للقبلة بتصلي .. وناس للمجلسين تحرم ؟!
    وناس بتموت عشان غيرها .. وناس كسلانه تترحم ؟!
    يارب ياللي من العباد أحكم .. أحكم ..
    يارب اخويا مات ..
    واخوبا التاني بيقولي ياكافر ياللي مش مسلم !
    واختي عراها اليهود ..
    واختي عراها الجنود ..
    واخويا فعرضها اتكلم ..
    واخويا بيتعمي وبيشوف ..
    واخونا بيرتعش م الخوف
    شايفنا وشايف الظالم لكنه كفيف
    اخويا اعمي أخويا ابكم
    اه يابلد فيكي الشهيد مجرم
    أقولك نفسنا نجيلك ..
    اجيلك الاقي بيني وبينك عسكري محرم !
    نثور ماسكين قناديلك ..
    نجيب أحلامنا ونجيلك .. و
    فرقابنا بنحنيلك .. وبردوا قفانا يتعلم!
    نثور ونموت عشان قلبك
    عشان منك وبنحبك وبردوا قفانا يتعلم !
    بسيطة .. هثور تاني وهتعلم
    وهربط جرحي واتألم بسيطة
    هثور تاني واموت تاني
    وهفرد روحي ليكي طريق
    وعضمي مرتبة وسلم بسيطة
    هلم ف جوفي احباطي هقطع كل ابياتي
    وهكتب ليكي شعر جديد بدمي ياطيبه ع الحيطه
    بسيطة
    هكمل ..
    ولو إيدي ف رجليا وف رقبتي بألف كلبش مربووطة
    بسيطة
    هكمل .. ولو أعمى ولو محبوس ..
    ولو هتدوسني كل مدرعات إبليس .. تدوس
    ولو فوق راسي ألف سلاح.. ولو كل اللي فيكي رخيص ..
    ولو مفضلش غير انتي وسجانك وكل خسيس ..
    وانا لوحدي .. هكمل ..ولو وحدي هكمل
    اتعمي اتصاب اموت ..
    وتفضلي علي راسي محطوطة بسيطة
    وبعد ما اموت أمانة يامصرتتعافي ..
    وشوفي النور علي اكتافي ..
    وفوقي ياطيبه الطيبه .. بلاش طيبه
    العساكر زي الديابة حويطة
    وقولي للعبيد تخرس ..
    ولولادك تقوم تحرس .. و
    طول ما فيكي المخلصين
    هتبقي عارفة الثورة فين ..

    ــــــــــــــــــــــــــــــــــــــــــــــــ
    محمد سعيد Mohamed Saeed
    https://www.facebook.com/mohamed.baioumy
    الشاعر الجميل أستاذ محمد سعيد

    لقد قرأت القصيده و إستمتعت إليها مراراً
    و مع كل قراءه و كل إستماع كانت متعتي تزداد
    و لم يفوق متعتي تلك سوا مشاعر فرحتي بإنضمامك إلى منتدانا
    فأهلاً و مرحباً بك شاعراً نفخر بوجوده بيننا
    و معك نتساءل و كلنا أمل أن نجد أجابة سؤالك و سؤالنا - الثوره فين؟ - الذي عبرت عنه بشكل بديع
    و لا بلاش بديع دي عشان تقريباً فيها جزء من الإجابه
    و إحنا عايزين كل واحد يجاوب تبعاً لقناعته الشخصيه
    خالص تحياتي

    أخوك
    عصام علم الدين

  10. #10
    الصورة الرمزية الشاطر حسن
    الشاطر حسن غير متواجد حالياً "رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ"

    تاريخ التسجيل
    Jan 2010
    الدولة
    مصر
    المشاركات
    4,529
    من أجمل ماقرأت أخي المبدع محمد سعيد
    بارك الله لك وأدام إبداعك


    شكراً ياأسير الغروب
    مكان فاضي** باقات حروف
    كل عام أنتم بخير

صفحة 1 من 2 12 الأخيرةالأخيرة

المواضيع المتشابهه

  1. من أول السطر .. شعر / محمد سعيد من مهرجان شعراء الثورة بأتيليه القاهرة
    بواسطة صفحات العمر في المنتدى قاعة الشعر العامي
    مشاركات: 4
    آخر مشاركة: 22-07-2011, 01:40 AM
  2. قصيدة أحبه كثيرا لفتحى سعيد
    بواسطة egytuty في المنتدى قاعة الصالون الأدبي والثقافي
    مشاركات: 0
    آخر مشاركة: 16-10-2010, 05:17 AM
  3. قصيدة "احمي الثورة" قصيدة رائعة
    بواسطة ahmed almozayen في المنتدى قاعة الشعر الفصيح
    مشاركات: 0
    آخر مشاركة: 06-05-2009, 05:47 AM
  4. قصيدة "غنيت بأسمك" قصيدة في زمن الثورة
    بواسطة ahmed almozayen في المنتدى قاعة الشعر الفصيح
    مشاركات: 0
    آخر مشاركة: 03-05-2009, 05:02 PM
  5. جماعة رؤى واحتفالية خاصة بالشاعرين الجميلين : محمد سعيد و محمد الشحات
    بواسطة محمود موسى في المنتدى قاعة التعارف والمناسبات
    مشاركات: 6
    آخر مشاركة: 23-04-2007, 07:45 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك