يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 10 123 ... الأخيرةالأخيرة
النتائج 1 إلى 10 من 93

الموضوع: بهية البراوية على ضفاف النيل

  1. #1
    الصورة الرمزية الشاطر حسن
    الشاطر حسن غير متواجد حالياً "رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ"

    تاريخ التسجيل
    Jan 2010
    الدولة
    مصر
    المشاركات
    4,526

    مصري بهية البراوية على ضفاف النيل



    عدى النهار وانتهى


    ولااختشى (نهار قليل الرباية )

    حيّر قلوب الطيبين لحد المسا

    ولما الشمس تغطي نورها
    الكتاف بترمي حمولها
    تزورها نجمة صبية من دورها
    يدوبوا في بعض كلام
    وبغض النظر ان الليل المنتظر
    طيب خاطرها
    النهار
    لسه في بالها
    مااتنسى





    ومع كل لقاء جديد أشعر أن الكون أرحب مما كان في عيني يتسع بمجرد أن أتابع مسيرة ضيف فأشكر الله لأنه أبدع وصور وأتقن في خلقه ويقينا شكره مقرون بالزيادة فأنا أطمع فعلا أن أحمل بعض الصفات الجميلة منكم
    وبرغم خفة دمها الغير معهودة (طبعا) وخلايا عقلها المكتملة النمو (وأي إكتمال ) والتي تسطع بمهارة تجذب منك الابتسام (ببلدوزر) وتجره (بالجرار) فتتساقط الضحكات رغما عنك لتمسح أثناء خروجها الكثير من الهموم توجست خيفة (لازم تتوجس طبعا)
    أن يكون ماأراه أمامي هو الاكتئاب المرح (هوا بعينه بغباوته )
    فهكذا أغلب من صنعوا الابتسامات وأجبروك الضحك ، أمهلت نفسي فلا أحب التسرع بالحكم
    (براوة عليك )ووقتها مرت على خاطري مواقف خزنتها ذاكرتي خلتها ستساعدني كثيرا منها: مصراوية (أنا سابقا) ، البراوية (أنا حاليا) ، تباين الردود من حيث الطول ، الابتسامات ،
    وأشياء أخرى تجول في نفسي حيرتني الكلمات في وصفها
    فمن تلك المواقف كونت رؤية خاصة لضيفتنا اليوم : ذكية (وماله)، مثقفة (ميضرش)، جدعة(نادرا) ، فائقة الاحترام (شكرا) ، سريعة البديهة(إلا في الأوقات اللي بكون صاحية فيها )، موهوبة (بل متعددة المواهب )
    وظننت أنه في لقائي سيغلب طابع الكوميديا (لا تأمل خيرا)على الموضوع وأن أسئلتي التي سأطرحها لابد أن تكون ضاحكة أكتبها بالمقلوب تارة (انا نظري ضعيف آه بس مش حولة يعني )وباللون الأبيض أخرى وأصل فيها لقمة الاستفزاز(وانا هسكتلك مثلا؟) لتخرج لنا كما هائلا من الابتسامات وربما نغرق بسببها في بحر الضحك وهي قادرة على ذلك لكني آثرت ألا أستعجل (ما قلنا براوة) وأن أمر على مواضيعها من البداية ومع كل موضوع أقرؤه كنت أبتسم ابتسامة المنتصر(غلباااان ومضحوك عليك ). نور باهت بعقلي يشتد ضوءه مع استمرار قراءتي للمواضيع والمشاركات(آه ..ده نوري ) حتى أني أدحضت نظريات كثيرة تصورتها ولن أتكلم عن ماأعجبني صراحة سأجعلكم تستنتجونه من خلال أسئلتي..(الجدع يستنتج حرف واحد )


    ضيفتي اليوم كبيرة الياكشاوية مهندسة في عمر الزهور مصراوية جدا ووقت اللزوم براوية

    سارة عادل (تصفيق حاد)





    سارة مرحبا بكِ ضيفة هنا وفي كل مكان
    لا انا صاحبة مكان هنا وفي اي حتة وفي اي مكان
    أولا تهيئي بعقلك وروحك لأسئلتي فلتسكن ملامح وجهك ولتهدأ أسارير نفسك حتى أرى تلك النظرة الخاصة التي لايراها إلا القليلين (أهو)


    وإني وإن كنت الأخير زمانه .. لآتٍ بما لم تستطعه الأوائل
    مارأيك في معنى هذا البيت ؟ وكيف تفسرينه شخصيا ؟

    ..........................

    أبو العلاء المعري ..يا مصيتني

    انا عايشة بالبيت ده ..دي حقيقة
    طول الو
    قت وانا جوايا يقين إني هغير وجه الأرض
    والله ما اعرف إزاي ..بس انا هعمل كده وهتشوفوا هتشوفوا
    تعرف كمان ..انا البيت ده سبب وكستي في حاجات كتير !!
    يعني من زمان وانا بحب اتفذلك يعني
    يعني اسيب الإمتحان كله وأحل السؤال البونس الصعب اللي عليه درجات زيادة
    مرة ضيعت محاضرة مراجعة بالكامل عشان بفكر في سؤال صعب
    قاله الدكتور في اول المحاضرة وسؤال مش مهم ..بس عزيزة تربست خلاص وهتتجاب يعني هتتجاب
    وجبتها ..وهجيبها





    الأحلام والواقع دربُ طويل وعناء سفر واغتراب . جملة تحوي خمس كلمات رئيسية كيف ترين ارتباطهما بالمعنى السامي " هدف العمر"


    ...............................

    بفضل أسميه "حلم العمر"
    الهدف كلمة حادة ..جامدة.. وأحيانا موجعة
    بي
    قولها العالم بتوع الإدارة كتير واول ما بتتقال بحس إني في ماتش كورة
    فيه حد هيكسب وحد هيخسر وهيروح زعلان ..ناهيك عن إني بكره الكورة كمان

    مينفعش ن
    قول "هدف العمر"
    لو هنتكلم عن الإهداف فمفيش للعمر هدف واحد.. فيه مليون هدف
    وكل ما تجيب هدف هتدور على اللي بعده واللي بعده ويمكن لما تجيب اللي بعده تنسى اللي
    قبله وتفضل تلهث وراء الأهداف قبل ما ينتهي الماتش
    "الهدف "كلمة مادية أوي بتفقد الحياة طعامتها ولذاذتها
    إنما الحلم..الله
    حلم العمر ..يا سلام
    الحلم بيغزلك الحياة كلها شال كبييييير مفيش في روعته
    حتى العناء والسفر والإغتراب هيدوبوا جوا الشال ده وهيكون شكلهم حلو رغم انهم في الح
    قيقة مؤلمين ..الجميل في الحلم
    إنه مش بينتهي بإنتهاء البني آدم ..ودايما بيكون في حد بعدنا يكمله
    جاوبت ولا لسة؟؟





    يتبع

    التعديل الأخير تم بواسطة الشاطر حسن ; 14-02-2012 الساعة 10:06 PM


    شكراً ياأسير الغروب
    مكان فاضي** باقات حروف
    كل عام أنتم بخير

  2. #2
    الصورة الرمزية الشاطر حسن
    الشاطر حسن غير متواجد حالياً "رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ"

    تاريخ التسجيل
    Jan 2010
    الدولة
    مصر
    المشاركات
    4,526
    ( البنات ألطف الكائنات ) عبارة مشهورة لكن متى تتبرأ البنت من لطافتها؟

    ...................



    ومراته تقول سبعي اللي راااح..هسمعها وافرح
    يب
    قى زي ما إحنا شايفين كده البنت ممكن تفقد لطافتها ..لما تتجرح
    انا بصراحة معرفش هل في قاعدة عامة..بس انا هتكلم عن نفسي
    انا لما بتجرح او حد يمس كرامتي
    بتحول لمخلو
    قة انا اصلا معرفهاش..ولا اعرف هي بتعمل إيه
    ولا بتعمل كده ليه..وممكن اتصرف تصرف لو حد حلفلي بعد كده
    إن انا اللي عملت ده مصد
    قش..عارفة إن ده مش صح بس للأسف مش عارفة اتغير





    الأسرة ودورها الكبير في نمو الذات شيء لاشك فيه لكن من نافسهم في تكوين شخصية سارة ؟

    ...............................

    أستاذ العربي بتاعي في المدرسة ..والمنتدى..وحد تاني مش عاوزة افتكره
    استاذ العربي بتاعي له النصيب الأكبر ..هذا الرجل خارج من أسطورة
    كان ث
    قته فيا ملهاش حدود ..انا عشقت العربي بسببه
    مش هنسى أبدا لما رجلي اتكسرت ول
    قيته جالنا البيت وكان بيديني الدروس مع الفصل عشان متفوتنيش ولا حصة ورفض ياخد اي مقابل مادي
    لما كنت بعمل شئ غلط او اجيب درجة متعجبوش ..نظرته لي بإستياء كانت كافية إني ابكي دون ان
    قطاع ..حتى يمد يده إلي بخمسين قرشاً ويقول"خلاص..كفاية عييط زي حريم الجنايز"
    ربنا يمسيك بالخير يا استاذ "محمد مهران"





    "لأقول لأولادي وأحفادي أنا شاركت في هذا" أهي تلك العبارة سبب حماسك للخير ؟

    .....................................


    لأ طبعا ..
    انا هعلم اولادي يعملوا الخير من غير ما يحكوا عنه لحد إلا للضرورة
    انا اكثر شئ بخاف منه أوي إن عملي يكون فيه شبهة رياء
    بفضل احاسب نفسي كتييييير أوي ودايما ضميري يلكزني_يلكزني دي بتاعت ندى_
    لو للحظة أعجبت بعمل انا عملته

    عمري ماه
    قول لأولادي _المحتملين_ إني عملت ده
    لكن سبب حماسي للخير ..انا معرفوش
    بس انا بلا
    قي نفسي عيني بتدمع غصب عني لما اشوف حد محتاج حاجة
    وبحس إني موجوعة جدا فبعمل اللي ب
    قدر عليه..




    ثروة هبطت عليكِ من السماء بمعنى أنها لم تكن في الحسبان بماذا وبمن تفكرين وهي بين يديكِ ؟


    ......................................

    تعرف اناا دائما بسأل نفسي ..الناس اللي معاهم فلوس كتير أوي بيعملوا بيها إيه؟
    وأصلا إزاي واحد يعرف ينام وهو معاه فلوس كتير أوي ..رغم إنه متأكد إن في ناس مش لا
    قية تاكل..وناس بردانة ومش لاقية غطاء..وناس مش لاقية تتعالج
    لو ل
    قيت ثروة ..هكرسها للتخلص من العشوائيات في مصر
    حتى تنتهي ..فإن انتهت العشوائيات ولم تنتهي الثروة
    هبعت البا
    قي _إلا 2000 جنيه_ للصومال
    واخد ال2000 جنيه اجيب بيهم كلهم زيوت وكريم وشامبو ومصاصة





    سارة بعض الحزن والدموع لايضير فمن يكفكف دموعك ؟

    ...............................................


    وكُن من أنت حيث تكون ..
    وأحمل عبء قلبك وحدك .. !!

    لـِ محمود درويش ،،
    ،


    تعلمت مؤخرا ان أحمل عبــء قلبي وحدي
    ثم اضفت ما تعلمته لعادة
    قديمة ..
    بعد ما كل الناس تنام ..ب
    قعد اتكلم انا وربنا
    واعيطله واشتكيله من كل الناس وحتى من نفسي
    والله العظيم بحس إنه بيكلمني وبيطبطب عليا كمان
    بعدها بحس إن
    قلبي إتغسل وبقيت خفيفة زي الفراشة
    تفتكر بعد كده مستاهلة احكي همومي لحتة بشري زيي؟





    معكِ الآن ( تلات تقلام ) أحمر وأزرق وأسود استخدميهم ومخيلتك مع من تريدين ؟


    ....................................


    هشتري فوقهم اقلام بكل الألوان
    وهكتب على الحيطان والأبواب

    يس
    قط يسقط حكم العسكر
    يس
    قط يسقط حكم العسكر
    يس
    قط يسقط حكم العسكر









    كلمات أحب أن تعبري عنها بجمل بسيطة :



    • الطفولة


    في ال
    قلب مهما كبر العمر.. لما تزعل بسرعة وتعيط بسرعة وبعدين تنسى وتضحك مجرد ما تاخد شوكولاتة تبقى لسة عيل ..لما تخاصم حد واول ما عينك تيجي في عينه تحس ان قلبك بيدق بسرعة وعينك بتسخن وتدمع تبقى لسة عيل..لما تكون بتشتغل ومعاك فلوس وتلاقي نفسك بتنط من الفرحة لما جدتك تديك 20 جنيه تبقى لسة عيل..لما الأطفال ميعرفوش يندهولك غير بإسمك كده حاف من غير عمو ولا طنط تبقى لسة عيل..لما تكون لسة لحد دلوقتي بتقصقص اي قماش لونه عاجبك عشان تعمل بيه فستان للعروسة الباربي بتاعتك تبقى اكيد لسة عيل ..جملة بسيطة اهو

    • الصداقة

    مزقوها


    • مارتن لوثر كينج


    كل لما ابص لأوباما ا
    تذكر مارتن لوثر كينج وا
    قول هو ممكن حد حلمه يبقى بالقوة دي؟



    • الصفاء


    يعني تمدد على السرير وجنبك كوباية كاكاو وفيروز بتغني وبعدين تروح في النوم ومتحلمش بحاجة خالص




    • الألم


    ألف= أهون عليك؟
    لام= ليه كده؟
    ميم= مكنش العشم ..



    • ماريه


    البنت دي خار
    قة للطبيعة ..ذكاء بشع..خفة دم مفيش بعد كده..غلاسة منقطعة النظير..سرعة بديهة مثيرة للقلق..وبتلمع أوكر



    • الصعايدة


    انا فيا عر
    ق صعيدي بالمناسبة بس انا مولودة في القاهرة وعشت 11 سنة في الغردقة كلهم هناك صعايدة واغلبهم من قنا فلو هلخص علاقتي مع كل الصعايدة اللي عرفتهم في جملة هقول..دحاحيييييييين حريقة مذاكرة يخرب بيت كده بس انا محبتش حد زيهم خالص ..لأن صعب اصلا الاقي زيهم


    • الجدال

    هو العند بس 3D



    • الحياة


    هي والموت سواااء ..بل إن في بعض الحياة موت وفي بعض الموت حياة



    • الانترنت


    صنم العصر



    • منتدى أبناء مصر


    يوتوبيا بتاعتي





    أكدي صحة أو خطأ الجمل التالية مع تصحيح الخطأ:



    • الحساسية صفة تلازمني أرى فيها الشفافية لكنها مؤلمة في أحيان كثيرة.


    (صح)
    ........................


    • حتى لو كنت محقة فأنا من يبدأ بالاعتذار دائما.

    (خطأ) مبعملش كده غير مع ماما والناس اللي خايفة اخسرهم بس

    ...........................


    • أنجرف وراء آراء الناس وماألبث أن أغير رأيي.

    (خطأ)
    انا اخسر ناس
    ا
    قدرهم احيانا دفاعا عن مواقفي حتى لو خطأ ..وحدث بالفعل ومن فترة ليست ببعيدة ..واتمنى نفرق بين الدفاع عن الموقف _ولو خطأ_والتشبث الأعمى بالرأي

    ...........................



    • كلنا فداء للوطن لكن ليس معنى ذلك أن نموت .

    بل نموت نموت نموت ويحيا الوطن
    وبرغم الجراح والحزن يحيا الوطن
    يحيا الوطن
    يحيا الوطن

    ................................


    • ربما يكون ذوقي مختلفا عن كثير من الناس لذلك أخجل أن أعبر عنه بصراحة.



    غلط غلط غلط..انا أعبر عن رأيي ووصل لأمر بي ان اعتبرني البعض"مدب"
    لكن في الضجيج أؤثر الصمت والتر
    قب

    .............................



    • لايهم إن لم يذكروني بشخصي فأنا أسمى من ذلك.

    (خطأ)
    لا يهم ان يذكروني بشخصي ولا حتى بأفعالي..فعملي لوجه الله ..وأنا من تراب







    • عباراتٌ ناقصة أكمليها كما ترين:




    • 1- كان من بعض أمنياتي... لكن... فقد رفضــ .....بسبب.... مع أنـ....


    • 2- شكرا..... فإن ..... وكما قالوا.....

    1- كان من بعض أمنياتي ان آكل مكرونة بالبشاميل اليوم لكن أكلت كوسة ورز فقد رفضــت ماما ان تطبخ مكرونة بالبشاميل بسبب عندي وخلافي معها بشأن احداث بورسعيد مع أنــي معملتش حاجة غير إني صرخت وعيطت ودبدبت برجلي في الأرض بس .


    2- شكرا يا مجلسنا العسكري فإن أنانيتكم وغدركم أدى لموت شباب اصغر من فيهم أفضل من أكبر رتبة فيكم وما زدتمونا إلا عندا وإصرارا وكما قالوا قديما "إيش ياخد الريح مــ البلاط"




    عودة لملتقى الصحاب وحديقتنا الزاهية منتدى أبناء مصر
    بدأتي بسن صغير وقت التباين وعدم اتضاح الرؤية فما هي الفكرة الناضجة التي كونتيها عن المنتديات على مر السنين؟

    .................................

    أي منتديات؟ انا معرفش غير منتدى ابناء مصر
    انا مسجلة في منتديات كتير اوي بس لأسباب محددة ..يعني بعض المنتديات بتتطلب تسجيل عشان تحمل حاجة او ت
    قرأ موضوع معين
    لكن انا هنا بيتي ولعلمك هنا احسن من البيت كمان
    قول ليه؟
    اقلك ليه..
    هنا ت
    قدر لما تتخنق تطفش
    لكن في البيت مينفعش اطفش ..فيها ر
    قاب




    "تمنيت ألا أفعل" متى خرجت من إطار النفس لتردديها بصوت مسموع ؟


    ولا مرة..انا بحب ا
    قول لعله خير
    لالالا في مرة
    قلت يا ريتنا ما سلمنا البلد للعسكر
    بأعلى صوت وفي الشارع كمان


    ................................

    ماهي قوة خيالك في اكتشاف ماتضمره النفوس؟

    كبيرة لحد مخيف ..لدرجة تو
    قع الأحداث
    ورغم ذلك اكذب نفسي وافترض حسن النية حد الو
    قوع في المصيدة
    هبل ب
    قى بعيد عنك






    يتبع


    التعديل الأخير تم بواسطة الشاطر حسن ; 14-02-2012 الساعة 07:16 PM


    شكراً ياأسير الغروب
    مكان فاضي** باقات حروف
    كل عام أنتم بخير

  3. #3
    الصورة الرمزية الشاطر حسن
    الشاطر حسن غير متواجد حالياً "رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ"

    تاريخ التسجيل
    Jan 2010
    الدولة
    مصر
    المشاركات
    4,526



    برقيات عاجلة لشخصيات في المنتدى أبرقيها هنا كما تحبي

    ايمان اخت ضابط شرطة..بحبك فو
    ق ما تتصوري


    لمسة..بحبك أوووووووي ومش هكلمك خالص


    إبن البلد..تموت تموت ويحيا المنتدى


    بوكي كا..نفت
    قد نشاطك فلا تحرمينا



    ندى..جنيتي المسحورة ما أروعك


    جيهان محمد علي..مارادونا المنتدى


    محمد حسين..ترجع بالسلامة يا مغترب وبراحة عالعيال


    استاذ احمد ناصر..رجل من زمن المستحيلات


    عصابة حمادة وتوتو..وحشتونا أووووي


    أهلاوي شديد..المنتدى محتاج دوشتك


    دكتور مهندس جمال الشربيني..يا جبل ما يهزك ريح

    ناريمان..مجموعة بنات جميلات اتضربوا في الخلاط فطلعتي انتي يا ناريمان


    هنوووءة..نسمة هواء لطيفة ور
    قيقة


    زيزو..شكمان المنتدى يا مستر ألترا سنستيف

    الشاطر حسن..ايه الشطارة دي يا ولد


    مصراويةجدا ..بهية البراوية..إوعي تع
    قلي وإياكي تكبري



    انتهت الأسئلة وانتهى اللقاء أظنكم كمثلي لم تتمنوا ذلك ومثلي وددتم لو يستمر كثيرا فضيفتي جديرة بالاحترام أضاءت روحها نقاءً في كل إجابة أجبرتني ابتسامات أملٍ كثيرة لعلها على وجوهكم الآن .


    شكرا مصراوية جدا ودعوة صادقة جزاكِ الله خيرا
    وختاما شكرا جزيلا لا نفي معه كرم حضورك ووردا كثيرا لايحاكيه إلا عطر وجودك.

    ومع ضيف عزيز آخر ونقاط مضيئة انتظرونا

    أستودعكم الله


    التعديل الأخير تم بواسطة الشاطر حسن ; 14-02-2012 الساعة 10:08 PM


    شكراً ياأسير الغروب
    مكان فاضي** باقات حروف
    كل عام أنتم بخير

  4. #4

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    31
    المشاركات
    7,323
    الموضوع ده طويل اوي وانا مش هقراه

    وبعدين في واحدة تسمي نفسها بهية البراوية ؟! so weird



    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




  5. #5
    الصورة الرمزية الشاطر حسن
    الشاطر حسن غير متواجد حالياً "رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ"

    تاريخ التسجيل
    Jan 2010
    الدولة
    مصر
    المشاركات
    4,526
    اقتباس المشاركة الأصلية كتبت بواسطة بهية البراوية مشاهدة المشاركة
    الموضوع ده طويل اوي وانا مش هقراه

    وبعدين في واحدة تسمي نفسها بهية البراوية ؟! so weird

    موضوع تعبني بجد بس بهية تستاهل لما تعرفيها هتحسي قد ايه هي عظيمة
    أجبلك عصير ولب تتسلي وانتي بتقري


    شكراً ياأسير الغروب
    مكان فاضي** باقات حروف
    كل عام أنتم بخير

  6. #6

    تاريخ التسجيل
    Feb 2004
    الدولة
    جمهورية مصر العربية
    المشاركات
    21,877
    هههههههههههه
    إيه يا عم الشاطر حسن الموضوع ده
    لااااااااااااااااااا
    بجد الحلقة دى جميلة قوى
    طبعا علشان حجة سارة ربنا يطول لنا ف عمرها ما خيبتش ظنى فى إنى ح أفطس م الضحك على خفة دمها وتعليقاها الظريفة
    والله زعلت إن الموضوع خلص
    صحيح فضلت أقرأه فى نص ساعة

    بس والله كان وقت جميل جدا
    تسلم على الموضوع وفكرته وطريقة عرضه
    أسئلتك جميلة جدا وفى منتهى الذكاء
    واضح إنك بتذاكر الشخصية كويس قوى قبل ما تستضيفها
    كل الشكر لا يكفي

  7. #7

    تاريخ التسجيل
    Feb 2004
    الدولة
    جمهورية مصر العربية
    المشاركات
    21,877

    مبتسم

    العواف يا سارة يا ثورجية
    إيه الكلام الواعر ده يا مصراوية يا بهية يا أم طرحة وجلابية

    على رأى عبدالوارث عسر الله يرحمه
    الجماعة المتعلمين دول بيجولوا كلام واعر بيمس القلب
    .....
    عارفة يا سارة
    طول ما مصر فيها بنات زيك وشباب زى اللى فى التحرير
    عمرى ما ح أقلق أبدا على البلد دى
    لو شفتى نظرات الشماتة اللى زملائى فى العمل قابلونى بها بعد ما العصيان المدنى فشل
    ح تستغربى إزاى كنت بأضحك من قلبى وأتريق عليهم وأقول لهم صحيح العصيان المدنى فشل فى المصالح وفى الشوارع
    لكن نجح فى الجامعات والكليات
    وده شيء طبيعى لإن الشباب ده هم من صنعوا الثورة
    وده مؤشر رائع بالنسبة لى
    لإن الأمل دائما فى الشباب
    وكل الأجيال اللى شبعت مبارك والسادات المفروض يشوفوا لهم حتة ناشفة يقعدوا فيها
    علشان بجد مصر دى مش ح يغيرها إلا الشباب الجديد اللى زى الفل ده
    أنا إستمتعت جدا بالحلقة دى يا سارة
    وكنت متوقع لها النجاح
    ولم يخب ظنى
    شكرا لك على مجاملتك اللطيفة
    وإن شاء الله يا سارة الثورة ح تنجح والمجلس السمكرى ده ح يتحاسب على كل جرائمه
    وبكرة أفكرك
    سلامى إلى والدتك الفاضلة
    وإلى مارية البرجوازية
    ولك منى ألفين سلام وتحية
    زيت الدرة كريستال



    التعديل الأخير تم بواسطة أحمد ناصر ; 14-02-2012 الساعة 08:58 PM

  8. #8

    تاريخ التسجيل
    Oct 2009
    الدولة
    المنصــوره
    العمر
    34
    المشاركات
    2,828
    متشكر لدعوتك الرقيقه الشاطر حسن وموضوعك الرائع ..
    وبعد ماشفت الحلقه عايز اطمن عليك وعلي ثباتك الانفعالي ..(يارب يكون بخير)
    _________________
    ساره عادل ..
    انتي عليكي عفريت اسمه يسقط حكم العسكر
    ماله العسكر
    ماهو زي الفل اهوه والرغيف كبير والمواصلات فاضيه والناس بقت بتروح الماتشات مابتموتش اهوه
    بقالنا سنه بحالها مشغلين الدوري .. هتيجي في ماتش واحد وتمسكي فيه
    والغاز اللي عليه ازمه ...اهو بيترش في التحرير ومحمد محمود بالجمله .. الناس بس تاخد الانابيب والخراطيم وتملي بعد العصريه
    انما احنا اللي فراعنه صحيح
    ....
    وشكرا بالمناسبه علي الدعوه
    ومتخافيش علي العيال :D



    انا ان قدر الاله مماتي
    لاتري الشرق يرفع الرأس بعدي

  9. #9

    تاريخ التسجيل
    Jul 2007
    الدولة
    بين نبضة .. وقبضة .. وسقطة ..أعيش أنا
    المشاركات
    8,215
    ايه المواضيع الحلوة دى
    بجد موضوع رائع جدا جدا
    واضح انك موهوب فى المواضيع الحوارية يا شاطر حسن

    اسمحولى بس اقراه على رواقة لانه طويل بعض الشئ ومحتاج تركيز
    بس المداخلة دى مخصوص عشان اسأل الانسة ساره على حاجة كدا
    جيهان محمد علي..مارادونا المنتدى
    ماردونا لاعب كرة قدم ..صح كدا ؟؟ طيب ايه معالمه يعنى هههههههه عشان انا خايبة جدا فى حكاية الكورة دى وعاوزة اعرف انا شبهة فى أيه بالظبط ؟؟



    لأننا نتقن الصمت ؛ حمَّلونا وزر النوايا

  10. #10

    تاريخ التسجيل
    Oct 2009
    الدولة
    المنصــوره
    العمر
    34
    المشاركات
    2,828
    اقتباس المشاركة الأصلية كتبت بواسطة أحمد ناصر مشاهدة المشاركة
    .....
    عارفة يا سارة
    طول ما مصر فيها بنات زيك وشباب زى اللى فى التحرير
    عمرى ما ح أقلق أبدا على البلد دى
    لو شفتى نظرات الشماتة اللى زملائى فى العمل قابلونى بها بعد ما العصيان المدنى فشل
    ح تستغربى إزاى كنت بأضحك من قلبى وأتريق عليهم وأقول لهم صحيح العصيان المدنى فشل فى المصالح وفى الشوارع
    لكن نجح فى الجامعات والكليات
    وده شيء طبيعى لإن الشباب ده هم من صنعوا الثورة
    وده مؤشر رائع بالنسبة لى
    لإن الأمل دائما فى الشباب
    وكل الأجيال اللى شبعت مبارك والسادات المفروض يشوفوا لهم حتة ناشفة يقعدوا فيها
    علشان بجد مصر دى مش ح يغيرها إلا الشباب الجديد اللى زى الفل ده


    احمد ناصر
    اقلك علي اجمل جمله قيلت في هذا الصدد :

    لو سمع هذا الجيل كلام الجيل الذي قبله .. لما قام اصلا بالثوره

    حازم ابو اسماعيل



    انا ان قدر الاله مماتي
    لاتري الشرق يرفع الرأس بعدي

صفحة 1 من 10 123 ... الأخيرةالأخيرة

المواضيع المتشابهه

  1. ابن البلد على ضفاف النيل
    بواسطة الشاطر حسن في المنتدى تحت دائرة الضوء
    مشاركات: 50
    آخر مشاركة: 01-03-2012, 12:15 PM
  2. على ضفاف النيل
    بواسطة الشاطر حسن في المنتدى تحت دائرة الضوء
    مشاركات: 38
    آخر مشاركة: 18-01-2012, 07:09 PM
  3. صحيفة إنجليزية: نهاية أجوجو على ضفاف النيل ...
    بواسطة M . B في المنتدى قاعة الرياضة
    مشاركات: 3
    آخر مشاركة: 14-05-2009, 12:07 PM
  4. لحظة فضفضة ..على ضفاف النيل
    بواسطة منال درويش في المنتدى قاعة الشعر العامي
    مشاركات: 14
    آخر مشاركة: 14-03-2006, 09:45 AM
  5. علي ضفاف الوادي
    بواسطة خد القمر في المنتدى قاعة الخواطر والقصة القصيرة
    مشاركات: 3
    آخر مشاركة: 18-12-2004, 12:58 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك