يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 3 123 الأخيرةالأخيرة
النتائج 1 إلى 10 من 21

الموضوع: تأملات فى بحر النفس

  1. #1

    تاريخ التسجيل
    Aug 2003
    الدولة
    مصــر...بورسعيد
    العمر
    33
    المشاركات
    3,521

    تأملات فى بحر النفس

    بسم الله الرحمن الرحيم

    هل فعلا النفس أمارة بالسوء ؟؟؟

    سألت نفسي السؤال دة كتير جدا

    هل معنى كدة إن كل واحد منا جواه نفس بتأمره بالمعاصي
    طيب ازاى يقاوم ويتجنب تأثير نفسه عليه؟؟

    ولو النفس فعلا امارة بالسوء امال ازاى الواحد يصل إلى حالة الاتزان هل هوا بيقاوم نفسه؟

    ولا أصلا النفس زى ما هي أمارة بالسوء فهي أمارة بالخير والطاعات

    لكن علشان دايما الإنسان بيطمع للراحة والكسل وتحقيق المكاسب بسهولة وارتكاب المعاصى علشان يحقق كل دة


    تعالوا الاول نكمل الاية اللى وردت فيها الجملة دى يمكن نفهم اكتر

    بسم الله الرحمن الرحيم

    إِنَّ النَّفْسَ لأَمَّارَةٌ بِالسُّوءِ إِلاَّ مَا رَحِمَ رَبِّيَ إِنَّ رَبِّي غَفُورٌ رَّحِيمٌ (53)
    سورة يوسف


    وطبعا القول دة كان على لسان امرأة العزيز دفاعا عن نفسها
    يبقى معنى كدة ان مش كل نفس بتغلب صاحبها وتأمرة بالسوء لكن فى ناس راحمهم ربنا وقادرين يتغلبوا على نفسهم طيب تحقيق دة ازاى هنتكلم فيه بعد كدة


    نرجع للسؤال الأول هوا الأصل في النفس إيه يعنى هيا أصلا أمارة بالسوء ولا متوازنة ولا أمارة بالخير

    بسم الله الرحمن الرحيم

    وَنَفْسٍ وَمَا سَوَّاهَا (7) فَأَلْهَمَهَا فُجُورَهَا وَتَقْوَاهَا (8) قَدْ أَفْلَحَ مَنْ زَكَّاهَا (9) وَقَدْ خَابَ مَنْ دَسَّاهَا (10)
    سورة الشمس


    إِنَّا خَلَقْنَا الإِنسَانَ مِنْ نُطْفَةٍ أَمْشَاجٍ نَبْتَلِيهِ فَجَعَلْنَاهُ سَمِيعاً بَصِيراً (2) إِنَّا هَدَيْنَاهُ السَّبِيلَ إِمَّا شَاكِراً وَإِمَّا كَفُوراً (3)
    سورة الإنسان

    وَهَدَيْنَاهُ النَّجْدَيْنِ (10)
    سورة البلد


    والنجدين يعنى الطريقين يعنى ربنا سابنا على مفترق طريقين

    كل الآيات اللى فاتت بتوضح كدة وخصوصا اول اية ذكرتها .. بتقول ان ربنا سوى نفسنا فوهبها الفجور والتقوى

    واجمل حاجة قريتها عن الاية دى ان الحروف مختارة بدقة لان مثلا لو كان ربنا قال فجورها أو تقواها كنا ساعتها هنقول ان الانسان اللى بيعمل المعاصى ربنا اعطاه نفس مليئة بالفجور يبقى مش ذنبه انه بيحب المعاصى والعكس صحيح يعنى الانسان المداوم على فعل الخيرات مالوش فضل فى كدة لكن دة حظه ان ربنا وهبه نفس تقية

    دلوقتى تعالوا بقى نتأمل في ايات كمان بتوضح ان كل حاجة بايدينا ممكن نساعد نفسنا على الفجور او على التقوى

    كُلُّ امْرِئٍ بِمَا كَسَبَ رَهِينٌ جزء من الاية(21)
    سورة الطور

    كُلُّ نَفْسٍ بِمَا كَسَبَتْ رَهِينَةٌ (38)
    سورة المدثر

    وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَاباً يَلْقَاهُ مَنشُوراً
    (13)
    سورة الإسراء

    الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُورُ (2)
    سورة الملك


    يعنى كل إنسان عمله ملازم له وهيلاقيه يوم القيامة في كتابه


    امال ايه العقاب الدنيوى للى يشجع نفسه على الفجور وبرضة ايه جزاء اللى يحافظ على نفسه ويتقى الله فى اعماله؟؟


    فَأَمَّا مَنْ أَعْطَى وَاتَّقَى (5) وَصَدَّقَ بِالْحُسْنَى (6) فَسَنُيَسِّرُهُ لِلْيُسْرَى (7) وَأَمَّا مَنْ بَخِلَ وَاسْتَغْنَى (8) وَكَذَّبَ بِالْحُسْنَى (9) فَسَنُيَسِّرُهُ لِلْعُسْرَى (10)
    سورة الليل


    يعنى اللى انفق من ماله واتقى ربنا وامن به ربنا هيساعده على فعل الخير وييسر له اسباب الصلاح
    واما اللى بخل بماله وكذب بقول لا اله الا الله فسيسر له الله اسباب الشقاء ومش هينفعه ماله يوم العرض عليه


    نيجى بقى لأهم نقطة ازاى نوازن نفسنا ازاى نحافظ عليها على طريق الخير وكل ما نحس ان بذرة المعاصى بدأت تنمو نردمها بفعل الخير

    عارفين اسهل طريقة لكدة ايه هى رياضة النفس؟؟

    ازاى هوا للنفس رياضة؟؟؟

    ايوة فعلا ليها رياضة ومش رياضة واحدة لكن رياضات كتير اسهلها فعلا هوا التأمل اننا كل فترة كدة نخرج لاى مكان هادى ونقعد نتفكر فى خلق الله حتى لو من غير خروج للطبيعة لكن حتى نقعد فى اى مكان هادى لوحدنا ونبدأ نفتح الباب اللى بيوصل النفس الانسانية بالله سبحانه وتعالى... بخالقها

    نحاول كدة نبعدها عن كل المغريات ومشاغل الدنيا والبيت والاسرة ونسيبها تفكر ثوانى حتى لو بترديد اسماء الله الحسنى لكن بهدوء نحاول نتواصل مع ربنا بأسلوب بسيط وسهل


    واجمل رياضة نفسية فعلا هى الصلاة ... اجمل هدية ربنا بيديهالنا ايوة فعلا هوا لسه بيديهالنا خمس مرات فى اليوم على الاقل
    كل يوم بيقولك تعالى صفى نفسك خليها تبعد عن المشاغل وتناجينى وتعبدنى لان فعلا راحتها فى كدة اديلها الفرصة انها تتنقى من الدنيا

    دة غير طبعا قراءة القران والاذكار والزكاة وعمل اى شىء خير ...افتكر كدة حالتك بتبقى ازاى كل ما بتدى لمسكين صدقة ...

    باختصار اى شىء فيه ذكر ربنا وعبادته يعتبر رياضة للنفس وتجديد ليها

    تعالوا بقى نثبت النظرية دى باثبات عكسها زى ما كنا بناخد فى الهندسة

    يعنى تعالوا نشوف حال الانسان اللى ما بيصليش وما بيذكرش ربنا وما بيديش نفسه فرصة انها تهدى وتتأمل فى خلق الله
    حتى لو كان تربيته سليمة لكن بالتدريج نفسه بتبدأ تتلوث يبدأ جانب الفجور والمعاصى ينمو فيها بتكون نفسه ملطخة بمشاغل الحياة ومشاكلها وعلشان يهرب من كل دة بينمى بقى الطريق السهل طريق المعاصى

    لو كل انسان بدأ ينمى جانب الخير جوة نفسه بالطرق اللى ذكرناها

    يحاول ترتقى من مرتبة النفس اللوامة والامارة بالسوء الى مرتبة النفس المطمئنة والداعية للخيرات
    اكيد هيحقق السعادة فى الدنيا والأخرة

    هيكسب الراحة فى الدنيا اللى ما بنلاقيهاش احيانا مع توفر المال وكل المتع المحرمة والغير محرمة زى الحال مع حالات الانتحار فى السويد ودول العالم المتقدمة

    ياترى دول بينتحروا ليه؟؟؟

    علشان نفسهم تلوثت بالمعاصى لدرجة انها تاهت وضلت تخيلوا لما الانسان ما يبقاش لاقى نفسه ولا عارفها اهوا دة حالهم
    والسعادة فى الاخرة بدخول الجنة باذن الله والحصول على رضا ربنا ورؤية وجهه الكريم باذنه تعالى

    اللهم ألهم نفسي تقواها وزكها انت خير من ذكاها واعوذ بك من شرورنفسى ومن سيئات اعمالى واخر دعوانا ان الحمد لله رب العالمين

    بسمة أمل



    بسمة

  2. #2

    تاريخ التسجيل
    Jan 2003
    الدولة
    كوكب الأحلام والمبادىء
    المشاركات
    9,987
    بسم الله الرحمن الرحيم

    أختى الغالية بسمة أمل

    ما شاء الله عليك

    موضوع أكثر من رائع وربنا يتقبله منك ان شاء الله

    والجهاد أنواع كثبرة والجهاد لترويض النفس وكبح شهواتها يحتاج لتدريب

    واذكروا الله يذكركم ويقوى ايمانكم كما أن فى الذكر راحة نفسية خاصة ولها مذاق خاص

    بارك الله فيك


    جزاك الله كل خير
    ***

    دعوة..لمقاطعة قاعات الأغانى والأفلام فى المنتدى


    قال رسول الله صلى الله عليه وسلم
    "من أكثر من الإستغفار جعل الله له من كل هم مخرجا ومن كل ضيق فرجا"


    ماسنجر ياهو/computerashraf

  3. #3

    تاريخ التسجيل
    Aug 2003
    الدولة
    مصــر...بورسعيد
    العمر
    33
    المشاركات
    3,521
    بسم الله الرحمن الرحيم
    اخى الكريم اشرف المجاهد
    اسعدنى جدا ان الموضوعك عجبك
    شكرا على ردك وتعليقك فعلا اصعب انواع الجهاد مجاهدة النفس وترويضها
    جزاك الله كل خير اخى على تشجيعك

    بسمة

  4. #4

    تاريخ التسجيل
    Sep 2004
    الدولة
    طنطا
    العمر
    35
    المشاركات
    18
    السلام عليكم اولا
    ان موضوع ترويض النفس من اهم المواضيع التى تشغل الكثير فهى اصعب على الانسان من وسوسة الشيطان والدليل هو قول الرسول صلى الله عليه و سلم عند عودته من احد الغزوات قال لاصحابه لقد عدنا من الجهاد الاصغر الى الجهاد الاكبر وهو جهاد النفس
    فجزاكى الله خيرا اختى بسمه
    الصور المرفقة الصور المرفقة
    • نوع الملف: jpg 36.jpg‏ (26.7 كيلوبايت, 39 مشاهدات)
    التعديل الأخير تم بواسطة maxel ; 18-09-2004 الساعة 03:22 PM

  5. #5

    تاريخ التسجيل
    Aug 2003
    الدولة
    مصــر...بورسعيد
    العمر
    33
    المشاركات
    3,521
    بسم الله الرحمن الرحيم
    وعليكم السلام ورحمة الله وبركاته
    اخى الفاضل maxel
    جزاك الله كل خير على ردك وتعليقك
    والموقف الرائع الذى ذكرته لرسولنا الكريم
    شرفنى مرورك وردك اخى

    بسمة

  6. #6
    Tarzan زائر غير مسجل
    الله الله الله يا بسمة على موضوعك الجميل جدا جدا

    الحقيقة لمس جوايا تساؤلات كتيرة و ليقيت ليها جواب و تسير فى موضوعك

    و انا عايز اقول ان الشر فى ارادة السوء انما فى سوء النفس و سوء الارادة

    و فى الاخر كل نفس ذائقة الموت .. و ربنا يحفظنا من شرور انفسنا و سيئات اعمالنا

  7. #7

    تاريخ التسجيل
    Aug 2003
    الدولة
    مصــر...بورسعيد
    العمر
    33
    المشاركات
    3,521
    بسم الله الرحمن الرحيم
    شكرا جدا على ردك يا طرزان وتعليقك
    وجزاك الله كل خير على تشجيعك
    الحمد لله ان الموضوع عجبك

    بسمة

  8. #8
    Tarzan زائر غير مسجل
    العفو يا بسمة . موضوعك يستحق كدا و اكتر

  9. #9

    تاريخ التسجيل
    Feb 2004
    الدولة
    على سطح الأرض
    العمر
    39
    المشاركات
    6,178
    بسم الله الرحمن الرحيم
    حبيبتي بسمة أمل..
    موضوع جيد.. أسلوب جميل..
    بارك الله فيك
    أنفـــــال

  10. #10

    تاريخ التسجيل
    Feb 2004
    الدولة
    اسكندريةالحبيبه
    المشاركات
    311
    السلام عليكم

    اختى فىالله بسمه امل

    جزاكى الله خيرا فعلا موضوع مهم

    ولا ننسى ان جهاد النفس هو الجهاد الاكبر

    وفعلا لابد من ترويض النفس على الطاعه

    ربنا يكرمك ويجعله فى ميزانك
    ]اسأل الله الفردوس الأعلى
    ومنابر من نور
    اللهم اهدي المسلمين والمسلمات
    اللهم احسن خاتمتنا
    اللهم اسالك الشهاده




صفحة 1 من 3 123 الأخيرةالأخيرة

المواضيع المتشابهه

  1. تأملات كيميائية
    بواسطة سامية أبو زيد في المنتدى القاعة العلمية واللغات
    مشاركات: 30
    آخر مشاركة: 12-06-2009, 02:16 PM
  2. :::... تأملات :::::...
    بواسطة ألب أرسلان في المنتدى القاعة العامة
    مشاركات: 18
    آخر مشاركة: 24-12-2008, 12:56 PM
  3. تأملات
    بواسطة tannjour في المنتدى قاعة الشعر الفصيح
    مشاركات: 7
    آخر مشاركة: 10-01-2003, 05:38 PM
  4. تأملات...!!
    بواسطة بنت مصر في المنتدى لقاءات في حب الله
    مشاركات: 5
    آخر مشاركة: 29-10-2002, 10:21 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك