صفحة 1 من 5 123 ... الأخيرةالأخيرة
النتائج 1 إلى 10 من 41

الموضوع: zizoYAzizo في محطات أبناء مصر

  1. #1
    Tetris Champion!
    تاريخ التسجيل
    May 2004
    الدولة
    القاهرة
    العمر
    49
    المشاركات
    8,981

    Icon18 zizoYAzizo في محطات أبناء مصر





    بسم الله الرحمن الرحيم

    السلام عليكم ورحمة الله
    اهلا ومرحباً بك zizoYAzizo...
    اهلا بك معنا في محطات ابناء مصر وسعيدة بتواجدك معنا في هذه الجولة ...

    بداية يا ريت تعرفنا متى كان إشتراكك في المنتدى وكيفية التعرف عليه؟


    اشتراكى فى المنتدى كان فعلا شهر 9-2004 بس كنت قبلها يابوكى بدخل المنتدى كزائر يعنى عن طريق الجوجل او كنت حاطه فى الفيفورت تقريبا قبلها بسنه يعنى من 2003 والسبب الى كان شاددنى للمنتدى البرامج الى كانت بتكون حطاها البروف سمسمة



    نصل لأول محطة لك في المنتدى
    يا ترى في اي من القاعات وما هو الموضوع الذي سنقف عنده..
    ما هو سب اختيارك لتلك القاعة ولهذا الموضوع لنقف عندهما في اولى محطاتنا في المنتدى؟


    قاعه السيارات وهى عشقى الاوحد والصراحه اختيار موضوع منها هيكون صعب جدا من القاعه بس هحطلك اقرب موضوع لقلبى فى قاعه السيارات وكنت حاسس باذدهار القاعه وقتها فعلا كان مسابقه زوبة
    سبب اختيارى لقاعه السيارات هو حبى الشديد للميكانيكا والسيارات والموضوع ده فعلا وموضوع مسابقه السيارات بسبب ان كان ناس كتير كانت بتكون متواجده فى القاعه وكان فيه روح جميله بحس انها ماليه القاعه على الرغم ان فيه ناس كتير قوى مش بتعرف فى السيارات بس كانت روح الاخوه والمحبه هى الصفه الغالبه على كل المشاركين والمتواجدين فى المنتدى ككل وفى قاعه السيارات بالاخص


    ما هو الموقف الذي لا تنساه كلما ذكر اسم "منتدى ابناء مصر" ؟

    فيه مواقف كتير قوى بفتكرها الصراحه بس كفايه انه عرفنى بناس انا بعزهم جدا جدا ومن ضمنها كمان الحفله الى كنا فيها عند ليله عشق لما افتتحت شركه الفن الهادف


    عبارات... لمن توجهها:
    - غيبتك طالت
    رحمة

    - اي ان كان ما حدث اللي فات مات
    بوكى

    - وجودك بيفرق كتير يا ريت تواجدك يكون اكثر
    بسنت - يراع - اسد - الازهرى المصرى - ليلة عشق - اليمامة - اوشا - حنان - عز الدين - عصابه حماده وتوتو ( بنت شهريار - مى مؤمن - ندى الايام - زهراء )

    - هذا المكان ضم الكثير من الذكريات.. سعيد انني كنت طرف معك فيها
    احمد صلاح

    - ألم يحن وقت مراجعة النفس..
    بسنت اتمنى انها تراجع نفسها وظروفها وترجع وتتواجد من جديد
    اوشا
    حنان


    عادة تفسر المواقف حسب رؤية كل منا ..
    ما هو الموقف الذي اثر فيك وكنت أسأت تفسيره وتبين لك عكس رؤيتك بعد ذلك


    كان موقف مع مى مؤمن و بنت شهريار فى فتره من الفترات وبعدين فهمت انى كنت غلطان اصلا وكنت فاهم غلط


    ونتوقف عند ثاني محطاتك في المنتدى ..أين ؟
    ماذا يعني لك هذا الموضوع؟ وهل له موقف تتذكره؟


    قاعه لقاءات فى حب الله
    الموضوع
    الشيعه فى سطور
    الموقف هو ان الموضوع ده باكمله كان شرح من الاخت رحمه وانا كنت بكتبه بعد مافهمه منها عن طريق الماسينجر وكنت بكتبه على المنتدى بعد شرحها ليا واستفدت منه الكثير الكثير وربنا يجعله فى ميزان حسناتها وينفع بيه غيرنا


    في بعض الاحيان تكون الردود في الموضوع لها صدى وقوة لدرجة تساعد على إنجاح الموضوع أكثر...
    اختر لنا ردين من تلك الردود التي توقفت عندها واعجبت بها وماذا استوقفك فيها؟


    كان الصراحه الموضوع ده هديه عيدى فى صندوق بريدى وكانت عملاه اوشا ده الى انا متذكرة


    في تقديرك ما هو :
    - القرار الذي تأخر كثيراً في المنتدى


    داخل المنتى مافيش بس على مستوى الموقع كان سوق ابناء مصر

    - القرار الذي تم التسرع في أخذه

    بيتهيالى مافيش بس ممكن يكون فيه قرارات خطا كانت بتتاخد لانشاء قاعات او ضم قاعات وكانت الاصلح ليها تفضل على وضعها


    ما هو مفهوم حرية التعبير عن الرأي بالنسبة لك؟؟ ومتى تقول اهلاً بالديكتاتورية؟

    مفهوم الحريه هو انى راى صحيح مالم يثبت عكسه وراى الاخر صحيح حتى يثبت عكسه
    اقول اهلا بالدكتاتوريه لما احس ان الكل متشبث برايه وشايفه صح من وجهه نظره فقط


    كلمة توجهها لأحد أعضاء المنتدى أو أكثر... فلمن وماذا تقول فيها؟

    عضو : ليراع (انت اخ عزيز وكل ماقرا ردودك بحس بجهلى قدامها )

    مشرف : حسام عمر ( سيب الزمالك ياحسام علشان انت سبب نكسته اكيد علشان عامل ضغط على اللاعيبه )

    مشرف : ناريمان - اليمامه - جيهان ( بحب فعلا تواجدكم لما بشوفكم فى المنتدى )

    مراقب : فاضل - قلب مصر ( تواجدكم مهم ولابد منه )

    مشرف عام : احمد صلاح ( انت كائن تحتاج الى دراسه وانت عارف السبب )

    مشرف عام : بسنت ( ياريت ترجعى تانى المنتدى لان فعلا وجودك فرق كتير )


    وها نحن نصل إلى المحطة الثالثة والأخيرة
    يا ترى سنختم جولتنا في اي من القاعات وما هو الموضوع الأخير لنا فيها؟


    اختم بقاعه السيارات والموضوع الى هحطه هو ~¤ô(ورشة الإقتراحات و الإستفسارات و الشكاوي)ô¤~ فعلا اتمنى الى عنده اى اقتراحات للقاعه ميبخلش علينا بيها


    هل يوجد موضوع كنت تود الحديث عنه لم تتح الفرصة للكلام عنه في اللقاء؟

    موضوع اليمامه وقفة مع البراءة ..وأطفال " أبناء مصر " الأعزاء الموضوع ده يمكن جه فى وقت رجع تانى روح العيله الكبيره بعد غيابها كتير عننا


    كل الشكر لك zizoYAzizo على إتاحة الفرصة لي وللأعضاء الكرام للتجول معك عبر اروقة هذا المكان الجميل والمحبب إلى نفسي وأتمنى ان تكون سعدت معنا فيها

    انا سعيد برجوعك من تانى يابوكى وشكرا على الموضوع واتحاه الفرصه فى موضوعك ورجعتيلى زكريات مواضيع قديمه بس ليها معانى كتير قوى جوايا شكرا ليكى



    ونلتقي معكم الأربعاء القادم مع ضيف جديد في محطات أبناء مصر

    دمتم بكل خير
    في رعاية الله،،،





    يارب إن كان إدراك الحكمة صعباً.. فاجعل برحمتك الصبر والرضا سهلاً.

    على الطريــق

  2. #2

    تاريخ التسجيل
    Jun 2003
    الدولة
    اسكندرية
    العمر
    61
    المشاركات
    8,428
    اهلا زيزو
    اجابات كما تعودنا دائما منك صريحه وواضحه وفيها الكثير من الطيبه والبراءه
    مش عارف اشكرك كعضو فى ابناء مصر ولا كأخ عزيز الى قلبى

    تمنياتى لك بدوام التوفيق والنجاح

    وشكرا بوكى على الموضوع وعلى متعة الاحساس بالاخوه والصداقة ورقى ابناء مصر
    دمتى بخير
    التعديل الأخير تم بواسطة اسكندرانى ; 24-10-2011 الساعة 04:23 PM

  3. #3

    تاريخ التسجيل
    Mar 2009
    الدولة
    قلب أبى
    المشاركات
    7,715
    أهلاً بك زيزو

    إكتشفنا جانب جديد من شخصيتك

    اقتربنا منك وتعرفنا عليك أكتر

    إنسان بسيط وصريح وقلبه أبيض ههههه وغاوي سيارات

    سعدت برحلتي معك

    تسلمي بوكي وفي انتظار ضيفك القادم

    أرق تحية





    أسباب سقوط الأمم والحضارات: النظام الإلهى للانذار المبكر






  4. #4

    تاريخ التسجيل
    Aug 2005
    الدولة
    مصــر
    العمر
    36
    المشاركات
    7,421
    زيزو يا زيزو ..
    قعدت أفكر ياترى مين حياخدنا أول محطة بس بصراحة اختيار ريهام كان فوق التوقع
    عارف يا أحمد كتير باحس انك زي ابن البلد في حاجات كده
    زي العملة الواحدة
    من الحاجات اللي بتشبهوا بعض فيها هي الحرص الدائم على المكان ده وبالذات في أصعب أوقاته
    لما بينزل المؤشر والدنيا تنام شوية نلاقيكم عملتوا نشاط وتواجد.. بس الشهادة لله انت نشاطك أعلى
    ده بيدل عن حب كبير ومشاعر خالصة حقيقي باحترمها

    كانت محطة جميلة ومفيدة يا زيزو
    وبداية رائعة يا بوكي

    ربنا يوفقكم

    وَلـَنْ ينجبَ الزَّيفُ إلا الدَّجَلْ !

  5. #5
    Plupon Champion! Bush Shoot-Out Champion!
    تاريخ التسجيل
    Sep 2004
    الدولة
    Egypt,Al Qahirah
    العمر
    36
    المشاركات
    10,415
    ربنا يكرمك يابوكى على الموضوع وفعلا فرحتى اصلا برجوعك لنشاطك تانى كان هو الى غالب عليا وروجعك بموضوع زى ده كمان خلانى افتكر مواضيع قديمه والله بس لسه فى الذاكره يمكن بنفس الشعور الى استقبلتها بيها لاول مره احيكى فعلا على رجوعك وموضعك واتاحه الفرصه لاستعاده الذكريات من جديد وشكرا جزيلا لولوى على المجهودج فعلا فى التنسيقات لكى كل الموده والاتقدير

  6. #6
    Plupon Champion! Bush Shoot-Out Champion!
    تاريخ التسجيل
    Sep 2004
    الدولة
    Egypt,Al Qahirah
    العمر
    36
    المشاركات
    10,415
    اقتباس المشاركة الأصلية كتبت بواسطة اسكندرانى مشاهدة المشاركة
    اهلا زيزو
    اجابات كما تعودنا دائما منك صريحه وواضحه وفيها الكثير من الطيبه والبراءه
    مش عارف اشكرك كعضو فى ابناء مصر ولا كأخ عزيز الى قلبى

    تمنياتى لك بدوام التوفيق والنجاح

    وشكرا بوكى على الموضوع وعلى متعة الاحساس بالاخوه والصداقة ورقى ابناء مصر
    دمتى بخير
    ربنا يباركلك يا استاذ نادر الصراحه كانت معرفه خير بيكم كلكم وانت صاحب زوق راقى سعدت بيه على السنين الى فاتت كلها وابو البنات وصاحب واجب وذكريات كتير جمعتنا بردو فى اسكندريه عندك حقيقى يعنى كلها متتنسيش بصحبتك يا ابو البنات
    اتمنى ان الزياره تكرر تانى والله فى اقرب وقت وانا هتلاقينى عندك ان شاء لله

  7. #7
    Plupon Champion! Bush Shoot-Out Champion!
    تاريخ التسجيل
    Sep 2004
    الدولة
    Egypt,Al Qahirah
    العمر
    36
    المشاركات
    10,415
    اقتباس المشاركة الأصلية كتبت بواسطة فراشة مشاهدة المشاركة
    أهلاً بك زيزو

    إكتشفنا جانب جديد من شخصيتك

    اقتربنا منك وتعرفنا عليك أكتر

    إنسان بسيط وصريح وقلبه أبيض ههههه وغاوي سيارات

    سعدت برحلتي معك

    تسلمي بوكي وفي انتظار ضيفك القادم

    أرق تحية

    ربنا يخليكى يافراشه وانا سعيد بتواجدك وكفايه انك منوره الموضوع بحضورك الكريم اتمنالك الخير ان شاء لله ديما بس بلاش قلب ابيض احسن حسام عمر يزعل ويقلى انى اهلاوى وقلبى مش ابيض
    شكرا ليكى

  8. #8
    Plupon Champion! Bush Shoot-Out Champion!
    تاريخ التسجيل
    Sep 2004
    الدولة
    Egypt,Al Qahirah
    العمر
    36
    المشاركات
    10,415
    اقتباس المشاركة الأصلية كتبت بواسطة nariman مشاهدة المشاركة
    زيزو يا زيزو ..
    قعدت أفكر ياترى مين حياخدنا أول محطة بس بصراحة اختيار ريهام كان فوق التوقع
    عارف يا أحمد كتير باحس انك زي ابن البلد في حاجات كده
    زي العملة الواحدة
    من الحاجات اللي بتشبهوا بعض فيها هي الحرص الدائم على المكان ده وبالذات في أصعب أوقاته
    لما بينزل المؤشر والدنيا تنام شوية نلاقيكم عملتوا نشاط وتواجد.. بس الشهادة لله انت نشاطك أعلى
    ده بيدل عن حب كبير ومشاعر خالصة حقيقي باحترمها

    كانت محطة جميلة ومفيدة يا زيزو
    وبداية رائعة يا بوكي

    ربنا يوفقكم
    ايوه وانا بردو اتصدمت لما لقيت انى اول واحد فى القطر بس ممكن تكون ريهام حطانى علشان انا الى اسوق بقى
    بمناسبه ابن البلد يعنى الصراحه هو شخصيه مالهاش شبه خالص اصلا ومالوش مالكه يعنى
    بس الصراحه هو وبسنت اشد اتنين على الحرص على المنتدى ومافيش فعلا حد فى نفس حرصهم على الموقع الصراحه وعدوم وجود بسنت فعلا فارق كتير قوى على الموقع
    والمنتدى والله ماشى بانلاس الكويسين الى فيه وياريت روح الاخوه والمحبه دى تفضل هى الدائمه لان فعلا هو بقى اكبر من كلمه منتدى للجميع انا سعيد فعلا بتواجدك يا ناريمان وفعلا بفرح لما بشوفك متواجده فى المنتدى وكلنا بنقدر تعبكم والله وتواجدكم على الرغم الظروف الى بتبقى عند الكل

  9. #9
    3D Net Blazer Champion! Bunch Champion! Typing Test Champion!
    تاريخ التسجيل
    May 2006
    الدولة
    alexandria
    المشاركات
    2,273
    أهلا زيزو
    اختياراتك للمحطات جميلة ورائعة
    جذني بشدة كثيراً موضوع براءة الأطفال
    وموضوع هدية عيدي في صندوق بريدي

    دمت كما أنت أخ وصديق رائع
    ================================================== ==============

    بوكي .. كالعادة موضوع رائع وأسئلة ذكية
    وتجمع جميل وولمة حلوة

    سعيد جداً برجوعك لنشاطك في المنتدى

    دمت في أمان الله
    أمل موؤود وحلم مفقود ... ليل بلا حدود
    -------------------

    -------------------------
    ليس البكاء بدليل على الحزن ... ولا الضحك بدليل على السرور
    إنما الآلام تتوارى خلف القلوب

  10. #10

    تاريخ التسجيل
    Apr 2009
    الدولة
    مصر
    المشاركات
    13,188
    الله الله
    زيزو يا زيزو مرة واحدة !!
    بالتأكيد ريهام ليها وجهة نظر ..وهى انك هاتكون بارع فى قيادة القطر يا زيزو وأى وسيلة مواصلات ما عدا التكاتك ..هههههه
    بجد أنا سعيدة جدا انى أشوف موضوع من الموضوعات الحميمية الجميلة اللى بتقرب بين القلوب
    وطبعا من علامات النجاح لهذه الفكرة هو البدء بيك يا زيزو
    لأن انت كفاية أوى تضيف للموضوع وللمكان حضور ومحبة ..طيبة وبراءة ..وطفولة كمان
    من أجمل الشخصيات اللى اتعرفت عليها هنا ..وبجد يا جماعة الولد زيزو دا له قلب من دهب
    اجاباتك كانت جميلة وكنت سعيدة انى على بالك ..وسعدت أكتر بتذكرك لموضوع البراءة
    الموضوع دا انا حبيته من كل قلبى ..
    وخاصة بصورك وصور البنت مصراوية والكابورليه واولمبيكيات المراتب وعرف الديك ..ههههه
    وان شاء الله عندى أمل كبير اننا نكمله ..


    أما أنتى يا ريهام
    شكرا ليكى على المجهود الجميل وما يشبه عودة نفخ الروح فى هذا المكان
    دائما يتسم اسلوبك وحوارك بالبساطة والحميمية
    وهذا ما اعتدناه منك دائما

    تقبلوا مودتى الدائمة

صفحة 1 من 5 123 ... الأخيرةالأخيرة

المواضيع المتشابهه

  1. حسام عمر في محطات أبناء مصر
    بواسطة boukybouky في المنتدى تحت دائرة الضوء
    مشاركات: 41
    آخر مشاركة: 07-02-2012, 09:48 PM
  2. mriadh في محطات أبناء مصر
    بواسطة boukybouky في المنتدى تحت دائرة الضوء
    مشاركات: 21
    آخر مشاركة: 07-02-2012, 09:32 PM
  3. kethara في محطات أبناء مصر
    بواسطة boukybouky في المنتدى تحت دائرة الضوء
    مشاركات: 19
    آخر مشاركة: 07-02-2012, 07:58 PM
  4. nariman في محطات أبناء مصر
    بواسطة boukybouky في المنتدى تحت دائرة الضوء
    مشاركات: 43
    آخر مشاركة: 18-11-2011, 05:55 PM
  5. اسكندراني في محطات أبناء مصر
    بواسطة boukybouky في المنتدى تحت دائرة الضوء
    مشاركات: 19
    آخر مشاركة: 18-11-2011, 04:52 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •