صفحة 1 من 2 12 الأخيرةالأخيرة
النتائج 1 إلى 10 من 13

الموضوع: خطة ما تخرش الميه .....

  1. #1

    تاريخ التسجيل
    May 2007
    الدولة
    بلادي وان جارت علي عزيزة
    العمر
    70
    المشاركات
    188

    Icon21 خطة ما تخرش الميه .....




    منقووول: خطة ماتخرش الميه

    قريت خبر فى المصرى اليوم بالصدفة بيقول ما معناه ان الناس بتروح أقسام الشرطة تسجل أساميها عشان تقدر تنتخب فى الاستفتاءات و الانتخابات الجاية بالرقم القومى!!! هنجت شوية و مافهمتش!! أروح القسم أنيل ايه اذا كان كل البشر و على رأسهم أعضاء المجلس الأعلى للقوات المسلحة و طارق البشرى شخصياً قالوا الانتخابات بالرقم القومى!!! انا سمعت الكلام ده بنفسى فى التليفزيون و قريته بنفسى فى النت و الجرايد يبقى ايه بقى؟؟؟



    قلت أروح القسم اتأكد بنفسى ما هما خلوا الواحد يشك فى نفسه. المهم رحت قسم النزهة اللى انا تبعه، أول حاجة لقيت فيه ناس كتير و سألت فى الاستعلامات فى القسم قاللى: آه لازم تسجل اسمك عشان تعرف تنتخب بالرقم القومى. بقولوا: ايه لزمته طيب مادام بالرقم القومى راح ابتسم ابتسامة بلهاء كده ( الظاهر عشان شعار الشرطة الجديد بتاع الشرطة تبتسم للشعب ده) و قاللى اطلع الدور الأول عند لجنة الجداول الانتخابية. طلعت لقيتهم حاطين على الحيطة الاجراءات كلها و طلع فعلاً لازم الناس تسجل أساميها فى الجداول عشان تقدر تنتخب حتى لو بالرقم القومى و اجراءات تسجيل الأسم هى اجراءات استخراج البطاقة الانتخابية. صورت الاجراءات من على الحيطة عشان كل الناس تعرف و تصدق و يا ريت تهتم.



    بغض النظرعن ان اى حد مش ممكن يقتنع بسبب منطقى للكلام ده، سؤال بسيط جداّ؛ ايه لزمة الموضوع ده لو فعلا كانت النية حسنة ان الانتخابات الجاية كلها (دستور – تشريعية – رئاسية) تبقى محترمة لأول مرة فى تاريخنا؟؟؟ و عشان محدش يقول انى بفترى أو بزودها و ببالغ انا هتكلم عن نفسى و هاعتبر انى واحد من النظام النجس اللى لسه موجود و هفكر ادير الانتخابات الجاية ازاى؟ و هحاول استحضر كل الدناءه والحقارة اللى جوايا يمكن اقدر اوصل لمستوى الناس دى.



    أول خطوة: هعمل تعتيم اعلامى كامل عن الموضوع ده. يعنى لا هينزل فى جرايد و تليفزيون و لا أى حاجة. ده انا كمان كنت هسيب منى الشاذلى تقول ان الانتخابات بالرقم القومى بس عشان الناس تفضل مئنتخة كده لغاية يوم الانتخابات بعدين نقولوهم هارد لك. مارحتوش الأقسام ليه تتأكدوا يا وحشين؟؟ ده حتى لو مش عايزين حاجة مش كنتوا تروحوا تتفرجوا على شعار الشرطة الجديد (الشرطة فى "خدعة" الشعب).



    ثانى خطوة: هاغتت قوى فى اجراءات التسجيل و دى هما اتفوّقوا عليا فيها. يعنى خلّوا مواعيد التقديم من 8:30 الصبح الى 3:00 العصر بس عشان الناس كلها تبقى فى شغلها. لازم تجيب أصل شهادة الميلاد مش عارف ليه أهو برضه زيادة فى الغتاتة. الجامدة بقى ان آخر معاد للتقديم 8 مارس!!! مع العلم ان فى ملايين عايزة تعمل الموضوع ده. يبقى انا عملت أول خطوة كده ضمنت ان فى حبة ناس مش هتلحق و حبة ناس كبار شوية فى السن و بطايقهم على مناطق بعيدة أو بلاد فا مش هيقدروا و حبة ناس تانية مش هتستحمل الزحمة و القرف فا هايكاسلوا و الاخرانيين دول هايبقوا نفعونى قوى. كده كوّمت حبه حلويين بعد كمان اللى كوّمتهم من أول خطوة.



    ثالث خطوة: كان من ضمن شروط الانضمام للحزب النجس "الوطنى سابقاً" ، "القومى مستقبلاً" ان يكون عندك بطاقة انتخابية. يعنى انا بفراستى عارف و فائس ان كل اللى هيتقدموا اليومين الجايين للتسجيل دول تبع الثورة. يبقى الجداول اللى فيها الأسامى الجديدة دى كلها تتفلتر. يعنى نشيل منها 20-25% كده و مش اكتر لحسان الموضوع يتفئس. و لو واحد راح مالقاش اسمه هيلاقى ان اللى حواليه اساميهم موجودة يبقى المشكلة فيه هو. يمكن اسمه قبيح مثلاً، أو هو سكران مش دارى هو راح و لأ و يمكن يكون سمع مقر اللجنة غلط. أو دى ارادة ربنا بقى!!! يعترض؟؟؟ كده يبقى كوّمت حبه كمان حلويين.



    رابع خطوة: هستقتل عشان وزير الداخلية و العدل يفضلوا موجودين لحد ما يظبتوا كل الكلام ده قبل الانتخابات و طبعا عشان نضمن ده لازم نسيب رئيس الوزرا برضه عشان نحدش يشيلهم. و بعد ما يدوا التمام نبقى ممكن نسيبهم يتشالوا بقى و مش مشكله ماهى كلها كام شهر و لو الخطة مشيت مظبوط كله هيرجع. هههه.

    أظن انا كده عملت اللى عليا و الباقى بقى على باقى الأعضاء يكثفوا مجهودهم فى القرى و الأرياف بالذات لتجميع الناس معانا و شراهم بالفلوس و أهو البهايم كتير و الحمد لله قانون المقطورات لسه فا ممكن نلم كل مقطورات البلد نعبّى فيها الناس يوم الانتخابات.



    أظن بعد الخطة دي انا مستنى يبعتولى دعوة جادة للانضمام للحزب القومى (الوطنى سابقاً).



    ملحوظة: بحسبة بسيطة، لو كل قسم شرطة يتلقى طلبا لإصدار بطاقة انتخابية كل دقيقتين، والقسم يتلقى الطلبات لمدة ست ساعات يوميا، وهناك خمسمائة قسم في مصر، والمدة المتاحة للناس حتى 8 مارس هي عشرة أيام، فإن عدد البطاقات المصدرة في هذه الفترة سيكون تسعمائة ألف بطاقة فقط، وهو أقل من عدد حاملي البطاقات الانتخابية الحاليين من الحزب الوطني!! يا ترى ثورتنا رخيصة عندنا لدرجة التفريط فيها عن طريق السماح بتنفيذ هذا السيناريو؟؟





    للتاكيد من مصادر اخبارية على الموضوع ده :

    المراقب:

    http://www.almorakeb.com/sys.asp?bro...rticle&ID=3565

    المصري اليوم:

    http://www.almasry-alyoum.com/articl...3&IssueID=2060



    صورة الاجراءات موضحة:

    https://www.facebook.com/photo.php?f...50404192380394




  2. #2

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    33
    المشاركات
    7,323
    تفتكر إحنا ممكن نسكت على الإستهبال ده يا استاذنا ؟؟
    يعني ممكن فعلا مجهودنا يضيع بسبب قلة الأدب والإستهبال و الإستخفاف بالعقول ؟
    هما لسة فاكرينا نفس الناس بتوع زودولهم المرتب بعد ما تغلوا الأسعار ؟
    بيعاملونا بنفس الغباء و العبط لسة ؟
    طب إسمع دي بقى كمان ..
    قريبتي معيدة في الجامعة ..تحديدا كلية علوم جامعة القاهرة
    راحت الجامعة من يومين وراجعة تقول الآتي ..فيما يخص الحرس الجامعي، نفس أمناء الشرطة اللي بيصبحوا عليا و انا داخلة جامعة القاهرة كل يوم سلموا عليا النهارده و أنا داخلة بس كانوا لابسين ملكي!!!

    إزيك بجاااااااااااااااااااااا؟؟


    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




  3. #3

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    33
    المشاركات
    7,323
    آه و بالمناسبة انا بعت رسالة على الإيميل الخاص بشباب الإئتلاف بالموضوع ده ..


    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




  4. #4

    تاريخ التسجيل
    Mar 2009
    الدولة
    قلب أبى
    المشاركات
    7,715
    للأسف المجتمع عمره ماهيكون المدينه الفاضله

    في ناس نفوسهم ضعيفة وفي منتفعين ومتسلقين

    وناس عاوزين يحافظوا على سلطتهم ونقوذهم

    وللأسف دول عددهم كبير ولهم أساليب ملتوية

    إما بغسيل المخ أو بالمراوغه

    وإحنا لسه طيبين وبنصدق

    خالص تقديري




    أسباب سقوط الأمم والحضارات: النظام الإلهى للانذار المبكر






  5. #5

    تاريخ التسجيل
    Apr 2009
    الدولة
    مصر
    المشاركات
    13,188
    اقتباس المشاركة الأصلية كتبت بواسطة مصراويةجدا مشاهدة المشاركة
    تفتكر إحنا ممكن نسكت على الإستهبال ده يا استاذنا ؟؟
    يعني ممكن فعلا مجهودنا يضيع بسبب قلة الأدب والإستهبال و الإستخفاف بالعقول ؟
    هما لسة فاكرينا نفس الناس بتوع زودولهم المرتب بعد ما تغلوا الأسعار ؟
    بيعاملونا بنفس الغباء و العبط لسة ؟
    طب إسمع دي بقى كمان ..
    قريبتي معيدة في الجامعة ..تحديدا كلية علوم جامعة القاهرة
    راحت الجامعة من يومين وراجعة تقول الآتي ..فيما يخص الحرس الجامعي، نفس أمناء الشرطة اللي بيصبحوا عليا و انا داخلة جامعة القاهرة كل يوم سلموا عليا النهارده و أنا داخلة بس كانوا لابسين ملكي!!!

    إزيك بجاااااااااااااااااااااا؟؟
    الأستاذ الفاضل الأسوانى
    سارة..
    القصة دى على فكرة يعنى موش غلط..أنا قريت أنه لازم يتم نوع من الربط بين الرقم القومى وجداول تكون موجودة فى القسم بشكل أو بآخر..يعنى إجراء عادى..
    وهو موش مجهول..وتم الإعلان عن المواعيد والتواريخ والإجراءات اللى تتبع..وموش كل الناس لازم تعمل كدا..فيه ضوابط تقريبا
    دا اللى قريته مؤخرا..ومؤكد ساعتها هايبقى فيه دعايا كبيرة وخطوات محددة يتبعها المواطن..
    لأ ..يعنى اللى أنا عايزة أقوله ان فيه تغيير بالفعل وان الإنتخابات - بالذات - هاتكون نزيهة ان شاء الله ومضمون حريتها..ودا كان مطلب أساسى من مطالب الثورة..والجميع صدقوا على الجزئية دى وأعتقد هايكون فيه وقتها اجراءات مشددة وصارمة لضمان نزاهتها..وخاصة بعد اعلان ان القضاء هيتولى العملية والشرطة بس هاتوفر الأمن..لأن العكس معناه فشل كل شىء..فشل مريع إذا كانت الإنتخابات موش هاتبقى حرة..
    أما بالنسبة للحرس الجامعى يا سارة..المفروض الحرس موش هايختفى..اللى قالته قريبتك صح وحقيقى ودا لأن الحرس هايبقى موجود بس ادارى ولا بس مدنى وفى داخل الجامعة وموش بزى عسكرى وصارم وعامل ترهيب وكدا..
    مساء الخير


  6. #6

    تاريخ التسجيل
    Feb 2004
    الدولة
    جمهورية مصر العربية
    المشاركات
    22,004
    أخى الحبيب الأسوانى
    إن شاء الله كل الخطط والمخططات دى سوف تجهض
    شكرا لك على الموضوع
    وشكرا لكاتب المقال
    شيء صحى جدا إننا نتحاور حول مخاوفنا ونشوف إزاى نقدر نفوت أى محاولة للإلتفاف حول الثورة
    وأجمل حاجة إن الكل أصبح مترقب ومتابع للخطوات المتبعة
    والمرة دى إن شاء الله ماحدش ح يسمح إن المبادىء التى قامت عليها ثورة الشعب يتلاعب بها أى نظام مثلما حدث فى ثورات عديدة من قبل

  7. #7

    تاريخ التسجيل
    Feb 2008
    الدولة
    MCV MerCeDieS
    العمر
    33
    المشاركات
    7,096
    لو ظللنا نشكك في كل المصريين يبقي كده مصر هتخرب لابد ان نكون علي قدر من المسئولية
    IIIIII am back



  8. #8

    تاريخ التسجيل
    May 2007
    الدولة
    بلادي وان جارت علي عزيزة
    العمر
    70
    المشاركات
    188
    شكرا لكل الردود من الاخوة والاخوات الافاضل ....

    يابوووووي .... انا كنت عايز اطمن على الانتخابات ...... وحطيت الموضوع ده عشان ماعارفش ايه اللي ع يجرا في مصر ؟؟؟

    دلوكيت انا اطمئنيت منكم ......

    شكرا ليكم

  9. #9

    تاريخ التسجيل
    Feb 2008
    الدولة
    MCV MerCeDieS
    العمر
    33
    المشاركات
    7,096
    طيب بص يا عم الاسوانى

    النهاردة انا روحت عشان اقيد الاسم فى الجدول الانتخابى الخاص بيا

    اولا رفضوا انى اقيد اسم والدتى قلنا ماشى ولو ان اسم زوجها فى بطاقتها هو نفسه اسم والدى بس باين تشابه اسماء.

    ثانيا هم فى الاول حاولو يفهمونى ان التسجيل بقى بالبطاقة بس ولما ضغطت على العسكرى اللى بيكتب الطلبات راح طلع ورقة وقالى صور البطاقة واكتب بياناتك

    ثالثا مضيتها من معاون المباحث ولا الظابط

    رابعا المفروض تكون عندهم بس قالى مش هتتبعت للعمدة بتاعكم غير لما يجى , اول مرة اعرف ان عندنا عمدة فى المنطقة اللى انا عايش فيها . طبعا انا رفضت وقلتلهم انا هوديها بنفسى

    المهم فى كل دا بقى ان لغاية دلوقتى ماحدش فى الاماكن اللى المفروض نسجل الاسامى فيها يعرف اذا كان الانتخاب هيكون بالبظاقة بس ومن غير كل الكلام دا ولا بالبظاقة وبالخطوات دى كلها

    وواضح كمان ان الاجراءات متغيرة فى كذا مكان يعنى على حسب كل مزور وطريقته.

    المهم ان الواضح ان الناس عندها اقبال كبير للانتخابات السنة دى

    بس المشكلة فعلا فى الوقت اللى فاضل عليه 3 ايام عشان ينتهى

    IIIIII am back



  10. #10

    تاريخ التسجيل
    May 2007
    الدولة
    بلادي وان جارت علي عزيزة
    العمر
    70
    المشاركات
    188
    اقتباس المشاركة الأصلية كتبت بواسطة طائر الشرق مشاهدة المشاركة
    طيب بص يا عم الاسوانى

    النهاردة انا روحت عشان اقيد الاسم فى الجدول الانتخابى الخاص بيا


    معنى كده ان الكلام صح ..... !!!!!
    يعني فيه اجراءات طويلة عريضة مضيعة للوقت .....!!!!!
    طيب ليه كل ده .... ؟؟؟ دا احنا ح " نستفتى " ع الدستور ..... !! استفتاء بس .... " نعم " او " لا " ..... !!!!! يابوووووووي .....

    حدش سأل على المصريين اللي خارج مصر ( زي حالاتي ) ع يعملوا ايه ؟؟؟ ..... يعني ع يستفتوا ازاي ؟؟؟؟

صفحة 1 من 2 12 الأخيرةالأخيرة

المواضيع المتشابهه

  1. داب فى الميه و ذهب مع الريح
    بواسطة khalid radio في المنتدى قاعة المناقشات
    مشاركات: 2
    آخر مشاركة: 17-11-2007, 10:14 AM
  2. مبروك يا اهلوية..الفوز بالبطولة الميه..فى المئويه
    بواسطة عصام كابو في المنتدى قاعة الرياضة
    مشاركات: 9
    آخر مشاركة: 18-05-2007, 06:21 PM
  3. يا ولا الأيه ستة (6) نكت مثبته ...
    بواسطة دكتور مهندس جمال الشربينى في المنتدى قاعة فك التكشيرة
    مشاركات: 12
    آخر مشاركة: 17-01-2007, 01:21 AM
  4. نكت صناعة مصرية ميه في الميه (مش مستوردة ولا حاجة)
    بواسطة amak_77 في المنتدى قاعة فك التكشيرة
    مشاركات: 10
    آخر مشاركة: 30-04-2006, 04:36 PM
  5. الميه البيضا فى العين
    بواسطة marr في المنتدى قاعة الصحة
    مشاركات: 10
    آخر مشاركة: 25-01-2003, 05:55 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •