صفحة 1 من 13 12311 ... الأخيرةالأخيرة
النتائج 1 إلى 10 من 129

الموضوع: رأس السنة الهجرية..واحتفالية على الطريقة العربية..

  1. #1

    تاريخ التسجيل
    Apr 2009
    الدولة
    مصر
    المشاركات
    13,188

    مبتسم رأس السنة الهجرية..واحتفالية على الطريقة العربية..



    أعزائى ابناء مصر الحلويين..
    كل سنة وانتم طيبين..ورجعنا تانى نتلم ونتجمع مع بعض فى احتفال من أروع ما يكون..وهو عيد رأس السنة الهجرية والذكرى العطرة الشريفة لهجرة الرسول صلى الله عليه وسلم..
    وكعادتى ..بحب جداً أكون موجودة معاكم فى المناسبات السعيدة دى لأنى بكون محتاجة أحس بجو الأفة والود ..الجو الجميل اللى بنعيش فيه وبنحس بدفء قلوبنا وقربنا من بعضنا وفرحتنا..يارب دايماً يجعل أيامنا أعياد فى أعياد..ونتجمع بقلوبنا الطيبة الدافية ونعزف أجمل المشاعر..

    الحقيقة ان المناسبة دى مناسبة بالنسبة ليا وأكيد لينا كلنا مناسبة خاصة..ليها احساس مختلف..وعلى الشعوب الإسلامية العربية بشكل عام..فى المناسبة دى كل الشعوب لازم تتذكر وتعرف فضل الإسلام على العالم ..وكيف كان رسول الله صلى الله عليه وسلم قائد عظيم أعد الجند عائداً إلى مكة فاتحاً وأوذى وتعرض للحرب والعذاب والنكران ولكنه صبر على إيذاء المشركين من مكة حتى آخر رمق حتى انتصر صلوات الله عليه وسلامه وانتشر الإسلام بالدعوة باللتى هى أحسن وبالصبر..وكم هو فخر وشرف لنا أن ننتمى لهذه الأمة وأن نعيش هذه المناسبة العطرة لعلنا نتطلع إلى تلك المواقف الخالدة ويثبتنا الله عز وجل على الحق والهداية بإذنه..



    كل سنة وكل الأمة الإسلامية بخير وسعادة اللهم ما آمين..




    طلع البدر علينا ..من ثنيات الوداع ..

    ولأن عادات الأكل باعتبرها تراث ثقافى لذيذ وأصيل..فحابة جدا انى أقدملكوا حاجة لطيفة زى ما كانوا امهاتنا بيعملوا وبيبسطونا...موش الفكرة طبعاً اننا بنحتفل بالأكل فى كل مناسبة..لكن زى ما قولت انه حتى الأكل تراث يجب احياؤه..وهدفى الأكبر انى أكون موجودة معاكوا..احساسى بقربكم هو الأروع وصدقونى عينى بتدمع وأنا بسمع الأغنية دلوقتى..أغنية " طلع البدر " وبتخيل المعاناة اللى لاقاها رسولنا الكريم صلى الله عليه وسلم وهو بينشر الإسلام ..يااااااه...احنا فين يا جماعة !!!

    بجد بجد سعيدة معاكوا أوى..وهستناكوا هنا كعادتنا ..نتكلم ونضحك وناكل ونقول..
    ياريت اللى نفسه فى أى حلويات عربية يقولى..حلويات عربية بس المرة دى..يعنى شرقى..وخاصة انى بجيد الحلويات أكتر..



    هاقدملكوا العاشورا ..والرز بلبن..والمهلبية..والفطير..وكمان بعض الحلويات العربية..وبطريقتى الخاصة زى بتاعة المحترفين..وان شاء الله تجربوها وتعجبكم..
    أنا هستناكم يا حبايبى..
    كل سنة وانتم أحلى ناس وأحلى شعب وأحلى أمة خلقها الله على الأرض..
    بحبكم كلكم..
    ندى



    التعديل الأخير تم بواسطة اليمامة ; 06-12-2010 الساعة 06:16 PM


  2. #2

    تاريخ التسجيل
    Apr 2009
    الدولة
    مصر
    المشاركات
    13,188



    شكر وتقدير خاص للأستاذ العزيز اسكندرانى ..نادر..على تصميمه الجميل الأخضر اللى بيدعو على الخير..

    وكل الشكر ليكم جميعاً لأنكم دايما بتدخلوا على قلبى السعادة أضعاف مضاعفة لمجرد انكم موجودين فى حياتى وفى ذاكرتى..




    ندى





  3. #3

    تاريخ التسجيل
    Oct 2009
    الدولة
    المنصــوره
    العمر
    37
    المشاركات
    2,828
    يااااه
    كل سنه واليمامه طيبه وبالف خير دائما وكل مناسبه دائما تسعدينا بجد
    كل سنه والكل بخير وود ان شاء الله
    الهجره النبويه بالامها وصعوبتها ومشاقها علي النبي الكريم صلي الله عليه وسلم وصاحبه ابو بكر الصديق
    فيها كثير من السلوي لكل من تعترض حياته المشاق والصعاب والالام القويه
    التي قد تجعل الانسان في حاله يأس وقنوط من رحمه الله
    ولكن بقصه الهجره الكثير من الدروس والعبر القويه

    في الحقيقه انا مش مرتبط اوي باكله العاشورا في تلك المناسبه
    وان كنت اصلا اكاد اجزم اني مش عارف ايه مكوناتها
    وده لان الغالب في البيت عندنا مش بيعملوها لان محدش بيطلبها
    بس افتكر اني اكلتها في اكتر من مره بس يعني ..محبتهاش اوي
    ربما تكون معموله بشكل مش احترافي بقي او انا اصلا مش ليا في الحاجات دي
    وعشان كده هاستناكي ياندي تعمليها ..ربما تكون اجمل من ايدك ..
    واديلهم امر مباشر في البيت يعملوها ..

    في انتظار العاشورا الجاااااااااامده جدا



    انا ان قدر الاله مماتي
    لاتري الشرق يرفع الرأس بعدي

  4. #4
    Plupon Champion! Bush Shoot-Out Champion!
    تاريخ التسجيل
    Sep 2004
    الدولة
    Egypt,Al Qahirah
    العمر
    36
    المشاركات
    10,415
    كل عام وانتى بخير ويعود الايام على الجميع بالخبر والسلام ان شاء الله
    انا عايز رز بلبن طيب لانى بحبه يعنى
    والمهلبيه وام على مع الاعتذار الكامل لعلى يعنى
    تسلم ايدك كقدما وانا هكون قاعد فى اول الترابيزه طبعا كالعاده

  5. #5

    تاريخ التسجيل
    Nov 2009
    الدولة
    كـوكــب تـانـى
    المشاركات
    1,267



    ي
    اسلام ياسلام إمممممممممممم

    عاشورا

    فاكراها

    مش دى الى زى البليله كده

    ولا أقولك ماليش دعوه أحسن تطلع مش هى ومش هخلص من تريقتك

    أصل انا تقريبا كده زى أخونا محمد أعرفها على طشاش

    معرفه قديمه اوى من يجى خمناشر تمناشر سنه كده

    عموما خلينا قاعدين لما نشوف اخرتها

    وآدى قاعده على راس التربيزه

    ليدز فريست














    بس مالها قرعه كده

    يالا زى بعضه







    أنا إن قدر الإله مماتى

    لاترى الشرق يرفع الرأس بعدى



  6. #6

    تاريخ التسجيل
    Apr 2009
    الدولة
    مصر
    المشاركات
    13,188
    اقتباس المشاركة الأصلية كتبت بواسطة محمد حسيـــن مشاهدة المشاركة
    يااااه
    كل سنه واليمامه طيبه وبالف خير دائما وكل مناسبه دائما تسعدينا بجد
    كل سنه والكل بخير وود ان شاء الله
    الهجره النبويه بالامها وصعوبتها ومشاقها علي النبي الكريم صلي الله عليه وسلم وصاحبه ابو بكر الصديق
    فيها كثير من السلوي لكل من تعترض حياته المشاق والصعاب والالام القويه
    التي قد تجعل الانسان في حاله يأس وقنوط من رحمه الله
    ولكن بقصه الهجره الكثير من الدروس والعبر القويه

    في الحقيقه انا مش مرتبط اوي باكله العاشورا في تلك المناسبه
    وان كنت اصلا اكاد اجزم اني مش عارف ايه مكوناتها
    وده لان الغالب في البيت عندنا مش بيعملوها لان محدش بيطلبها
    بس افتكر اني اكلتها في اكتر من مره بس يعني ..محبتهاش اوي
    ربما تكون معموله بشكل مش احترافي بقي او انا اصلا مش ليا في الحاجات دي
    وعشان كده هاستناكي ياندي تعمليها ..ربما تكون اجمل من ايدك ..
    واديلهم امر مباشر في البيت يعملوها ..

    في انتظار العاشورا الجاااااااااامده جدا
    أهلا بيك يا محمد..كل سنة وانت طيب ..
    وفعلا يا محمد قصة الهجرة مؤثرة أوى لدرجة الدمع وفيها الكثير من الدروس المستفادة لينا اللى ممكن جدا نستعين بيها فى مواجهة أزماتنا ولو حتى على المستوى النفسى
    أما عن العاشورا هى لذيذة ومغذية
    ويا سيدى هاقولك على مكوناتها يمكن تعجبك وتديهم الأمر إياه
    ههههههههههه
    وربنا يستر بقى ويطلع منظرى حلو..
    ومتخافش فيه حلويات تانية..ابقى خد اللى انت عايزه


  7. #7

    تاريخ التسجيل
    Apr 2009
    الدولة
    مصر
    المشاركات
    13,188
    العاشورا

    طبعاً دى أكلة مصرية قديمة وأصيلة ومغذية ولذيذة جدا على فكرة..ماتسمعوش كلام محمد حسين..
    وكانت ماما بتعملها فى المناسبات الدينية مخصوص..موش عارفة جايز اتربت هى كمان على الفكرة دى ..وارتبطت فى مخها بالأعياد دى وبالتالى انا كمان اخدت العادات دى منها..وكمان لما كانت بتعملها كانت لازم تتطلع لجيرانا فى العمارة..وحوالين البيت..حبايبها يعنى من الجيران وتبعت لعماتى وأعمامى وكدا..حتى لو كانوا عاملين لأن دا كان بيعتبر حاجة كدا بتصنع الود وبهدف ادخال السعادة والتذكرة..يعنى كان عرف موسمى لبعض الأطباق المعينة فى المناسبات المختلفة..

    طبعاً طريقة العاشورا بتختلف من ناس لناس..يعنى فيه ناس ممكن تعملها بالميه...فيه ناس بتعملها باللبن..فيه ناس بتحبها من غير مكسرات..فيه ناس بتحبها بالقرفة..فيع ناس مبتعملهاش خالص..فيه ناس متعرفهاش..متحبهاش
    بس اتعشم انهم يجربوها..يمكن تعجبهم..

    هانبدأ بالمقادير

    نص كيلو قمح أو شعير مقشور ..يعنى كوبيتين تقريبا
    كوبيتين سكر ..ممكن نص كيلو يعنى..
    ميه لسلق القمح
    معلقة كبيرة نشا
    قرفة ناعمة
    كوبيتين لتلاتة لبن ولكن أنا باستخدم مكان اللبن كريمة لبانى..بس بستخدم لبن برضو أثناء العمل وهاتشوفوا ازاى..يعنى خلوا عندكم لبن وكريمة واللى مابيحبش الكريمة يستخدم مكانها لبن..

    للتقديم..
    بندق مجروش أو مفروم خشن- لوز مقشور-زبيب -جوز هند..يعنى مكسرات مختلفة ..اللى موجود
    كواباية كريمة مخفوقة..بالمية المتلجة أو اللبن البارد أوى بالتدريج مع شوية سكر ناعم والضرب بالمضرب..

    الطريقة
    نغسل القمح كويس وبعدين نحطه فى الحلة تقريبا 10 أكواب ماء..يعنى ارتفاع الميه هايكون فوق القمح بحوالى 3سم
    في البداية تكون النار عالية وبعد الغليان نوطي النار ونغطي الحلة ونسيب القمح على النار مدة 45 دقيقة تقريبا
    نطفي النار و نسيبه مدة 8 ساعات تقريبا وبعد المدة دى هنلاقى أن القمح تشرب كل المية و حجمه تضاعف وتفتحت حباته
    وممكن على فكرة نسلقة في الليل وتاني يوم نعمل العاشورا
    أو نسلق القمح الصبح وبليل نعمل العاشورا
    المهم لازم يتساب فترة..لليونة والتفتيح..

    ودى صورة القمح وهو ناشف



    ودى صورته بعد ما استوا




    بعد كدا هانصفي جزء من القمح ا بمصفاة وكل شوية نحط شوية مية صغيرين بشوية مية صغيرين علشان ينزل من المصفاة سهل وممكن مكان المية نساخدم لبن (وممكن إستخدام الخلاط)بس المصفاة أسهل وتصفيته دى اختيارى لأنك ممكن تسيبى القمح كله بدون طحن ..






    هانحط باقى القمح السليم مع الجزء المطحون ( المصفى ) ونحط عليهم اللبن ونقلب الخليط على نار متوسطة ولازم نستمر في التحريك





    إذا كان الخليط غليظ جدا ممكن نحط له لبن مرة ثانية حسب الحاجة شوية بشوية..بس يكون القوام برضو موش خفيف..أنا عايزاه فى المرحلة دى غليظ شوية..
    بعد ربع ساعة تقريبا هتكون العاشورا استوت..
    هانحط لها السكر والقرفة " اختيارى " ونقلب
    ونحط جزء من البندق المجروش الخشن داخل العاشورا ودى برضو اختيارى




    هاندوب النشا فى شوية لبن قليلين ونحطهم على العاشورا سرسوب سرسوب بالتدريج مع التقليب على النار 5 دقائق
    وبعدين هانسيبها تبرد..بعد ما تبرد هايكون القوام برضو لسه غليظ هانحط هنا بقى كوبيتين الكريمة اللبانى " ممكن اللبن "ونقلب العاشورا كويس ونغرفها فى الكاسات أو أطباق التقديم ونزينها بالمكسرات مع رشات قرفة وصدقونى طعمها تحفة..على ضمانتى...
    وبألف هنا وشفا..







  8. #8

    تاريخ التسجيل
    Feb 2006
    الدولة
    مصر
    المشاركات
    10,472
    ازيك يا ندى كل سنة وانتي طيبة وبخير
    ويارب يعود عليكي الأيام الطيبة بالخير والسعادة وعلى كل الأمة الإسلامية
    عارفة يا ندى .... اللي يتمعن في سيرة سيدنا محمد عليه الصلاة والسلام لازم يتعلم الصبر والمثابرة والأمل
    ويتعلم القدرة على تحمل الآذى والاضطهاد
    تخيلي كدة لو كان الرسول استسلم بعد معاناته مع الكفار كان الحال حيبقى ايه
    لكن لأنه الرسول والقدوة والمعلم صبر وتحمل وعلمنا ازاي نتحمل الفشل مرات ومرات لحد ما نوصل وننجح
    عليك أفضل الصلاة والسلام يا حبيبي يا رسول الله
    رأس السنة الهجرية مناسبة جميلة وحنينة قوي
    ودايما افتكر قصة سراقة بن مالك وافتكر حكايات المدرسة بتاعتي وأنا صغيرة وهيا بتحكيلنا قصة الهجرة وقصة سراقة بن مالك وبحثه عن الرسول عليه الصلاة والسلام وأبو بكر وإصراره على إقتفاء أثرهم للحصول على الجايزة

    أما بقى العاشوراء والرز بلبن والمهلبية ما اقولكيش بقى ، أنا بدوب فيهم يعني غرقيني جوا حلة عاشورا وأنا حقرر أني أغرق جواها لحد ما تخلص
    تسلم إيدك على الصوفات الجميلة
    وتسلم روحك الجميلة اللي بدفاها بتحاول تضم الناس والعيلة في حضنها
    كل سنة وانتي جميلة وطيبة يا ندى

    لا تنسحبوا .... عانوا الآن وعيشوا باقي عمركم أبطال





  9. #9

    تاريخ التسجيل
    Oct 2007
    الدولة
    بيتنا
    المشاركات
    1,169


    و كعادتى ..بحب جداً أكون موجودة معاكم فى المناسبات السعيدة دى لأنى بكون
    محتاجة أحس بجو الأفة و الود ..


    نـــــــــــدى حبيبتى الجميلة ..
    كل سنة و أنتِ طيبة و مجمعانا فى كل المناسبات الحلوة ..
    بس مش ملاحظة إن جو الأفة ده حيبقى حر قوى !!
    معلش بقى .. الظاهر علىَّ اتعديت من حد ياكشاوى .. يجعل كلامنا خفيف عليه ..

    بجد يا ندى تسلم إيديكِ .. و الصور شكلها يفتح النفس ..
    و كل سنة و كلنا و أهلنا و بلدنا و كل المسلمين بخير ..
    أنا برضه بأحبكم قوى قوى .. مش عارفة على إيه..!!





  10. #10

    تاريخ التسجيل
    Nov 2009
    الدولة
    كـوكــب تـانـى
    المشاركات
    1,267
    اقتباس المشاركة الأصلية كتبت بواسطة dawdaw مشاهدة المشاركة





    أنا برضه بأحبكم قوى قوى .. مش عارفة على إيه..!!






    مش عارفه على إيه برضه ؟

    ياخ
    سارة الديك
























    صح ناس تاكل وتنكر







    أنا إن قدر الإله مماتى

    لاترى الشرق يرفع الرأس بعدى



صفحة 1 من 13 12311 ... الأخيرةالأخيرة

المواضيع المتشابهه

  1. تعرف معاني الأشهر الهجرية
    بواسطة SHERIFAZ11 في المنتدى لقاءات في حب الله
    مشاركات: 0
    آخر مشاركة: 15-03-2011, 09:13 AM
  2. كل عام وأنتم بخير بمناسبة السنة الهجرية الجديدة 1432 هــــــــــ
    بواسطة احـمد محمود في المنتدى قاعة التعارف والمناسبات
    مشاركات: 8
    آخر مشاركة: 06-12-2010, 02:07 PM
  3. أيهما تفضل الطلاق على الطريقة الإيطالية...أم الإنتخابات على الطريقة المصرية
    بواسطة دكتور مهندس جمال الشربينى في المنتدى قاعة القضايا السياسية
    مشاركات: 7
    آخر مشاركة: 19-01-2008, 08:19 AM
  4. معاني الاشهر الهجرية
    بواسطة LORDKAZA في المنتدى لقاءات في حب الله
    مشاركات: 2
    آخر مشاركة: 19-12-2005, 10:26 PM
  5. معاني أسماء الشهور العربية ( الهجرية )
    بواسطة milly في المنتدى القاعة العامة
    مشاركات: 18
    آخر مشاركة: 18-06-2005, 03:55 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •