صفحة 1 من 3 123 الأخيرةالأخيرة
النتائج 1 إلى 10 من 28

الموضوع: محتاجه رأيكم ضرورى

  1. #1

    تاريخ التسجيل
    Dec 2007
    الدولة
    اسجنجريه اجدع ناس
    العمر
    34
    المشاركات
    5,477

    محتاجه رأيكم ضرورى



    السلام عليكم ورحمة الله وبركاته


    يسعد صباحكم/مسائكم بكل خير

    هادخل بالموضوع على طول
    عايزه اعرف ارائكم كلكم



    الحكايه تخص صاحب اخويا

    حكى لى حكاية صاحبه

    أحترت والله معرفتش ارد عليه ارجوكم ممكن تساعدونى ونفكر مع بعض
    اخويا وليد قالى ان صاحبه اتعرف ببنت من زمان اوى من تلات اربع سنين
    واحنا كمان عارفنها بنكلموها تليفون وبنعرفو اخبارها ونطمنو عليها
    وكانت العلاقه بينهم اخت واخ
    كتير اوى سالته حلف لى بالله العظيم اختى
    هى مريضه بمرض السرطان حفظكم الله

    من قريب اووى لقيته بيقولى انه عايز يتجوزها ؟؟؟

    لو انا يالمسه مكان صحبى هاتوفقى ؟؟؟

    معرفتش ارد عليه

    عارفه ان مش باديها ودى حاجه بتاعت ربنا وكله بميزان حسانتها وعملها ان شاء الله



    في صحيح ابن حبان عن أبي هريرة ـ رضي الله عنه ـ أن رسول الله ـ صلى الله عليه وسلم ـ قال:
    "إن الرجل ليكون له عند الله المنزلة فما يبلغها بعمل فلا يزال الله تعالى يبتليه بما يكره حتى يبلغه إياها"
    والحديث حسنه الألباني في صحيح الجامع


    عن صهيب قال : بينما رسول الله صلى الله عليه وسلم قاعد مع أصحابه ، إذ ضحك ، فقال : ألا تسألوني مم أضحك ؟ قالوا : يا رسول الله ! ومم تضحك ؟
    قال: ( عجبت لأمر المؤمن ؛ إن أمره كله خير ، إن أصابه ما يحب ؛ حمد الله وكان له خير ، وإن أصابه ما يكره فصبر ؛ كان له خير ، وليس كل أحد أمره كله خير إلا المؤمن . ) . ( صحيح )

    ربنا يشفيها ويشفى كل المسلمين يارب


    ارد عليه اقوله ايه

    انا كأم له


    مش من حقى افرح بيه واشوف مراته كلها حيويه ونشاط وعافيه
    تفرحه وتملا حياته فرح وهنا وتنور بيته وحياته؟؟؟


    طيب وغير كده
    المرض ده مصاريفه كتيير اووى

    هايصرف عليها منين وهو لسه مبتدئ فى حياته
    مرتبه بس الف ونص يادوب يفتح بيهم بيت؟؟؟؟


    طيب

    مشاعره دى هل هى مشاعر من زمان
    (شفقه)

    ولا لسه جديده

    بصراحه محتاره بجد ارجوكم قبل ماتجاوبو عليا
    كل شاب وكل بنت تروح تسال امها وابوها

    لو كنتو مكان لمسه تعملو ايه

    توافقو ولا ترفضو

    لكم محبتى بلا حدود
    التعديل الأخير تم بواسطة لمسه ; 21-10-2010 الساعة 10:36 PM


    بناااااات اول ما الساعة تبقى 11 تصحوا من الدرة
    و كل واحدة على مسابقة من المسابقات

    اياكشى نكسب


    نبع الوفا وحشتينى

    الله يرحمك استاذ احمد
    دوام الحال من المحال

  2. #2

    تاريخ التسجيل
    Nov 2009
    الدولة
    كـوكــب تـانـى
    المشاركات
    1,267
    يسعد مساكِ بكل الخير لمسه

    بصى المرض والإبتلاء ده من عند ربنا

    ياعنى هو ممكن يتجوز إنسانه وهى فى كامل صحتها ويبتليها ربنا بمرض صعب الشفاء منه

    ولا مايلاقى مصاريف تكفى الصرف على مرضها

    وممكن العكس يتجوز إنسانه مريضه ويهبها الله الشفاء ويهبه المال الذى يعالجها به

    أحسن شئ أن يستخير ربنا ويتوكل على الله بعدها فيما يهديه له

    وربنا يشفيها ويدل اخوكى على فعل الخير له ولها

    أنا إن قدر الإله مماتى

    لاترى الشرق يرفع الرأس بعدى



  3. #3

    تاريخ التسجيل
    Dec 2007
    الدولة
    اسجنجريه اجدع ناس
    العمر
    34
    المشاركات
    5,477
    اقتباس المشاركة الأصلية كتبت بواسطة ** بنت مصرية ** مشاهدة المشاركة
    يسعد مساكِ بكل الخير لمسه

    يسعد مساكى حبيبتى ايمان
    بصى المرض والإبتلاء ده من عند ربنا
    ونعمه بالله والحمدلله رب العالمين
    اعلم ان معظم الانبياء ربنا ابتلاهم وهم بمكانه اعلى

    ياعنى هو ممكن يتجوز إنسانه وهى فى كامل صحتها ويبتليها ربنا بمرض صعب الشفاء منه

    ولا مايلاقى مصاريف تكفى الصرف على مرضها

    ساعتها ياايمان يبقى ربنا عايز كده ولازم يصبر عليها ويحفظها بقلبه قبل عينه
    وكاى ام هاتقف جنب ابنها وجنبها
    وهما دول ولاد الاصول

    وممكن العكس يتجوز إنسانه مريضه ويهبها الله الشفاء ويهبه المال الذى يعالجها به

    ونعمه بالله انه على كل شئ قدير

    أحسن شئ أن يستخير ربنا ويتوكل على الله بعدها فيما يهديه له

    وربنا يشفيها ويدل اخوكى على فعل الخير له ولها

    يااااااااااارب يشفى كل مريض

    بس كنت اتمنى تشوفى راى مامتك باباكى

    كل ام وكل اب عايزين يشوفو ابنهم اسعد خلق الله واحسنهم

    نورتينى والله حبيبتى


    بناااااات اول ما الساعة تبقى 11 تصحوا من الدرة
    و كل واحدة على مسابقة من المسابقات

    اياكشى نكسب


    نبع الوفا وحشتينى

    الله يرحمك استاذ احمد
    دوام الحال من المحال

  4. #4

    تاريخ التسجيل
    Jan 2006
    الدولة
    الاسكندرية
    العمر
    53
    المشاركات
    11,631
    السلام عليكم و رحمة الله و بركاته

    ازيك يا لمسه .. مش باينة من زمان

    نورتى المنتدى .. ربنا ما يحرمنا منك يارب

    بصى يا لمسه

    الولد ده لو جاب أهله و راحو للبنت يطلبوا ايدها ( بفرض موافقة الاهل ) ح تبقى مشكلة كبيرة

    البنت ح تخرج من بيت أهلها اللى بيحبوها حب حقيقى و بيصرفوا عليها و مخلليين بالهم منها و هى تعبانة

    و ح تروح بيت ناس غريبة مش ح يرحموها ولا ح يستحمولها

    الولد ده مش ح يقدر يخللى باله منها

    ح يرجع من شغله عايز ياكل و يشرب ويلاقى هدومه مكوية و يلاقى البيت نضيف

    و غير كل ده ح يعوز يلاقى شارون ستون فى البيت .....

    طبعا الكلام ده مش ح يكون موجود لانها شفاها الله و عافاها و جعل المها فى ميزان حسناتها مرهقة و متعبة من العلاج المتكرر

    الطبيعى ان اهله اصلا مش ح يوافقوا و ح يضطر يخش بيت الناس و معاه واحد صاحبه او حد يقرب له من بعيد

    و بعد شوية ح يلاقى نفسه مش قادر يصرف على علاجها لانه اصلا ح ياكل هو و هى بالعافية ...

    لو كانت مراته ح يصبر عليها لانها مراته و حقها عليه يعالجها

    لكن واحدة لسه مفيش اى ارتباط رسمى بينه و بينها ازاى يطلب كده ؟

    ده تفكير مش طبيعى ووراه حاجة غريبة مش قادر افهمها

    انا متخيل شكل البنت و هى عايشة متبهدلة معاه و امه و اهله بيعاملوها بكل قسوة بعد ماكانت معززة مكرمة فى بيت اهلها

    الغريب كمان انه كان معتبرها اخته و فجأة صرح لها انه بيحبها و معرفش ياترى هو حس بالحب ده لما عرف بمرضها

    ولا كان بيحبها من زمان و كاتم فى قلبه

    لو كان حس بالحب ده لما عرف انها تعبانة يبقى ربنا ينتقم منه و يوريه فى اهله كل لحظة عذاب سببها للبنت دى لو كان قال لها

    لانه كان المفروض ما يعترفش لها بحاجة فى الظروف دى بدل ما يعذبها و يعذب نفسه بالحب الفاشل ده

    و لو كان حاسس بالحب ده من زمان و مخبى عليها يبقى ما يستاهلش انها تفكر فيه اصلا بصراحة لاننا مش عايشين فى فيلم ابى فوق

    الشجرة .. الحب الصامت انتهى عصره من ايامى يا لمسه

    البنت ربنا سبحانه و تعالى ابتلاها بمرض و أسأله سبحانه و تعالى أن يشفيها و أن يخفف عنها و يجعله فى ميزان حسناتها و يكفر لها به

    سيئاتها و لكنها لا تحتاج ابدا فى هذا الموقف الصعب لمن يقول لها احبك و اريد الزواج منك

    بصراحة انا متغاظ اوى

    هو ده وقته بالزمة

    هى الناس خلاص مابقيتش بتحس ولا ايه

    اللى خلاه قاعد كل السنين دى و كاتم فى قلبه خلاص مش قادر يستحمل شوية لما تشد حيلها حبة

    انا لو كنت ولى امر البنت دى معلش و اسف فى التعبير ح اضربه بالجزمة لو جه قال لى جوزهالى و هى فى الظروف دى

    و لو كنت ولى امره و جه قال لى انا عايز اتجوز بنت ظروفها كذا كذا ح احس انى خلفت ابن معندوش اى تقدير ولا احساس

    بالمسئولية

    لمسه

    قولى لاخوكى يقول لصاحبه بالله عليك سيبها فى حالها و لما تشد حيلها شوية صرح لها بحبك يا عم و اعمل اللى انت عايزه

    خلليه يلح عليه لحد ما يحلف له انه مش ح يقول لها

    لمسه

    الجواز مسئولية كبيرة اوى و مصاريف

    و الحياة صعبة

    الحب مسئولية و عطاء و ليس نزوة او لحظة طيش

    البنت لا تحتاج لمن يعذبها بمشاعره المجنونة غير المسئولة

    لو بيحبها بصدق كان عطى لها كل مشاعره بدون ان يفكر ان يعذبها بحبه لها

    الولد اختار انه يعذبها و بياخد رأى اخوكى عشان يزكى له هذا الاختيار يا لمسه و بالله عليكى قولى لاخوكى يمنعه .....

    ربِّ اغفِرْ و ارْحَمْ .. و اعْفُو و تَكرَّمْ
    .. و تَجَاوَزْ عَمَّا تَعْلَمْ ..
    .. إِنَّك أَنتَ الله الأَكْرَمْ ..

  5. #5

    تاريخ التسجيل
    Oct 2007
    الدولة
    بيتنا
    المشاركات
    1,169


    عزيزتى " لمسة " ..

    ربنا يشفى البنت و يصلح حالها و يخليها لأهلها ..

    صحيح الدنيا اللى احنا فيها دى دار ابتلاء .. لكن مش مفروض أبداً إننا نختار الابتلاء بإيدينا و نروح له .. لأن مفيش حد فينا ضامن قدرته على الصبر و التحمل .. و من المؤكد إن الشاب ده لو ارتبط بالبنت دى مش حيستحمل العبء الثقيل و حيتسبب فى أذاها مش فى مصلحتها و لا مصلحة نفسه .. هو مشفق عليها و مش مدرك صعوبة الوضع ..

    أنا رأيى يا لمسة يبعد عنها حتى لو هو متعلق بها من قبل مرضها .. و بلاش يزود عليها الهموم .. لو كانت زوجته من الأول , الوضع يختلف تماماً ..

    المشكلة إنه ممكن ما يسمعش الكلام لأنه عنده ثقة عمياء فى نفسه .. و مش متخيل إنه ممكن يندم أو يسبب لها مكروه ..

    بصى يا لمسة لو يهمك أمره , إدعى له و كثفى الدعاء .. لأن العيال فى الأحوال دى بيعندوا .. ربنا يهديه و يصلح حاله ..

    ربنا يعينه على نفسه و يعين أهله عليه ..

    يا ريت تبقى تطمنينا عمل إيه ؟ ..

    ربنا يطمنك يا لمسة و يريح بالك يا رب ..


  6. #6

    تاريخ التسجيل
    Mar 2007
    الدولة
    في ارض الله
    المشاركات
    3,637
    مساء الخير لمسه
    انا بشوف انه لو هو عايزه يجوزها شفقه فده مش صح ابدا
    انما لو هو فعلا عايزه يجوزها لان هو شاف انها تصلح ليه كزوجه يبقي ربنا يصلح لهم الحال ويبقي انسان بجد يستاهل كل خير
    وبعدين المرض مش بيدي انسان
    وتعالي كده نفترض انها كانت سلميه ومعافه واجوزها وبعدين ربنا ابتلالها بالمرض هتقوليه طلقها
    ده انسان رنبا يسعده
    ليس سرابا!!!!!!!!!!

  7. #7

    تاريخ التسجيل
    Jan 2006
    الدولة
    الاسكندرية
    العمر
    53
    المشاركات
    11,631
    اقتباس المشاركة الأصلية كتبت بواسطة زهره مشاهدة المشاركة
    مساء الخير لمسه
    انا بشوف انه لو هو عايزه يجوزها شفقه فده مش صح ابدا
    انما لو هو فعلا عايزه يجوزها لان هو شاف انها تصلح ليه كزوجه يبقي ربنا يصلح لهم الحال ويبقي انسان بجد يستاهل كل خير
    وبعدين المرض مش بيدي انسان
    وتعالي كده نفترض انها كانت سلميه ومعافه واجوزها وبعدين ربنا ابتلالها بالمرض هتقوليه طلقها
    ده انسان رنبا يسعده
    السلام عليكم

    اختى الكريمة

    اسمحى لى بالرد على مداخلتك اختى

    فى حالة الزواج و حدوث هذا الأمر سيتغير الوضع تماما و يتوجب على الزوج او الزوجة حينها المكث الى جوار رفيقه يشد أزره

    مثلما كان الحال عليه ايام الرخاء و الا لكان ذلك خسة و ..... الخ

    اما فى هذه الحالة فقد حبس الولد حبه فى قلبه و اختار وقتا صعبا ليظهره و هى فى اشد الحاجة لمن يكون الى جوارها لا لمن يعذبها

    بحب زائف ..

    نعم هو حب زائف و لو كان صادقا لصرح به من قبل

    و ان لم يكن فهو انسان أنانى لا يستحق ابدا ان تهبه مثل هذه الفتاة الراضية الصابرة قلبها

    لماذا اختى الكريمة ترضين لها ان تترك بيت أهلها الذين يرعونها و يسهرون على راحتها و تذهب إلى بيت غريب تطالب فيها بواجبات

    شتى و لن ترحمها ألسنة أهله ولا جيرانه و لن يرحمها هو ..

    لقد كان كاذبا منذ البداية و استدرجها بدعوى انها اخت له و الآن و قد علم بظروفها يريد ان يظهر لها حبه فيزيدها عذابا الى عذابها

    ثم ان رغبته تفتقر تماما الى العقل و تحمل التبعات اذ يسعى لتحمل مسئولية لن يقدر عليها أصلا فى ظل الحياة الطاحنة التى نحياها

    اختى الكريمة

    أليس من المحتمل أن يرفض أهل البنت هذه الزيجة المشكوك فى أمرها ؟

    ترى ماذا ستكون مشاعرها حينها ؟

    ألن تعيش معذبة متعبة بهذا الحب الملعون الذى ظهر فى وقت هى فى أشد الحاجة فيه لراحة البال و هدأة النفس و القلب ؟

    معذرة اختى الكريمة .. اختلف معك فى وجهة نظرك هذه

    و اخيرا

    ادعوك لقراءة هذه الحكمة التى قالتها اخت كريمة لنا و تأمليها جيدا

    صحيح الدنيا اللى احنا فيها دى دار ابتلاء .. لكن مش مفروض أبداً إننا نختار الابتلاء بإيدينا و نروح له .. لأن مفيش حد فينا ضامن قدرته على الصبر و التحمل
    لك منى كل التحية و التقدير اختى ...
    التعديل الأخير تم بواسطة a_leader ; 23-10-2010 الساعة 11:11 AM
    ربِّ اغفِرْ و ارْحَمْ .. و اعْفُو و تَكرَّمْ
    .. و تَجَاوَزْ عَمَّا تَعْلَمْ ..
    .. إِنَّك أَنتَ الله الأَكْرَمْ ..

  8. #8

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    32
    المشاركات
    7,323

    مبتسم

    ازيك يا لولو واحشاني مووووووووووووت
    بصي موضوعك ده محير و خد مني تفكير و التفكير بفلوس فالفاتورة هتوصلك كمان شوية و نحن نقبل السداد نقدا او بشيكات

    بثي يا ثتي
    خلينا نقول ان الولد بيحبها فعلا و مش في دماغه الشفقة ولا الكلام ده و خلينا نقول انه هيقدر يتكفل بمصاريف علاجها و يشيلها جوة عينيه
    طيب اهله هيكون رأيهم ايه ؟؟
    بصي في 3 احتمالات
    الاول الرفض و التاني القبول لأنهم متعاطفين معاها و الثالث القبول بس عشان ميزعلوش ابنهم
    و ال3 حالات مش حلوين عشانها هيا
    طب هو لو بيحبها فعلا ليه يعرضها للمواقف دي ليه يحطها في وضع تتعامل فيه كأنها سلعة اهله يتفرجوا عليها و يعاينوا و يا اشتروا يا قالوا يفتح الله يعني !!
    هحكيلك حاجة
    انا ليه واحده صاحبتي كانت مرتبطة بشاب وحب يتقدملها وهو ظروفه تسمح جدا _ظروف اهله المادية يعني_ لكن هو لسة مشتغلش شغلانة كويسة
    فهي رفضت انه يتقدملها عشان بس اهلها مش يبصوله على انه اقل منهم و فضلت واقفة جنبه لحد ما ربنا وفقه و اتقدملها الحمد لله
    و ده اللي اقصده ..
    هو لو بيحبها فعلا يقف جنبها لحد ما ربنا يتم شفائه عليها و ساعتها يتقدم لها و ميعرضهاش لأي موقف يمس كرامتها
    ده بالنسبة للولد..

    بالنسبة للبنوتة بقى ...
    بقولها يا حبيبة قلبي مرضك مش معناه انك مش من حقك تبقي احلى عروسة و زوجة و ام ان شاء الله
    و عشان كده متضيعيش الفرحة دي بقرار متسرع ..لو اتجوزتي دلوقتي هتتعاملي معاملة خاصة
    هتتعاملي كمريضة مش زوجة .. و هتضيع احلى ايام عمرك _ ايام الزواج الاولى_ ما بين علاج و نظرات شفقة و دموع
    انتي من حقك تفرحي و هو كمان من حقه يفرح بيكي
    ان شاء الله ربنا يتم شفائه عليكي و تبقي احلى عروسة و اوعي تتنازلي عن فرحتك او فرحته بيكي ابدا و خلي حبه ليكي حافز عشان تتعالجي و تقومي بالسلامة ان شاء الله

    وانتي يا لمسة ..



















    اطلعي منها و هيا تعمر
    التعديل الأخير تم بواسطة مصراويةجدا ; 23-10-2010 الساعة 12:23 PM


    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




  9. #9

    تاريخ التسجيل
    Jun 2005
    الدولة
    مصر و ليس EGYPT
    المشاركات
    12,723

    أوكي





    مصراويةجدا


    كبيرة الياكشاوية




    أنا أبصم بصوابعى العشرة
    على الحل الجذرى للمشكلة
    حل مبتكر وأوريجينال
    ويرضى جميع الأطراف
    وليستمر الولد أخا للبنت
    حتى ينعم الله بالشفاء التام على البنت
    الجواز مش لعبة
    الجواز مش شفقة
    الجواز مش جمعية خيرية
    الجواز شركة بين شركاء متكافئين
    الجواز مسئولية
    الجواز قفه بودنين
    علشان يشيلها إتنين مع بعض

    والأجر عند الله




  10. #10

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    32
    المشاركات
    7,323
    اقتباس المشاركة الأصلية كتبت بواسطة دكتور مهندس جمال الشربينى مشاهدة المشاركة




    مصراويةجدا


    كبيرة الياكشاوية




    أنا أبصم بصوابعى العشرة
    على الحل الجذرى للمشكلة
    حل مبتكر وأوريجينال
    ويرضى جميع الأطراف
    وليستمر الولد أخا للبنت
    حتى ينعم الله بالشفاء التام على البنت
    الجواز مش لعبة
    الجواز مش شفقة
    الجواز مش جمعية خيرية
    الجواز شركة بين شركاء متكافئين
    الجواز مسئولية
    الجواز قفه بودنين
    علشان يشيلها إتنين مع بعض

    والأجر عند الله




    شكرا يا دكتور جمال .. من بعض ما عندكم



    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




صفحة 1 من 3 123 الأخيرةالأخيرة

المواضيع المتشابهه

  1. عوزة رأيكم ضرورى
    بواسطة اموووله في المنتدى قاعة الصور والأعمال الفنية التصويرية
    مشاركات: 9
    آخر مشاركة: 21-04-2007, 05:34 PM
  2. محتاجه رأيكم جداااااااااا
    بواسطة سبحان الله في المنتدى قاعة الأسرة
    مشاركات: 4
    آخر مشاركة: 15-04-2007, 10:05 AM
  3. سؤال وبجد محتاجه الرد ضرورى
    بواسطة متيمه الرحمن في المنتدى طبيبك النفسي
    مشاركات: 5
    آخر مشاركة: 05-04-2007, 12:11 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك