صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 28

الموضوع: محتاجه رأيكم ضرورى

  1. #11

    تاريخ التسجيل
    Jun 2005
    الدولة
    مصر و ليس EGYPT
    المشاركات
    12,723

    أوكي

    اقتباس المشاركة الأصلية كتبت بواسطة مصراويةجدا مشاهدة المشاركة
    شكرا يا دكتور جمال .. من بعض ما عندكم




    You are most

    any time




  2. #12

    تاريخ التسجيل
    Oct 2006
    الدولة
    القاهرة
    المشاركات
    2,813
    السلام عليكم ورحمة الله وبركاته
    بصى يا لمسه موضوعك يطول فيه النقاش وهتلاقى وجهات نظر كتيرة
    بس انا هقولك حاجة تانية مش كل اتنين بيحبوا بعض ينفع يتجوزو دا بعيدا عن المرض فما بالك بالظروف دى
    مش الحب يا همسه هو اللى بيفتح البيت فى حاجات كتيرة اوى غير كدا . وياما شوفنا قصص حب كتيرة عاشت سنين
    وبمجرد ما تم الجواز حصل الطلاق ومعملش حاجة الحب وقتها وفى بيوت كتيرة برضه زى بيوت اهالينا واجددنا
    مش شاء الله عمرانه بالخير وبالاربعين والخمسين سنة ومكانتش بدات بقصه حب
    الجواز نعمة كبيرة وجميلة لازم الاختيار يكون صح وينحط فى الاعتبار حاجات كتير اولى من الحب
    ولو وجدت الاعتبارات دى ومع الحب يبقى الانسان وقتها ربنا من عليه بنعمه يصونها ويحافظ عليها العمر كله
    ربنا يشفيها ويعافيها ويكرمها بكل خير ويهديه هو كمان للخير ويوفقه فى اختياره
    تقبلى تحياتى

  3. #13

    تاريخ التسجيل
    Jun 2005
    الدولة
    مصر و ليس EGYPT
    المشاركات
    12,723

    أوكي


    الزواج المبنى على العاطفة فقط
    زواج معرض للإنهيار المبكر
    إنما إذا أختلطت العاطفة بالعقل
    وخصوصا أن العقل وبالتحديد
    خلايا الذاكرة موجودة فى القلب
    فهذا هو الزواج الذكى
    والمضمون بإذن الله


  4. #14

    تاريخ التسجيل
    Sep 2008
    الدولة
    مصر
    المشاركات
    1,097
    لمسه /
    سلام الله عليكم وبركاته
    موضوعك من الموضوعات التى لا تنفع معها المشورة او الحكم دون دراسه كافيه والمام كامل بجميع التفاصيل ومعرفة شخصية بطرفى العلاقه وعائلاتهم وظروفهم فمع كامل احترامى لكل من شارك وقبل او رفض فهى احكام مبتورة مبنية فى شقيها الايجابى والسلبى على العاطفه حتى وان جنحت الى الصواب عقلا وموضوعا
    لا يعلم الغيب الا الله
    دمتى طيبة
    الديان هو الله عزوجل حي لا يموت .. يا ابن آدم اسخركما شئت .. واضحك على من شئت ..واعتدي على من شئت .. واجرح من شئت .. وأحسن إلى من شئت .. فالله لا يضيع مثقال ذرة من خير .. ولا يضيع مثقال ذرة من شر.

    شكرا لكل من بقى فى حياتى كما هو ولم يتغير !!



  5. #15

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    33
    المشاركات
    7,323
    اقتباس المشاركة الأصلية كتبت بواسطة إيهاب احمد مشاهدة المشاركة
    لمسه /
    سلام الله عليكم وبركاته
    موضوعك من الموضوعات التى لا تنفع معها المشورة او الحكم دون دراسه كافيه والمام كامل بجميع التفاصيل ومعرفة شخصية بطرفى العلاقه وعائلاتهم وظروفهم فمع كامل احترامى لكل من شارك وقبل او رفض فهى احكام مبتورة مبنية فى شقيها الايجابى والسلبى على العاطفه حتى وان جنحت الى الصواب عقلا وموضوعا
    لا يعلم الغيب الا الله
    دمتى طيبة
    معلش يا استاذ ايهاب
    احب افهم هيفيد بإيه معرفة طرفي العلاقة و عائلاتهم ؟؟


    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




  6. #16

    تاريخ التسجيل
    Dec 2007
    الدولة
    اسجنجريه اجدع ناس
    العمر
    35
    المشاركات
    5,477
    اقتباس المشاركة الأصلية كتبت بواسطة a_leader مشاهدة المشاركة
    السلام عليكم و رحمة الله و بركاته

    وعليكم السلام ورحمة الله وبركاته
    ازيك يا لمسه ..
    الله يسلم لى عمرك يااستاذى الطيب

    مش باينة من زمان

    والله الدنيا تلاهى حقك عليا لازم ادخل كل فتره نطمن على بعض

    نورتى المنتدى ..

    المنتدى منور بيك والله لك وحشه كبير يامسيو

    ربنا ما يحرمنا منك يارب
    تسلم لى ياغالى

    بصى يا لمسه

    نعم

    الولد ده لو جاب أهله و راحو للبنت يطلبوا ايدها ( بفرض موافقة الاهل ) ح تبقى مشكلة كبيرة

    البنت ح تخرج من بيت أهلها اللى بيحبوها حب حقيقى و بيصرفوا عليها و مخلليين بالهم منها و هى تعبانة


    ااه والله اووى اووووووى هى فى عنيهم


    و ح تروح بيت ناس غريبة مش ح يرحموها ولا ح يستحمولها

    الولد ده مش ح يقدر يخللى باله منها

    ح يرجع من شغله عايز ياكل و يشرب ويلاقى هدومه مكوية و يلاقى البيت نضيف

    عندك حق والله وكنت اسمع جدتى بتقول مثل كده

    (جوزك يحبك عافيه )

    و غير كل ده ح يعوز يلاقى شارون ستون فى البيت .....

    طبعا الكلام ده مش ح يكون موجود لانها شفاها الله و عافاها و جعل المها فى ميزان حسناتها مرهقة و متعبة من العلاج المتكرر

    الطبيعى ان اهله اصلا مش ح يوافقوا و ح يضطر يخش بيت الناس و معاه واحد صاحبه او حد يقرب له من بعيد

    و بعد شوية ح يلاقى نفسه مش قادر يصرف على علاجها لانه اصلا ح ياكل هو و هى بالعافية ...

    لو كانت مراته ح يصبر عليها لانها مراته و حقها عليه يعالجها


    اه طبعا وده الكلام اللى انا قولته

    لكن واحدة لسه مفيش اى ارتباط رسمى بينه و بينها ازاى يطلب كده ؟

    ده تفكير مش طبيعى ووراه حاجة غريبة مش قادر افهمها

    انا متخيل شكل البنت و هى عايشة متبهدلة معاه و امه و اهله بيعاملوها بكل قسوة بعد ماكانت معززة مكرمة فى بيت اهلها

    اكيد حسيت بيها لاانك اب
    وده اللى انا طلبته ...

    طلبت من الام والاب يقولو لى رايهم لاانى زى ماانت عارف ابويا وامى رحمهم الله

    وكنت مش عارفه ارد على وليد اخويا



    الغريب كمان انه كان معتبرها اخته و فجأة صرح لها انه بيحبها و معرفش ياترى هو حس بالحب ده لما عرف بمرضها

    ولا كان بيحبها من زمان و كاتم فى قلبه





    لو كان حس بالحب ده لما عرف انها تعبانة يبقى ربنا ينتقم منه و يوريه فى اهله كل لحظة عذاب سببها للبنت دى لو كان قال لها

    لانه كان المفروض ما يعترفش لها بحاجة فى الظروف دى بدل ما يعذبها و يعذب نفسه بالحب الفاشل ده

    و لو كان حاسس بالحب ده من زمان و مخبى عليها يبقى ما يستاهلش انها تفكر فيه اصلا بصراحة لاننا مش عايشين فى فيلم ابى فوق

    الشجرة .. الحب الصامت انتهى عصره من ايامى يا لمسه

    البنت ربنا سبحانه و تعالى ابتلاها بمرض و أسأله سبحانه و تعالى أن يشفيها و أن يخفف عنها و يجعله فى ميزان حسناتها و يكفر لها به

    سيئاتها و لكنها لا تحتاج ابدا فى هذا الموقف الصعب لمن يقول لها احبك و اريد الزواج منك

    بصراحة انا متغاظ اوى

    هو ده وقته بالزمة

    هى الناس خلاص مابقيتش بتحس ولا ايه

    اللى خلاه قاعد كل السنين دى و كاتم فى قلبه خلاص مش قادر يستحمل شوية لما تشد حيلها حبة

    انا لو كنت ولى امر البنت دى معلش و اسف فى التعبير ح اضربه بالجزمة لو جه قال لى جوزهالى و هى فى الظروف دى

    و لو كنت ولى امره و جه قال لى انا عايز اتجوز بنت ظروفها كذا كذا ح احس انى خلفت ابن معندوش اى تقدير ولا احساس

    بالمسئولية

    لمسه

    قولى لاخوكى يقول لصاحبه بالله عليك سيبها فى حالها و لما تشد حيلها شوية صرح لها بحبك يا عم و اعمل اللى انت عايزه

    خلليه يلح عليه لحد ما يحلف له انه مش ح يقول لها

    لمسه

    الجواز مسئولية كبيرة اوى و مصاريف

    و الحياة صعبة

    الحب مسئولية و عطاء و ليس نزوة او لحظة طيش

    البنت لا تحتاج لمن يعذبها بمشاعره المجنونة غير المسئولة

    لو بيحبها بصدق كان عطى لها كل مشاعره بدون ان يفكر ان يعذبها بحبه لها

    الولد اختار انه يعذبها و بياخد رأى اخوكى عشان يزكى له هذا الاختيار يا لمسه و بالله عليكى قولى لاخوكى يمنعه .....


    كلامك منطقى جدا والله يامسيو

    وانا قولت لوليد يشوف الموضوع ده ويبعته لصاحبه كمان
    وانا كلمت البت وقولت لها تدخل تشوف كل كلمه هنا

    اتمنى ردودكم توصل ليهم ويعرفو راى كل ام وكل اب


    وانا عن نفسى اتمنى لااخويا بنت معافه كلها نشا ط وحيويه

    ارد واقول لوليد زى المسيو ماقال كده ياريت تاخد بكلامه وتفهم رايه
    لاان الاستاذ ليدر من الناس اللى رايهم دائما معى صائب

    الف الف شكر يااستاذى الجميل العزيز

    لك كل الحب مع الود


    التعديل الأخير تم بواسطة لمسه ; 23-10-2010 الساعة 11:03 PM


    بناااااات اول ما الساعة تبقى 11 تصحوا من الدرة
    و كل واحدة على مسابقة من المسابقات

    اياكشى نكسب


    نبع الوفا وحشتينى

    الله يرحمك استاذ احمد
    دوام الحال من المحال

  7. #17

    تاريخ التسجيل
    Jun 2004
    الدولة
    الإسكندرية
    العمر
    57
    المشاركات
    5,002
    أختي الكريمة .. لمسة .. أحييك أطيب تحية
    الحقيقة أنا شفت ردود الإخوة الزملاء .. وباميل للرأي بإنه فعلا مش هيقدر على رعايتها .. وبالتالي لو بيحبها فعلا .. أفضل ما يتجوزهاش
    بس خطر لي تساؤل .. أنا أعرف حالات شفيت من السرطان تماما .. منهم واحدة قريبتي .. طيب إيه المانع ينتظر شوية .. ممكن ربنا يعافيها إن شاء الله وتشفى من هذا المرض .. يعني .. أنا جالي الخاطر ده .. وربنا يشفي مرضانا ومرضى المسلمين إن شاء الله
    تقبلي تحياتي أختي الكريمة

  8. #18

    تاريخ التسجيل
    Sep 2005
    الدولة
    مصر
    العمر
    73
    المشاركات
    8,881
    الأبنة العزيزة / لمسة
    الجميع وضع يده على المشكلة وحلولها .
    زواج الشفقة لن يدوم . حتى زواج العاطفة بدون عقل وتفكير سليم مصيره للفشل .
    قد تدوم العاطفة وزالشفقة شهر شهرين ولكنها لن تستمر والخاصر فى هذه الحالة هى البنت شفاها الله وعافها .
    لى قريب تزوج عن حب ومرضت زوجته بعد الزواج بفترة وجيزة . والديه قالوا له طلقها لننا مش قد المصاريف .. أهلها طلبوا أن يطلقها لأن البنت لها نصيب فى أرث تركه له والدها ولا يريدون أن يرثها زوجها .
    حضرت الجلسة وحاولت أن أصلح بين الأهل دون الجدوى والزوج رضخ لأهله رغم تذكيرى له بأنه تزوج عن حب .فطلبت أن أرى الزجة .
    ذهبت اليها شابة جميلة طريحة الفراش بعد أن كانت مملؤة بالحيوية والنشاط من أسابيع قليلة وكنت أظنها تعرف بما يحدث حولها وصارحتها فقالت كده يا خالد ( اسم زوجها ) ده وقت تطلقنى فيه .
    الخاسرة الوحيدة كانت الزوجة رحمها الله فقد ماتت بعد هذا الموضوع بأيام قليلة .
    تعمدت أن أقص هذه القصة الحقيقية لنعلم أن الحب لم يصمد أما مرض قدر له الناس أنه مرض موت ولم يتركوا لرحمة الخالق مكان !! فما بالنا بالشفقة والعاطفة على شابة مريضة أصلاً .
    لندعوا جميعاً لصاحبة القصة بالشفاء وأنا مع الرأى القائل بالتأجيل فقد يمن عليها الخالق بالشفاء وليقف الشاب إلى جوارها بعفة وليعلم أن الله لا يضيع أجر من أحسن عملاً .
    أشكركم ودمتم بخير
    ذُكِرَ عَنْ عُمَرَ أَنَّهُ قَالَ لِزِيَادٍ: هَلْ تَدْرِي مَا يَهْدِمُ الْإِسْلَامَ؟ زَلَّةُ عَالِمٍ وَجِدَالُ مُنَافِقٍ بِالْقُرْآنِ وَأَئِمَّةٌ مُضِلُّونَ،

  9. #19

    تاريخ التسجيل
    Dec 2008
    الدولة
    مصرية ... دقهلاوية
    العمر
    36
    المشاركات
    10,459
    لموسه حبيبة قلبي
    حمدلله على سلامتك يا قمر
    بصي يا ستو أنا أنا قريت المشكله من أول ما نزلت
    بس ماأخرنيش في الرد إلا النت
    بس جمعتلك رأى شخصيتين أكيد هايهموكى

    أولا سألت أمى زى ما إنتى طلبتى
    وقالتلى: أنا كأم صعب عليا أوافق
    لأن أساسا موضوع زى دا مش أوانه خالص
    وكمان أنا كأم عايزه أحسن عروسه لابنى في كل حاجه
    وليه أضيع فرحتى وفرحة إبنى وفرحة عروسته كمان
    ليه أجرح مشاعر البنت بنظرة شفقه منى غير مقصوده
    في الوقت اللى البنت المفروض تعيش أحلى أيام حياتها
    وكمان استحاله الابن هايقدر يستحمل
    لأن اللى عالبر عوام
    الزوج ليه متطلبات كتير مين هايقوم بيها
    هى لو زوجته وحصلها كده احتمال يستحملها
    لأنها زوجته وبينهم عشره وحياه ومواقف كتير


    فسألتها طب إمتى توافقي؟؟؟
    قالت لو البنت دى أعرفها ولينا صلة قرابه بيها
    أو لما ربنا يمن عليها بالشفاء إن شاء الله
    وساعتها تبقي الفرحه بجد

    ولو بيحبها بجد يبقا يصبر لحد ما ربنا يتم شفاءها
    وتقدر تعيش حياتها



    دا كان رأي أمى يا لمسه

    الرأى التانى كان لبنوته أعرفها عاشت نفس المشكله
    وكانت بتحب إبن عمها وكان مريض بنفس المرض
    وهوا كمان بيحبها بس ماحدش فيهم صرح للتانى بحبه
    ولما سألتها عن كل تفاصيل الحب والمشكله
    قالتلى
    إنها وقفت في الأول وفي الآخر جمب إبن عمها اللى قضت معاه عمرها
    اللي عاشوا سوا كل اللحظات بحلوها ومرها
    سألتها طب ليه ماصرحتيش بحبك ليه وهوا مريض كأمل ليه؟
    قالت الحب عمره ما كان كلام
    الحب فعل
    وأنا من حبي ليه مارضاش إنى أزود تعبه وهمه
    لو قولتله أنا بحبك ومستعده أقف جمبك
    كان هايستفاد إيه؟؟؟
    غير هم زايد عليه وهوا مش قادر يقابل الحب دا
    ليه أخليه يفكر وهوا في الحاله دى في حب ومسؤليه والمفروض جواز
    ليه أخليه يقول " لـــــو" ويحس أكتر بمرضه ومشكلته
    المريض مش محتاج كلام المريض محتاج حد يهون عليه
    المريض محتاج يرمى حموله وهمومه
    كان أهم من كل دا إنى أخليه يعيش لحظه حلوه
    إنى أرسم بسمه على شفايفه
    إنى أديه أمل في بكره
    و أخليه ماييأسش
    والأهم من كل دا إنى ما أحملوش ذنب
    لأن مهما كان حبي ليه أكيد مش هايكون أد حب أهله ليه وخوفهم عليه
    دا كان رأى إنسانه محبه يا لمسه

    أما رأيي يالمسه
    فأنا مش هاقول أكتر من اللى اتقال لكن
    البنوته دى قدامها طريق لازم تكمله وهوا طريق العلاج
    المفروض ماتشغلش بالها بأى حاجه تانيه
    وموضوع الحب والجواز دا لازم يتقفل تماما دلوقتى
    لأن يا لمسه أهم حاجه في العلاج النفسيه الكويسه أولا
    والموضوع دا هايشكل عبأ كبير عليها وتفكير جامد
    هى في غنى عنه
    خليها أحسن تمشي في طريقها وتفكر في أهلها اللى بيحبوها من كل قلبهم
    واللى متأكده منه إن كل شخص من أهلها كان يتمنى إنه يكون مكانها ولا تعانى هى يوم واحد
    دا إحساس الأهل بجد يا لمسه
    وإسألينى أنا
    وزى ما كلنا عارفين الحب بيتنسي مع الأيام
    لكن الجواز دا حياة تانيه جديده مختلفه تماما عن الحياه اللى قبل كده
    الجواز يا لمسه مسئوليه وبيت وعيله وحاجات كتير
    لازم نختاره صح علشان نقدر نكمل حياتنا صح
    المهم إنها تكمل علاجها وبعدين تفكر في الجواز
    وماتنساش تحسن الظن بربنا
    وإن شاء الله مرضها أزمه وهاتعدى وهاتبقى تمام وزى الفل
    وربنا يجعله في ميزان حسناتها

    ربنا يشفيها ويعافيها يارب
    وتلاقي شريك حياتها اللى تعيش معاه حياه هاديه
    وتعيش سعيده ياااارب وهى بكامل الصحه والعافيه


    خدى دي



    التعديل الأخير تم بواسطة أخت ضابط شرطه ; 24-10-2010 الساعة 03:59 PM


    ـــــــــــــــــــــــــــــــــــــــــــــــ

    اللهم إرحم أخى وأموات المسلمين
    وأسكنهم الفردوس الأعلى
    يـارب العالميـــــن

  10. #20

    تاريخ التسجيل
    Apr 2006
    الدولة
    مـكــان بـعـيــد
    المشاركات
    19,114
    اقتباس المشاركة الأصلية كتبت بواسطة إيهاب احمد مشاهدة المشاركة
    لمسه /
    سلام الله عليكم وبركاته
    موضوعك من الموضوعات التى لا تنفع معها المشورة او الحكم دون دراسه كافيه والمام كامل بجميع التفاصيل ومعرفة شخصية بطرفى العلاقه وعائلاتهم وظروفهم فمع كامل احترامى لكل من شارك وقبل او رفض فهى احكام مبتورة مبنية فى شقيها الايجابى والسلبى على العاطفه حتى وان جنحت الى الصواب عقلا وموضوعا
    لا يعلم الغيب الا الله
    دمتى طيبة
    أتفق معك كلياً أخي العزيز إيهاب أحمد
    أمثال تلك المواضيع الحديث فيها سهل للغاية غير أنه لا يُجدي حقيقةً ودائماً ما يكون الحكم فيها يحمل من العاطفة ما يحمل
    و معرفة رأي طرف واحد فقط لا يكفي
    فأين رأي البنت مثلاً وما هو تصورها للأمر . ( غير أني لا أوافق على أنه يوجد ما يُسمى بين ولد بنت ما يُسمى بـ أخ وأخت ، الأخ والأخت هما من صلب أب وأم واحد أو من الرضاعة وليس غير ذلك )

    وجاء في بالي تلك القصة من القرآن الكريم من سورة ص وهي قصة سيدنا داود عليه السلام قال تعالى .
    ( وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ 21 إِذْ دَخَلُوا عَلَى دَاوُودَ فَفَزِعَ مِنْهُمْ قَالُوا لا تَخَفْ خَصْمَانِ بَغَى بَعْضُنَا عَلَى بَعْضٍ فَاحْكُم بَيْنَنَا بِالْحَقِّ وَلا تُشْطِطْ وَاهْدِنَا إِلَى سَوَاءِ الصِّرَاطِ 22 إِنَّ هَذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ 23 قَالَ لَقَدْ ظَلَمَكَ بِسُؤَالِ نَعْجَتِكَ إِلَى نِعَاجِهِ وَإِنَّ كَثِيرًا مِّنْ الْخُلَطَاء لَيَبْغِي بَعْضُهُمْ عَلَى بَعْضٍ إِلاَّ الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ 24 فَغَفَرْنَا لَهُ ذَلِكَ وَإِنَّ لَهُ عِندَنَا لَزُلْفَى وَحُسْنَ مَآبٍ 25يَا دَاوُودُ إِنَّا جَعَلْنَاكَ خَلِيفَةً فِي الأَرْضِ فَاحْكُم بَيْنَ النَّاسِ بِالْحَقِّ وَلا تَتَّبِعِ الْهَوَى فَيُضِلَّكَ عَن سَبِيلِ اللَّهِ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ 26 ) صدق الله العظيم
    وهنا سيدنا داود عليه السلام رأي بأنه أسرع في الحكم قبل سؤال المدعى عليه . وعلم أنه تجاوز الحق بذلك فاستغفر ربه وخر راكعا وأناب .
    وهذا من أحد الآراء التي ذُكِرت في الآية وهو رأي حسن .

    أسأل الله تعالى أن يوفق الجميع لما يُحب ويرضى .
    أسأل الله العظيم رب العرش العظيم أن يشفيها
    أسأل الله العظيم رب العرش العظيم أن يشفيها
    أسأل الله العظيم رب العرش العظيم أن يشفيها
    أسأل الله العظيم رب العرش العظيم أن يشفيها

صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. عوزة رأيكم ضرورى
    بواسطة اموووله في المنتدى قاعة الصور والأعمال الفنية التصويرية
    مشاركات: 9
    آخر مشاركة: 21-04-2007, 05:34 PM
  2. محتاجه رأيكم جداااااااااا
    بواسطة سبحان الله في المنتدى قاعة الأسرة
    مشاركات: 4
    آخر مشاركة: 15-04-2007, 10:05 AM
  3. سؤال وبجد محتاجه الرد ضرورى
    بواسطة متيمه الرحمن في المنتدى طبيبك النفسي
    مشاركات: 5
    آخر مشاركة: 05-04-2007, 12:11 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •