يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 7 123 ... الأخيرةالأخيرة
النتائج 1 إلى 10 من 70

الموضوع: محاولات جديدة

  1. #1

    تاريخ التسجيل
    Feb 2007
    الدولة
    ميونخ المانيا
    العمر
    39
    المشاركات
    3,900

    محاولات جديدة

    السلام عليكم أبناء مصر

    هى محاولات...أتمنى أن تنال رضاكم





    الآنسة دي لها معايا حكاية وهى إنى كنت ماشى فى شارع لقيتها نطت لى من شباك أحد البيوت ووقفت قصادى مستنية...وانا ابص لها ومبتسم وهى مصممة ماتتحركش...لغاية ما اخدت لها اللقطة دي سابتنى ومشيت
    وكأنها كانت بتقول لى صورنى وأول ما صورتها مشيت.






    دا جزء من كافيه فى مدينة ساحلية فرنسية...كنت كل يوم الصبح اروح هناك افطر واشرب الكافيه بتاعى على صوت Edith Piaf وهى بتغنى أشهر الأغنيات الفرنسية La vie en rose
    بالرغم من أن الكافيه لا يوجد فيه أي شئ مميز, إلا انى كل مرة كنت باروحه باستشعر طعم فرنسا الحقيقي من جديد
    عبيط بأه تقولوا ايه هههههههههه
    http://www.youtube.com/watch?v=rKgcKYTStMc





    مدينة لوتسرن السويسرية, والبيوت السويسرية التقليدية على البحيرة





    عارف أنكم زهقتوا من الكوبري دا, بس فعلا عمرى ما زهقت أصوره
    تخيلوا أن دا أقدم كوبرى خشبى مغطى فى أوروبا؟ بيربط بين المانيا وسويسرا...وحاليا كوبرى مشاة فقط





    الصورة دي لمدينتى فى الشتا واخدها من الطرف الألمانى, الطرف التانى من النهر يبقى الجزء السويسري
    فاكر انى عرضتها فى المنتدى قبل كده, بس السبب اللى خلانى اعرضها تانى انى لقيت الدكتور جمال الشربيني عارض صورة للجزء السويسرى من نفس المدينة فى موضوعه الفرق مش كبير بين مصر وسويسرا

    كده يبقى شفتوا المدينة صيفا وشتاءا


    أتمنى أن المجموعة الأولى تحوز إعجابكم, ولسه المحاولات كتيييييييييييرة
    فابكوا معنا


  2. #2

    تاريخ التسجيل
    Apr 2009
    الدولة
    مصر
    المشاركات
    13,188
    الله
    صور مذهلة يا فنان..
    تعليق أولى
    ولى عودة...


  3. #3

    تاريخ التسجيل
    May 2005
    الدولة
    مصر - القاهرة
    العمر
    36
    المشاركات
    17,549

    أوكي السلام عليكم ورحمة الله وبركاته

    محاولات ,,, دى اسمها محاولات ,,, جمال التصوير ده واسمه محاولات ,,أومال لو شفت تصويرى هتسميه ايه
    بجد ماشاء الله عليك يا أحمد ,, جميل اوى ,, تعرف انى بحب أتفرج على صورك بحس ان فيها جمال وهدف من ورا الصورة ,,
    الجسر الخشب ده أول مرة اسمع عنه كان من خلالك من مواضيع ليك وده دفعنى انى اقرأ عنه واعرف كتير عنه ’’’’
    عجبتنى اوى صورة مدينة لوتسرن ,,,, بحس ان اهل البيوت دى عايشين فى هدؤء الطبيعة وده سر جمال حياتهم ,, يمكن ..!!
    حمادو ,,,,, صور جميلة وعودة اسعدتنى جداااااااا بصفة شخصية ,,
    منور بيتك ..

  4. #4

    تاريخ التسجيل
    Aug 2005
    الدولة
    مصــر
    العمر
    34
    المشاركات
    7,421
    ده على أساس ان اللي فات ده كله كان محاولات ودلوقتي بقت قديمة وحضرتك بتفرجنا الجديد
    طيب يا سيدي محاولاتك مش بطالة.. استمر استمر يمكن تنجح

    بقى الكافيه مش مميز ..مش عارفة انا بشوف ان الطراز القديم بتاعه ده أحلى حاجة فيه
    كمان المنظر حسسني بالهدوء قوي..ولا انت صورتها بدري شوية ؟

    أما صور البيوت اللي ع البحيرة دي بتتعبلي أعصابي مش حاقدر اتكلم عنها

    عارف صورة الجزء السويسري كل لما اشوفها احس اني حموت م البرد.. بس بحبها قوي
    وصورة الكوبري دي بالذات في رأيي أجمل لقطة أخدتها له

    القطة بقى حسستني بالرعب شوية ..بس عيونها جميلة سبحان الله

    يلا في انتظارك تطلع باقي المحاولات وياريتك تحاول تجدد موضوعاتك القديمة هنا في القاعة بمحاولات جديدة





    وَلـَنْ ينجبَ الزَّيفُ إلا الدَّجَلْ !

  5. #5

    تاريخ التسجيل
    Feb 2007
    الدولة
    ميونخ المانيا
    العمر
    39
    المشاركات
    3,900
    اقتباس المشاركة الأصلية كتبت بواسطة اليمامة مشاهدة المشاركة
    الله
    صور مذهلة يا فنان..
    تعليق أولى
    ولى عودة...
    أشكرك يا أفندم على الإطراء الجميل, وفى إنتظار عودتك إن شاء الله

  6. #6

    تاريخ التسجيل
    Feb 2007
    الدولة
    ميونخ المانيا
    العمر
    39
    المشاركات
    3,900
    اقتباس المشاركة الأصلية كتبت بواسطة سوما مشاهدة المشاركة
    محاولات ,,, دى اسمها محاولات ,,, جمال التصوير ده واسمه محاولات ,,أومال لو شفت تصويرى هتسميه ايه
    بجد ماشاء الله عليك يا أحمد ,, جميل اوى ,, تعرف انى بحب أتفرج على صورك بحس ان فيها جمال وهدف من ورا الصورة ,,
    الجسر الخشب ده أول مرة اسمع عنه كان من خلالك من مواضيع ليك وده دفعنى انى اقرأ عنه واعرف كتير عنه ’’’’
    عجبتنى اوى صورة مدينة لوتسرن ,,,, بحس ان اهل البيوت دى عايشين فى هدؤء الطبيعة وده سر جمال حياتهم ,, يمكن ..!!
    حمادو ,,,,, صور جميلة وعودة اسعدتنى جداااااااا بصفة شخصية ,,
    منور بيتك ..
    الله يا سوما...جميلة جدا منور بيتك دي
    أشكرك عليها حقيقي

    بس طبعا دي محاولات ليس إلا...برضه هاحتاج أكرر نفسى تانى وأقول أنكم بتشوفوا صورة واحدة للمكان فى حين انى باصور نفس المكان أكتر من 100 مرة...بخلاف إنى باصور أماكن جميلة أصلا, ودى حاجة أي شخص يقدر يعملها لو توافرت معاه كاميرا تساعده.
    إنما الفنان الحقيقي هو اللى يقدر يبرز الجمال فى أي صورة حتى لو كانت عن الحرب.

    أما بأه أهل سويسرا...الناس دي هاديين بشكل غرييييييييييييييييييييييييييييييييييب يا بنتى, فرق رهيب جدا بين أهل سويسرا وأهل المانيا
    ساعات باحس ان مرارتى هاتتفقع لما أتعامل مع حد سويسرى, بس بالرغم من كده معظم معارفى من هناك.

    سعيد جدا بردك يا سوما وأتشرف بيه دائما

    تقبلى تحياتى

  7. #7

    تاريخ التسجيل
    Apr 2006
    الدولة
    وسط الالف مئذنة
    العمر
    52
    المشاركات
    5,603
    كده ممكن اقولك حمدلله ع السلامة حمادو
    مستنين ابداعاتك بقي في باقي قاعات المنتدي
    "لا بد ان يبدأ العلم بالخرافات وبنقد الخرافات
    عندها سنتخلى عن الموروث لنحلق في افاق العلم بدون قيود"

  8. #8

    تاريخ التسجيل
    Feb 2007
    الدولة
    ميونخ المانيا
    العمر
    39
    المشاركات
    3,900
    اقتباس المشاركة الأصلية كتبت بواسطة nariman مشاهدة المشاركة
    ده على أساس ان اللي فات ده كله كان محاولات ودلوقتي بقت قديمة وحضرتك بتفرجنا الجديد
    طيب يا سيدي محاولاتك مش بطالة.. استمر استمر يمكن تنجح

    بقى الكافيه مش مميز ..مش عارفة انا بشوف ان الطراز القديم بتاعه ده أحلى حاجة فيه
    كمان المنظر حسسني بالهدوء قوي..ولا انت صورتها بدري شوية ؟

    أما صور البيوت اللي ع البحيرة دي بتتعبلي أعصابي مش حاقدر اتكلم عنها

    عارف صورة الجزء السويسري كل لما اشوفها احس اني حموت م البرد.. بس بحبها قوي
    وصورة الكوبري دي بالذات في رأيي أجمل لقطة أخدتها له

    القطة بقى حسستني بالرعب شوية ..بس عيونها جميلة سبحان الله

    يلا في انتظارك تطلع باقي المحاولات وياريتك تحاول تجدد موضوعاتك القديمة هنا في القاعة بمحاولات جديدة




    اتريقي اتريقي حضرتك على العنوان..ربنا يسامحك


    فعلا الكافيه جميل جدا, والسيدة اللى بتشتغل فيه تحسى أنها من الفرنسيات القدامي..زي المحاربين القدامى كده ههههههههههه
    وكان كل شئ فى المكان بيصرخ بفرنسيته...بصراحة كان وقت جميل جدا هناك

    إن شاء الله يا افندم نجدد كل المحاولات القديمة, والجديدة

    شرفينا بس من وقت للتانى, وأوعدك إنك إن شاء الله هاتلاقى حاجات جديدة

  9. #9

    تاريخ التسجيل
    Feb 2007
    الدولة
    ميونخ المانيا
    العمر
    39
    المشاركات
    3,900
    اقتباس المشاركة الأصلية كتبت بواسطة ابن طيبة مشاهدة المشاركة
    كده ممكن اقولك حمدلله ع السلامة حمادو
    مستنين ابداعاتك بقي في باقي قاعات المنتدي
    أستاذ معتز العزيز

    أشكرك على تواجدك الجميل, وإن شاء الله نلتقى جميعا فى ما يفيد المنتدى ويرفع من قدره

    خالص تحياتى أستاذى

  10. #10

    تاريخ التسجيل
    Feb 2007
    الدولة
    ميونخ المانيا
    العمر
    39
    المشاركات
    3,900

    بصراحة مش عارف دا إيه, اللى يعرف منكم يقول لى علشان احتارنا في تعريفه أنا وبعض أصدقائي



    من حوالى شهر تقريبا كنت فى سفرية شغل لكرواتيا
    فى الحقيقة كنت مقلق من السفرية لانى كنت متخيل كرواتيا زيها زي دول شرق أوروبا فقيرة, غير منظمة, ومعدل الجريمة فيها مرتفع
    بس اكتشفت انى كنت غلطان جدا لانى شفت بلد بالرغم من انه خارج من حرب وتقسيم حدود, وبالرغم من انه فقير
    إلا انها دولة جميلة جدا ونظيفة...بتعانى من غلاء شديد للاسعار بس مع ذلك أهلها لسه بيبتسموا, بيهتموا بنظافة بلدهم وبتجميل كل اللى تشوفه عنيهم

    الصورة دي فى كرواتيا لمدينة اسمها كرك عاصمة جزيرة كرك أكبر جزر البحر الادرياتيكي المتفرع من البحر المتوسط على ايدك الشمال وانت رايح العباسية فى اتوبيس 32



    مش عارف ليه باقف دايما عند الأبواب والشبابيك وأسرح...ياترى ايه القصص والحكايات اللى ورا الباب والشباك
    ياترى الناس جوا سعيدة؟






    امستردام...المدينة دي بحبها بشكل عنيف ودايما باحس فيها بالروقان
    يمكن علشان المخدرات هناك مسموح بتداولها؟
    ههههههههه

صفحة 1 من 7 123 ... الأخيرةالأخيرة

المواضيع المتشابهه

  1. محاولات إحياء المسرح العراقي
    بواسطة رويتر في المنتدى الأخبار اليومية
    مشاركات: 0
    آخر مشاركة: 18-02-2012, 05:20 PM
  2. قمة المناخ: محاولات للاتفاق على بروتوكول كيوتو
    بواسطة رويتر في المنتدى الأخبار اليومية
    مشاركات: 0
    آخر مشاركة: 28-11-2011, 04:40 PM
  3. محاولات ايرانية لرأب الصدع مع البحرين
    بواسطة رويتر في المنتدى الأخبار اليومية
    مشاركات: 0
    آخر مشاركة: 24-02-2009, 01:30 PM
  4. محاولات لتخريب الشخصية المصرية
    بواسطة محمد عبد المجيد في المنتدى قاعة القضايا السياسية
    مشاركات: 1
    آخر مشاركة: 15-05-2007, 10:19 AM
  5. لمعرفة إذا ما كان هناك محاولات لاختراق جهازك
    بواسطة milly في المنتدى قاعة الكمبيوتر والبرامج
    مشاركات: 4
    آخر مشاركة: 10-05-2003, 08:52 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك