النتائج 1 إلى 9 من 9

الموضوع: هو احنا فعلا ممكن نتغير؟؟!

  1. #1

    تاريخ التسجيل
    Feb 2008
    الدولة
    MCV MerCeDieS
    العمر
    32
    المشاركات
    7,096

    هو احنا فعلا ممكن نتغير؟؟!


    السلام عليكم ورحمة الله وبركاته

    انبارح الواحد عمال يتابع اللى بيحصل فى البلد سواء مقتل خالد سعيد والبروباجندا اللى استغلها البعض فى وفاته او فى تعامل النظام المعتاد او فى قانون التأمينات الاجتماعية والمعاشات اللى اتطبخ فى ساعة ولا العشوائيات و نظام التعليم فى مصر ومياه الشرب والنيل وسرقة الاراضى والتلوث . من الاخر مشاكل البلد ما تتعدش ودا اللى احنا فيها من سنين طويلة اوى.

    والناس بتقول الحل فى قوله تعالى
    ( ان الله لا يغير ما بقوم حتى يغيروا ما بأنفسهم)
    فهل فعلا بالفكر والمشاعر اللى احنا فيها دى

    احنا ممكن نتغير؟؟!






    IIIIII am back



  2. #2

    تاريخ التسجيل
    Oct 2007
    الدولة
    بيتنا
    المشاركات
    1,169

    و عليك السلام و رحمة الله و بركاته ..

    أخى الكريم.. " طائر الشرق " ..

    من الممكن جداً أن يغير الإنسان نفسه .. بأن يهتم بمعرفة عيوبه أولاً .. ثم يحاول التخلص منها مع الاستعانة بالله تعالى ..
    لكن المشكلة تكمن فى تغيير الآخرين ..فمن الصعب جداً التعامل مع النفس البشرية ..
    و إذا كنت أجد صعوبة فى التعامل مع نفسى التى بين جنبىّ .. مثلاً فى السيطرة عليها عند الغضب أو إجبارها على التسامح و الصفح .. فكيف يكون ذلك مع الغير ؟ ..
    و المقصود فى الآية تغيير ما فى أنفس الجميع و ليس بعض الأفراد فقط ..
    و حتى يفكر الجميع فى إصلاح أنفسهم .. لابد من وجود ما يشجعهم على ذلك .. فكيف لمن لا يجد من حوله إلا ما يزيده إحباطاً و يأساً .. أن يبدأ بنفسه ..
    الأمر يحتاج إلى قوة إيمانية كبيرة جداً .. و لجوء بصدق للخالق .. و ذلك ما نفتقده ..

    عزيزى " طائر الشرق " ..
    أنا أحاول .. حتى أبرئ نفسى أمام الله تعالى ..

    حاول معى و لا تيأس ..

    تحياتى لك و لموضوعك القيم ..


  3. #3

    تاريخ التسجيل
    Oct 2009
    الدولة
    المنصــوره
    العمر
    35
    المشاركات
    2,828
    عايز الحق ياهيثم
    احيانا بياس ..
    من يومين كنت مع استاذ جامعي قضي في امريكا حوالي 4 سنوات او 5 سنوات
    طبعا مش هقولك قال ايه عن النظام والاحترام والحب والقيم التي يتمتع بها الشعب الامريكي
    لكن بعد ان انتهي سالته سؤال :
    يادكتور : ممكن يوم نوصل لكده
    قال : من السهل ان تبني عماره اقيم واحسن من عمارات اوربا
    لكن من الصعب ان تاتي باحترام عام كالسائد في المجتمع الامريكي

    قلت : ( اسال كل من سافرو يوما هذا السؤال ) هل مستقبل الاسلام في امريكا واوربا ؟

    قال .. نعم اذا وصلتهم صوره صحيحه ...
    ثم قال وعينيه يملؤها الامل
    بلاد امريكا الجنوبيه بالتحديد نواه خصبه جدا وقلوبهم رقيقه جدا جدا ..
    ونستطيع بقليل من الجهد استمالتهم الي الاسلام
    بل جهد اقل بكثير من الجهد المبذول لاعاده المسلمين الي الاسلام ..
    !!
    فقط نبتعد عن اسلوبنا الجاف في التعامل مع غير المسلمين ..

    قلت : مالانطباع العام عن العرب المسليمن .؟

    قال : سيئه جدا والبركه في الاعلام العربي العام ...

    ثم قال في ختام حديثه معي .. المشكله عندنا تبدا في تقبل الاخر

    لااحد يستطيع التحاور مع الاخر ..لااحد يريد سماع الاخر
    الكل يريد ان يتكلم فقط ...لكن لااحد يريد ان يسمع ...
    الكل يري نفسه هو الصح ...ولا احد علي استعداد ان يراجع افكاره ومبادئه
    وكلنا يمتلكنا الكبر اذا تبين لنا خطأ مانعتنقه من افكار .. فنظل ندافع حتي عن غير حق ...

    لذا احيانا اصاب بالياس
    احيانا يعلوني الامل
    احيانا لاادري هل سنصل يوما الي ماوصل اليه غيرنا
    كل مايدور بصدري الان

    اني فعلا مع كثيرين من ابناء جيلي
    كل منا اصبح يريد الهجره خارج مصر


    ******
    التعديل الأخير تم بواسطة محمد حسيـــن ; 26-06-2010 الساعة 04:20 PM



    انا ان قدر الاله مماتي
    لاتري الشرق يرفع الرأس بعدي

  4. #4

    تاريخ التسجيل
    Feb 2008
    الدولة
    MCV MerCeDieS
    العمر
    32
    المشاركات
    7,096
    اقتباس المشاركة الأصلية كتبت بواسطة dawdaw مشاهدة المشاركة
    و عليك السلام و رحمة الله و بركاته ..

    أخى الكريم.. " طائر الشرق " ..

    من الممكن جداً أن يغير الإنسان نفسه .. بأن يهتم بمعرفة عيوبه أولاً .. ثم يحاول التخلص منها مع الاستعانة بالله تعالى ..
    لكن المشكلة تكمن فى تغيير الآخرين ..فمن الصعب جداً التعامل مع النفس البشرية ..
    و إذا كنت أجد صعوبة فى التعامل مع نفسى التى بين جنبىّ .. مثلاً فى السيطرة عليها عند الغضب أو إجبارها على التسامح و الصفح .. فكيف يكون ذلك مع الغير ؟ ..
    و المقصود فى الآية تغيير ما فى أنفس الجميع و ليس بعض الأفراد فقط ..
    و حتى يفكر الجميع فى إصلاح أنفسهم .. لابد من وجود ما يشجعهم على ذلك .. فكيف لمن لا يجد من حوله إلا ما يزيده إحباطاً و يأساً .. أن يبدأ بنفسه ..
    الأمر يحتاج إلى قوة إيمانية كبيرة جداً .. و لجوء بصدق للخالق .. و ذلك ما نفتقده ..

    عزيزى " طائر الشرق " ..
    أنا أحاول .. حتى أبرئ نفسى أمام الله تعالى ..

    حاول معى و لا تيأس ..

    تحياتى لك و لموضوعك القيم ..
    مرحبا بيك يا استاذة دادو
    عارفة يا استاذة الواحد بيستغرب اوى من الدول المتقدمة دى , معظمها دول كانت فى الحضيض وفجأة بقت فى العلالى وقوة عظمى وليها قبضة من حديد فى العالم اقتصاديا وسياسيا زى المانيا بعد الحرب العالمية التانية او اليابان بعد الحرب وماليزيا اللى بقت غول اقتصادى فى 3 سنين .
    طب الناس دى بقت كدا ازاى ؟؟, هو احنا مش ملاحظين اننا كعرب كلنا متخلفين ومتخلفين بمعنى كلمة متخلفين عقليا عن الناس بقية الدول دى , دا احنا كعرب بقينا بنضرب فى نفسنا مش بنضرب في غيرنا ولا حتى بننظر لمستقبل امتنا الا بنظرة السواد والكآبة , طب دا احنا يا شباب معذروين وخصوصا فى مصر الحكومة ضربنا بالطوارئ وبالبطالة وبالمخدرات والاباحية والفساد وضربت جذور اليأس فى كل حتة فى المجتمع.
    طب ايه الحل يا ناس ؟ بجد والله ايه الحل ؟؟
    الواحد نفسه يتغير ويغير بلده ما حدش بيكون عايز يكون حرامى ولا عاطل لكن الناس هاتعمل ايه فعلا ؟؟
    حتى التغيير لمجرد التغيير مش قادرين عليه ولا قادرين نوصله وهمة وطموح الامة كل يوم بتقل وبتتحول لعامل هدام ضدنا ,قبل كدا كنا بنثور شهر وبقينا نثور 3 اسابيع وبقينا نقل نقل لغاية ما بقينا نثور دقيقة سماع الخبر وبعد كدا انتهى الموضوع.
    الناس دايما تقول الحل فى شباب الامة

    طب مش لما يكون شباب الامة عندهم حل لمشكلتهم اصلا.

    تحياتى ليك
    IIIIII am back



  5. #5

    تاريخ التسجيل
    Apr 2009
    الدولة
    مصر
    المشاركات
    13,188
    السلام عليكم ورحمة الله وبركاتة
    أعجبنى موضوعك جداً يا هيثم لأنه لا يطرح قضية التغيير ليس كقضية جامدة ولكنه يطرحها ببساطة ..يطرح سؤال استفهامى مشروع جداً..فعلاً شعرته تلقائى ينطوى على جانب من الحيرة ويحتاج منا للمصارحة والمكاشفة أكثر من مجرد لصق ادعاءات وكام لا يجدى ولا يفيد..
    لكن فى البداية هل تعتقد أن الناس تدرك أنهم فى حاجة إلى التغيير؟
    الإيمان بالتغيير وأن هناك واقع يحتاج بالفعل للتغيير؟؟!
    التغيير الموجه ناحية الإصلاح وما إلى ذلك يختلف عن عن التغيير فى معناه المجرد..وان كان هو تغيير فى كل الأحوال..
    ولكن التغيير الموجه هذا يعنى أنك هنا تخاطب النخبة وليس العامة..فالعامة لا تستوعب المطلوب وان حصل فهم لا يعرفون من أين يبدأوا..ومن أين يبدأ هذا التغيير؟..
    والنخبة عامة لا يكترثون حقيقة بالعامة ويتحدثون عن التغيير كشعارات وينسوا أن التغيير سيبدأ من الشعب نفسه وليس منهم..لذا فأنا أعتقد أن أى كلام لن يجدى على اعتبار أننا النخبة التى لا تكثرت تماماً بمتطلبات العامة وهذا ما يحدث حالة من الإنفصام..ومن فشل للمجتمع المدنى..ومن ثم الحالة الراهنة وهى شبه اليأس من حدوث تغيير..
    التغيير يتطلب إيمان به..وبأنه فريضة إسلامية..فالتغيير هو تفكير مستقبلى ..أليس كذلك؟ونحن لا نملك مفردات هذا التفكير ولا فرضياته لأننا لا ننظر لأبعد برغم أن الإسلام أقر التفكير المستقبلى المبنى على القوانيين الإلهية والسنة المحمدية..نحن ننتظر كل شىء لأن يأتى إلينا وأن يهطل على أدمغتنا من السماء دون التفكر فى ابتداع هذا الأمر!!
    هل تعتقد أن التغيير ينفع فى مناخ غير حر؟ لابد من توافر مناخ من الحرية يا هيثم أولاً وأراك فى مداخلتك السابقة قد تحدثت عن قانون الطوارىء والقمع ..فأى تغيير نطالب الناس به وهم مقموعين؟؟
    هذا رأيى وهو أنه لابد من توافر شىء من الحرية للتغيير ولن أقول للإبداع فى هذا التغيير حتى لا نكون طماعين ونتطلع إلى أمور شبه مستحيلة..يكفينا تغيير يمنع قانون الطوارىء وتغيير يوفر حياة شبه كريمة للمواطن وتغيير يعينه على أن يعرف أين ذهب أخيه أو أبوه أو جاره فجأة بلا رجعة (الإختفاء اياه اللى بيبقى ورا الشمس)...
    ثم الجهل..أى تغيير مع الجهل..لابد من توافر التفكير العلمى والمنهجية المدروسة حتى مع التغيير حتى لا يكون عشوائياً..
    اذن لا تغيير طالما نحن النخبة نحدث أنفسنا بعيداً عن الجمهور أو العامة..فهم بالتأكيد لن يفهموا كلامنا ولن يتوصلوا إليه..ونحن الذين نعتبر أنفسنا متعلمين ومثقفين..هل نغير ما بأنفسنا بالفعل..أم تكفينا الكتابة لهؤلاء العامة حتى يغيروا؟؟
    حتى التغيير المجرد..مثل تغيير الكنبة من جهة الشمال لليمين مثلاً..هههههههه..لم تعد الناس تقوى عليه..حالة أشبة بالموات..أو الإستسلام أو الخوف أن تنهار الكنبة التى تقف بمعجزة..فتضيع..الناس تعبت أوى..والناس ترهب التغيير بطبيعتها وخاصة الشعوب العربية ويبتعدوا عنه لأنه غير مضمون فيراهنون على الوضع الحالى فى مقابل رفض وضع آخر مطموس الملامح لا يعرفونه..ومن المعروف أنه كلما تقدم العمر بالإنسان جنح إلى الثبات والتعود على كل الأشياء التى عايشها واستسلم لها لأنه عرفها جيداً..
    قرأت ذات مرة عن أحد علماء النفس وهو يشرح الحالة بأنه فى داخلنا نحن البشر الشىء ونقيضه..يعنى مثلاً الرغبة فى الحرية تقابلها الرغبة فى الخضوع والرغبة فى التغيير تقابلها الرغبة فى الثبات ..وهذا يفسر بالفعل انصياع المئات من الناس لزعمائهم ..ولا يشترط أن يكون هذا الإنصياع ناتج من الضمير أو الدافعية نحو قيمة أو هدف أو حتى الواجب أو ضغط السلطة ولكن ربما لأن الخضوع يعطى احساس خفى بالطمأنينة والسلام والبعد عن أى مناورات ومشادات..أعتقد أن هذا حال معظم الناس إلا قليلاً من مواليد برج الجدى..ههههههه
    طيب لابد وأن هناك تفسير لهذه الحالة أيضاً..ما السر الذى يكمن فى الطمأنينة التى تأتى من وراء الخضوع؟؟ وأى راحة فى الذل؟؟
    هى فقدان الثقة يا هيثم والجهل ..والرغبة القوية فى البعد التام عن تحمل المسئولية..وهذا يعنى حالة انسلاخ عن الآخر الذى ننتمى له ..وانسلاخ عن الوطنية نفسها..
    اذن كيف ننمى المسئولية التى تعطينا الإحساس بالوطنية والجماعية والإيجابية؟؟
    هى المعرفة مرة أخرى يا هيثم...الذين لا يعلمون لا يتساوون مع الذين يعلمون ..
    ولا تغيير بلا حرية ولن يمارس بلا معرفة وبلا تعليم وحتى الحرية لن تمارس بلا معرفة..
    ولذلك فنحن غالباً لن نتغير إلا عندما نغير الأسباب..أرجو ألا أكون جنحت عن الموضوع ولكن تلك كانت وجهة نظرى على أية حال...
    أشكرك..وفى رعاية الله..


  6. #6

    تاريخ التسجيل
    Nov 2009
    الدولة
    كـوكــب تـانـى
    المشاركات
    1,267


    صباحك خير هيثم
    الحقيقه أنا ليا نظره مغايره تماما لكثيرين لكن لدى قناعه تامه بها
    الجميع ينادى بضرورة التغيير وانا معهم لكن إختلافى فى بداية نقطة التغيير
    انا أرى ان البدايه يجب أن تكون من رأس المثلث وليست قاعدته رغم أن القاعده هى الأكثريه
    ولكن مافائدة تغير الأكثريه وثبات القمه وثبات المنظومه نفسها وثبات نظامها
    أنا وأنت وغيرنا نحاول بكل طاقاتنا أن نغير ونعدل من أنفسنا ولكن وسط عدم تفعيل القوانين تضيع الحقوق
    ويبدأ فرد وراء أخر يمل من تغيير ويقول جملته المشهوره ( إشمعنه أنا يعنى هى جت علىَ ) ويعود كما كان إلا من رحم ربى
    لما يكون شاب طالع عينه فى مذاكرته عشان يتعين فى النيابه ولا فى مجال التدريس الجامعى
    ويجد وبكل سهوله شخص آخر أخذ مكانه لأنه يمتلك الواسطه التى لم يستطع الآخر إمتلاكها يبقى مين الأحق بضرورة التغيير ؟
    التغير هيثم لازم يكون من المنظومه نفسها وبعد ذلك يبدأ تغيير الأفراد
    صدقنى لو رأينا البدايه من فوق طبيعى هيحدث التغير للجميع حتى لو لم يحدث إراديا هيحصل إجباريا

    وكلى أمل أن أراه قريبا رغم أنى مقتنعه أنها أمنيه صعبة التحقيق



    تحياتى




    أنا إن قدر الإله مماتى

    لاترى الشرق يرفع الرأس بعدى



  7. #7

    تاريخ التسجيل
    Feb 2010
    الدولة
    مصر
    المشاركات
    19
    السلام عليكم
    اخى طائر الشرق

    موضوع التغيير مشكلة كبيرة خصوصا لوأقترنت بالتغيير من اجل الاصلاح
    وكل انسان هيسأل نفسه ليه أتغيير ؟
    وعشان مين أتغيير ؟ وايه هيحصل لو انا اتغيرت ؟
    يعنى بيبحث قبل اى شيئ عن النتيجة قبل البداية
    يعنى من مبدأ المكسب والخسارة
    لو اتغيير هل هيكسب اكيد الرد بيكون لو اتغير وحده والباقى ضل مافى مكاسب ملموسة
    ولو ضل مثل ما هو ايه هيخسر اكتر من خسارته الكتيرة مش كتير
    يعنى عشان يكون التغيير له فائدة ملموسة للعيان يبقى لازم يكون
    هناك صحوة الكل يتغير بنفس الحماس ولنفس الهدف الصالح العام
    وأعتقد ان موضوع العام أختفى من ثقافتنا وبقى الخاص
    ولهذا لا أعتقد اننا ممكن نتغير

    ودى

  8. #8

    تاريخ التسجيل
    Feb 2008
    الدولة
    MCV MerCeDieS
    العمر
    32
    المشاركات
    7,096
    jo
    اقتباس المشاركة الأصلية كتبت بواسطة ابــن مـصــر مشاهدة المشاركة
    عايز الحق ياهيثم

    احيانا بياس ..
    من يومين كنت مع استاذ جامعي قضي في امريكا حوالي 4 سنوات او 5 سنوات
    طبعا مش هقولك قال ايه عن النظام والاحترام والحب والقيم التي يتمتع بها الشعب الامريكي
    لكن بعد ان انتهي سالته سؤال :
    يادكتور : ممكن يوم نوصل لكده
    قال : من السهل ان تبني عماره اقيم واحسن من عمارات اوربا
    لكن من الصعب ان تاتي باحترام عام كالسائد في المجتمع الامريكي

    قلت : ( اسال كل من سافرو يوما هذا السؤال ) هل مستقبل الاسلام في امريكا واوربا ؟
    قال .. نعم اذا وصلتهم صوره صحيحه ...
    ثم قال وعينيه يملؤها الامل
    بلاد امريكا الجنوبيه بالتحديد نواه خصبه جدا وقلوبهم رقيقه جدا جدا ..
    ونستطيع بقليل من الجهد استمالتهم الي الاسلام
    بل جهد اقل بكثير من الجهد المبذول لاعاده المسلمين الي الاسلام ..
    !!
    فقط نبتعد عن اسلوبنا الجاف في التعامل مع غير المسلمين ..

    قلت : مالانطباع العام عن العرب المسليمن .؟
    قال : سيئه جدا والبركه في الاعلام العربي العام ...

    ثم قال في ختام حديثه معي .. المشكله عندنا تبدا في تقبل الاخر
    لااحد يستطيع التحاور مع الاخر ..لااحد يريد سماع الاخر
    الكل يريد ان يتكلم فقط ...لكن لااحد يريد ان يسمع ...
    الكل يري نفسه هو الصح ...ولا احد علي استعداد ان يراجع افكاره ومبادئه
    وكلنا يمتلكنا الكبر اذا تبين لنا خطأ مانعتنقه من افكار .. فنظل ندافع حتي عن غير حق ...

    لذا احيانا اصاب بالياس
    احيانا يعلوني الامل
    احيانا لاادري هل سنصل يوما الي ماوصل اليه غيرنا
    كل مايدور بصدري الان

    اني فعلا مع كثيرين من ابناء جيلي
    كل منا اصبح يريد الهجره خارج مصر



    ******
    والشعب ذنبه ايه اصلا يا محمد , والله الشعب دا لو عنده حاكم محترم ومؤسسات قايمة على النظام والحق هاتلاقى الشعب نفسه بينظبط , يا محمد وقت ما اتولدنا انا وانت كانوا بيقولوا الاخلاق مش اللى هى وكل زمن فى بلادنا العربية وفى مصر الاخلاق بتدهور اكتر واكتر ومفيش رقيب ولا حسيب يا ابنى انت مش محتاج احكيلك من جيلنا المهبب دا الشاب بره فى الدول العربية اللى جنبنا بيتجوز وهو 20 سنة واحنا هنا بنعدى اللى بيتجوز قبل التلاتين بيبقى وارث ولا سارق سريقة.
    يا ابنى احنا بنلوم على الشعب انه متجاوز فى بعض الامور وناسيين ان الحكومة القذرة اللى عندنا اول فصيل بيكسر القوانين وما بيعتدش بكلمة القانون وانت سيد العارفين يا عمنا فى حكم المحكمة فى النقاب ولا فى الشركات اللى اتباعت ولا حتى فى اللى موجودين فى السجون وليهم احكام بالبراءة.
    عارف يا محمد المشكلة بجد والله ان الناس تايهة لا عارفين التغيير المفروض يبدأ من مين ولا حتى هايبدأ منين ؟
    يا راجل دا حتى النظام مستكتر على الناس تحلم بالتغيير .
    الواحد اتخنق يا محمد .
    ربنا يهد قوتهم ويورينا فيهم يوم اسود ويجعل عبرتهم فى اولادهم ويخليهم يتحسروا على اهلهم زى ما احنا اتحسرنا على حياتنا .

    تحياتى يا ابو سعدية

    IIIIII am back



  9. #9

    تاريخ التسجيل
    Feb 2008
    الدولة
    MCV MerCeDieS
    العمر
    32
    المشاركات
    7,096
    اقتباس المشاركة الأصلية كتبت بواسطة اليمامة مشاهدة المشاركة
    السلام عليكم ورحمة الله وبركاتة

    أعجبنى موضوعك جداً يا هيثم لأنه لا يطرح قضية التغيير ليس كقضية جامدة ولكنه يطرحها ببساطة ..يطرح سؤال استفهامى مشروع جداً..فعلاً شعرته تلقائى ينطوى على جانب من الحيرة ويحتاج منا للمصارحة والمكاشفة أكثر من مجرد لصق ادعاءات وكام لا يجدى ولا يفيد..
    لكن فى البداية هل تعتقد أن الناس تدرك أنهم فى حاجة إلى التغيير؟
    الإيمان بالتغيير وأن هناك واقع يحتاج بالفعل للتغيير؟؟!
    التغيير الموجه ناحية الإصلاح وما إلى ذلك يختلف عن عن التغيير فى معناه المجرد..وان كان هو تغيير فى كل الأحوال..
    ولكن التغيير الموجه هذا يعنى أنك هنا تخاطب النخبة وليس العامة..فالعامة لا تستوعب المطلوب وان حصل فهم لا يعرفون من أين يبدأوا..ومن أين يبدأ هذا التغيير؟..
    والنخبة عامة لا يكترثون حقيقة بالعامة ويتحدثون عن التغيير كشعارات وينسوا أن التغيير سيبدأ من الشعب نفسه وليس منهم..لذا فأنا أعتقد أن أى كلام لن يجدى على اعتبار أننا النخبة التى لا تكثرت تماماً بمتطلبات العامة وهذا ما يحدث حالة من الإنفصام..ومن فشل للمجتمع المدنى..ومن ثم الحالة الراهنة وهى شبه اليأس من حدوث تغيير..
    التغيير يتطلب إيمان به..وبأنه فريضة إسلامية..فالتغيير هو تفكير مستقبلى ..أليس كذلك؟ونحن لا نملك مفردات هذا التفكير ولا فرضياته لأننا لا ننظر لأبعد برغم أن الإسلام أقر التفكير المستقبلى المبنى على القوانيين الإلهية والسنة المحمدية..نحن ننتظر كل شىء لأن يأتى إلينا وأن يهطل على أدمغتنا من السماء دون التفكر فى ابتداع هذا الأمر!!
    هل تعتقد أن التغيير ينفع فى مناخ غير حر؟ لابد من توافر مناخ من الحرية يا هيثم أولاً وأراك فى مداخلتك السابقة قد تحدثت عن قانون الطوارىء والقمع ..فأى تغيير نطالب الناس به وهم مقموعين؟؟
    هذا رأيى وهو أنه لابد من توافر شىء من الحرية للتغيير ولن أقول للإبداع فى هذا التغيير حتى لا نكون طماعين ونتطلع إلى أمور شبه مستحيلة..يكفينا تغيير يمنع قانون الطوارىء وتغيير يوفر حياة شبه كريمة للمواطن وتغيير يعينه على أن يعرف أين ذهب أخيه أو أبوه أو جاره فجأة بلا رجعة (الإختفاء اياه اللى بيبقى ورا الشمس)...
    ثم الجهل..أى تغيير مع الجهل..لابد من توافر التفكير العلمى والمنهجية المدروسة حتى مع التغيير حتى لا يكون عشوائياً..
    اذن لا تغيير طالما نحن النخبة نحدث أنفسنا بعيداً عن الجمهور أو العامة..فهم بالتأكيد لن يفهموا كلامنا ولن يتوصلوا إليه..ونحن الذين نعتبر أنفسنا متعلمين ومثقفين..هل نغير ما بأنفسنا بالفعل..أم تكفينا الكتابة لهؤلاء العامة حتى يغيروا؟؟
    حتى التغيير المجرد..مثل تغيير الكنبة من جهة الشمال لليمين مثلاً..هههههههه..لم تعد الناس تقوى عليه..حالة أشبة بالموات..أو الإستسلام أو الخوف أن تنهار الكنبة التى تقف بمعجزة..فتضيع..الناس تعبت أوى..والناس ترهب التغيير بطبيعتها وخاصة الشعوب العربية ويبتعدوا عنه لأنه غير مضمون فيراهنون على الوضع الحالى فى مقابل رفض وضع آخر مطموس الملامح لا يعرفونه..ومن المعروف أنه كلما تقدم العمر بالإنسان جنح إلى الثبات والتعود على كل الأشياء التى عايشها واستسلم لها لأنه عرفها جيداً..
    قرأت ذات مرة عن أحد علماء النفس وهو يشرح الحالة بأنه فى داخلنا نحن البشر الشىء ونقيضه..يعنى مثلاً الرغبة فى الحرية تقابلها الرغبة فى الخضوع والرغبة فى التغيير تقابلها الرغبة فى الثبات ..وهذا يفسر بالفعل انصياع المئات من الناس لزعمائهم ..ولا يشترط أن يكون هذا الإنصياع ناتج من الضمير أو الدافعية نحو قيمة أو هدف أو حتى الواجب أو ضغط السلطة ولكن ربما لأن الخضوع يعطى احساس خفى بالطمأنينة والسلام والبعد عن أى مناورات ومشادات..أعتقد أن هذا حال معظم الناس إلا قليلاً من مواليد برج الجدى..ههههههه
    طيب لابد وأن هناك تفسير لهذه الحالة أيضاً..ما السر الذى يكمن فى الطمأنينة التى تأتى من وراء الخضوع؟؟ وأى راحة فى الذل؟؟
    هى فقدان الثقة يا هيثم والجهل ..والرغبة القوية فى البعد التام عن تحمل المسئولية..وهذا يعنى حالة انسلاخ عن الآخر الذى ننتمى له ..وانسلاخ عن الوطنية نفسها..
    اذن كيف ننمى المسئولية التى تعطينا الإحساس بالوطنية والجماعية والإيجابية؟؟
    هى المعرفة مرة أخرى يا هيثم...الذين لا يعلمون لا يتساوون مع الذين يعلمون ..
    ولا تغيير بلا حرية ولن يمارس بلا معرفة وبلا تعليم وحتى الحرية لن تمارس بلا معرفة..
    ولذلك فنحن غالباً لن نتغير إلا عندما نغير الأسباب..أرجو ألا أكون جنحت عن الموضوع ولكن تلك كانت وجهة نظرى على أية حال...

    أشكرك..وفى رعاية الله..
    عارفة يا استاذة ندى
    من زمان اوى اوى اوى اتكلم فى حاجة ابقى متأكد انى مش فاهم هى ايه ولا هى حتى ليها حل ولا لاء؟؟
    المشكلة يا استاذة ندى والله هى فى الكلام اننا كشعوب بقينا كلامنجية وكل شوية يطلع لنا سيادة المشؤوم ويقولنا كلام فى اللذيذ والحياة بقى لونها بصلى واهى دقنى اهيه ان حصل حاجة من الحاجات الحلوة اللى قالها.
    التغيير اكيد هايحصل لما اسباب القرف اللى عايشينه دى تروح بلا رجعة لكن الاسباب دى هاتروح ازاى؟
    هاتروح لما النظام يغور.طب هو هايغور فى ستين مليون الف داهية ازاى؟ لما الناس تتحرك. طب هى الناس هاتتحرك ازاى وهى فى عايشة فى نفس الاسباب اللى فوق دى؟؟
    الناس عايشة فى دايرة وعمالة تلف تلف ولا عارفة حاجة فى حاجة .
    اللى فالح فيه المثقفين والنخبة اللى انتى بتتكلمى عنهم دول يا استاذة ندى هو الكلام الحلو المبعجر وتزويق الكلام بضمة وكسرة وفتحة ويا حبذا كمان لو كلمة من المعجم من ايام قيس بن الملوووووووح . لكن حل مفيش مبادرة مفيش . عمل و شغل بالايد مفيش. الحراك السياسى نفسه اللى بيحصل فى مصر دا للتغيير , شايفة النظام بيتعامل معاه ازاى؟ قبضة من نار وفبضة من حديد.
    اليأس دا كفر بنعمة الله على الانسان .بس ارجع واقول ايه الحل وانت حتى الدين اللى بيبعدك عن اليأس مش قادر تمارسه فى بيئة سليمة.
    لو روحت الجامع يقفشوك ويقولوا ارهابى . لو مارسته فى بيتك مش هاتخلص من القنوات الهابطة . لو روحت الجامعة مش هاتسلم من رذالة خلقه فيها .
    يبقى بذمتك بقى ايه الحل

    منورة يا استاذة ندى
    IIIIII am back



المواضيع المتشابهه

  1. اللي فعلا عاوز استايل احساس راقي يدخل واللي مش عاوز ممكن يدخل
    بواسطة sayed_asd70 في المنتدى قاعة تصميم المواقع
    مشاركات: 0
    آخر مشاركة: 27-10-2009, 01:55 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك