يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

النتائج 1 إلى 6 من 6

الموضوع: صفات فقدناها

  1. #1

    تاريخ التسجيل
    Apr 2009
    الدولة
    المنصورة
    العمر
    49
    المشاركات
    3,819

    صفات فقدناها

    بسم الله الرحمن الرحيم




    كم فقدنا في حياتنا من صفات


    رغم العلم والتكنولجيا والتطور إللى إحنا عايشينه

    وإللى مفروض إنه بيقرب..... الناس من بعضها

    لكن أنا شايف إننا فقدنا صفات كتيره

    تعالو نشوف مع بعض

    إيه ضاع فينا








    ( الثقه بالنفس )


    85مليون

    هو عدد شعب مصر تقريبا

    وأغلبهم عقول نضيفه فعلا لكن الثقه فى النفس إلى حد الغرور

    (( شوف غيرى فيه مليون واحد تانى ))

    ليه مش بنعرف إنك مهما كبرت فى مهنتك حتفضل صغير

    على رأى المثل

    يموت المعلم ولا يتعلم


    ليه ؟


    (الصديق الوفي )


    كان لكل واحد فينا صديق وفى بيحكى معاه كل أسراره أو كل همومه

    راح فين الصديق ده؟

    وإذا مكانش عندك الثقه فى حد تأتمنه على سرك ياترى حد حيأمنك على سر؟

    ليه ؟



    ( الحب الصادق )


    فقدناه طبعا!

    النهارده فيه موديلات جديده للحب وأسامى غريبه

    تظبيط

    صداقه

    البت بتاعتى

    لما أجيالنا إتنيلت بستين نيله من عقولها

    وأصبح الحب فى نظرها هو..... سميه الخشاب ....ومي عز الدين.... وخالد أبو النجا

    راح فين الحب الحقيقي

    إللى كان حافز للحبيب وقوه للحبيبه

    فى العلن مش فى السر

    خالد ....بنت عايزه تكلمه

    نخيلو معايا بنت عندها 10 سنين جيه فى زياره مع والدتها..... من قريه جنبنا وشافت محمد إبنى عند خالته

    قالتله تعالى ودينى لخالد عشان عايزه أقوله إنى بحبه !!!!

    خالد خجول جدا خرج بص عليها قالتله ....وحشتنى إنت إتغيرت ليه؟ شكلك تعبان

    ههههههههههههههههههههههههه

    أه يازمن العجايب

    ناديت عليها وخرجتلها ساعة ماشافتنى فوريره

    بعت خالد وراها يوصلها عشان مش تتوه

    الغريب جدا فى الموضوع إنى شوفت الحب والخجل فى عين البنت إللى عندها 10 سنين

    ليه ؟



    ( الأمان )



    ليه كل شويه نلتفت ورانا نشوف.... فيه حد بيراقبنا ولا لأ ؟

    ليه بنحيط تفسنا بمتاريس وترابيس وأقفال على كل باب وشباك؟

    ليه بندور فى تليفونات أقرب ....الناس لينا عشان نكشف خيانتهم؟

    ليه بنعمل عداوات!!!! مع اى حد جار لينا لأسباب تافهه؟

    كتير من إخواتى الأعضاء يفتكر لما كنا ننام وسايبين الشبابيك مفتوحه

    النهارده إنقرض الأمان

    ليه ؟




    ( البسمة )



    هل نسيناها ؟
    وهى التى كانت تجد طريقها دائما إلى ثغرنا؟

    الإبتسام والضحكه الصافيه النابعه من القلب

    راحت فين ؟

    كان زمان الضحك ببلاش
    النهارده بندفع فلوس علشان نحاول نضحك

    حتى مع أى نكته جديده.... بنحاول نضحك لكن.... كئننا رافضين مبدأ الضحك

    كئنه عيب أو حران أو قلبة ادب

    حد يقولك بيضحك عمال على بطال

    واحد تانى يقولك

    إيه الهيافه دى؟

    ياعم أنا هايف

    أنا حر

    إنت حتشاركنى ولا إيه؟

    راح فين الضحك الصادق مش المرسوم ؟

    ولبه بطلتا تضحك؟

    ليه ؟




    ( الأحزان )


    عندنا من الحزن كتير

    وعندنا من الهموم أكتر

    وياريت مكفينا

    الواحد فينا بيدخل بيته ...او يروح شغله يتلكك... لأى حد عشان يطلع همومه عليه

    وكأن الحد ده خالى من الهموم

    أو محدش عنده هم غيره

    جرب كده تضحك فى وش أى حد وإنت مهموم

    جرب ومش حتندم

    أنا معاك إن فيه ناس تافهه.... فى نظرك ونظر غيرك

    لكن حاول فى مره تسمع لهم

    وشوف هم مين اكبر

    كل واحد ربنا خلقه له طريقه.... بيداري بيها همومه عن غيره

    بالضحك مثلا

    بالسكون

    والوحده

    والإنطوائيه

    ورغم كل الحزن إللى فينا

    بندور على شئ يزيد احزاننا

    ليه ؟



    ( الإيثار)




    كلمة غريبة تعتقدون أنها من العصور القديمة.... معناها أن تبدي أخيك عن نفسك اسف جدا ...

    غريب المبدأ ده

    صباح الخير ياجارى إنت فى حالك وانا فى حالى

    ممكن يكون ربنا مانن عليك بنعم مش موجوده عند غيرك ولا عند أخوك

    ولو حصل وعرفت إن أخوك ربنا باعتله.... رزق ـو مصلحه حتسعده

    بتحاول بشتى الطرق تستأثر بيها إنت

    طمع وقلة دين يأخى ده الحبيب المصطفى قال

    حب لأخيك ما تحب لنفسك

    صدقت ياحبيبي يارسول الله

    وإعرف إن لا شفاعه فى الموت ولا حيله فى الرزق

    دع الخلق للخالق

    وإحمد ربك على كثير نعمه

    وإن شكرتم لأزيدنكم






    ( الروح )




    إيه ده ؟

    إنسان ألى ماشى؟

    خشيه ده ولا بنى أدم ؟

    حاجه عجيبه

    فين روحك؟

    فين الحياه إللى إنت عايشها ؟

    فين نعمة ربك ....مش باينه عليك ليه؟

    إن الله يحب أن يرى أثر نعمته على عبده

    ايوه ربنا عايز الناس كلها تشوف.... نعمة عليك

    بلاش كده يأخى

    فكها بقى


    قول




    خلى قلبك أبيض

    وروحك حلوه

    كل ما انت بالشكل ده عمر حالك ما هيتغير

    التعديل الأخير تم بواسطة أشرف المجاهد ; 16-05-2010 الساعة 09:00 PM
    شاعــــ الليل الحزين ــــن


  2. #2

    تاريخ التسجيل
    Jan 2003
    الدولة
    كوكب الأحلام والمبادىء
    المشاركات
    9,987
    بسم الله الرحمن الرحيم

    أخى الحبيب وجدى

    أولا سلمت يداك على هذا الموضوع الطيب وما فقدناه الكثير والكثير

    وثانيا تقريبا كده الموضوع ده منقول ولا ايه ؟؟ وكمان الاسم خطأ ولا ده مقصود .. ؟؟ ياريت تراجع الموضوع لن به كلمات شاكك فيها بصراحة

    وأنا فى الانتظار وفى خدمتك لتغيير أى شىء

    ولا تنس ذكر الله
    ***

    دعوة..لمقاطعة قاعات الأغانى والأفلام فى المنتدى


    قال رسول الله صلى الله عليه وسلم
    "من أكثر من الإستغفار جعل الله له من كل هم مخرجا ومن كل ضيق فرجا"


    ماسنجر ياهو/computerashraf

  3. #3

    تاريخ التسجيل
    Oct 2007
    الدولة
    بيتنا
    المشاركات
    1,169


    أخى الكريم " وجدى محمود " ..

    موضوعك جميل جداً جداً جداً .. لكن ما ينغصه بعض الأخطاء الناتجة عن السرعة فى الكتابة .. يعنى فى حروف كتير مكتوبة بدل الحروف المجاورة لها فى الكيبورد ..
    فياريت تقرأ الموضوع بعد كتابته .. أو تنوَّر النور و انت بتكتب .. لأن الأخطاء دى بتحصل معايا لما بأكتب فى الظلام معتمدة على إضاءة الشاشة فقط ..

    ربنا يبارك لك .. يا رب ..


  4. #4

    تاريخ التسجيل
    Apr 2009
    الدولة
    المنصورة
    العمر
    49
    المشاركات
    3,819
    اقتباس المشاركة الأصلية كتبت بواسطة dawdaw مشاهدة المشاركة


    أخى الكريم " وجدى محمود " ..

    موضوعك جميل جداً جداً جداً .. لكن ما ينغصه بعض الأخطاء الناتجة عن السرعة فى الكتابة .. يعنى فى حروف كتير مكتوبة بدل الحروف المجاورة لها فى الكيبورد ..
    فياريت تقرأ الموضوع بعد كتابته .. أو تنوَّر النور و انت بتكتب .. لأن الأخطاء دى بتحصل معايا لما بأكتب فى الظلام معتمدة على إضاءة الشاشة فقط ..

    ربنا يبارك لك .. يا رب ..


    بسم الله الرحمن الرحيم

    الاخت المتالقه

    داوداو

    هههههههههههههههههه

    والله مش إستعجال أبدا

    دا يمكن الموضوع ده أخد معايا وقت اكتر من كتابة 5 قصائد

    ههههههههههههههههههههههه

    أنا كلمت الأستاذ أشرف وهو حيتفضل ويصحح الأخطاء
    شاعــــ الليل الحزين ــــن


  5. #5

    تاريخ التسجيل
    Mar 2003
    الدولة
    الحرية
    المشاركات
    262
    بسم الله الرحمن الرحيم
    موضوع رائع اخى وجدى الله يبارك فيك
    وطرحته باسلوب راق وليس به اخطاء كما تقولون واتمنى ان نعيد هذه الصفات بمعانيها الجميلة
    واشكرك من كل قلبى
    أنضم لفريق مقاطعة قاعات الأغانى والأفلام فى المنتدى وأجرى على الله

    *
    فلا الطفلُ ذو عقلٍ يرق لما بها*ولا الطير ذو ريشٍ يطير فيذهبُ
    ولي ألف وجةٍ قد عرفت طريقةُ*ولكن بلا قلبٍ إلى أين أذهبُ*

  6. #6

    تاريخ التسجيل
    Apr 2009
    الدولة
    المنصورة
    العمر
    49
    المشاركات
    3,819
    بسم الله الرحمن الرحيم

    اخى الطيب

    أستاذ عبد الله

    جزاك الله كل خير على مرورك الجميل

    وردك الطيب

    كان هناك بعض الأخطاء القليله فى الحروب بسبب الكيبورد الممسوح

    ههههههههههههههههه

    وتفضل الأخ الفاضل

    اشرف المجاهد بتعديلها

    كل الشكر لحضرتك

    دمت بكل خير
    شاعــــ الليل الحزين ــــن


المواضيع المتشابهه

  1. صفات وأفعال
    بواسطة سيمفونية كاتبه في المنتدى لقاءات في حب الله
    مشاركات: 0
    آخر مشاركة: 25-04-2008, 10:43 AM
  2. من صفات قوم لوط .....
    بواسطة محمد طرباى في المنتدى لقاءات في حب الله
    مشاركات: 2
    آخر مشاركة: 10-08-2007, 12:32 AM
  3. صفات المشاهير
    بواسطة ام على في المنتدى القاعة العامة
    مشاركات: 4
    آخر مشاركة: 13-07-2006, 11:39 AM
  4. بعض صفات المنافقين
    بواسطة mmoneem في المنتدى لقاءات في حب الله
    مشاركات: 1
    آخر مشاركة: 08-03-2006, 06:24 AM
  5. صفات اهل الجنة
    بواسطة ميمة اسلام في المنتدى لقاءات في حب الله
    مشاركات: 2
    آخر مشاركة: 18-02-2006, 07:36 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك