النتائج 1 إلى 5 من 5

الموضوع: لو ده خطيبك .. تعملي إيه ؟؟

  1. #1

    تاريخ التسجيل
    Jun 2003
    الدولة
    El Mansoura
    العمر
    63
    المشاركات
    9,566

    لو ده خطيبك .. تعملي إيه ؟؟

    بسم الله الرحمن الرحيم


    الموضوع ده وصلني علي الإيميل .. بعنوان :


    حوار رومانسي ( جداً )..


    هو و هى ماشيين على الكورنيش ..
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

    الجو حار .. الشمس محرقة
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

    هي : عطشانة .

    هو : وأنا كمان.

    هي : يعنى ... عايزة اشرب!

    هو : أكيد مادام عطشانة يبقى عايزة تشربي .

    هي : المفروض –

    بما أن عندك إحساس يعنى –

    إني لما أقولك عطشانة تجيب لي حاجة ساقعة .

    هو : ومين اللي هيحاسب ؟؟

    هي : أنت طبعاً .

    هو : منين ياحسرة ..

    ماانتى عارفة الكانز وغطاه .

    هي : ماقلتش عايزة كانز ..

    كفاية إزازة مية ساقعة .

    هو : طب لو هاتجيبى اعزمينى معاكى .

    هي : يابنى أنت مابتحسش ،

    وبعدين بقالنا 3 ساعات ماشيين ،

    أنت مش ناوي تقعدنا ولا إيه؟

    هو : عندك الكورنيش كله ..

    اختاري الرصيف اللي يعجبك .

    هي : قصدي تعزمنى في مكان شاعري .

    هو : في الحر ده .. ماينفعش .

    هي : بلاش دى ..

    نأخد مركب عالكورنيش .

    هو : المراكب بتغرق اليومين دول ..

    خلينا ع البر أحسن .

    هي : بلاش المركب تعالى نأكل ترمس ..

    أظن ده رخيص .

    هو : إنتى تضمني منين إن الراجل غاسل إيده

    وغاسل الترمس

    هي : أعوذ بالله .. إنت مقفلها كده ليه ؟؟

    هو : بصراحة معييش فلوس .

    هي :يا سلام!! ..

    ماأنت كان معاك إمبارح .

    هو : إمبارح دخلت السينما مع بنت حلوة كده

    فالفلوس خلصت


    هي : بنت حلوه ؟؟!!

    وبتقولها في وشى .



    هو : أكذب عليكى يعنى .

    هي : لأ .. تحرق دمى أحسن .



    هو : أنا مش شامم ريحه شياط يعني .


    هي : يخرب بيت البرود .


    هو : برود إيه ؟؟

    ماهو الجو مولع أهو .


    هي : إنت اللي بارد .


    هو : بارد إزاى ؟؟


    دا أنا بشُر عرق .


    هي : بقولك إيه ..

    روحنى .

    هو : أروحك ؟!

    هو إنتى ماتعرفيش تروحي لوحدك .

    هي : آآآآه .. طب أنا ماشية .

    هو : ليه يا حبيبتي؟؟

    هي : حبك برص .

    هو : والله البرص بيفهم عشان حبني.

    هي : بجد كده كتير .

    هو : كتير إيه ؟؟

    هي : إرحمنى ..

    واضح إن الحر بيجى معاك بالعكس ..

    يا بارد

    هو : يعنى مصممة تمشي؟؟

    هي : أيوة وحالاً كمان .

    هو : طب استني لما نوصل آخر الشارع .

    هي : اشمعنى ؟؟

    هو : أصل أنا ساكن هناك ..

    و مايرضكيش أروح لوحدى .

    هي : لااااااااااااااااااااااا

    هو : ينفع كده ترمي نفسك في الميه

    مين هايوصلني بقى ؟؟؟

    **( لو ده خطيبك تعملى أيه ؟؟؟ ) **


    ..........................

    طبعاً زي ما شوفتوا في أول الموضوع .. إن عنوانه هو .. حوار رومانسي ( جداً ) ..

    الوقت .. بعد ما قريناه كلنا .. بقترح يكون العنوان .. حمار رومانسي ( جداً ) ..

    موافقين ؟؟

    في رعاية الله ..

    .. دوام الحال من المحال ..
    و
    ربنا كبير



  2. #2

    تاريخ التسجيل
    Feb 2007
    الدولة
    Gأ®za, Al Jizah, Egypt, Egypt
    العمر
    34
    المشاركات
    14,105

    مبتسم

    لالالا يا أستاذي

    ده انا زهقت لها

    طبعاً لو ده خطيبي

    اكيد هموت صغيره او أقتله واخد لقب متهمه بدري

    تسلم إيدك يا أستاذي

    تحياتي
    وقعت في خلق شيكا بيكا

    يشوفو الصح دايماً عيب

    لا يمكن أبقى أنتيكا !!!

    وأبيع أفكاري في الكراكيب .

    هايدى دياب



  3. #3

    تاريخ التسجيل
    Dec 2008
    الدولة
    مصرية ... دقهلاوية
    العمر
    35
    المشاركات
    10,459
    أشوفه بس

    شكرا يا بشمهندس
    مت من الضحك


    ـــــــــــــــــــــــــــــــــــــــــــــــ

    اللهم إرحم أخى وأموات المسلمين
    وأسكنهم الفردوس الأعلى
    يـارب العالميـــــن

  4. #4

    تاريخ التسجيل
    Aug 2005
    الدولة
    مصــر
    العمر
    35
    المشاركات
    7,421
    لا دي حاجة ترفع الضغط يا بشمهندس
    بلاها جواز أصلا


    وَلـَنْ ينجبَ الزَّيفُ إلا الدَّجَلْ !

  5. #5

    تاريخ التسجيل
    Jun 2003
    الدولة
    El Mansoura
    العمر
    63
    المشاركات
    9,566
    خير يا جماعة ؟؟؟؟؟؟؟؟؟؟ !!!!!!!!!!!!!!

    مالكم مسالمين كده ؟؟؟؟؟؟؟؟؟؟؟

    إللي مانا شايف حد بيقول ..

    هاقطعه و أعبيه في اكياس و اوزعه علي ال 28 محافظة !!!!!!!

    و لا حد بيقول هاوّصله بسلك كهربا ...

    لا لا لا لا ...

    مفيش واحدة عايزة تضحي عشان مايكونش من نصيب حد تاني ؟؟؟

    لا لا لا ...

    مكنش العشم .. !!!

    .. دوام الحال من المحال ..
    و
    ربنا كبير



المواضيع المتشابهه

  1. تعلمي رسم وتنظيف اظافرك
    بواسطة أميرةعزمي في المنتدى قاعة الأسرة
    مشاركات: 3
    آخر مشاركة: 03-04-2012, 06:26 AM
  2. تعلمى التريكو من غير إبر
    بواسطة رحمة في المنتدى قاعة الأسرة
    مشاركات: 8
    آخر مشاركة: 06-05-2008, 01:32 AM
  3. لو عايزه تطفشى خطيبك تعملى ايه
    بواسطة bascouta في المنتدى قاعة فك التكشيرة
    مشاركات: 25
    آخر مشاركة: 14-05-2007, 05:36 PM
  4. خطيبك هل هو زوجك المناسب؟
    بواسطة نوسة في المنتدى قاعة الأسرة
    مشاركات: 0
    آخر مشاركة: 07-12-2006, 03:01 PM
  5. اختبرى خطيبك قبل ما يفوت الأوان وتندمى
    بواسطة اسيا في المنتدى قاعة الأسرة
    مشاركات: 2
    آخر مشاركة: 06-04-2005, 11:38 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك