النتائج 1 إلى 3 من 3

الموضوع: طالت ليالى الظلم .. نداء عاجل عاجل ياامة العرب

  1. #1

    تاريخ التسجيل
    Feb 2004
    الدولة
    المنيا
    العمر
    53
    المشاركات
    15

    طالت ليالى الظلم .. نداء عاجل عاجل ياامة العرب





    طالت ليالى الظلم

    طالت ليالى الظلم
    واحنا الجانيين
    احنا اللى ضيعنا المبادىء والقيم
    بعنا الشرف والدين
    شبت نيران الدنيا حرقت كل شىء
    اخضر مع يابس قضت
    مع مخلصين
    طالت ليالى الظلم واحنا الجانيينت
    ***
    وانت المرابط يافتا
    ع الجمر قابض والقضا
    كان القدر ظالمين
    تنده لمين .. وتقول يامين
    غير وحده رب العالمين
    وايه اللى باقى من الدفاتر
    والجرايد والمجلات والكتب
    ياموحدين
    طالت ليالى الظلم واحنا الجانيين
    ***
    والارض دى مش ارضنا

    ولا عمره داكان عرضنا
    دوس بالقدم .. من غير ندم
    من غير خبر ولا حس موت
    فى دمار ورجس وغطرسه
    اللى جنا عليك ارتشا
    اهو قام قسا عليك واحتسا
    كاس مرتشين
    طالت ليالى الظلم واحنا الجانيين
    ***
    والارض ارض السافلين
    اللى باعوها بعهرهم
    واللى داسوها برجلهم
    واللى ماعدشى يهمهم
    حبة كلاب ومنافقين
    طالت ليالى الظلم واحنا الجانيين
    ****
    وانت الجواب فى الاغتراب
    انت القرار والحق غاب
    انت الفرار مالهوش ثواب
    انت المدار اهو صار ضباب
    والاحتكار له الف باب
    والانشطار
    والانفطار
    تلاقيه منين
    طالت ليالى الظلم واحنا الجانيين
    ***
    تسأل يجيك الرد اكوام اسأله
    تنده تموت تنصد من غير معضله
    مالهم ومال الحق
    بتقودهم مره
    فياهلترى
    وياهلترى
    وياهلترى
    نفضل نطاطى الروس
    لحد المقصله
    على يد مين حانبوس
    ونرجع للورى
    العرف عرف جاموس
    والحق انبرى
    ياموحدين
    طالت ليالى الظلم
    واحنا الجانيين
    ***
    واللى طلع بيدوس
    على عنقنا
    بايدينا فوق الروس
    نوليه امرنا
    واللقمه حاف بتغوص
    فى انهار مرنا
    الحلم مش فى غموس
    الحلم اننا
    ناخد عبر ودروس
    من زلنا
    صاحب الضلال مرعوش
    مش مننا
    احنا فى عرفه ناموس
    بخسف بنا
    الارض تبقى نعوش
    وتضمنا
    خوف العميل لتحوش
    ام الدنا
    عنه الحصانه تبوش
    ويخشنا
    وف ثانيه يبقى مالوش
    شىء زيينا
    ياموحدين:-
    طالت ليالى الظلم
    واحنا الجانيين
    ***
    ماتطولش ليه وتطول
    وتقعد وسطنا
    طول ما العميل مسطول
    وكاتم حسنا
    طول مااللى كدبه ماليه
    ولاغى صدقنا
    هذا الذى بيقول
    ماهوش مننا
    فى الارض داطرطور
    ماهوش من هنا
    حارس هدف وميول
    لغير عرفنا
    ولايعرف المسطول
    صاحب الانا
    انى اللى به مبهور
    وبه مغرور
    فى يوم حايغور
    ويركع لنا
    ساعتها ياكله الغول
    يضيع فى الفنا
    ياموحدين
    طالت ليالى الظلم
    واحنا الجانيين
    ***
    ضعنا ببلاش فى اساس
    مالهش اساس
    والحظ ليه ننكبه
    مادام هزاز
    والدنيا مين قالها
    تصلبنا فى البرواز
    دنيا ودا عرفها
    لناس اوباش
    دول يعبدوها سنين
    ***
    طالت برضوا
    ومش حاتطول
    مهما انفاسنا تخش اقفاصنا
    راح نطلقها ونطلع فوق
    مهما حمول حاتدوس على روسنا
    برضوا نشيلها نفك الطوق
    لازم نرجع تانى لفوق
    يصبح لينا اهداف وميول
    ***
    ارض اجدادنا حانطهرها
    برضوا ارجاسنا .. حاندمرها
    مين كان حاشنا
    ومين يأمرها
    كل بنايه مش بايدينا
    كل غمامه تحط علينا
    كل ضلال كان عاش وسطينا
    مش حايحقق تانى ميول
    طالت برضوا ومش حاتطول
    اما حياه بكرامه وعزه
    ونصر ومجد بفخر وعزه
    اما الموت الموت الموت
    لجل مابرضوا العزه تعيش
    غير الارض العرض مافيش
    غيرهم تانى راح مااساويش
    اصل انا غيرهم ليا مافيش
    اى اهداف واحلام وميول
    طالت برضوا ومش حاتطول
    ***
    خلوا عزيمة القوه مدافع
    عيش طول عمرك للراس رافع
    واوعه فى يوم تصبح مش نافع
    دافع .. مهما يطول الظلم
    دافع .. لو كان صعب الحلم
    دافع .. بكره حايصبح علم
    دافع .. واوعه تدافع عن جانيين
    دافع .. زى صلاح الدين
    دافع زى عمر ومحمد
    زى على وحمزه وعبدالله
    زى ابو بكر وناس تانيين
    خش طابور الفدائيين
    دافع .. واسكن عليين
    قول لنداء الحق امين
    دافع يابن العزه القدره
    جاى اساسا مش للهتره
    دافع .. لجل الدين والستره
    خلى القدس وبغداد تانى
    يرجعوا لينا منتصريين
    رجع امجاد بدر الفتح
    والقادسيه اكتوبر خيبر
    عيشوا بروح امجاد حطين
    لازم ربك ينصر دينه
    وايه راح تسوى
    امريكا اوربا
    بوش وبلير مع زفت الطين
    مهما اتحدوا مع الشياطين
    بكره الدم يصير براكين
    راح نطعمهم
    راح نسقيهم
    من انهار قطران غسلين
    طالت واحنا اكيد راجعين
    طالت بالايمان قادرين
    لازم نصبح متحدين
    والله اكبر ع الطامعين
    الله اكبر ع الجانيين
    الله اكبر ع الخارجين
    الله اكبر
    الله اكبر
    الله اكبر
    اللهم ما انصرنا امين
    اللهم ما انصرنا امين
    اللهم ما انصرنا امكين
    انا لما حبيتك .. ماكنتش حسن
    ولا يوم من الايام .. حاكون درويش
    فاصحى بقا من النوم
    شيلى الرتوش

  2. #2
    كريم يونس زائر غير مسجل
    الله الله اخى الشاعر الهمام محمد عبدالقوي حس

    كلماتك تدخل الى القلوب دون استئذان

    سلمت شاعريتك وادامك الله قلما مبدعا

    والى المزيد من التقدم والابداع

    لك مني كل الحب والاعجاب

    انحني امام كلماتك الجميله

    بوركت من شاعر فذ

    تحياتي

  3. #3

    تاريخ التسجيل
    Feb 2004
    الدولة
    المنيا
    العمر
    53
    المشاركات
    15
    الزميل الشاعر

    كريم يونس

    اعجبتنى كلماتك النيرات

    ودمت بكل حب لى

    وشكرا على ردك الرقيق مثلك
    دمت لى
    انا لما حبيتك .. ماكنتش حسن
    ولا يوم من الايام .. حاكون درويش
    فاصحى بقا من النوم
    شيلى الرتوش

المواضيع المتشابهه

  1. نحن المحتاجون فهل من مجيب عاجل عاجل عاجل اعيثونا ولو بكلمه
    بواسطة الراشـد في المنتدى لقاءات في حب الله
    مشاركات: 0
    آخر مشاركة: 03-07-2007, 06:32 PM
  2. نداء عاجل
    بواسطة khaled2000 في المنتدى قاعة الصحة
    مشاركات: 2
    آخر مشاركة: 08-03-2007, 12:33 PM
  3. عاجل عاجل عاجل عاجل وضروري ومهم ......
    بواسطة بتول في المنتدى قاعة رأيك يهمني
    مشاركات: 7
    آخر مشاركة: 31-08-2004, 11:38 PM
  4. نداء عاجل إلى مصر
    بواسطة التونسي في المنتدى قاعة المناقشات
    مشاركات: 13
    آخر مشاركة: 29-04-2004, 02:55 PM
  5. عاجل في مصر (نداء)
    بواسطة heba في المنتدى قاعة الصحة
    مشاركات: 5
    آخر مشاركة: 13-06-2003, 01:29 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك