يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 5 123 ... الأخيرةالأخيرة
النتائج 1 إلى 10 من 45

الموضوع: أكلاتنا المصرية القديمة

  1. #1

    تاريخ التسجيل
    Apr 2005
    الدولة
    -------
    المشاركات
    8,676

    أكلاتنا المصرية القديمة





    المطبخ المصري غني جدا بأكلاته الشهيرة والمعروفة من زمان جدا
    واللي مهما الواحد سافر واتعلم اصناف جديدة من الاكل لازم يحن للاكل المصري القديم
    الملف هنا هيكون عبارة عن تجميع لبعض اصناف الاكل المصري
    وطرق اعداده ولو امكن صور من تصويرنا الشخصي لهذه الاكلات المصرية
    الملف هيكون خاص بتقديم الاعضاء لوصفاتهم الخاصة وخطواتهم المتبعة
    وليس مجرد نقل للوصفات من مواقع اخري
    فكلنا يعرف الوصفات والبحث الان علي النت يسهل الحصول علي كل شئ
    لكن الجميل ان الوصفات هنا هتكون من صنع ايدينا فقط
    ولو امكن ان يكون هناك صورة خاصة مصورة ايضا من مطبخنا هيكون اجمل
    الموضوع مفتوح للجميع لوضع الاصناف المصرية الجميلة الشهية
    حتي وان تكررت الوصفات فيمكن يكون هناك تنوع او اختلاف في طرق الاعداد والتقديم

    المطلوب من كل عضو هيشارك معانا انه يذكر اسم الاكلة
    المقادير
    خطوات العمل
    واضافة صورة من تصويره الشخصي
    سواءا اثناء الاعداد او عند التقديم
    او حتي لو امكن الخطوات مصورة

    في انتظار مشاركتكم في مطبخنا المصري الشهي
    دمتم اعزائي بكل خير


    التعديل الأخير تم بواسطة قلب مصر ; 25-12-2009 الساعة 11:59 AM سبب آخر: إضافة شعار حورس 2009

  2. #2

    تاريخ التسجيل
    Apr 2005
    الدولة
    -------
    المشاركات
    8,676


    الكشري المصري

    المقادير

    1كوب عدس بجبة (العدس الاسمر)
    2 كوب أرز
    يعني العدس نصف كمية الارز
    1 كوب مكرونة صغيرة وممكن كمان مكرونة اسباجيتي بستخدم النوعين سوا
    نصف كوب شعرية
    نصف كوب حمص شامي
    4 بصلة كبيرة
    3 الي 4 معالق صلصة طماطم (الطماطم طبعا احلي بس مش متوفرة عندي)
    اللي بيستخدم الطماطم الفريش ممكن يعمل كوبايتن عصير طماطم
    بس يزود معلقة صلصة عشان بتدي لون حلو للصلصة بعد ما تستوي
    3 الي 4 فصوص ثوم مدقوقين
    خل و ملح و كمون
    وطبعا ملح وفلفل اسود




    الطريقة:

    - بغسل العدس كويس اويف(افتكر ماما في مصر كانت بتغسله وتنسيبه ينشف عشان تعرف تنقيه كويس)
    بس طبعا اللي بيشتري عدس نضيف مش هيحتاج خطوة التنقية دي
    - نقطع البصل شرايح رقيقة جدا (في ناس بتقطع مكعبات صغيرة اوي) ونحمره في زيت لغاية ما يتحول لونه الي البني الفاتح وما نسيبوش لغاية لما يتحرق
    نصفي البصل من الزيت عشان ما يشربش زيت كتير ونطلعه في مصفاة او علي ورق ناشف لنزع الزيت تماما منه
    - في نفس الحلة ومكان ما شيلنا البصل نسلق العدس بس لا نتركه يستوي اوي يعني ونضيف في مية السلق شوية ملح وشوية كمون صغيرين
    -نكون جهزنا كمية الرز وغسلناها كويس ونضيفها علي العدس في نفس الحلة وما نصفيش مية العدس عشان هي دي اللي بتدي له اللون المميز للكشري
    -ونقلبهم كويس في بعض ونزود مية علي حسب كمية الرز وناخد بالنا من المعيار كويس ولو في مية متبقة من سلق العدس اصلا ونملح كويس ونسيبه لغاية ما يتشرب المية ونوطي عليه ولو في شياطة نحطها تحته
    نحمر الشعرية في شوية زيت صغيرين ونضيفهم علي الارز والعدس ونسيبهم يستووا سوا
    في حلة تانية نسلق المكرونة ونصفيها من المية ووممكن نشوحها في شوية زيت عشان تدي لها لون وطعم
    وفي حلة تانية نسلق الحمص او لو متوفر الحمص المعلب نغسله كويس ونجهزه ونصفيه في الحالتين


    - لتحضير الصلصة :
    نحمر التوم في شوية زيت وبعدين نضيف عليه عصير الطماطم او معجون الطماطم+ كوباية مية ونسيبه لغاية ما يتسبك ونملحها كويس وما نخليهاش لا تقيلة ولا خفيفة يعني بنتحكم في سمكها


    - لتحضير الدقة :
    نجيب قرن فلفل وشوية شطة و نضيف لها خل و ملح و كمون و فصين توم مدقوق و ماء ونضربهم كويس في الخلاط ونعبيهم في زجاجة وهي دي تبقي الدقة

    طريقة التقديم:
    - نضع الكشري (الأرز بالعدس والشعرية )ثم المكرونة ثم التقلية (البصل المحمر) ثم الحمص
    و يقدم بجواره الصلصة و الدقة
    وبألف هنا وشفا


    ودي صورة طبق الكشري من مطبخي الخاص
    الصور المرفقة الصور المرفقة

  3. #3

    تاريخ التسجيل
    Apr 2008
    الدولة
    بين آلاف من الجدران مكتوب عليها غربة
    المشاركات
    3,555
    أختي العزيزة أم أحمد ... ازيك يا شيف هانم

    فكرة موضوعك تحفة فعلاً - والأجمل انها هتكون هاند ميد

    الكشري يجنن - بألف هنا وشفا على قلبك وقلب أحمد وباباه - ربنا يخليهملك ...


    عايز أشوف ابن اختي لو سمحتي - أو تعملي أبجريد للموضوع وشروطه وتقولي اللي ينزل أكله يصورها ويصور أي حد أكل منها - ويوضح الصورة قبل وبعد الأكلة


    تسلم ايدك ومواضيعك - وإن شاء الله هنزل أكله تحفه وبسيطه قوي وبحبها جدا - بس محدش يتريق بقا


    مدين بالشكر ...

  4. #4

    تاريخ التسجيل
    Nov 2007
    الدولة
    جسدُ فى أم القرى و قلبُ فى أم الدنيا
    العمر
    49
    المشاركات
    951
    تسلم إيديكى يا أم أحمد بس جوعتينى قوى
    وحشنى الكشرى و الله من زمان ما أكلتوش
    بس كده عرفت الطريقة و إن شاء الله هاجربها



    البرادعى

    كمن أشعل مصباحاً فى مدخل الكهف
    فهاجمته جميع الخفافيش


  5. #5

    تاريخ التسجيل
    May 2004
    الدولة
    القاهرة
    العمر
    47
    المشاركات
    8,981
    يام يام يام

    شكل الطبق يفتح النفس يا سمسمة

    جوعتيني ههههههههههه تصدقي بقى لي كتير مش أكلت كشري اصلا

    تسلم إيديكي يا قمر هروح احضر لي اكلة حلوة و ارجعلك اشارك بها ان شاء الله

    في رعاية الله ،،،


    يارب إن كان إدراك الحكمة صعباً.. فاجعل برحمتك الصبر والرضا سهلاً.

    على الطريــق

  6. #6

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة العسل المر مشاهدة المشاركة
    أختي العزيزة أم أحمد ... ازيك يا شيف هانم

    فكرة موضوعك تحفة فعلاً - والأجمل انها هتكون هاند ميد

    الكشري يجنن - بألف هنا وشفا على قلبك وقلب أحمد وباباه - ربنا يخليهملك ...


    عايز أشوف ابن اختي لو سمحتي - أو تعملي أبجريد للموضوع وشروطه وتقولي اللي ينزل أكله يصورها ويصور أي حد أكل منها - ويوضح الصورة قبل وبعد الأكلة


    تسلم ايدك ومواضيعك - وإن شاء الله هنزل أكله تحفه وبسيطه قوي وبحبها جدا - بس محدش يتريق بقا


    مدين بالشكر ...
    أهلا أهلا يا عبد الرحيم
    نورت مطبخي المتواضع
    سعيدة اوي ان الكشري عجبك وطبعا المميز هنا انه صنع ايديا وتصويري الخاص
    هو انت ما شوفتش صورة احمد قبل كده؟؟؟
    دي كانت الصورة الرمزية بتاعتي فترة طويلة اوي
    المرة الجاية ابقي اصور احمد مع الطبق هههههههههههه
    في انتظار الاكلة بتاعتك وما تخافش مش هنتريق عليها
    بس مش تتأخر علينا
    خليك هنا علي طول

  7. #7

    تاريخ التسجيل
    Apr 2006
    الدولة
    any street
    المشاركات
    1,914
    العزيزه ام احمد
    تحيه تقدير لفكرة الموضوع لتجميع تراث غذائى منهوب فعلا
    تصورى الطعميه اصبح يتنازع ملكيتها الفكرية معانا بلاد تانيه ؟؟؟
    تلاقى سوريا تقول بتاعتنا والسودان تقول وتركيا تقول
    مع انهم ماعندهمش تريقه غير على الفول المصرى واصل الطعميه والبصارة والنابت
    تحيه مره تانيه للفكره الجميله
    صباح الفل

    البحار الهادئه لا تصنع بحارا ماهرا

  8. #8
    الصورة الرمزية نشــــوى
    نشــــوى غير متواجد حالياً من ترك شيئا لله ابدله الله خيرا منه

    تاريخ التسجيل
    Jul 2007
    الدولة
    مصر..الاسماعيلية
    العمر
    33
    المشاركات
    2,347
    حلوة فكرة الموضوع .. وشكل الكشري ماشاء الله هاااااااايل

    انا هتباع بس من بعيد .. للاسف مش هقدر افيدكم خالص

    بجد موضوع جميل.. تسلم لنا افكارك يا ام احمد

  9. #9

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة nefer مشاهدة المشاركة
    تسلم إيديكى يا أم أحمد بس جوعتينى قوى
    وحشنى الكشرى و الله من زمان ما أكلتوش
    بس كده عرفت الطريقة و إن شاء الله هاجربها

    أهلا اهلا يا دكتور
    اتفضل الطبق كله بألف هنا وشفا
    جرب كمية صغيرة وان شاء الله هيظبط معاك
    هو مفيش عندكم كشري في السعودية؟؟؟
    مش حضرتك مقيم في السعودية برضه ولا اييييييه

    نورتني يا دكتور واسعدني حضورك الطيب

  10. #10

    تاريخ التسجيل
    Apr 2005
    الدولة
    -------
    المشاركات
    8,676
    اقتباس المشاركة الأصلية كتبت بواسطة boukybouky مشاهدة المشاركة
    يام يام يام

    شكل الطبق يفتح النفس يا سمسمة

    جوعتيني ههههههههههه تصدقي بقى لي كتير مش أكلت كشري اصلا

    تسلم إيديكي يا قمر هروح احضر لي اكلة حلوة و ارجعلك اشارك بها ان شاء الله

    في رعاية الله ،،،
    بوكي الجميلة
    اتفضلي يا حبيبتي بألف هنا وشفا
    انا كنت بكسل اعمله وكنت بخاف من النتيجة
    بس بجد الخطوات سهلة وسريعة
    مستنية تيجي تاني باكلاتك الجميلة
    نورتي يا حبيبتي

صفحة 1 من 5 123 ... الأخيرةالأخيرة

المواضيع المتشابهه

  1. مشاركات: 2
    آخر مشاركة: 27-02-2012, 04:05 AM
  2. اكتشاف معبد للالهة المصرية القديمة "باستيت"
    بواسطة رويتر في المنتدى الأخبار اليومية
    مشاركات: 0
    آخر مشاركة: 20-01-2010, 04:50 AM
  3. المدن المصرية القديمة (الفرعونية)
    بواسطة جوليا في المنتدى قاعة التاريخ
    مشاركات: 11
    آخر مشاركة: 28-09-2009, 01:49 AM
  4. ~*¤ô§[ من أسرار الحضارة المصرية القديمة .... والحديثة ]§ô¤*~
    بواسطة عـزالديـن في المنتدى قاعة القضايا السياسية
    مشاركات: 10
    آخر مشاركة: 27-12-2006, 07:54 PM
  5. الكاتب المصرى رمز الحضارة المصرية القديمة
    بواسطة قلب مصر في المنتدى قاعة التاريخ
    مشاركات: 6
    آخر مشاركة: 27-07-2006, 02:08 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك